❗️Milli Məclisin deputatı Fazil Mustafanın paytaxtın Sabunçu rayonunda yaşadığı evin qarşısında odlu silahdan açılmış atəş nəticəsində xəsarət alması faktı ilə bağlı prokurorluq tərəfindən cinayət işi başlanılıb.
⚡️Hazırda Baş prokurorun birinci müavini, III dərəcəli dövlət ədliyyə müşaviri Elçin Məmmədov, Bakı şəhər prokuroru və istintaq-əməliyyat qrupu hadisə yerindədir.
☑️ Media nümayəndələrindən Baş Prokurorluğun Mətbuat xidməti ilə dəqiqləşdirmədən hadisə barədə məlumatların yayılmaması xahiş olunur.

🗣️ Qüdrət Həsənquliyev: “Bu yolla nə bir millət vəkilini, nə dövlət adamını, nə də jurnalisti qorxutmaq olmaz. Bu iyrənc bir terror aktıdır. Əminəm ki, bu cinayəti törədənlər tezliklə layiqli cəzasını alacaq”.

🚑 Fazil Mustafa hazırda xəstəxanada əməliyyatdadır. Həkimlər tərəfindən tibbi müdaxilə olunur

🚑 Fazil Mustafa əməliyyatdan çıxıb. Onun Bakıdakı özəl klinikalardan birinə köçürüləcəyi bildirilir.

⚡️"Birdən maşının şüşəsi silkələndi…" - Fazil Mustafanın hadisə ilə bağlı ilk açıqlaması
💥❗️"…Ağrılardan sonra bunun atəş zərbəsi olduğunu anladım, çünki atəş səslərini eşitdim. Qapını açıb düşdüm. Darvazaya tərəf bir neçə addım atanda artıq ikinci güllə dəydi. Ayağımdan yaralandım. Evə gedərək tez qapını bağladım".
👉https://azvision.az/news/323117

🇦🇿🇮🇱 İsrailin xarici işlər naziri Eli Kohen Azərbaycanın İsraildə səfirliyinin açılması ilə bağlı paylaşım edib

Paylaşımda deyilir:

“Tarix! Hazırda Azərbaycanın xarici işlər naziri Ceyhun Bayramovu qəbul edirəm. Ölkələr arasında münasibətlərin 30 ilində ilk dəfə olaraq İsrailə Azərbaycan səfiri gələcək və daimi səfirlik açılacaq.
İsrailə xoş gəlmisiniz”.

🇬🇧 Britaniyanın ölkəmizdəki səfiri Fazil Mustafaya qarşı terror aktını qınayıb

🇹🇷 Kahramanmaraşda fəaliyyət göstərən hərbi tibb personalımız təltif olunub.

🇷🇺🇮🇷 Moskvada Rusiya və İran XİN rəhbərlərinin görüşü başlayıb

🇦🇲 Paşinyanın tərsinə reallaşan 11 vədi - TƏHLİL
‼️..."Real nəticədə əks mənzərə yaradan bütün elan edilmiş məqsədlərə nəzər salaq. Birinci vəd odur ki, Paşinyan 2018-ci ildə “Sevgi və Tolerantlıq” inqilabı vəd etmişdi. Lakin bu beş ildə o, cəmiyyətə “nifrət və dözümsüzlük” dəyərlərini aşıladı. Nəticədə yenicə müstəqillik qazanmış Ermənistan tarixində ilk dəfə olaraq ailələr, dostlar xalq arasında fikir ayrılığı yarandı. 2018-ci ilə qədər Ermənistanda belə bir fakt qeydə alınmayıb"
👉https://azvision.az/news/323160

🗣️ Cənubi Azərbaycan Milli Oyanış Hərəkatının lideri Mahmudəli Çöhrəqanlı:

“Ayağından və çiynindən yaralanan millət vəkilimiz tez-tez İran rejiminə qarşı çıxışları ilə gündəmə gəlirdi. O, son günlərdə İranın “Hüseyniyun” terror təşkilatı tərəfindən təhdid edilirdi. İran-fars rejimi, sonun yaxındır”.

🇦🇿🇮🇱 Azərbaycanın xarici işlər naziri Ceyhun Bayramov İsrailin müdafiə naziri Yoav Qalantla görüşüb.

