🇦🇿🇹🇷 İlham Əliyev və Ərdoğan arasında telefon danışığı olub

Dövlətimizin başçısı Türkiyədə keçirilən prezident və parlament seçkilərində səs çoxluğu qazanması münasibətilə Prezident Ərdoğanı və Cümhur İttifaqını təbrik edib.

İlham Əliyev qeyd edib ki, Ərdoğanın rəhbərliyi altında Türkiyə Respublikası böyük inkişaf yolu keçib və bunun təzahürü olaraq qardaş Türk xalqı öz liderinə bu seçkilərdə də etimad göstərib.

Telefon söhbəti zamanı dövlət başçıları iki ölkə arasında dostluq və qardaşlıq münasibətlərinin daimi və sarsılmaz olduğunu bir daha qeyd ediblər.

🇹🇷📊 Ərdoğan böyük fərqlə irəlidə olduğunu deyib

O, əsas rəqibini 2 milyon 600 min səslə geridə qoyduğunu da açıqlayıb: “Seçkiləri birinci turda bitirəcəyimizə inanırıq”.

Ərdoğan qeyd edib ki, Türkiyə bu seçkilər ilə dünyada bənzəri olmayan demokratiya və milli iradə nümunəsi göstərib.

🇹🇷 Ərdoğan Ankarada tərəfdarları qarşısında çıxışına Cengiz Kurtoğlunun və Hakan Altunun məşhur "Duyanlara duymayanlara" mahnısından misralar ifa edərək başlayıb...

Türk Dövlətləri, Azərbaycan, Qarabağ səni çox sevir, cənab Ərdoğan!

🇹🇷 Böyük işlər və “Z” məntiqi – Vüsal Məmmədovun yazısı
❗️ABŞ-da keçirilən seçkilərdə Buş da, Tramp da rəqiblərindən az səs topladıqları halda, qalib gəlmişdilər. Çünki orada demokratiyadır. Türkiyədə keçirilən seçkidə Ərdoğan rəqibindən çox səs topladığı halda, qalib elan olunmur. Çünki “avtoritar”dır. Qəribə paradoksdur...
👉 https://azvision.az/news/327282

🇹🇷🇦🇿 Azərbaycanda yaşayan Türkiyə vətəndaşlarının səsverməsinin nəticələri məlum olub.

Ölkəmizdə 15 məntəqədə keçirilən seçkilərdə seçicilərin:

▪️ Rəcəb Tayyib Ərdoğan - 49,42% (3 642 səs)

▪️ Kemal Kılıçdaroğlu - 41,92 % (2 768 səs),

▪️ Sinan Oğan - 6,42% (424 səs)

▪️ Muharrem İnce - 2,24 % (148 səs)

📰🗞️ Bu gün nələr gözlənilir?

🇬🇪 Gürcüstan Parlamentinin sədri Şalva Papuaşvili bu gün Azərbaycana səfər edəcək. Ş.Papuaşvili səfər çərçivəsində Ulu Öndər Heydər Əliyevin 100 illik yubiley tədbirlərində iştirak edəcək. Gürcüstan parlament sədrinin həmçinin Bakıda bir sıra görüşləri də nəzərdə tutulub.

🛩️ Çin hökumətinin Avrasiya məsələləri üzrə xüsusi nümayəndəsi Li Huey Ukrayna böhranının siyasi həllini bütün tərəflərlə müzakirə etmək üçün Ukrayna, Polşa, Fransa, Almaniya və Rusiya da daxil olmaqla beş ölkəyə səfər edəcək.

🪪 Rusiya bu gündən etibarən Gürcüstan vətəndaşları üçün viza rejimini ləğv edir. Həmçinin, Rusiya aviaşirkətləri üçün Gürcüstana uçuşlar üzrə qadağalar aradan qaldırılıb. Xatırladaq ki, Rusiyadan Gürcüstana birbaşa uçuşlar 2019-cu ildə dayandırılıb.

🇮🇷 İran XİN sözçüsü Türkiyədəki seçkilərlə bağlı:

“Bazar günü keçirilən prezident və parlament seçkilərində Türkiyə xalqının yüksək səviyyədə iştirakı və onun uğurla keçirilməsi bu qonşu müsəlman ölkəsində demokratiyanın qələbəsindən xəbər verir.

Xalqı, seçki təşkilatçılarını, liderləri və siyasi partiyaları bu qələbə münasibətilə təbrik edirik və onlara ən xoş aqibət arzulayırıq”.

🖍️ Türkiyədə seçkilərdə 1 milyon 363 min 143 səs etibarsız sayıldı.

Bu səs miqdarı orta hesabla 2,5% edir.

🇰🇬 Qırğızıstan parlamentinin spikeri Nurlanbek Şakievin başçılıq etdiyi parlament nümayəndə heyəti Azərbaycana səfər edib.

🇹🇷📊 Bütün dünyanın gözü hazırda Türkiyədədir

Seçkinin ilkin nəticələrinə əsasən heç bir namizəd böyük fərqlə səs toplamayıb. İşin birinci turda bitməsi ehtimalı olmadığı üçün ikinci tura gediləcək.

Ərdoğan ilk turu 49.4%-lə öndə tamamlayarsa, ikinci turda qələbə ehtimalı yüksək olacaq.

© Azvision.az

🇦🇿 Ərəb Parlamentinin prezidenti Adel bin Əbdulrəhman əl-Asumi Azərbaycan Prezidenti İlham Əliyevə xatirə hədiyyəsi təqdim edib.

🇷🇺💥 Moskvada ticarət mərkəzində partlayış baş verib

🇷🇺🗣️ Dmitri Peskov: Kreml Türkiyədəki səsverməni diqqətlə izləyir

"Rusiya türk xalqının seçiminə hörmətlə yanaşacaq və Moskva ilə Ankara arasında əməkdaşlığın daha da genişlənməsinə ümid bəsləyir", - Rusiya liderinin sözçüsü əlavə edib.