🇦🇿😢 “Allah eləsin, bu gün ölməyim, ad günümdür...” | 20 yanvar hekayələri
⏳ ...Çörəyi qoyub dedi:
- Mən kazarmanın yanına gedirəm.
- Nə olub axı?
- Orada yoldaşlarım var.
- Ay bala, ad günündü, əyləş çörəyini ye.
- Yox, getməliyəm.
- Habil, getmə.
- Bu çörək haqqı qayıdacağam,- deyib yeyə bilmədiyi çörəyi bir də əlinə götürüb and içdi...
👉 https://azvision.az/news/317549

🇦🇿📃Misir, Səudiyyə Ərəbistanı, Əlcəzair, Sudan, Livan və İraqın qəzet və portallarında 20 Yanvar faciəsi haqqında geniş məqalələr dərc edilib.

🇦🇿İlham Əliyev Davos Dünya İqtisadi Forumu çərçivəsində keçirilən “Avrasiya Orta Dəhlizi: Yoldan magistrala” mövzusunda panel iclasında deyib:

“Azərbaycanda zəruri infrastruktur obyektləri daha çox yük qəbul etməyə hazırdır. Qərbdə Gürcüstan və Türkiyə, Şərqdə isə Mərkəzi Asiya ilə gözəl münasibətlərimiz var. Qərblə Şərq arasında təbii coğrafi bağlantıya malik olduğumuz üçün biz ötən illər ərzində nəqliyyat infrastrukturuna böyük sərmayə yatırmışıq”.

🇦🇿İlham Əliyev: "Bu ildən etibarən biz Qazaxıstan neftinin tranzitinə başlamışıq. Türkmənistandan isə neft tranziti uzun illərdir həyata keçirilir. Bu dəhlizin karbohidrogen ehtiyatlarının daşınması baxımından da potensialı var".
👉https://azvision.az/news/317563

🇦🇲Göyçədə yanan erməni əsgərlərin sonuncu fotosu və adları
🔥Sosial şəbəkənin erməni seqmentində Göyçə mahalının Basarkeçər rayonunun Ağkilsə kəndində yerləşən Ermənistan Silahlı Qüvvələrinin 75938 №-li hərbi hissəsinin mühəndis-istehkam rotasının kazarmasında yanan şəxsi heyətin sonuncu fotoşəkili yayılıb.
👉 https://azvision.az/news/317570

🇦🇲📽️Niderlandda yaşayan Azərbaycan icması Almelo şəhərindəki “Hof 88” teatrında ermənilərin “45 gün: millət uğrunda mübarizə” sənədli filminin nümayişinin qarşısını alıb.

🇫🇷Fransada pensiya yaşının 62-dən 64-ə qaldırılmasına qarşı kütləvi etiraz aksiyaları keçirilir.

🇺🇦🇩🇰Danimarka Ukraynaya 19 Fransız Sezar özüyeriyən artilleriya qurğusu verəcək.

🖤🥀Ümumxalq Hüzn Günü kimi tariximizə yazılan 20 Yanvar faciəsindən 33 il ötür.

Bu faciə Azərbaycanın suverenliyi, müstəqilliyi və ərazi bütövlüyü əleyhinə yönəlmiş hərbi təcavüz, insanlıq əleyhinə cinayətdir. Bu tarix həm də Azərbaycan xalqının qəhrəmanlıq salnaməsidir.

Vətənimizin milli azadlığı və müstəqilliyi naminə canlarını qurban verən 20 Yanvar şəhidlərimizin əziz xatirəsini hörmət və ehtiramla anırıq!

🇦🇿Bir dəqiqəlik sükut…

Şuşada, Laçın-Xankəndi yolunda ekofəalların dinc etiraz aksiyası keçirilən ərazidə də 20 yanvar şəhidlərinin xatirəsi ehtiramla yad edilib.

