🇷🇺🗣️ Mariya Zaxarova: “Minsk qrupunun formatı tarixin zibilliyinə göndərilib.

Minsk Qrupunun formatı 2022-ci ilin fevralında amerikalı və fransalı həmsədrlərin rusiyalı həmkarı ilə qarşılıqlı əlaqəni dayandırmasından sonra tarixin zibilliyinə atıldı. Bununla bağlı heç bir aydın izahat yox idi. Bunu nəzərə alaraq, biz ən yüksək səviyyədə müvafiq sazişlər toplusu əsasında üçtərəfli formatlar çərçivəsində Bakı və İrəvana yardım göstərməyə diqqət yetirmişik”.

🇦🇿 Laçın-Xankəndi yolunda keçirilən aksiyası 68 gündür davam edir. Etirazçıların tələbləri dəyişməz olaraq qalır.

🇦🇿 Hazırda ekofəallar və gənc könüllülər Laçın-Xankəndi yolunun Şuşa şəhər ərazisindən keçən hissəsində “Azərbaycan oyaqdır, sərvətinə dayaqdır!”, “Azərbaycan vahiddir, sərvətinə sahibdir!”, “Ekoloji cinayətə son!”, “Stop ekoterror!” şüarlarını səsləndirirlər.

Xatırladaq ki, Qarabağda faydalı qazıntı yataqlarının qanunsuz istismarı əleyhinə Şuşadan keçən Xankəndi-Laçın yolunda etiraz aksiyası keçirilir. Aksiya ötən ilin dekabrın 12-dən etibarən başlayıb.

🇨🇿 Çexiya “REFLEX” jurnalının üz qabığı

🇦🇿 Prezident: “Enerji sahəsində Azərbaycan-Aİ əməkdaşlığı bundan sonra da genişlənəcək. Azərbaycan bundan sonra da Avropanın enerji təhlükəsizliyində vacib rol oynamağa davam edəcək”

🇹🇷 Mehmetçik Kahramanmaraşda anasını zəlzələdə itirən balaca Ayşegül üçün ad günü sürprizi edib.

🇹🇷 Acı təsadüf

Türkiyənin Qaziantep şəhərində 17 avqust 1999-cu ildə Gölcükdə baş verən zəlzələ günü doğulan Osman Enes Baştürk adlı gənc Kahramanmaraşda baş verən zəlzələ zamanı həyatını itirib.

📰 Küveyt nəşri Qərbi Azərbaycan İcmasının beynəlxalq ictimaiyyətə müraciətini dərc edib

🇧🇷 Braziliyada İsa Məsihin heykəli zəlzələdə həyatını itirənlərin xatirəsinə Türkiyə və Suriya bayrağı ilə işıqlandırılıb.

🇲🇽 Türkiyədə fəaliyyətini başa vuran meksikalı xilasedicilər ölkələrinə geri dönərkən Proteonun nəşini də özləri ilə aparıblar. 

Felipe Angeles Beynəlxalq Hava Limanında Proteo ilə bağlı xüsusi anım mərasimi təşkil edilib. Proteonun nəşinin olduğu tabut Meksika bayrağına sarılaraq aparılıb. 

Qeyd edək ki, axtarış-xilasetmə işlərində iştirak edən Proteo adlı it fevralın 12-si ölüb. İtin ölümünə səbəb isə yaşının çox olması, Türkiyəyə qədər uzun yol qət etməsi və soyuq hava olub.

🇦🇿🇪🇺 İlham Əliyevin Avropa İttifaqı Şurasının Prezidenti Şarl Mişel ilə görüşü olub

🇺🇦 "Biz Baxmutan çıxmayacağıq. Bunun üçün çoxlu qurbanlar verildiyini deyənlər unutmasınlar: Əgər Baxmutdan çıxsaq, hansısa başqa şəhər yeni Baxmut olacaq" - Dimitri Kuleba (Ukraynanın xarici işlər naziri)

🇷🇺 Qarabağdakı Rusiya Sülhməramlı Kontingentinin ilk komandiri, general-leytenant Rüstəm Muradov Rusiya Şərq Hərbi Dairəsi qoşunlarının komandanı təyin olunub.

🇦🇿🇹🇷🇦🇲 Ararat Mirzəyan sülh müqaviləsinin yeni mətnini Türkiyə vasitəsilə Azərbaycana təhvil verib.

🇬🇷 Yunan xalqının Türkiyədə zəlzələ zərərçəkənləri üçün topladığı 50 ton humanitar yardım Türkiyəyə yola salınıb.

🇮🇹 İtalyan legionerlər ruslarla döyüşlərə qatılmaq üçün Ukraynanın Baxmut şəhərinə gəliblər.

🇳🇱 Hollandiyada zəlzələdən zərər çəkənlərə yardım üçün bütün kanallarda ortaq canlı yayım edilib.

Zəlzələdə yaxınlarını itirən Məşhur hataylı müğənni Karsu Dönmez yayım zamanı Neşet Ertaşın “Neredesin sen?” mahnısını oxuyaraq göz yaşlarına boğulub.

Ümumilikdə zəlzələ qurbanları üçün 90 milyon avro yığılıb.

💔 Türkiyədə zəlzələ nəticəsində ölənlərin sayı 39 672 nəfərə çatıb.

⚡️ Nikol Paşinyan, deyəsən, Münxen təhlükəsizlik konfransında bir daha prezident İlham Əliyevlə eyni panel müzakirələrində iştirak edəcək.

Daha əvvəl Azərbaycan liderinin qatılacağı Cənubi Qafqazda təhlükəsizlik mövzulu müzakirələrdə Ermənistan baş nazirinin iştirak etməyəcəyi bildirilirdi.