🇮🇳🇸🇾Azərbaycan XİN: “120 ölkə arasından İranın mövqeyinə dəstək verən yalnız Suriya və Hindistan olub”.

🇺🇸🇺🇦 "ABŞ Ukraynaya "Abrams" tanklarını ən tez bu ilin sonlarında çatdıracaq" - "The Washington Post"

🇺🇸❗️🇹🇷 ABŞ kəşfiyyatı İstanbulun mərkəzində terror ola biləcəyinə dair xəbərdarlıq edib.

‼️🇮🇷İran tərəfi hücumdan dərhal sonra Qoşulmama Hərəkatının (QH) Əlaqələndirici Bürosuna və Asiyada Qarşılıqlı Fəaliyyət və Etimad Tədbirləri üzrə Müşavirəyə (AQEM) Azərbaycan tərəfindən təqdim edilmiş kommünike və bəyanat layihələrinə etiraz edib və bu sənədlərin qəbuluna mane olub.

🇺🇦🗣️Ukrayna Müdafiə və Təhlükəsizlik Şurasının sədri Oliksiy Danilov: "Qarşıdakı iki ay ərzində Rusiya-Ukrayna müharibəsinin taleyi üçün həlledici olacaq. Qarşıda bizi daha ağır döyüşlər gözləyir. İndi Qərbin dəstəyi əvvəlkinə nisbətən daha ciddi olmalıdır. Rusiyanın itkiləri bizim itkilərimizdən çoxdur. Amma dediyim kimi, daha qanlı günlər qarşıdadır. Bizim məqsədimiz təkcə ötən ilin fevralın 24-dək olan sərhədləri bərpa etmək deyil. Biz həm də Krım yarımadasını və şərqi Donbası azad edəcəyik. Bütün dünya bizi dəstəkləyir. Ona görə də biz mütləq qalib gələcəyik".

🇺🇦"Ukraynaya 1 dollara zərbə PUA-ları təklif olunur, lakin çatdırılması 10 milyon dollara başa gələcək" - "WSJ"

📰ABŞ-nin silah istehsalçısı “General Atomics” Ukrayna hökumətinə Rusiyanın mümkün hücumu öncəsi Kiyevə yardım etmək üçün cəmi bir dollara iki “Reaper MQ-9” PUA-ları təklif edir. Ukrayna isə PUA-ların hazırlanması və çatdırılması üçün təxminən 10 milyon dollar, eləcə də texniki xidmət üçün ildə təxminən 8 milyon dollar xərcləməli olacaq.

‼️Qeyd edək ki, “Reaper”in qanadları təxminən 20 metrdir, qurğu 24 saatdan çox uçuşda ola və silah daşıya bilir. “General Atomics” Ukraynaya köhnə model “MQ-9A Block 1” təklif edir. Belə bir PUA-nın qiyməti bir neçə milyon dollardır.

🇦🇿🇮🇱Azərbaycanın müdafiə naziri general-polkovnik Zakir Həsənovla İsrailin müdafiə naziri Yoav Qallant arasında telefon danışığı olub.

Danışıq zamanı tərəflər baş verən terror hadisələrini kəskin qınayıb, regional təhlükəsizlik məsələlərini, eləcə də ölkələrimiz arasında hərbi-texniki əməkdaşlığın perspektivlərini müzakirə ediblər.

⚡🇺🇸🇺🇦ABŞ Ukraynaya 150 km mənzilli "GLSDB" (Ground Launched Small Diameter Bomb) raketləri verə bilər.

✔️Bu barədə "Reuters" agentliyi ABŞ rəhbərliyindəki məlumatlı mənbələrə istinadən xəbər verib.

❗"HİMARS" reaktiv yaylım atəşi sistemindən də atıla bilən raketin ən böyük üstünlüklərindən biri hərəkətdə olan hədəfləri də yüksək dəqiqliklə vura bilməsidir.

🚨DİN: “Azərbaycanda "din pərdəsi" altında təxribat və pozuculuq əməllərini həyata keçirən daha 39 nəfər müəyyən edilərək saxlanılıb”.

🚨🇮🇷İranın Azərbaycandakı "şeytan"ı Hacı Mətləb həbs edildi

O, Daxili İşlər Nazirliyi tərəfindən İranın casus şəbəkəsinə qarşı keçirilən xüsusi əməliyyat zamanı tutulub.