Nazirlər iki ölkə arasında strateji əlaqələrin genişləndirilməsini müzakirə ediblər.

"Mən səfirliyin açılmasını həm müdafiə, həm də mülki sahədə əməkdaşlığımızın daha da genişləndirilməsi üçün ilk addım kimi qiymətləndirdim", - Qalant vurğulayıb.

📺 "AzVision"un bugünkü buraxılışında:
- Qaranlıq nə qədər qatılaşa bilər? Fazil Mustafaya atılan güllələr göstərdi ki, metal sıxlığına çatana qədər.
- Fazil Mustafa nə deyirdi, nəyin davasını aparırdı, kimlərin quyruğunu tapdalayırdı və həmin quyruğun buyruğu haradan gəlmiş ola bilər?
⏰ Saat 21:30-da "Real TV-də".
👀Baxmamaq məsləhət deyil.

🇦🇿 Prezident Fazil Mustafa ilə bağlı göstəriş verdi
👉 https://azvision.az/news/323170

🇦🇿 Prezidentin köməkçisi Anar Ələkbərov:

• Prezident İlham Əliyev evin qarşısında terror aktına məruz qalmış Milli Məclisin deputatı Fazil Mustafanın tezliklə sağalması üçün tibb personalı tərəfindən bütün zəruri tədbirlərin görülməsi ilə bağlı müvafiq tapşırıqlarını verib.

• Prezident İlham Əliyev tərəfindən hüquq-mühafizə orqanlarına xain terror aktını törətmiş şəxsin və ya şəxslərin müəyyən edilərək cinayət məsuliyyətinə cəlb olunması istiqamətində təxirəsalınmaz əməliyyat-istintaq tədbirləri aparılması barədə göstəriş verilib.

🇦🇿🇮🇱 Ceyhun Bayramov İsrailin Baş naziri Benyamin Netenyahu ilə görüşüb

Görüşdə regional məsələlər müzakirə edilib, ikitərəfli əməkdaşlığın gücləndirilməsinə dair razılıq əldə olunub.

🇫🇷 “Twitter” sosial şəbəkəsinin fransız seqmentində “#MakronZibil” həşteqi trendlərdə liderdir.

Bu bir qadının internetdə Fransa prezidenti barədə həmən ifadəni işlətdiyinə görə həbsindən sonra baş verib.

KİV-in yazdığına görə, qadını bir il azadlıqdan məhrumetmə cəzası və pul cəriməsi gözləyə bilər.

💻 Kompüter avadanlığı istehsal edən məşhur “Nvidia” şirkətinin rəhbəri robot olmaq fikrinə düşüb.

O, bildirib ki, növbəti 30-40 ili şirkətə insan kimi, daha sonra isə elə eyni müddətdə robot kimi rəhbərlik etmək niyyətindədir.

Şirkət rəhbəri Censen Xuanqın artıq 60 yaşı var və ömrünün yarısını biznesmen şirkətinin başındadır.

🤝İsraildə Azərbaycan səfirliyinin təntənəli açılışı olub - YENİLƏNİB
🇦🇿 Tədbirdə çıxış edən nazir Ceyhun Bayramov səfirliyin açılışını iki ölkə münasibətlərinin inkişafına yeni təkan verəcəyini bildirib.
🇮🇷 Mərasimi tarixi hadisə adlandıran nazir Eli Kohen 30 illik əməkdaşlıq müddətində səfirliyin açılışının strateji əlaqələrin dərinliyindən xəbər verdiyini vurğulayıb.
👉 https://azvision.az/news/323188

🇦🇿🚗 Nazirlər Kabineti istismar olunan minik avtomobillərinin Azərbaycanın gömrük ərazisinə gətirilməsinin məhdudlaşdırılması haqqında qərar qəbul edib.
Baş Nazir Əli Əsədovun imzaladığı qərara əsasən, zavod buraxılış tarixinə görə yaşı 10 ildən çox olan minik avtomobillərinin (raritet minik avtomobilləri və gömrük ərazisinə müvəqqəti gətirilən minik avtomobilləri istisna olmaqla) Azərbaycan ərazisinə gətirilməsi məhdudlaşdırılacaq.
Bu qərar dərc edildiyi gündən 30 gün sonra qüvvəyə minir.