🇺🇦☪️Ukrayna müsəlmanlarının müftisi Səid İsmayılov aylardır şiddətli döyüşlərin getdiyi Baxmut şəhərində ruslar tərəfindən bir hissəsi dağıdılan məscidin önündə Quran kitabından Fəth surəsini oxuyub.

Donetskdə anadan olan 44 yaşlı Şeyx Səid İsmayılov əslən Volqa tatarlarındandır və hal-hazırda Ukrayna ordusunun tərkibində Baxmutun müdafiəsi uğrunda gedən döyüşlərdə iştirak edir.

🇺🇦Zelenski: "Ukraynada yaşayan ruslar vətəndaşlıqdan məhrum edilməlidir. Bizim vəzifəmiz bu gün dövlətimizə siyasi, yaxud mənəvi təsir göstərmək imkanı olan və Rusiya Federasiyası vətəndaşlığına malik bütün ikili, üçlü vətəndaşların yalnız bir vətəndaşlığının qalmasını təmin etməkdir - Rusiya Federasiyası vətəndaşlığı. Mənə elə gəlir ki, bu, tamamilə ədalətlidir”

📰“The Wall Street Journal” nəşri yazır: "ABŞ və onun müttəfiqləri Rusiyaya qarşı yeni sanksiyaları müzakirə edir, neft məhsullarına qiymət həddi tətbiq etmək niyyətindədirlər".

‼️Məhdudiyyətlər fevralın 5-dən qüvvəyə minməlidir.

📝Nəşr onu da vurğulayır ki, Rusiya neft məhsulları üçün iki qiymət həddinin tətbiqi planlaşdırılır: biri yüksək qiymətli ixrac mallarına, xüsusən dizel yanacağına, digəri isə mazut kimi aşağı qiymətli mallara təsir edəcək.

🇲🇫Makron iki ölkəni barışdırmaq yolunda birgə səyləri davam etdirmək üçün əlcəzairli həmkarı Abdelmacid Tebbunu Parisdə qəbul edəcəyinə ümid bəsləyir.

🗣️Makron: “Mən üzr istəməyə ehtiyac görmürəm. Məsələ bu deyil. Belə jest bütün əlaqələri qıra bilər”.

‼️Qeyd edək ki, Fransanın Əlcəzairdə müstəmləkəçilik siyasəti yürüdüb, yerli xalqa qarşı qətliam törədib. Dəhşətli qətliam Əlcəzairin 1 milyon 500 min vətəndaşının ölümü ilə nəticələnib.

🇺🇸📰🇩🇪 “Politico” nəşri yazır: "Co Baydendən əks təklif olmasa, Almaniya kansleri Olaf Şolts Ukraynaya döyüş tanklarının tədarükü ilə bağlı tərəddüdlü mövqeyini dəyişməyəcək"

‼️Nəşr keçən həftə hər iki liderin artıq piyada döyüş maşınları və "Patriot" sistemlərinin tədarükü ilə bağlı birgə bəyanat yaydıqlarını xatırladaraq, Şoltsun mövqeyinin öz hərəkətlərini yaxından əlaqələndirdiyi ABŞ prezidenti Co Baydendən çox asılı olduğunu vurğulayıb.

🇦🇲🇬🇪Gürcüstanın Baş naziri İrakli Qaribaşvili Ermənistana işgüzar səfərə gedib.

🤝Paşinyan və İrakli Qaribaşvilinin rəhbərliyi ilə Ermənistanla Gürcüstan arasında İqtisadi əməkdaşlıq üzrə Hökumətlərarası Komissiyanın iclası keçiriləcək.

🇦🇲🗣️Paşinyan: "Qarabağda ərzaq çatışmazlığı səbəbindən uşaq bağçaları tam fəaliyyət göstərə bilmir. İş yerləri də bağlanmağa başlayıb".
👉https://azvision.az/news/316932

🇷🇺⚡🇦🇲Rusiya XİN Ermənistan hakimiyyətini ittiham edib: "Ermənistan və Azərbaycan xarici işlər nazirlərinin sülh müqaviləsi üzrə görüşü 2022-ci il dekabrın 23-də Moskvada keçirilməli idi. İki ölkənin liderləri buna razılıq vermişdilər. Bunun üçün hər şey hazırlanmışdı. Amma Ermənistanın xarici işlər naziri Ararat Mirzoyanın səfərini son anda ləğv edən Ermənistan rəhbərliyi olub. Bu, təkcə sülh müqaviləsinin deyil, həm də Ermənistan-Azərbaycan münasibətlərinin normallaşması ilə bağlı digər aktual məsələlərin, o cümlədən Laçın dəhlizi ətrafında vəziyyətin müzakirəsinə mane oldu".

