🇸🇦 Səudiyyə Ərəbistanı Türkiyə və Suriyada zəlzələdən zərər çəkmiş bölgələrə 10 min konteyner evi göndərəcək.

🇦🇿 Türkiyənin Malatya şəhərində baş vermiş zəlzələdə həlak olan tələbələrin cənazələrinin Azərbaycana gətirilməsi üçün hazırlıqlara başlanılıb.

Bu barədə Ayxan Hacızadə açıqlama yayıb: "Cənazələrin bu gecə saat 02:00 radələrində ölkəyə gətirilməsi nəzərdə tutulub. Müəyyən prosedur qaydaları var ki, bunların icra edilməsi üçün meyitlər əvvəlcə Malatyadan İstanbula aparılacaq. İstanbuldan Ankaraya, daha sonra Azərbaycana gətiriləcək".

🇰🇷 Türkiyədəki işlərini bitirən Cənubi Koreyalı həkimin ölkədən qayıdarkən çadırın üzərinə yazdığı yazı:

“Ailələrini itirən Türkiyə xalqına: Daha bir insanı xilas edə bilmədiyim üçün kədərliyəm. 14 Fevral 2023 - Cərrah”.

🇦🇲 Ermənistan xarici işlər naziri Ararat Mirzoyan Türkiyədə səfərdədir.

Onun Türkiyə XİN başçısı Çavuşoğlu ilə görüşəcəyi gözlənilir.

🇹🇷 Hazırda Türkiyənin zəlzələ bölgələrində 76 ölkədən 7606 nəfərlik heyət axtarış-xilasetmə işləri görür.

"Artıq 12 ölkədən heyət ölkələrinə geri qayıdıb. Bəzi bölgələrdə axtarış-xilasetmə işi bitib. Hazırda əsas olaraq sığınacaq işləri ilə məşğul oluruq", - deyə Türkiyənin xarici işlər naziri Mövlud Çavuşoğlu deyib.

🇹🇷 Kamal Sunalın həyat yoldaşı Gül Sunal: “Kamala Antalyada bir inşaat firmasının reklam üzü olması, bunun qarşılığında orada tikiləcək evlərdən birinin ona hədiyyə olunması təklifi gəldi. O qəti şəkildə gələn təklifi rədd etdi. Mən nə üçün belə etdiyini soruşanda əlində oxuduğu tarixi kitabını göstərdi və dedi: “Hammurapi qanunlarında belə ev tikilərkən saxtakarlığa yol verənlərin öldürülməli olduğu deyilir. Haqq verirəm. Mən həmin evləri reklam etsəm, insanlar mənə inanıb o evləri alacaqlar. Bir gün hansısa səbəblə o evlər dağılarsa, mən vicdanıma necə hesab verərəm?””.

🇹🇷 Kahramanmaraş bölgəsində 42 yaşlı Melike İmamoğlu 222 saatdan sonra dağıntılar altından xilas edilib.

🇹🇷Dağıntılar altından çıxarılarkən ağzında siqaret olan Soner Tuğtekin hadisə ilə bağlı danışıb
…"Bina bir anda üzərimizə çökdü. Sütun qızımın üstünə düşdü. Yoldaşımı özümə tərəf çəkməyə çalışdım, ancaq qolu çarpayının bazasına ilişmişdi. Oğlum divanın altında idi, ancaq onu çəkə bildi...Yanımda yalnız tütün və 1,5 litr su vardı. Çox çəkdiyim üçün alışqanımın qazı bitdi. Siqaretimi yandıra bilmirdim. Batareyaları parçaladım və naqillərini bir-birinə vuraraq problemimi həll etdim”…
👉 https://azvision.az/news/319713

🇹🇷 Türkiyədə zəlzələ nəticəsində həlak olan tələbələrdən biri Samir Quliyev bundan əvvəl Türkiyənin Elazığ vilayətindəki universitetlərdən birində təhsil alırmış.

Ailəsi 2020-ci ildə orada baş verən zəlzələdən sonra universitetini Malatya şəhərindəki təhsil ocağına dəyişib.

🇹🇷 Ərdoğan müxalifətçilərdən ancaq Məhərrəm İncə ilə görüşdü
👉https://azvision.az/news/319705

🇮🇱 Türkiyədə zəlzələ bölgəsində çalışan israilli səhiyyə işçiləri ölkələrinə qayıtmağa hazırlaşır.

🇦🇿🇹🇷 Zəlzələdən sonra Azərbaycandan Türkiyəyə edilən yardımların statistikası

🧠 Sənin Allahın hansındandır? – Vüsal Məmmədovun yazısı
❗️...Əgər sizin Allahınız teizmin hər şeyə görə məsuliyyət daşıyan, özünə dost-düşmən seçən, birinə mükafat, o birinə cəza verən Allahıdırsa, onda zəlzələ ilə bağlı suallardan cırnamaq lazım deyil. Yox, əgər ilahiyyat təfəkkürünüz (“dini təfəkkürünüz” yox, bunlar ayrı-ayrı şeylərdirlər!) 17-ci əsrdən bu yana keçibsə və deizm haqqında nə zamansa ciddi düşünmüsünüzsə, onda bu tip sualların sizin üçün ümumiyyətlə, mənası yoxdur...
👉 https://azvision.az/news/319731

🇹🇷🇸🇾 Dünən gecə Çempionlar Liqası oyunları öncəsi "yanındayız" və eyni söz ərəbcə yazılaraq, Türkiyə və Suriyaya dəstək mesajları verilib.

🇹🇷 Türkiyədə baş verən zəlzələdə Azərbaycan Tibb Universitetinin Stomatologiya fakültəsinin V kurs tələbəsi Nazif Abdulmelik oğlu Toprak həlak olub

Bundan əlavə, zəlzələdə faciəli şəkildə həyatını itirən azərbaycanlı tələbələrdən biri - Gündüz Nəzərzadə də ATU-nun məzunu olub. 2021-ci ildə universitetin Əczaçılıq fakültəsindən məzun olub.

🌋 Amerika Birləşmiş Ştatlarının Havay adalarında yerləşən ''Kilauea'' vulkanı yenidən püskürüb. Partlayışın baş verdiyi bölgdədə yaşayış məntəqələri yoxdur.

Dünyanın ən aktiv vulkanlarından biri olan Kilauea 2021-ci ilin sentyabrından bu yana 17 dəfə püskürüb.

Qeyd edk ki, ''Kilauea'' vulkanı ilk dəfə 1983-cü ildə püskürüb.

🚕❗️Artıq Kaliforniyanın yollarında "Amazon" şirkətinin sürücüsüz taksiləri hərəkətə başlayıb. Robotaksilər hələlik ancaq həftəsonları gündüzlər hərəkət edir və şirkətin işçilərini iki ofisin arasında daşıyırlar. Yayda onlar tam hüquqlu taksi kimi fəaliyyətə başlayacaqlar.

🇹🇷 Türkiyənin Adıyaman şəhərində Roma imperiyası dövründə inşa edilən Cendere Körpüsü ölkədə "əsrin fəlakəti" adlandırılan dəhşətli zəlzələyə də dözümlü çıxıb və heç bir zərər görməyib.

Tarixi körpü Roma İmperatoru Septimus Severius (192-212) zamanında XVI Lejvon tərəfindən Cendere çayı üzərində inşa edilib.

92 böyük blok kəsilmiş daşdan hazırlanan, 120 m uzunluğu, 30 m hündürlüyü və 7 m eni olan körpünün maraqlı xüsusiyyəti ondan ibarətdir ki, onun tikilişində sementdən istifadə olunmayıb.