🌪️ Kahramanmaraşda növbəti təbii fəlakət

Güclü külək avtomobilləri və konteynerləri aşıraraq, damları qoparıb.

Hətta zəlzələdən zərərçəkmiş insanların 170 çadırına ziyan dəyib.

Türkiyə mediası xəbər verir ki, güclü külək nəticəsində 34 nəfər yaralanıb, 1 nəfər isə dünyasını dəyişib.

🇪🇸💉 İspaniyada ilk dəfə robotun vasitəsilə ağ ciyər köçürülməsi əməliyyatı həyata keçirilib. Həkimlərin idarə etdiyi “dördəlli” robot xəstə orqan donordan köçürülən sağlam orqanla əvəzləyib.
🩺 Qeyd edək ki, ağ ciyər köçürülməsi ən aqressiv əməliyyatlardan biri sayılır. Çünki bu zaman xəstənin qabırğalarını sındırmaq lazım gəlirdi. Robot isə qabırğalara toxunmadan bu işi səliqə ilə həyata keçirib.

🇦🇿 Birinci vitse-prezident Mehriban Əliyeva Ramazan bayramı ilə bağlı paylaşım edib:

"İnsanları xeyirxahlığa, mərhəmətə və şəfqətə, ətrafındakılara, doğmalarına diqqət və qayğı göstərməyə sövq edən müqəddəs Ramazan bayramı münasibətilə bütün Azərbaycan xalqını və dünya müsəlmanlarını səmimi-qəlbdən təbrik edirəm! Allah etdiyiniz duaları, tutduğunuz orucu qəbul etsin! Hər birinizə möhkəm cansağlığı, sevgi, sevinc və gözəl əhvali-ruhiyyə arzulayıram. Qoy bu bayram ürəklərdə saf niyyətlər və xoş duyğular oyatsın, hər bir ocağa xeyir, rahatlıq və xoşbəxtlik, hər bir ölkəyə sülh və əmin-amanlıq gətirsin!”

🌙🕌 Mübarək Ramazan bayramı münasibətilə hər birinizi təbrik edir, mərhəmət və şəfqət rəmzi olan bu bayramda tutulan orucların, edilən dua və niyyətlərin qəbul olunmasını diləyirik.

Azərbaycanın suverenliyi və ərazi bütövlüyü yolunda canından keçmiş qəhrəman Vətən övladlarının unudulmaz xatirəsini bu müqəddəs bayram günündə ehtiramla yad edirik!

Bayramınız mübarək!

🇹🇷🚀 “Bayraktar Kızılelma” 8-ci uçuş testini uğurla başa vurub.

📣🇦🇿 Azərbaycan Rusiyaya nota verdi

Rusiya Federasiyası Dövlət Dumasının İnformasiya siyasəti, informasiya texnologiyaları və rabitə komitəsinin sədr müavini Oleq Matveyçevin “RUSARMİNFO” erməni xəbər agentliyinin efirində səsləndirdiyi yolverilməz bəyanatları ilə əlaqədar Səfirlik tərəfindən Rusiya XİN-ə etiraz notası göndərilib.

🕌 Məscidlərimizdə bayram namazı qılınıb.

Allah niyyətlərinizi qəbul etsin!

📍 “Google Map” Ermənistanda ictimai nəqliyyat marşrutlarının göstərilməsini dayandırıb.

🕌 Türkiyədə 5 illik təmir fasiləsindən sonra Sultan Əhməd məscidinin bu gün yenidən açılacağı bildirilir.

İbadət ocağının açılışında Türkiyə Prezidenti Rəcəb Tayyib Ərdoğanın iştirakı gözlənilir.

📡 Azərbaycan İsraildən iki peyk alacaq.

İsrail mətbuatının yazdığına görə, 120 milyon dollar dəyərində peyklər yaxın zamanda tədarük olunmalıdır.

🚨🇦🇿 Azərbaycan Müdafiə Nazirliyi Ermənistana xəbərdarlıq edib

▪️Aprelin 21-i səhər saatlarında qeyri-qanuni erməni silahlı dəstələrinin döyüş mövqelərinə təminat vasitələrini daşıyan hərbi avtomobil texnikasının növbəti dəfə Rusiya sülhməramlı kontingentinin müşayiəti altında hərəkəti texniki vasitələrlə müşahidə olunub.

▪️Bildiririk ki, Azərbaycanın Qarabağ iqtisadi rayonuna Ermənistan tərəfindən canlı qüvvə, silah-sursat, o cümlədən minaların daşınması və bu xüsusda yeni keçid yollarının müəyyən edilməsi cəhdləri Üçtərəfli Bəyanatın müddəalarının kobud şəkildə pozulması ilə yanaşı bölgədə gərginliyin artmasına və ermənilərin yeni təxribatlarına zəmin yaradır.

🍫 Ərdoğan bayram namazından sonra jurnalistlərə şokolad payladı

Prezident bu gün İstanbuldakı Ayasofya məscidində bayram namazı qılıb. O, mərasimdən çıxarkən jurnalistlərin suallarını cavablandırıb. Ərdoğan açıqlamalarından sonra jurnalistlərə şokolad və şirniyyat təklif edib.