🇷🇺⚡T-90M “Prorıv” tanklarının yeni partiyası Rusiya Müdafiə Nazirliyinə göndərilib.

🇷🇺⚡Rusiyanın “Kalaşnikov” konserni ötən il silah istehsalını əvvəlki illərlə müqayisədə 40 faiz artıraraq son 20 ilin rekord nəticəsini göstərib. Konsern dövlət sifarişləri üzrə 45 müqavilə və 24 hərbi-texniki əməkdaşlıq sazişi imzalayıb.

🇹🇷💥Türkiyə yerli istehsal olan qırıcı təyyarələrlə bağlı xaricdən ilk sifariş alıb
‼️Hələ ki, sifarişçinin adı açıqlanmayıb. Mətbuatın məlumatına görə, Türkiyə istehsalı olan qırıcıların ilk müştəriləri Pakistan, İndoneziya, Malaziya və digər dost ölkələr ola bilər.

🇺🇦🇳🇴Ukrayna Dövlət Sərhəd Xidməti: "Norveç Ukrayna sərhədçilərinə 100-dən çox generator göndərib".

🦠🇬🇪 "COVİD-19"un "Kraken" adlanan ştammı artıq Gürcüstanda aşkarlanıb. Bu ştamm əvvəlkilərdən 140% daha yoluxucudur.
⚡️"Əgər "Kraken"lə yoluxmuş adam otağa girsə, orada olanların hamısı mütləq yoluxacaq",- Gürcüstanlı səhiyyə eksperti Georgi Pxakadze deyib. Onun sözlərinə görə, ölkəsi pandemiyanın daha bir dalğasına hazır deyil.

🇷🇺🗣️Mariya Zaxarova bu gün keçirdiyi brifinqdə Paşinyanın mətbuat konfransında verdiyi bəyanata münasibət bildirərkən deyib:
“Rusiya qoşunlarının mövcudluğu Ermənistanın təhlükəsizliyinə təhlükə yaradır bəyanatı absurddur. Onilliklərdir ki, bizim hərbçilərimiz, sərhədçilərimiz Ermənistanın təhlükəsizliyinə əhəmiyyətli töhfə verir, onun sərhədlərini qoruyur. Bu obyektiv reallığı inkar etmək mümkün deyil”.

🇷🇺🗣️Mariya Zaxarova: "Ermənistan ötən il də KTMT-nın Qazaxıstanda keçirilən birgə təlimlərinə qoşun kontingenti ayırmamışdı. Bu, sözsüz ki, müttəfiqlər üçün müəyyən çətinliklər yaradır, hərbi qurumların xətti ilə artıq razılaşdırılmış planı yenidən formalaşdırmağa məcbur edir. Güman edirik ki, yekunda optimal həll tapılacaq”.

🇺🇦🇹🇷🗣️Ukraynanın Türkiyədəki səfiri Vasili Bodnar: “Türkiyə müharibənin ilk günlərindən sülh danışıqlarında Ukraynaya kömək edir, bəzi praktiki məsələlərin həllində vasitəçilik edir və faktiki olaraq təklif olunan və rəsmiləşdirilən məsələləri həyata keçirir. Məsələn, qida təhlükəsizliyi ilə bağlı”.

‼️BMT və Türkiyənin təşəbbüsləri ilə imzalanan Taxıl Dəhlizi Sazişinin əhəmiyyətinə toxunan Bodnar qeyd edib ki, Türkiyə və Ukrayna hazırda dünyanı aclıqdan xilas edir.

🇹🇷🌪️Antalyada küləyin sürəti saniyədə 70 metrədək artıb.

🌊Məşhur Konyaaltı çimərliyi yaxınlığında sahildə dalğaların hündürlüyü 6 metrə çatıb, kurortun bir çox bölgəsində ağaclar aşıb, onlarla avtomobilə ziyan dəyib.

🇦🇿🇮🇹Azərbaycan və İtaliya müdafiə nazirləri təlim və təhsil sahəsində əməkdaşlıq haqqında niyyət protokolu imzalayıblar.
👉https://azvision.az/news/316965