🇬🇷 Türkiyə və Yunanıstanın xarici işlər nazirləri Hataya gedib.

🇸🇩 Sudanlı xilasedicilər fasilə vaxtı namazlarını qılarkən.

🇹🇼 Türkiyənin Adıyaman vilayətində onlarla insanın həyatını xilas edən Tayvanlı axtarış-xilasetmə qrupu vidalaşaraq ölkələrinə qayıdıblar.

🇹🇷 Nyu-Yorkda yaşayan və Kahramanmaraşda baş verən zəlzələ nəticəsində həlak olan proqram mühəndisi Burak Firik bu şəhərə ürək əməliyyatı keçirən atasını görmək üçün gəlmişdi.

35 yaşlı Burak, onun həyatyoldaşı və iki azyaşlı uşağının cəsədi yerlə bir olmuş beşmərtəbəli binanın dağıntıları arasında bir-birinə sarılmış vəziyyətdə tapılıb.

🇹🇷 Türkiyədəki zəlzələnin 155-ci saatında Antakyada əqli qüsurlu gənc dağıntılar altından xilas edilib.

🇹🇷 Türkiyədə zəlzələdə ölənlərin sayı 29 605 nəfərə çatıb.

🇹🇷 Ölkəni sarsıdan zəlzələ təkcə insan ölümü ilə deyil, bütün canlıların tələfatı ilə nəticələnib. Yəni təbii fəlakət bütün canlılara təsir edib. Ancaq axtarış-xilasetmə qruplarının səyi nəticəsində son anda xilas olan heyvanlar da az sayda deyil.

🇹🇷🇦🇿 FHN-in Türkiyədə zəlzələ bölgəsindəki qərargahında yerli həmkarlarla toplantı keçirilib.

Toplantıda hazırki əməliyyat şəraiti və növbəti addımlar müzakirə edilib. Həmçinin zəlzələdən ziyan çəkmiş insanlar üçün Azərbaycandan göndərilmiş çadırların qurulması məsələləri nəzərdən keçirilib.

🇹🇷🇦🇿 Kahramanmaraşda 102 saatdan sonra dağıntılar altından çıxarılan xəstə Canan Şafkılını Müdafiə Nazirliyinin Tibb İdarəsinin hərbi həkimləri şok vəziyyətindən çıxardıblar

🇹🇷 Türkiyə səhiyyə naziri 150 saat sonra dağıntılar altından çıxarılan qızı müayinə edib

🇹🇷 Meksika heyətinin Türkiyəyə gətirdiyi Proteo adlı axtarış iti xilasetmə işləri zamanı dağıntılar altında qalaraq həlak olub.

🇹🇷 Hatayda 147 saat sonra daha iki şəxs xilas edilib

11 yaşlı Cudi və nənəsi dağıntılar altından çıxarılıb. Cudinin isə xilasedicilərdən ilk istəyi çimmək olub: "Sayıram, 7 gündür depressiyadayıq. Çox çirkliyəm, məni hamama aparın”

🇹🇷“Zəlzələnin Türkiyə iqtisadiyyatına vurduğu ziyan 84 milyard dolları keçə bilər” - “Bloomberg”

🇦🇿 Azərbaycandan Türkiyəyə köməyə gedən 100-dən çox könüllü gənc Kahramanmaraşa çatıb.

🇦🇿 155 saat sonra xilas edilən 9 yaşlı Semih Ege xilasedicilərdən su istəyib.

- Bir "bidon" su gətirin
- O qədər içə bilərsən?
- İçərəm. Çox susamışam.
- Həftənin neçənci günüdür?
- Beşinci gün
- Oooo, beş gün qalmışam

🇹🇷 "Baykar" şirkəti zəlzələdə evlərini itirən sakinlərə min mənzil bağışlayacaq.

Bu barədə şirkətin texniki direktoru Selçuk Bayraktar açıqlama verib.

O, həmçinin qeyd edib ki, müvəqqəti yaşayış üçün evini itirmiş 2000 insana hesablanmış konteyner evlərdən şəhərciyin yaradılması işləri gedir.