🐈 Rusiyanın Tümen vilayətində ölkənin ən yaşlı pişiyi ölüb.

Daşun ləqəbli bu pişik ölkədə ən yaşlı (26 yaş) siam pişiyi olaraq Rusiyanın Rekordlar kitabına daxil edilib.

Pişiyin sahibəsi Elvira Çaniyeva pişiyi 1997-ci ildə küçədən tapıb. Çaniyeva pişiyi müsəlman ənənələrinə uyğun olaraq dəfn edəcəyini qeyd edib.

🌐 Azərbaycanda İsrail institutu ilə birgə Kibertəhlükəsizlik Mərkəzi yaradılıb.

Sözügedən mərkəz ölkənin kibertəhlükəsizlik imkanlarını gücləndirmək məqsədilə yaradılıb və 3 il ərzində 1 000-dən çox şəxsə təlim verilməsi nəzərdə tutulub.

Açılış mərasimində iştirak edən rəqəmsal inkişaf və nəqliyyat naziri Rəşad Nəbiyev mərkəzin yaradılmasını ölkəmizin kibertəhdidlərə hazırlığının artırılması istiqamətində mühüm addım kimi qiymətləndirib.

🇰🇪 Keniya prezidenti Uilyam Ruto vətəndaşlarına məsləhət verib: "Kimin dolları varsa, təcili satsın. Bir neçə həftədən sonra dollar bazarında böyük dəyişiklik olacaq. Onda ziyana düşə bilərsiniz".💵

🇺🇸 "Salam. Mənim adım Co Baydendir, mən doktor Cill Baydenin əriyəm. Mən şokolad qabıqlı dondurmanı çox sevirəm. Mənə burada dondurma veriləcəyini dedilər, ona görə gəldim. Siz elə bilirsiniz ki, mən zarafat edirəm? Yox, mən zarafat etmirəm!"

🇹🇷🇷🇺 Türkiyə mediasına sızan xəbərlərə görə Vladimir Putinin Ankaraya səfəri hazırlanır. Amma bu haqda bütün məlumatlar son dərəcə məxfi saxlanılır.

🇺🇦📰 “Wall Street Journal” Ukraynada əhalinin kütləvi şəkildə səfərbərlikdən yayınması haqqında xəbər hazırlayıb.

- Cəbhəyə getməmək üçün insanlar bir neçə min avro ödəməyə hazırdırlar və çağırışa məhəl qoymurlar.

- Bir çoxları müxtəlif yollarla Ukraynanı tərk etməyə çalışır və ya ölkədə səfərbərlikdən gizlənir. Xidmətə açıq-aşkar yararsız olan bir çox kişi səfərbər olunur.

- Qərbi Ukraynada bir əlil əllərinin olmamasına baxmayaraq xidmətə yararlı kimi tanınıb.

🇮🇶 32 il öncə bu gün 28 mart tarixində Səddam Hüseynin əmri ilə İraq ordusu Kərkük vilayətinin Altunköprü qəsəbəsində qətliam törətmişdir.

Ramazan ayında törədilən Altunköprü qətliamı zamanı aralarında əngəlli uşaqlar və qadınlar da olmaqla, ümumilikdə 135 nəfər türkman qətlə yetirilmiş və öncədən qazılmış ərazidə kütləvi şəkildə basdırılmışdır.

Hadisənin şahidi olan iraqlı çoban sayəsində ərazi tapılmış və qətliamdan 13-14 il sonra qətlə yetirilən türkmanların sümükləri aşkar edilmişdir.

🇸🇾🇸🇦 Bəşər Əsədin qardaşı, Suriya ordusunun Dördüncü Diviziya komandanı Mahir Əsəd ötən günlərdə Səudiyyə Ərəbistanına gedərək hökumət rəsmiləri ilə gizli görüş keçirib.

Əsəd rejiminin Ərəb Liqasına qayıtmaq ehtimalı yüksəkdir.

❗️İsveç-Azərbaycan matçı zamanı stadiondakı ermənilər təxribat törədərək, Qarabağdakı qondarma separatçı qurumun "bayraq"larını və Laçın yoluna aid plakat qaldırıblar. Bu zaman Azərbaycan nümayəndə heyətinə daxil olan şəxslərdən biri bayrağı onlardan almağa çalışıb.

🇺🇦 Bəzi məlumatlara görə Baxmutda xeyri müddətdir davam edən döyüşlərdə Ukrayna tərəfdən artıq 10-12 min itki verib, 30-35 min yaralı var. "Baxmut ətçəkəni" işləməkdə davam edir...

❗️Milli Məclisin deputatı Fazil Mustafanın paytaxtın Sabunçu rayonunda yaşadığı evin qarşısında odlu silahdan açılmış atəş nəticəsində xəsarət alması faktı ilə bağlı prokurorluq tərəfindən cinayət işi başlanılıb.
⚡️Hazırda Baş prokurorun birinci müavini, III dərəcəli dövlət ədliyyə müşaviri Elçin Məmmədov, Bakı şəhər prokuroru və istintaq-əməliyyat qrupu hadisə yerindədir.
☑️ Media nümayəndələrindən Baş Prokurorluğun Mətbuat xidməti ilə dəqiqləşdirmədən hadisə barədə məlumatların yayılmaması xahiş olunur.

🗣️ Qüdrət Həsənquliyev: “Bu yolla nə bir millət vəkilini, nə dövlət adamını, nə də jurnalisti qorxutmaq olmaz. Bu iyrənc bir terror aktıdır. Əminəm ki, bu cinayəti törədənlər tezliklə layiqli cəzasını alacaq”.

🚑 Fazil Mustafa hazırda xəstəxanada əməliyyatdadır. Həkimlər tərəfindən tibbi müdaxilə olunur

🚑 Fazil Mustafa əməliyyatdan çıxıb. Onun Bakıdakı özəl klinikalardan birinə köçürüləcəyi bildirilir.