🇹🇷🇦🇿 Türkiyədə baş vermiş zəlzələdə həlak olan azərbaycanlı tələbələr - Samir Quliyev, Şahin Vəliyev, Hümam İsmayıllı və Gündüz Nəzərzadə bu gün dəfn ediləcək.

Mərhum tələbələrin cənazələri bu gecə Bakıya gətirildikdən sonra ailələrinə təhvil verilib.

Samir Quliyev Gədəbəy rayonu, İnəkboğan kəndində, Şahin Vəliyev Gəncə şəhərində, Gündüz Nəzərzadə Sumqayıtda, Hümam İsmayıllı isə Corat qəsəbəsində keçiriləcək vida mərasimlərindən sonra dəfn ediləcək.

🇹🇷 Türkiyə, Azərbaycan və Şimali Kiprdə fəaliyyət göstərən televiziya və radio kanalları "Türkiyə tək ürək" adlı ortaq yayım ediblər.

📺 Yayım zamanı Kahramanmaraşda baş verən zəlzələnin yaratdığı dağıntılarda əziyyət çəkənlər üçün ianə toplanıb. Türkiyənin ən məşhur simalarının yer aldığı kampaniyada şirkətlər, məşhur simalar müxtəlif məbləğdə ianələr ediblər.

📞 Studiyaya gələn zənglər vasitəsiylə 115 milyard 146 milyon 528 min lirə (10 milyard manatdan çox) toplanıb. Mesajlardan isə ümumilikdə 9 milyon 10 min lirə yığılıb.

🇹🇷 Türkiyənin səhiyyə naziri Fahrettin Koca zəlzələ bölgəsində fəaliyyət göstərən tibb işçilərini ziyarət edərkən partlayış baş verib.

🇮🇱 İsrailin xarici işlər naziri Eli Koen Kiyevə səfər edib.

🇨🇳 Zəlzələ bölgəsində işlərini tamamladıqdan sonra İstanbuldakı Kapalıçarşıya gedən çinli axtarış-xilasetmə qrupu vətəndaşlar tərəfindən alqışlarla qarşılanıb.

🐄 Adıyamanda inəyi dağıntılar altında qalan və çıxa bilməyən qadın sürünərək dağıntılar altında inəyinə yem verir.
👉 https://azvision.az/news/319771

🇹🇷 İki gün sonra doğum günü olacaq Merve atasının mobil telefonuna baxanda sonuncu sifarişin ad günü hədiyyəsi olduğunu görüb və göz yaşlarına hakim ola bilməyib:

"Böyük nemət imiş, bilməmişəm. Ad günüm 18 fevraldır. Həyatımda ilk valideynsiz ad günüdür. Hətta atam mənim hədiyyəmi də hazırlamış imiş. Atamın telefonunu dağıntılar altından tapdım. Onun son sifarişi mənim hədiyyəm olub..."
👉https://azvision.az/news/319776

🇹🇷 Türkiyədə zəlzələ nəticəsində ölənlərin sayı 36 187 nəfərə çatıb.

🇦🇿🇹🇷 Mehriban Əliyevanın tapşırığı ilə səhər saatlarında Bakıdan yola düşən humanitar yardım təyyarəsi Türkiyəyə eniş edib.

🇦🇿 Ortaq yayım zamanı azərbaycanlı iş adamı, "Palmali Holding"in prezidenti Mübariz Mənsimov da kampaniyada iştirak edib.

M.Mənsimovun nümayəndəsi canlı efirdə tanınmış türkiyəli sənətçi Hülya Avşara zəng edərək onun yardıma qoşulmaq istədiyini bildirib. Avşar iş adamının 2 milyon türk lirəsi, 200 prefabrik ev, 130 çadırdan ibarət çadır şəhərciyi, mənzil tikintisində 100 evin tikilməsində sponsorluq və 500 tələbəyə təhsil dəstəyi edəcəyini açıqlayıb.

🇦🇿 Gündüz Nəzərzadənin nəşi Sumqayıt şəhər qəbiristanlığında torpağa tapşırılıb.
👉https://azvision.az/news/319778

🇦🇿 Türkiyədə baş vermiş zəlzələdə həlak olan azərbaycanlı tələbə Hümam İsmayıllı ilə Sumqayıt şəhərinin Corat qəsəbəsində vida mərasimi keçirilir.
👉https://azvision.az/news/319781

🇦🇿Türkiyənin Malatya şəhərində baş vermiş güclü zəlzələ nəticəsində həyatını itirmiş 21 yaşlı Şahin Vəliyevlə vida mərasimi keçirilir.
👉https://azvision.az/news/319784/

🇦🇿Türkiyənin Malatya şəhərində zəlzələ nəticəsində uçan binanın dağıntıları altında qalaraq həlak olan Samir Quliyev Gədəbəy rayonunda dəfn olunub.
👉https://azvision.az/news/319786