🇹🇷 10 gün sonra həcc ziyarətinə getmək istəyən Mehmet bəy son anda fikrini dəyişib və 1350 dollarını (təxminən 2295 AZN) zəlzələdən zərər çəkənələrə ianə edib.

💔 Müşayiətsiz qalan 1396 uşaq, müalicə altında olan 721 uşaq var

Türkiyənin Ailə və Sosial Xidmətlər Nazirliyi: "167 uşaq müalicə olunduqdan sonra müəssisə qayğısına götürülüb. 508 övladımız şəxsiyyəti yoxlanıldıqdan sonra ailələrinə təhvil verilib. 1114 uşağın şəxsiyyəti müəyyən edilib. 282 uşağın isə şəxsiyyətini müəyyən etmək mümkün olmayıb".

🇹🇷 Kahramanmaraşda yaşayış binasının birinci mərtəbəsində yerləşən qab-qacaq mağazasının zəlzələdən təsirlənməməsi görənləri heyrətə gətirir.

🛢🔌 Tarixi qərar: Avropada benzin və dizel dövrü bitir
🇪🇺 Avropa Parlamenti 2035-ci ildən daxiliyanma mühərrikli avtomobillərin istehsalının qadağan olunması barədə qərar qəbul edib.
👉 https://azvision.az/news/319657

❗️“Qafqaz kişisi” anlayışı ermənilərə yaddır – Ədalət Verdiyevin yazısı
⚡️ ...Qafqaz kişisi düşmənçiliyi də kişi kimi etməyə borcludur; uşağa, qadına, qocaya əl qaldırmaz, qarşısında olanın köməksiz vəziyyətindən sui-istifadə etməz, silahsız düşmənə qarşı silah və güc işlətməz. Amma ermənilər bunları dəfələrlə edib, sonra da utanmaq əvəzinə fəxr etdiklərini bildiriblər. Odur ki, ermənilərin Qafqaz ilə yaxından-uzaqdan heç bir əlaqələrinin olmadığına şübhəm yoxdur.
👉https://azvision.az/news/319655

🇮🇷 Tehranın “ikili zəlzələ standartı”
// “Xoylular göyə baxsalar, Suriyaya yardım aparan İran təyyarəsini görə bilərdilər”
❗️ Yanvarın 18-də İranın Qərbi Azərbaycan əyalətində baş verən zəlzələdən zərər çəkənlərə ləng və qeyri-kafi reaksiya verən Tehranın fevralın 6-da Suriyaya dərhal yardım göstərməsi vətəndaşların hiddətinə səbəb olub.
👉 https://azvision.az/news/319664

🇦🇿 Şəhid Orxan Əsgərovun atasının Türkiyənin Azərbaycandakı səfiri Cahit Bağcı ilə görüşü olub.

🇸🇦 Səudiyyə Ərəbistanı Türkiyə və Suriyada zəlzələdən zərər çəkmiş bölgələrə 10 min konteyner evi göndərəcək.

🇦🇿 Türkiyənin Malatya şəhərində baş vermiş zəlzələdə həlak olan tələbələrin cənazələrinin Azərbaycana gətirilməsi üçün hazırlıqlara başlanılıb.

Bu barədə Ayxan Hacızadə açıqlama yayıb: "Cənazələrin bu gecə saat 02:00 radələrində ölkəyə gətirilməsi nəzərdə tutulub. Müəyyən prosedur qaydaları var ki, bunların icra edilməsi üçün meyitlər əvvəlcə Malatyadan İstanbula aparılacaq. İstanbuldan Ankaraya, daha sonra Azərbaycana gətiriləcək".

🇰🇷 Türkiyədəki işlərini bitirən Cənubi Koreyalı həkimin ölkədən qayıdarkən çadırın üzərinə yazdığı yazı:

“Ailələrini itirən Türkiyə xalqına: Daha bir insanı xilas edə bilmədiyim üçün kədərliyəm. 14 Fevral 2023 - Cərrah”.

🇦🇲 Ermənistan xarici işlər naziri Ararat Mirzoyan Türkiyədə səfərdədir.

Onun Türkiyə XİN başçısı Çavuşoğlu ilə görüşəcəyi gözlənilir.

🇹🇷 Hazırda Türkiyənin zəlzələ bölgələrində 76 ölkədən 7606 nəfərlik heyət axtarış-xilasetmə işləri görür.

"Artıq 12 ölkədən heyət ölkələrinə geri qayıdıb. Bəzi bölgələrdə axtarış-xilasetmə işi bitib. Hazırda əsas olaraq sığınacaq işləri ilə məşğul oluruq", - deyə Türkiyənin xarici işlər naziri Mövlud Çavuşoğlu deyib.

🇹🇷 Kamal Sunalın həyat yoldaşı Gül Sunal: “Kamala Antalyada bir inşaat firmasının reklam üzü olması, bunun qarşılığında orada tikiləcək evlərdən birinin ona hədiyyə olunması təklifi gəldi. O qəti şəkildə gələn təklifi rədd etdi. Mən nə üçün belə etdiyini soruşanda əlində oxuduğu tarixi kitabını göstərdi və dedi: “Hammurapi qanunlarında belə ev tikilərkən saxtakarlığa yol verənlərin öldürülməli olduğu deyilir. Haqq verirəm. Mən həmin evləri reklam etsəm, insanlar mənə inanıb o evləri alacaqlar. Bir gün hansısa səbəblə o evlər dağılarsa, mən vicdanıma necə hesab verərəm?””.

🇹🇷 Kahramanmaraş bölgəsində 42 yaşlı Melike İmamoğlu 222 saatdan sonra dağıntılar altından xilas edilib.

🇹🇷Dağıntılar altından çıxarılarkən ağzında siqaret olan Soner Tuğtekin hadisə ilə bağlı danışıb
…"Bina bir anda üzərimizə çökdü. Sütun qızımın üstünə düşdü. Yoldaşımı özümə tərəf çəkməyə çalışdım, ancaq qolu çarpayının bazasına ilişmişdi. Oğlum divanın altında idi, ancaq onu çəkə bildi...Yanımda yalnız tütün və 1,5 litr su vardı. Çox çəkdiyim üçün alışqanımın qazı bitdi. Siqaretimi yandıra bilmirdim. Batareyaları parçaladım və naqillərini bir-birinə vuraraq problemimi həll etdim”…
👉 https://azvision.az/news/319713

🇹🇷 Türkiyədə zəlzələ nəticəsində həlak olan tələbələrdən biri Samir Quliyev bundan əvvəl Türkiyənin Elazığ vilayətindəki universitetlərdən birində təhsil alırmış.

Ailəsi 2020-ci ildə orada baş verən zəlzələdən sonra universitetini Malatya şəhərindəki təhsil ocağına dəyişib.