🇹🇷 PKK terror təşkilatının üzvü, Türkiyənin 60 hərbçisini şəhid edən, 12 terror aktının təşkilatçısı Ramazan Günəş İraqın Süleymaniyə şəhərində saxlanılaraq Türkiyəyə gətirilib.

🇰🇿🇺🇸 Entoni Blinken Qazaxıstan prezidenti Qasım Jomart Tokayevlə görüşüb.

🇦🇿🇷🇺 Azərbaycan və Rusiya XİN rəhbərlərinin geniş tərkibli görüşü başlayıb.

🇦🇿 “...Azərbaycanı sanki mədəniyyətsiz ölkəyə çevirmək siyasəti gedir. Bu nə deməkdir?! Dağ kəndlərində məktəb, xəstəxana, mədəniyyətlər evləri var, amma onların əlindən bunu da alırlar. Belə islahatlar nəyə xidmət edir?! Bunu bizə izah edən yoxdur...." - Sabir Rüstəmxanlı
👉https://azvision.az/news/320796

🇦🇿 Müdafiə Nazirliyinin Daxili Təhlükəsizlik, həmçinin Təhsil-tədris və Elmi tədqiqatlar idarəsinin sabiq baş zabiti Zahid Niftəliyev ("Şlyapa Zahid") və onunla birgə ittiham olunan keçmiş hərbçi, gizir Elsevər Niftəliyevin cinayət işi üzrə məhkəmə araşdırması davam edir.
👉https://azvision.az/news/320800

🇷🇺🛩️ Rusiyanın "Pulkovo" hava limanı təyyarələri qəbul etmir.

Məlumata görə, şəhərin səmasına qırıcılar qaldırılıb. “Flightradar” xidməti üzrə mülki təyyarələr Sankt-Peterburqa yaxınlaşmır.

Sözügedən siqnal sərhədin qeyri-qanuni keçməsi və ya naməlum obyektlər görünəndə verilir.

🚨⚡ Türkiyədəki zəlzələni 3 gün öncədən deyən niderlandlı geofizik Frank Huqerbits yeni xəbərdarlıq edib. "Zəlzələ kahini" bildirib ki, mart ayının ilk həftəsi çox kritik dövrdür: "Yer planeti Merkuri və Saturunla yaxınlaşacaq. Bu cür hadisələr seysmik hadisələrə səbəb ola bilir. Mən qorxu yaratmağa çalışmıram. Bu bir xəbərdarlıqdır. Martın 3-4-ü və ya 6-sı, 7-si güclü zəlzələ olma ehtimalı var".

🇦🇿 Qarabağ xalçalarını oğurlayan erməni sexi bağlandı - FOTOLAR
‼️...“Şirkət son əsərini toxuyaraq qapılarını bağladı. Qarabağın onlarla sakininin(etnik erməniləri nəzərdə tutur-red.) yeganə gəlir mənbəyi dayandı..."
👉https://azvision.az/news/320782

🇷🇺 Lavrov: "Laçın yolunun rejimi və onun funksiyası ən birinci üçtərəfli bəyanata tam uyğun olmalıdır. Bu isə o deməkdir ki, Laçın dəhlizindən istisnasız olaraq mülki və humanitar yüklərin və mülki vətəndaşlarının hərəkətinin təmin olunması vacibdir. Biz təmaslarımızda, hər şeydən öncə, sülhməramlı kontingentin xətti ilə buna nail olmağa çalışırıq. Orada hansısa nəzarət-buraxılış məntəqələrinin yaradılmasına baxılmır. Lakin dəhlizin təyinatı üzrə fəaliyyət göstərməməsi şübhəsini texniki vasitələrlə aradan qaldırmaq imkanı var. Biz bu gün buna toxunduq. Texniki detallar əhəmiyyətinə görə ikinci dərəcəlidir".

🇦🇿🇷🇺 Bakıda Azərbaycan və Rusiya XİN rəhbərləri arasında danışıqlar keçirilib. Daha sonra isə iki ölkə nazirlərinin birgə mətbuat konfransı baş tutub.

Ceyhun Bayramov:

▪️ Ölkələrin son 30 ildə əməkdaşlığı strateji tərəfdaşlıq səviyyəsinə yüksəlmiş mehriban qonşuluq münasibətlərinin mütərəqqi inkişafı kimi xarakterizə etmək olar.

▪️ Azərbaycanlı ekoloji fəalların Laçın yolunda keçirdikləri aksiya Ermənistan tərəfinin ondan istifadə qaydalarını kobud şəkildə pozması ilə əlaqədardır.

▪️ Ermənistan konstruktiv dialoqdan imtina edərək, bütün məsuliyyəti Rusiya və Azərbaycanın üzərinə ataraq, beynəlxalq ictimaiyyəti çaşdırmağa çalışır.

Sergey Lavrov:

▪️ Rusiya Azərbaycanla ikitərəfli siyasi əlaqələri yüksək şəkildə qiymətləndirir.

