🇦🇲 Ermənistan Müdafiə Nazirliyi: “Hazırda Ermənistan tərəfdən üç yaralı var”

📰🗞️ Bu gün nələr gözlənilir?

🇦🇿 Azərbaycan müdafiə naziri general-polkovnik Zakir Həsənov Türkiyəyə səfər edəcək.

🎼 Şuşada keçirilən “Xarıbülbül” beynəlxalq musiqi festivalı bu gün başa çatır.

🎙️ "Avroviziya-2023" mahnı müsabiqəsinin ikinci yarımfinalı keçiriləcək. Qeyd edək ki, Azərbaycan finala keçə bilməyib. Final isə mayın 13-də baş tutacaq.

📇 2023-2024-cü tədris ili üzrə ümumi təhsil müəssisələrinin birinci siniflərinə şagird qəbuluna start veriləcək. Qəbul prosesi mektebeqebul.edu.az elektron portalı vasitəsilə aparılacaq.

🇹🇷 Milli Məclisin bir qrup deputatı prezident və parlament seçkilərini müşahidə etmək üçün bu gün Türkiyə Respublikasının Ankara və İstanbul şəhərlərinə səfər edəcəklər.

🚨 Ermənistan tərəfi dezinformasiya yayıb

Azərbaycan Ordusunun bölmələri tərəfindən guya tibb maşınına atəş açılması barədə Ermənistan mətbuatında yayılan məlumatlar yalandır, dezinformasiya xarakteri daşıyır.

Müdafiə Nazirliyi

🇦🇲‼️ Ermənistan tərəfi yaralılarının artdığını bildirir, artıq söhbət dörd hərbçidən gedir.

Yaralılardan ikisinin vəziyyətinin qənaətbəxş, daha ikisinin isə orta ağır olduğu deyilir.

🗺️ Toqquşmaların baş verdiyi ərazi

📣 Hərbi Prokurorluq: "Azərbaycan Ordusunun hərbçisi, əsgər Mahmudlu Müslüm Vidadi oğlu düşmən tərəfdən odlu silahdan açılmış atəş nəticəsində yaralanıb.

Hərbçimizin yaralanması ilə bağlı cinayət işi açılıb".

🇦🇿 Prezident İlham Əliyev: "2020-ci il 8 noyabr tarixdə əbədi qalacaq. O gün mənə, bax, bu meydandan Şuşanın azadlığı ilə bağlı hərbi raport veriləndən sonra, bu binanın üstünə Bayrağımız qaldırılandan sonra atamın məzarını ziyarət etdim və ürəyimdə dedim ki, “Tapşırıq yerinə yetirildi. Məruzə edir Ali Baş Komandan İlham Əliyev!”.

Ondan sonra Şəhidlər xiyabanını ziyarət etdim, şəhidlərimizin ruhu qarşısında baş əydim, ürəyimdə dedim ki, qanınız yerdə qalmadı”.

🇦🇿 Müdafiə Nazirliyi: "Ermənistan silahlı qüvvələri bölmələrinin qəsdən törətdiyi təxribat nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Novruzəlizadə Orxan Elxan oğlu şəhid olub".

🇦🇿🥀 Şəhidimiz, Azərbaycan Ordusunun müddətdən artıq həqiqi hərbi xidmət hərbi qulluqçusu Novruzəlizadə Orxan Elxan oğlu.

Allah rəhmət eləsin!

🥀 Ermənistanın təxribatı nəticəsində şəhid olan hərbçimiz Ağstafada dəfn ediləcək.

⚡🇬🇧🇺🇦"Britaniya Ukraynaya uzaqmənzilli “Storm Shadow” qanadlı raketləri verib".- "CNN".

❗Həmçinin bildirilir ki, London bu raketlərdən Rusiya ərazisindəki hədəflərə qarşı istifadə olunmayacağına dair Kiyevdən zəmanət alıb.

👉"Storm Shadow" 250-300 km məsafədə yerləşən hədəfləri yüksək dəqiqliklə vura bilir.

❗🇺🇦Ukrayna Prezidenti Vladimir Zelenski bildib ki, əks-hücuma başlamaq üçün hələ tezdir, çünki Ukrayna Silahlı Qüvvələri vəd edilmiş silahların çatdırılmasını gözləyir.

✔️"Ukrayna ordusunun NATO hərbçiləri ilə təlim keçmiş döyüş hissələri tam hazırdır, lakin komandanlıq ola biləcək itkilərin minimuma endirilməsi üçün daha bir neçə partiya şəklində gəlməli olan zirehli texnikaları gözləyir". - Zelenski deyib.

🇮🇱 İsrail prezidenti İsxaq Hersoqun mayın 30-da Azərbaycana səfərə gələcəyi barədə məlumat yayılır.

Dövlət başçısını geniş nümayəndə heyəti müşayiət edəcəyi deyilir.

Səfər barədə hər hansı rəsmi məlumat və ya açıqlama yoxdur.