🇦🇿 Hikmət Hacıyev “Twitter” hesabında CBC televiziya kanalına verdiyi müsahibəni paylaşıb

O, müsahibədə Xocalı soyqırımı haqqında geniş məlumat verib:

“366-cı Sovet hərbi alayının dəstəyi ilə Ermənistan silahlı qüvvələri tərəfindən Azərbaycanın Xocalı şəhərinin dinc əhalisinin qəsdən və amansızcasına qətlə yetirilməsi müharibə cinayəti, insanlığa qarşı cinayət və soyqırımı aktıdır. Cəzasızlığa son qoyulmalıdır!”

🇦🇿🎞 Xocalı faciəsindən üç gün sonra çəkilmiş - Nadir fotoşəkillər+ VİDEO
🚁📸...“Çəkiliş aparmaq təhlükəli olduğundan biz əsasən vacib məqamları lentə ala bildik, çünki düşmən hər an helikopteri vura bilərdi. Saat yarım ərzində müəyyən çəkilişlər apardıq və qayıdandan sonra mövcud laboratoriyamızda həmin şəkilləri çap etdik. O şəkillərin bir hissəsi Müdafiə Nazirliyinə verildi, qalan şəkilləri özümüzdə saxladıq və bu şəkillər o vaxtdan bəri heç bir yerdə göstərilməyib”.
👉https://azvision.az/news/320644

🇹🇷 Səlcuq Bayraktar Xocalı soyqırımının 31-ci ildönümü ilə bağlı paylaşım edib:

“31 il əvvəl bu gün dünya bəşəriyyət adına utancverici bir soyqırımına, qırğına şahid oldu. Qardaşlarımızın və bacılarımızın çəkdiyi acıları, Xocalı soyqırımını unutmadıq, unutmayacağıq! Şəhid qardaşlarımızı və bacılarımızı rəhmətlə yad edirəm”.

🇸🇻 Salvadorda 40 min tutumlu meqa-həbsxananın açılışı edilib. İlkin mərhələdə böyük bir cinayətkar qruplaşmanın ömürlük həbsə məhkum edilən 2 min üzvü həbsxanaya köçürülüb.

"Davam edən xüsusi əməliyyatlar nəticəsində narkokartel və cinayətkar qruplaşmaların 64 min 512 nəfər üzvü həbs edilib və onların heç biri bir daha Günəş işığı görməyəcək. 2328 silah, 2945 texnika və avtomobil, 6.2 ton narkotik vasitə ələ keçirilib" - deyə Salvador prezidenti Nayib Bukele bildirib.

Qeyd edək ki, Salvadorun cəmi 6.3 milyon əhalisi var.

🇹🇷 Türkiyənin Ordu limanında dəniz dalğaları enerjisini elektrikə çevirən stansiya tikiləcək.

Bu quruda yerləşərək dalğa enerjisindən istifadə edən dünyanın ən böyük elektrik stansiyası olacaq.

Layihə 150 milyon dollar həcmində dəyərləndirilir.

🇨🇳 Çində kömür mədənində faciə baş verib.

180 metr hündürlüyündə uçqun altında 6 nəfər ölüb, daha 6 nəfər yaralanıb, 47 nəfər itkin düşüb.

🇦🇿 Xankəndi-Laçın yolunda aksiyaçılar Xocalı soyqırımı qurbanlarını sükutla anıb.

🇦🇿 "Xocalı" qətliamında fəryad edən ata və oğlu…

  
🇮🇷💵 İran açıq bazarında 1 ABŞ dolları 60 min tüməni keçib.

🇦🇿 Bakıda tələbə-gənclər tərəfindən Xocalı soyqırımına həsr olunmuş “613” fləşmobu baş tutub.

🥀 “Nə tarix, nə biz, unutmadıq!” şüarı ilə reallaşan fləşmobda tələbələrdən ibarət “613” kompozisiyası erməni silahlı birləşmələri tərəfindən soyqırımına məruz qalmış günahsız Xocalı sakinlərinin sayını ifadə edib.

🇦🇿🇺🇦 Ukraynanın Azərbaycandakı səfiri Vladislav Kanevski sosial şəbəkə hesabında yazıb:

“Kimsə XXI əsrdə Avropanın mərkəzində hadisələrin təkrarlana biləcəyini təsəvvür edə bilərdimi?

Rusiya Federasiyasının bu gün Ukraynaya qarşı etdikləri bir daha sübut edir ki, cəzasızlıq yeni cinayətlər törədir!”

🎥🥀 Çingiz Mustafayevin kamerası çəksəydi nələrin şahidi olardıq…