🇦🇿 Prezident və birinci xanım Ağdama səfər ediblər

▪️Ağdamda Rəqəmsal İdarəetmə Mərkəzi və Təlim-Tədris Kompleksinin təməli qoyulub

▪️Ağdam Muğam Mərkəzinin təməlini qoyublar

▪️Ağdamda salınacaq 2-ci yaşayış məhəlləsinin təməli qoyulub

▪️Ağdamda 3-cü yaşayış məhəlləsinin təməlini qoyublar

▪️Bərdə-Ağdam dəmir yolu xəttinin tikintisi ilə tanış olublar

▪️Ağdam şəhərində inzibati binanın təməli qoyulub

🇦🇿🇹🇷 Türkiyənin “Beşiktaş” futbol klubu Azərbaycanın “Sabah” klubuna sosial şəbəkə vasitəsilə cavab verib

“Salam, can qardaş. Dəvətiniz üçün çox təşəkkür edirik. Azərbaycandakı qardaşlarımızla zəlzələdən zərər görmüş insanlara yardım məqsədilə keçiriləcək matç üçün Bakıya gəlməkdən böyük sevinc hissi duyarıq”, - Beşiktaşın “Twitter” səhifəsindəki paylaşımında yazılıb.

🇮🇷 ETTELAAT-ın eks-rəhbəri: “Şəxsi təhlükəsizliyə diqqət yetirilməlidir. Cümə imamlarını döyüş növlərini öyrənməyə çağırıram. Onlar bilməlidirlər ki, düşmən yatmayıb və hər an onlara hücum edilə bilər”
👉 https://azvision.az/news/326188

🇷🇺 Rusiyanın Bryansk vilayətində naməlum şəxslər yenidən dəmir yolu xəttini partladıb

Hadisə yerli vaxtla 19:47-də (Bakı vaxtı ilə 20:47) baş verib. Nəticədə 20 yük vaqonları relsdən çıxıb.

⚡️ Bu dəqiqələrdə İsrail qırıcıları Qəzza zolağına intensiv hava zərbələri endirir

🇬🇧👑 Britaniya kralının tacqoyma mərasiminə İran, Rusiya və Belarus dəvət edilməyib

III Çarlzın tacqoyma mərasimi anası Kraliça II Elizabetin (1926-2022) vəfatından 8 ay sonra, mayın 6-da keçiriləcək.

🇬🇧 Britaniyada 4 həftəlik iş günü ilə bağlı eksperimentlərə qoşulan şirkətlərin 90%-i bunun yaxşı nəticə verdiyini deyiblər. Onlar bildiriblər ki, daimi əsasla 4 həftəlik iş gününə keçəcəklər. Mütəxəssislər 2030-cu ilə qədər ölkədə əksər müəssisələrdə bu rejimin tətbiq olunacağını gözləyirlər.

🇹🇷 Türkiyənin “Kızılelma” və “Solotürk” qırıcıları birlikdə uçuş həyata keçiriblər. Qırıcılar Türkiyə səmasında maraqlı manevrlər tətbiq ediblər.

🇺🇸 ABŞ Prezidenti Co Bayden Ağ Evin qonağını susdurub.

Hadisə Ramazan ayının başa çatması şərəfinə təşkil edilən ziyafətdə baş verib. Qonaq dövlət başçısına ilk müsəlman hakim haqqında danışmaq istəyib. Ancaq Bayden ona baxaraq deyib:

“Buraya çıxıb çıxış etmək istəyirsən? Anam demiş – sus, ay uşaq!”

🇦🇲🐑 Ermənistanda azyaşlılardan ibarət hərbiləşdirilmiş dəstələr hazırlanır

Bu barədə “Telegram”ın Ermənistan seqmentində məlumat yayılıb.

ASALA terror təşkilatının simvolları altında uşaqlar öldürmək və Azərbaycan ərazisində təxribat törətmək üçün xüsusi təlim keçirlər.

🇦🇿 Şuşada "Asan Xidmət" yaradılır. Qurum keçmiş poçt binasında yerləşəcək.

Hazırda həmin bina üzərində yenidənqurma işləri aparılır.

🇦🇿 Ağdama səfəri zamanı Prezident İlham Əliyevə dəmir yolu və avtovağzal kompleksi barədə məlumat verilib.

▪️Kompleks milli memarlıq üslubunda inşa olunacaq.

▪️ Avtovağzalda ilkin mərhələdə şəhərlərarası müntəzəm avtobus marşrutlarının sayı 10 olacaq.

▪️ Dəmiryolu vağzalında gündəlik 1000, avtovağzalda isə 1500 nəfərədək sərnişin qəbul ediləcək.

▪️Prezidentin Sərəncamına əsasən inşa olunan bu dəmir yolu xəttinin tikintisinin 2023-cü ildə başa çatdırılması nəzərdə tutulur.

🇷🇺🇪🇺🇬🇪 Gürcüstana, Rusiyaya qarşı tətbiq edilən sanksiyalarda iştirak etmədiyi üçün Aİ-yə namizəd statusu verilmədi.