🇻🇪🇹🇷Venesuela Türkiyəyə 50 nəfərlik axtarış-xilasetmə qrupu göndərib.

🇦🇿İlham Əliyev: “Azərbaycan hər zaman olduğu kimi, ilk dəqiqələrdən, ilk saatlardan qardaş Türkiyənin yanında idi və öz dəstəyimizi, öz həmrəyliyimizi həmişə olduğu kimi nümayiş etdirmişik. Əgər bu acı faciənin fəsadlarının aradan qaldırılmasına bir balaca kömək edə bilmişiksə, bunu özümüz üçün şərəf bilirik. Hər zaman Türkiyə də bizim yanımızdadır, yaxşı günlərdə, çətin günlərdə”.

🇦🇿Prezident: “Bilirsiniz ki, Azərbaycan xalqı könüllü olaraq qardaşlara, öz doğma qardaşlarına dəstək olmaq üçün kimin əlində nə var onu gətirir. Yəni, kimi yorğan gətirir, kimi döşək gətirir, kimi gödəkcə gətirir. Kimin imkanı nəyə çatırsa, onu da əsirgəmir. Biz bütün dünyaya bir daha nümayiş etdiririk ki, təkcə dövlətlərarası səviyyədə deyil, dövlət başçıları səviyyəsində deyil, insanlar səviyyəsində də əsl qardaşlıq əlaqələri mövcuddur və bu da təbiidir”.

🇦🇿Dövlət başçısı: “Bizim ictimai təşkilatlarımız da öz dəstəyini göstərirlər. Heydər Əliyev Fondu artıq böyük təşəbbüsə start verdi. Fondun bütün imkanları, Fondun nəzdində çalışan bütün insanlar artıq bu yardım kampaniyasına qoşulmuşlar.

Mənə verilən məlumata görə, özəl şirkətlər artıq fəaliyyətə keçiblər və həm maddi yardım, eyni zamanda, texniki yardım göstərməyə başlamışlar. Mənim göstərişimlə bizim ən böyük şirkətimiz SOCAR öz dəstəyini verməyə başlayır. Bilirsiniz ki, SOCAR-ın Türkiyədə böyük fəaliyyəti, böyük imkanları var. Bu şirkət, eyni zamanda, Türkiyə şirkətidir və əlində olan bütün imkanlarla yardım etməyə çalışır və çalışacaq”.

🇫🇷 Fransa Milli Assambleyasının sessiyası başlamazdan əvvəl Türkiyədə zəlzələdə həyatını itirənlər bir dəqiqəlik sükutla yad edilib.

🇹🇷 Ərdoğan: “İndiyə qədər belə fəlakətlərdə göstərdiyi səbri millətim bu fəlakətdə də göstərəcək. Biz bütün imkanlarımızı səfərbər etmişik”.

🇦🇿🇹🇷Azərbaycan Prezidenti: "Əminəm ki, Türkiyə bu acı sınaqdan da şərəflə çıxacaq, bunu da aşacaq. Ancaq bu, inanılmaz dərəcədə böyük faciədir.

Türkiyə-Azərbaycan artıq bir yumruqdur, bir ürəkdir, bir candır”.

🇦🇿🇹🇷Türkiyədə zəlzələdən sonra 25 Azərbaycan vətəndaşının axtarışları aparılır.

“Bu demək deyil ki, onlarla nə isə baş verib. Telefonlarını itirə bilərlər və yaxud o enerjisi bitdiyindən söndürülmüş ola bilər”, - deyə ölkənin Ankaradakı səfiri Rəşad Məmmədov açıqlama verib.

🇦🇿👏🏻“VAZ-2107” markalı avtomobilin sahibi kənd sakinləri ilə birlikdə Türkiyə üçün yardım toplayan Laçın rayonunun Minkənd kənd sakinidir!

🇮🇷🇮🇱Qaziantep hava limanında İran və İsrail xilasedicilərinin təyyarələri yan-yana…

🇹🇷🧸Türkiyə daxilində zəlzələdən əziyyət çəkən ailələrə yardımlar toplanır…

Bu yardımı isə hansısa balacaq uşaq edib. Öz xərclik pulunu (təxminən 10 manat) oyuncağına bağlayaraq göndərib.