🇦🇿 Prezident İlham Əliyev Xocalı soyqırımı abidəsinin önünə əklil qoyub, faciə qurbanlarının xatirəsini ehtiramla yad edib.

📢 Bu gün Azərbaycanda Xocalı soyqırımı qurbanlarının xatirəsi bir dəqiqəlik sükutla yad ediləcək.

Bu barədə DYP rəsmisi Araz Əsgərli məlumat verib.

"Bakı vaxtı ilə saat 17:00-da ölkə ərazisindəki avtomobil yollarında nəqliyyatın hərəkəti dayandırılacaq", - o, bildirib.

🇬🇧 Britaniya səfiri Xocalı soyqırımı abidəsini ziyarət edib.

🇦🇿 Ümummilli liderimiz Heydər Əliyev bu faciəni bəşəriyyətə qarşı yönəlmiş ən qəddar soyqırımı kimi dəyərləndirərək deyirdi: “Xocalı faciəsi bir tərəfdən hər bir Xocalı sakininin öz torpağına, millətinə, Vətəninə sədaqətliliyinin nümunəsidir. İkinci tərəfdən də Ermənistanın millətçi, vəhşi qüvvələri tərəfindən Azərbaycana qarşı edilən soyqırımdır – vəhşiliyin görünməmiş bir təzahürüdür”.

🇦🇿 Xankəndi-Laçın yolunda aksiyanın keçirildiyi əraziyə Xocalı soyqırımının 31-ci ildönümü ilə bağlı lövhələr quraşdırılıb.

Lövhələrin üzərində rus və ingilis dillərində “Xocalıya ədalət” şüarı yer alıb.

🇦🇿 Mehriban Əliyeva tviter hesabında Xocalı soyqırımının 31-ci ildönümü ilə bağlı paylaşım edib.

🇺🇦🇷🇺 7 aydır şiddətli döyüşlərin davam etdiyi Baxmut şəhəri:

🇦🇿 Laçın-Xankəndi yolunda keçirilən aksiyada Xocalı faciəsinin ildönümü ilə bağlı şüarlar səsləndirilib.

❗️Cinayət və yarımçıq cəza | Ədalət Verdiyevin yazısı
// Xocalı soyqırımını törədənlərin heç biri cəzasız qalmalı deyil
❗️...Xocalı cinayətlərini törədənlərin bir qismi hələ də cəzasız qalırlar. Bir qisminin cəzasını isə Vətən Müharibəsi zamanı Azərbaycan Əsgəri layiqincə verdi. Noyabrın 7-də Ordumuz Xocalının Qarabulaq, Moşxmaat kəndləri, noyabrın 9-da isə Dəmirçilər, Çanaqçı, Mədətkənd, Sığnaq, Şuşakənd, Muxtar, Daşaltı kəndlərini düşmən işğalından azad etməklə ən dərin yaramıza məlhəm oldu. Lakin hələ də rayonun mərkəzi, 2 qəsəbəsi və 41 kəndi rus kontingentinin müvəqqəti nəzarəti altındadır...
👉 https://azvision.az/news/320628

🇦🇿🥀 Biz “Xocalıya ədalət” istəyirik. Bu qanlı soyqırıma heç bir bəraət yoxdur.

🇦🇿 Hikmət Hacıyev “Twitter” hesabında CBC televiziya kanalına verdiyi müsahibəni paylaşıb

O, müsahibədə Xocalı soyqırımı haqqında geniş məlumat verib:

“366-cı Sovet hərbi alayının dəstəyi ilə Ermənistan silahlı qüvvələri tərəfindən Azərbaycanın Xocalı şəhərinin dinc əhalisinin qəsdən və amansızcasına qətlə yetirilməsi müharibə cinayəti, insanlığa qarşı cinayət və soyqırımı aktıdır. Cəzasızlığa son qoyulmalıdır!”

🇦🇿🎞 Xocalı faciəsindən üç gün sonra çəkilmiş - Nadir fotoşəkillər+ VİDEO
🚁📸...“Çəkiliş aparmaq təhlükəli olduğundan biz əsasən vacib məqamları lentə ala bildik, çünki düşmən hər an helikopteri vura bilərdi. Saat yarım ərzində müəyyən çəkilişlər apardıq və qayıdandan sonra mövcud laboratoriyamızda həmin şəkilləri çap etdik. O şəkillərin bir hissəsi Müdafiə Nazirliyinə verildi, qalan şəkilləri özümüzdə saxladıq və bu şəkillər o vaxtdan bəri heç bir yerdə göstərilməyib”.
👉https://azvision.az/news/320644

🇹🇷 Səlcuq Bayraktar Xocalı soyqırımının 31-ci ildönümü ilə bağlı paylaşım edib:

“31 il əvvəl bu gün dünya bəşəriyyət adına utancverici bir soyqırımına, qırğına şahid oldu. Qardaşlarımızın və bacılarımızın çəkdiyi acıları, Xocalı soyqırımını unutmadıq, unutmayacağıq! Şəhid qardaşlarımızı və bacılarımızı rəhmətlə yad edirəm”.