🇦🇿😢🥀Sizin balanız qərənfillər olacaq... | 20 yanvar hekayələri
…Dəhlizdə yerə düşmüş əzik-üzük bir şarf görüblər.
Faiq deyib:
- Deyəsən bu İlhamın şarfıdır.
Elxan gözucu baxıb:
- Ola bilməz,- deyib.
Ordan-burdan soruşublar… Heç kim bir cavab verməyib. Bilənlər də “bilmirik” deyib. Təkcə onu deyiblər ki:
- Keçin ölüxanaya baxın…
👉 https://azvision.az/news/317587

🥀😥Kaş biz də elə öləydik... | 20 yanvar hekayələri
…Ölülər ayağa qalxıb matdım-matdım, incik-incik onlardan uzaqlaşan bu ölünün ruhu ilə danışırdılar:
- Hə ölüb görəsən?
- Bu nə işdi? Dünya dağılır nədi?
- Harada görünüb ölü qəbiristanlıqdan geri qayıtsın?
- Yoox, bu dünyanın başında nəsə var!!!
👉 https://azvision.az/news/317606

⛴️💥Gəmilərin mübarizəsi: 20 yanvarda Bakı buxtası niyə bağlanmışdı - MÜSAHİBƏ
"Deyirdilər ki, şəhidlərin meyitləri dənizə töküləcək"
📻🚨…Bakı buxtasında yanvarın 24-də fövqəladə vəziyyət elan olundu və 15:00-a qədər vaxt verildi ki, gəmilər buxtanı boşaltmasa gülləbaran olacaq, desantlar töküləcək. Bu məlumat “Sabit Orucov” gəmisində efir vasitəsilə bütün gəmilərə ötürüldü və bildirildi ki, kim istəsə gedə bilər. Çünki gəmilərə atəş açılacaqdı və ölənlər ola bilərdi. Yerlərdən gənc dənizçilərimizin hamısı bir səslə deyirdi ki, heç kim evə getməyəcək…
👉 https://azvision.az/news/317521

🇦🇿🥀Sağ Qolun faciəsi | 20 yanvar hekayələri
- Oğul, sən mənim oğlum haqqında ölmuş kimi yazsan, ömrüm boyu lənətləyərəm səni. O ölməyib, o ölməyib… Sağ qolu kəsilib, bir gün qolsuz qayıdacaq bu evə. Bacarırsan təkcə kəsilmiş sağ qolu haqqında yaz. Eşidirsən???
-Eşitdim ana, eşitdim...
👉 https://azvision.az/news/317613

🛢Pakistan Rusiyadan neft alacaq.

📌Mart ayının sonuna qədər nəql olunacaq neftin həcmi müəyyənləşdiriləcək, logistika, sığorta və ödəniş məsələləri həll ediləcək.
👉https://azvision.az/news.php?id=317617&lang=az

🇦🇿Prezident İlham Əliyev Şəhidlər xiyabanını ziyarət edib.

🇷🇺⚡️Rusiyanın göyü açılıb – TƏHLİL
// Ölkənin hava hücumundan müdafiə sistemi heç nəyə yaramır
🛬 Yeni nəsil HHM sistemlərinə keçid Rusiya üçün onillərlə vaxt, yüz milyardlarla dollar əlavə vəsait, on minlərlə ixtisaslı və peşəkar kadrlar tələb edir. Bunların heç biri ən azından yaxın onillikdə əlçatan deyil. Odur ki, yaxın və orta perspektivdə Ukrayna PUA-ları Rusiya ərazilərinin dərinliyində çox "fokus"lar göstərəcəklər.
👉 https://azvision.az/news/317637

⚡️😨Vəziyyət yaxşıdır, lakin pisdir - BVF rəhbəri
// İqtisadiyyat bərpa olunur, amma risklər var...
‼️…Bəs biz nədən narahat olmalıyıq? Birincisi, 2,7%-lik iqtisadi artım tempini qənaətbəxş hesab etmək olmaz - qlobal maliyyə böhranı və COVID-19 pandemiyası dövrünü nəzərə almasaq, bu, son onilliklərdə ÜDM-də ən zəif artımdır. İkincisi, inflyasiyanın hansı - müsbət, yoxsa mənfi istiqamətdə hərəkət edəcəyi ilə bağlı hələlik dəqiq bilgi yoxdur. Çində iqtisadi artımının sürətlənməsi neft və qaz qiymətlərində artıma və bununla da inflyasiyanın güclənməsinə səbəb olarsa, necə?…
👉 https://azvision.az/news/317638

🇦🇿Azərbaycanın Misir Ərəb Respublikasındakı səfirliyində 20 yanvar faciəsinin 33-cü ildönümünə həsr olunmuş fotosərgi təşkil edilib.

📺📻💥SSRİ DTK-nin “Alfa” qrupu yanvarın 19-u saat 19:27-də Azərbaycan televiziyasının enerji blokunu partlatdı, respublikada televiziya verilişləri dayandırıldı. Mətbuat susduruldu. Azərbaycan dünyadan təcrid edildi…