🇦🇿🇹🇷 FHN-in Türkiyəyə humanitar yardım aparmış vasitələrinin növbəti hissəsi Bakıya qayıdır

Tərkibinə 7 ədəd avtomobilin daxil olduğu karvan bu gün səhər saatlarında Kahramanmaraşdan yola düşüb.

🇦🇿 Hikmət Hacıyev:

- 2020-ci il 10 noyabr bəyanatının müddəaları Ermənistan tərəfindən pozulur

- Ermənistanın 5 martdakı təxribatı bir daha göstərdi ki, Laçın yolunda sərhəd-nəzarət məntəqəsinin qurulması labüddür

- Ermənistan rəsmiləri elə düşünürlər ki, Qarabağ məsələsində spekulyasiyanı əbədi davam etdirə biləcəklər

- Qarabağda yaşayan erməni sakinlər son 30 ildə Ermənistanın və qanunsuz rejimin girovu olub

- Ermənistan hansı əsasla başqa ölkənin ərazisinə BMT və ya ATƏT missiyasının göndərilməsinə çağırır?

- Ermənistan Aİ missiyasından sui-istifadə edir

- KTMT üzv ölkələri Ermənistanın ikili oyun oynadığını yaxşı bilirlər

🇹🇷 Ərdoğan: “Türkiyədə zəlzələ nəticəsində həyatını itirənlərin sayı 48 minə çatıb, yaralıların sayı isə 115 mini ötüb”.

🇫🇷 Fransada hökumətin pensiya islahatına qarşı etirazlar günlərdir davam edir. Paytaxt Paris başda olmaqla böyük şəhərlərdə polislə etirazçılar arasında sərt toqquşmalar müşahidə olunur.

🇹🇷 Ərdoğan: "Həlak olanların sayı 48 min nəfərdir, 115 mindən çox yaralı var. 50 min bina dağılıb. Belə irimiqyaslı fəlakətə bu qədər tez reaksiya verə biləcək ikinci ölkə yoxdur".

🧯⛽ “Yaşıl enerji qapısı”
// Macar ekspert: “Avropa ilə Azərbaycanın faydalı layihələri olacaq”
‼️...Türkmənistan və Azərbaycanın Xəzər sahilində öz təbii qazından və ya külək elektrik stansiyalarından enerji istehsal etmək üçün böyük potensialları var. Buna görə də Azərbaycandan Aİ-yə elektrik enerjisinin tədarükü ilə bağlı qarşılıqlı faydalı layihələr həyata keçirilə bilər.
👉https://azvision.az/news/321875

🇺🇦🇷🇺 Ukraynanın Donetsk vilayətinin Baxmut şəhərində Rusiyanın 1 100 əsgəri məhv edilib.

Zelenskinin sözlərinə görə, düşmən Baxmut uğrunda döyüşlərdə çoxsaylı itkilər verib.

"Bunlar Rusiyanın bərpaolunmaz itkiləridir, məhz Baxmut yaxınlığında. Üstəlik, düşmənin onlarla texnikası məhv edilib. Rusiyanın 10-dan çox silah-sursat anbarı yandırılıb", - Zelenski deyib.

Martın 7-də isə bildirilib ki, Baxmut şəhərində Rusiya Ukraynadan 5 dəfə çox hərbçi itirib. NATO-nun adının çəkilməsini istəməyən rəsminin sözlərinə görə, Ukrayna Silahlı Qüvvələri də Baxmutda xeyli itki verir.

🇧🇾🇮🇷 Lukaşenko 17 ildən sonra Tehrana rəsmi səfər edib

🇦🇲🇷🇺 Rusiya sülhməramlı kontingentinin 2 UAZ “Patriot” markalı avtomobili erməni separatçılarının 3 UAZ avtomobilini müşayiət edir və onların Xankəndi-Xəlfəli-Turşsu yolu ilə hərəkətini təmin edir.

🇧🇾🇮🇷 Lukaşenko Rəisi ilə görüşüb

🇦🇿‼️ Azərbaycan Respublikası Prezidentinin Administrasiyası Qarabağın erməni ictimaiyyətinin nümayəndələrini reinteqrasiya ilə bağlı təmasların davam etdirilməsi, habelə Qarabağda infrastruktur layihələrinin reallaşdırılması məsələlərinin müzakirəsi üçün ikinci görüşə dəvət edir.

