🇦🇿🇹🇷 İlham Əliyev Türkiyə Prezidenti Rəcəb Tayyib Ərdoğana başsağlığı məktubu ünvanlayıb.

Başsağlığı məktubunda deyilir:

“Hörmətli cənab Prezident,

Əziz Qardaşım,

Kahramanmaraşda baş vermiş və qardaş Türkiyənin bir çox yerlərində hiss edilmiş güclü zəlzələ nəticəsində çoxsaylı insan tələfatı və dağıntılar barədə xəbər bizi olduqca kədərləndirdi.

Bu ağır məqamda hər cür yardım göstərməyə hazır olduğumuzu bildirir, faciə ilə əlaqədar Sizə, həlak olanların ailələrinə və yaxınlarına, qardaş Türkiyə xalqına öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyir, zəlzələnin nəticələrinin tezliklə aradan qaldırılmasını arzulayıram.

Allah rəhmət eləsin!”

🇸🇾 Suriyada zəlzələdə həlak olanların sayı 237 nəfərə çatıb, 639 nəfər yaralanıb.

🇹🇷🚨Azərbaycanın Türkiyədəki səfirliyi bu ölkədəki vətəndaşlarımıza müraciət edib:

“Kahramanmaraş və ətraf vilayətlərdə baş vermiş zəlzələdə zərərçəkən Azərbaycan Respublikasi vətəndaşlarının +90 532 577 61 68 nömrəli qaynar xətt vasitəsilə Azərbaycan Respublikasinin Türkiyə Respublikasındakı səfirliyi ilə əlaqə saxlamaları xahiş olunur”.

🇹🇷🚨Bu gün səhər saatlarında Türkiyədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə Prezident İlham Əliyevin tapşırığına əsasən, Fövqəladə Hallar Nazirliyinin ilkin olaraq 370 nəfərdən ibarət çevik xilasetmə qüvvələrinin qardaş ölkəyə yola düşməsi üçün hazırlıq işlərinə başlanılıb.

⚡️Suriyanın Hələb şəhərindən görüntülər. Zəlzələ nəticəsində bir çox binalar, o cümlədən tarixi binalar dağılıb.

🔥 Yanan Quran deyil, körpülərdir - Qazaxıstandan baxış
❗️Aydındır ki, bundan sonra İsveçin NATO-ya daxil olması prosesi uzun müddət ləngiyəcək və ölkənin vəziyyətdən çıxması çətin olacaq. Artıq müsəlman ölkələrinin sərt reaksiyası özünü göstərib. Geosiyasi turbulentliyin mövcud reallıqlarını nəzərə alsaq, bu əsla rəsmi Stokholmun xeyrinə deyil.
👉 https://azvision.az/news/318886

🇹🇷 Türkiyəli deputatın ailəsi dağıntılar altında qalıb

"İki qardaşım, onların həyat yoldaşları, bacım və onun həyat yoldaşı və övladları dağıntılar altında qaldı", - deyə Hüseyn Yayman vurğulayıb.

🇹🇷Başın sağ olsun, Türkiyə!

🥀 Həlak olanların doğmalarına və yaxınlarına dərin hüznlə başsağlığı veririk.

🇷🇺🇦🇿 Rusiya sülhməramlıları Qarabağı tərk edəcəkmi? – Moskvadan baxış
❗️RSK-nın müvəqqəti məsuliyyət zonasında qalma müddətinin uzadılmasının mümkünlüyü məsələsi çox güman ki, Moskva, Bakı və İrəvan arasında danışıqların mühüm mövzularından biri olacaq. 2024-cü ilin sonu - 2025-ci ilin əvvəlində xüsusilə fəal şəkildə müzakirə ediləcək.
👉 https://azvision.az/news/318888

🏰🇹🇷Türkiyənin Qaziantep vilayətində UNESCO-nun Dünya İrs Siyahısına daxil edilmiş tarixi qala 7,4 bal gücündə zəlzələ nəticəsində uçub.

🚒 FHN qüvvələri Türkiyəyə yola düşdü

🇺🇸🇹🇷🇸🇾ABŞ Türkiyə və Suriyada bu gün baş verən dağıdıcı zəlzələ ilə bağlı xəbərlərdən dərin narahatdır:

“Biz lazım olan hər cür yardımı göstərməyə hazırıq”

🇦🇿🇹🇷Azərbaycanın Birinci vitse-prezidenti Mehriban Əliyeva Türkiyəyə başsağlığı verib.

"Türkiyənin cənub-şərqində baş vermiş güclü zəlzələnin nəticələri barədə xəbərləri dərin kədər hissi ilə qarşıladım. Allah faciə zamanı həlak olanlara rəhmət eləsin. Onların doğmalarına və yaxınlarına dərin hüznlə başsağlığı verirəm. Yaralananların və xəsarət alanların tezliklə şəfa tapmasını arzulayıram. Türkiyə xalqının kədəri bizim kədərimizdir. Uca Tanrıdan bütün Türkiyə xalqına güc və səbir diləyirəm!".

🇹🇷⚡️Türkiyədə baş verən zəlzələdən sonra zərərçəkənlərin və dağıntıların siyahısı

Qeyd edək ki, insanlar dağıntılar altından çıxarılmağa davam edir. Minlərlə şəxs hələ də dağıntılar altında qalıb. Ölü sayı isə hər saat başı artır…

🇹🇷🛩️Bolqarıstan Türkiyəyə iki təyyarə xilasetmə qrupu göndərir.