▪️ Rusiyanın iqtisadi operatorları Azərbaycan ərazilərinin münaqişədən sonrakı yenidən qurulmasında fəal iştirak etməyə hazırdırlar.

▪️ Moskva Ermənistan-Azərbaycan sərhədinin delimitasiyası ilə bağlı məsləhətləşmələrinə dair köməklik göstərəcək.

🇦🇿🇷🇺🇦🇲 Rusiyanın xarici işlər naziri Sergey Lavrov bildirib ki, Rusiya tərəfi Ermənistan və Azərbaycan arasında sülh müqaviləsi üzrə danışıqları təşkil etməyə hazırdır, lakin qəti şəkildə israr etməyəcək.
👉https://azvision.az/news/320812

🇦🇲🗣️ "...Mən hər iki tərəfin müsbət bir şey etməyə çalışdığı vaxtda Moskvadan gələn xəstə hərəkətləri və əsəbi reaksiyaları lazımsız hesab edirəm. Onlar gərəkdiyindən çox emosionaldırlar".
👉https://azvision.az/news/320811

🇦🇿🇦🇲Ceyhun Bayramov: "Ermənistanla sülh sazişinin imzalanması üçün görülən işlər barədə fikir mübadiləsi apardıq. Bu sazişin imzalanması üçün aktiv faza artıq arxada qalıb. Hazırda Ermənistan tərəfi sülh müqaviləsinin imzalanmasına mane olur və biz gördük ki, danışıqların 3-cü raundunda iştirakdan da imtina etdilər”.

🇦🇿🇷🇺 Ceyhun Bayramov:

• Müzakirələrin lap əvvəlindən Ermənistan daim sülh müqaviləsinin imzalanmasının qarşısını alır.

• Mən rusiyalı həmkarım Sergey Lavrova Ermənistanın sülh müqaviləsinin imzalanması məsələsində davam edən qeyri-konstruktiv mövqeyi barədə məlumat verdim.

• Bildiyiniz kimi, müzakirələrin əvvəlindən Ermənistan mütəmadi olaraq sazişin imzalanmasına mane olurdu. Bu proses çərçivəsində erməni tərəfinin daim yaratdığı müxtəlif maneələri müşahidə etdik. Onlar ilkin mərhələdə müəyyən ideyalar atırdı, bu müqaviləyə çərçivə xarakteri verməyə, danışıqların mahiyyətindən yayındırmağa çalışırdı.

• Erməni tərəfi hətta Rusiyada sülh müqaviləsinin müzakirəsində iştirakdan belə imtina edib.

• Azərbaycan real nəticəyə diqqət yetirərək sülh müqaviləsi üzrə danışıqlar prosesini irəli aparmaq üçün bütün imkanlardan istifadə etməyə çalışır.

• Erməni tərəfi danışıqlar masasına nə qədər tez qayıtsa, sülh prosesi üçün bir o qədər yaxşı olar.

• Xankəndi-Laçın yolunda etirazların əsas səbəbi Ermənistanın üçtərəfli sazişin bəndlərini, yəni humanitar məsələlərlə bağlı bəndləri pozması olub.

• Etirazlar başlayanda Ermənistan bununla və yol təhlükəsizliyi məsələsi ilə heç bir əlaqəsi olmadığını bəyan edərək bütün məsuliyyəti Azərbaycan və Rusiyanın üzərinə atmağa çalışır.

• Ermənistan paralel olaraq, yoldakı vəziyyətlə bağlı təhrif olunmuş məlumatları fəal şəkildə təbliğ edir və bu vəziyyət ətrafında ajiotaj yaratmağa çalışır, eyni zamanda müzakirələrdən imtina edir.

• Azərbaycan əlindən gələni edir ki, yolda baş verən etirazlar Qarabağda yaşayan ermənilər üçün heç bir humanitar fəsad gətirməsin. Bütün çətinliklərə baxmayaraq, Azərbaycan üçtərəfli sazişlərə və digər sazişlərə tam əməl edir.

🇷🇺‼️ Rusiya prezidenti Vladimir Putinin Federal Məclisə göndərdiyi müraciəti qulaqlarında əriştə ilə dinləyən Samara deputatı Mixail Abdalkinin Kommunist Partiyasından xaric olunması istənilib.
👉https://azvision.az/news/320822

🧅💱 "Soğan panikası": Qiyməti özündən çox göz yaşardır
🛒...Amma əsl “soğan panikası” Filippində başlayıb. Bu ölkədə soğanın qiyməti bir neçə ay ərzində altı dəfə artaraq kiloqramı 13 dollara çatıb. Əslində, bu qiymət əsl paradoksdur: soğan indi Filippində toyuqdan üç dəfə bahadır. Həm də ölkədəki orta günlük əmək haqqından çoxdur.
👉https://azvision.az/news/320670