Görüşün yaxın günlərdə Bakı şəhərində keçirilməsi təklif olunur.

🇹🇷🎙️ Mahsun Kırmızıgül Bakı konserti zamanı Vətən müharibəsi şəhidi Anar İsrafilovun vaxtilə müğənninin repertuarından oxuduğu “Annem-annem” mahnısını böyük ekranda nümayiş etdirib.

Daha sonra müğənni konsertdə iştirak edən şəhidin atası və övladlarını səhnəyə dəvət edib. Bu zaman zalda olan hər kəs ayağa qalxıb.

Mahsun bildirib ki, şəhidin hər iki övladının təhsil haqlarını özü qarşılayacaq. Müğənni onları İstanbula dəvət edəcəyinə də söz verib.

🚨 Paytaxtda silahlı insidentə görə tutulan Elvin Qasımov məhkəmə qarşısına çıxarılıb.

Onun barəsində 4 aylıq həbs qətimkan tədbiri seçilib.

▪️ Qeyd edək ki, hadisə iki gün əvvəl-martın 10-da Nəsimi rayonu, Səməd Vurğun küçəsində qeydə alınıb. Silahlı insident nəticəsində 2002-ci il təvəllüdlü Fəqan Rəhimli və 1983-cü təvəllüdlü Tamerlan Hüseynov güllə yarası alıb. Yaralılar xəstəxanaya yerləşdirilib.

🏆 "Oskar 2023"ün qalibləri:

🎞️ "İlin ən yaxşı filmi" - "Hər şey hər yerdə və dərhal"
📽️ "Ən yaxşı aktyor" - Brendan Freyzer - ("Balina")
🎥 "Ən yaxşı aktrisa" - Mişel Yeoh ("Hər şey hər yerdə və dərhal")
🎬 "Ən yaxşı rejissor" - Dan Kvan, Daniel Şeynert ("Hər şey hər yerdə və dərhal")
📼 "Ən yaxşı ikinci dərəcəli rol" - Ke Hui Kuan və Ceymi Li Kertis ("Hər şey hər yerdə və dərhal")
🎞️ "Ən yaxşı xarici dildə film" - "Qərb cəbhəsində hər şey sakitdir"
📽️ "Ən yaxşı qısametrajlı sənədli film" - "Fil pıçıltısı"
🎬 "Ən yaxşı qısa animasiya filmi" - "Oğlan, köstəbək, tülkü və at"
📃 "Ən yaxşı orijinal ssenari" - "Qərb cəbhəsində hər şey sakitdir"
📸 "Ən yaxşı vizual effekt" - "Avatar: Su yolu"
📃 "Ən yaxşı orijinal ssenari" - "Hər şey hər yerdə və dərhal"
📑 "Ən yaxşı uyğunlaşdırılmış ssenari" - "Qadın söhbətləri"
🎙️ "Ən yaxşı səs" - "Top Gun: Maverick"
🎼 "Ən yaxşı orijinal musiqi" - "Naatu Naatu" "RRR: The Revolution Roars Near" (hind)
📺 "Ən yaxşı cizgi filmi" - "Gilermo del Toro Pinokkio"

🇹🇷🏎️ Son günlərdə idarə etdiyi yarış avtomobilləri ilə gündəm olan, AK Partiyanın Sakarya üzrə Millət vəkili Kənan Sofuoğlunun oğlu Zayn, qiyməti 40 milyon lirə olan Ferrari markalı avtomobil sürüb.

🇹🇷🎙️ Mahsun Kırmızıgülün Bakı konsertində maraqıl anlar yaşanıb

Zalı gəzən sənətçiyə mühafizəçilər yoldaşlıq etsə də, Mahsun “Mənə burada heç nə olmaz. Bilmirsiniz ki, mən özüm Lənkəranlıyam?”, - deyə, cavab verib.

Mahsunun Lənkəran adını çəkməsi isə uzun illərdir əslən Lənkərandan olan azərbaycanlı iş adamı Mübariz Mənsimovla dostluq etməsi olub. Azərbaycanlıları və Azərbaycanı çox sevdiyini dilə gətirən Mahsun Mübariz Mənsimovla yaxın dost olmasını da vurğulayıb.

🇮🇷🇸🇾🇷🇺🇹🇷 Türkiyə, Rusiya, Suriya və İran xarici işlər nazirlərinin müavinləri martın 15-16-da Moskvada görüşəcək.