‼️Qeyd edək ki, Hacı Mətləb kimi tanınan Mətləb Bağırov “SalamNews" İnformasiya Agentliyinin və “İnterAz” televiziyasının rəhbəridir.

🇮🇷🇦🇲İrəvandan rəsmi etiraf: "İran döyüşlərdə bizə kömək etdi"
‼️...Tehranın sentyabr döyüşlərində İrəvanın tərəfində durduğunu gizlətməyən diplomat İranın bu gün də Ermənistanın mühüm tərəfdaşı olduğunu xüsusi olaraq vurğulayıb. O qeyd edib ki, İran və Gürcüstanla olan sərhəd ölkəsi üçün xarici dünyaya açılan nəfəslik sayılır və mühüm əhəmiyyət kəsb edir.
👉https://azvision.az/news/318536

🇮🇷🇹🇷🇮🇶 İran dəstəkli "Əhrar əl İraq" qruplaşması Türkiyə Ordusunun İraqın Mosul şəhərindəki Başika hərbi bazasını artilleriya qurğuları ilə atəşə tutub.

🇦🇿İlham Əliyev: "Azərbaycanın İrandakı səfirliyinin mühafizə əməkdaşının qəhrəmanlığı nəticəsində terrorçu zərərsizləşdirilib və bununla da silahlı şəxsin səfirliyin başqa əməkdaşlarına və onların ailə üzvlərinə hücumun qarşısı alınıb".

Prezident İlham Əliyev vurğuladı ki, həmin şəxsin səfirliyimizin binasında törətdiyi terror hadisəsi prosesinin xeyli vaxt çəkməsinə baxmayaraq, İranın polis və təhlükəsizlik qüvvələri tərəfindən hər hansı ciddi tədbir görülməyib".

📰🇺🇦"ABŞ Ukraynaya 2,2 milyard dollarlıq hərbi yardım paketi ayıracaq" - "Reuters"

Paketə “Ground Launched Small Diameter Bomb” (Yerdən Atılan Kiçik Diametrli Bomba - GLSDB) yüksəkdəqiqlikli idarə olunan raketlər daxildir. ABŞ-İsveç istehsalı olan bu raketlər HIMARS (ing. “High Mobility Artillery Rocket System” – Yüksək Mobilli Raket-Artilleriya Sistemi) raket sistemlərindən buraxılır və onlarla kilometr uzaqlıqdakı hərəkətli hədəfləri vura bilir.

‼️Qeyd edək ki, Rusiya-Ukrayana müharibəsi başlayandan ABŞ Ukraynaya 27,2 milyard dollar yaradım ayırıb.

🇺🇦🇬🇷Yunanıstan hökuməti Ukraynaya “Leopard 2” tankları verməyəcəyini açıqlayıb

🗣️Yunanıstanın Baş naziri Kiriakos Mitsotakis: “Ukraynaya əhəmiyyətli hərbi dəstək vermişik. Bu dəstək xüsusilə zirehli piyada maşınlarında özünü göstərib. Ancaq “Leopard 2” tanklarını müdafiəmiz üçün tamamilə vacib hesab etdiyimizə görə verməyəcəyik. Biz açıq şəkildə bildirdik ki, Ukraynaya dəstək verməyə hazırıq, lakin bu müdafiə imkanlarımızın zərərinə baş verməməlidir”.

🛰️“SpaceX” “Starlink” şəbəkəsinin 49 mikropeykini tərkibinə alan “Falcon 9” raket daşıyıcısını uğurla orbitə buraxıb.

Fevralın 2-də daha 53 mikropeykin orbitə çıxarılması planlaşdırılır.

‼️Qeyd edək ki, “Starlink” şəbəkəsi 260 kq ağırlığında çoxlu sayda cihazları yerləşdirməklə internetə çıxış təmin etmək üçün nəzərdə tutulub. “SpaceX”in hesablamalarına görə, ümumilikdə 11 min peykin orbitə çıxarılması və istismara verilməsi 10 milyard dollara başa gələcək.

❗🇬🇪😳Gürcüstanın keçmiş Prezidenti Mixail Saakaşvilinin son görüntüləri.