🇹🇷Türkiyənin terrorçulardan təmizlədiyi ərazilərə 550 minə yaxın suriyalı geri dönüb

‼Ərdoğan: "Türkiyə Suriyada sabitlik və sülh mühiti yaranana qədər qardaşlıq və insanlıq öhdəliklərini yerinə yetirməyə davam edəcək".

🇬🇧🇯🇵Britaniya və Yaponiya bir-birinin ərazisində qoşun yerləşdirməyə icazə verən müqavilə imzalayacaq.

🇺🇦Zelenski Lvovda müharibədə həlak olan Ukrayna əsgərlərinin xatirəsini yad edib.

Zelenski: “Azadlığımız və dövlətimizin müstəqilliyi uğrunda canlarından keçənlərin hamısına eşq olsun! Yaşasın Ukrayna!”.

🇹🇷Ərdoğan: Türkiyə Ukraynada yaralı şəxslərin təxliyəsi üçün humanitar koridorun yaradılmasını dəstəkləyir.

🛩🇺🇦Varşavanın meri Rafal Trzaskovski, Praqanın meri Zdenek Hrib, Bratislavanın meri Matus Vallo və Budapeştin meri Qerqeli Karacsoni Kiyevə səfər edib.

🇺🇦🇵🇱Polşa Prezidentinin mətbuat katibi Yakub Kumoç: "Prezidentlərin Lvovda görüşündə Polşa və Litvanın Ukraynaya dəstəyi ətraflı müzakirə olunub. Polşa öz növbəsində "Leopard" tanklarının tədarükü üçün beynəlxalq koalisiya yaradacaq və koalisiya çərçivəsində bu tipli ilk tankları Ukraynaya təklif edəcək".

🚉London metrosunun 160 ili tamam olur.

🇹🇷🗣️Türkiyə Prezident Administrasiyasının nümayəndəsi: "Türkiyədən Kiyevə kaset bombalarının çatdırılması ilə bağlı yayılan məlumatlar Ankaranın sülh səylərini sarsıdan dezinformasiyadır. Türkiyənin sülh üçün çalışan yeganə ölkə olduğunu görmürsünüz? Ərdoğan hər iki liderlə danışa bilən və etibar edilən liderdir. Bu cür məlumatlar sülh yolu ilə nizamlanma səylərimizə xələl gətirmək istəyənlərin maraqlarına xidmət edir".

‼Qeyd edək ki, daha əvvəl "Foreign Policy" Türkiyənin 2022-ci ilin noyabr ayından Ukraynaya Amerika tipli kassetli sursatlar tədarük etdiyini yazıb.

🇮🇷İran müdafiə nazirliyinin keçmiş rəis müavini Əlirza Əkbəri barəsində ölüm hökmü çıxarılıb. O, Böyük Britaniya kəşfiyyatı üçün casusluqda ittiham olunur.

🇺🇸🇺🇦Bu gün Niderlandın Vlissingen limanına ABŞ-ın Bradley piyada döyüş maşınları gətirilib.

Onlar NATO-nun şərq sərhədlərini gücləndirmək məqsədi ilə Polşa və Litvaya yerləşdiriləcək. Ümumilikdə Şərqi Avropaya 1250-yə yaxın hərbi texnikanın yerləşdirilməsi nəzərdə tutulub. Yeni gətirilən hərbi texnikanın Ukraynaya göndəriləcəyi də gözlənilir.

🗣🇺🇦Zelenski bu gün Lvovda keçirilən mətbuat konfransında rəsmi Kiyevin NATO-dan daha çox şey gözlədiyini bildirib: “NATO ölkələrinin dəstək bəyanatları Ukrayna üçün kifayət deyil. Bizə irəliyə doğru addımlar lazımdır. Yayda Vilnüsdə NATO-nun sammiti keçiriləcək və biz o görüşdən çox ciddi qərarlar və addımlar gözləyirik".

🇬🇪Gürcüstanın üçüncü prezidenti Mixail Saakaşvili sosial şəbəkə hesabında yazıb: “Ukraynaya “Buk” sistemlərini verməkdən imtina etmək ayıbdır! Prezident Yuşşenkonun köməyi ilə biz onları o zaman ən aşağı qiymətə aldıq. Yanukoviç Ukraynaya gələndə hətta “Buk”un Gürcüstana verilməsinə görə Yuşşenkoya qarşı iş də açdırdı və bunu Rusiyanın göstərişi ilə etdi. Üstəlik, bizə “Buk”dan istifadə etməyi öyrədən təlimatçı polkovnik Mamçur 2017-ci ildə Rovnoda rus agentləri tərəfindən öldürülüb.

İndi amerikalılar Ukraynaya “Buk” üçün çoxlu sayda raket veriblər. Ən əsası, bu addımla biz təkcə ukraynalıların deyil, Ukraynaya amerikalıların da “Javelin”lərini borc verməkdən imtina etdik. Bu, xəyanətdir və belə xəyanət epizodları Gürcüstan və Ukrayna münasibətlərinin tarixində ağır ləkə olaraq qalacaq”

🇵🇱🇺🇦 Polşa prezidenti Anjey Duda Lvovda bu cür qarşılandı.

🇨🇳Çin dünyada ilk ekoloji təmiz sərnişin qatarını istifadəyə verib.

Maksimum sürəti 160 km/saat olan dörd sürətli vaqondan ibarət və quraşdırılmış hidrogen enerji sisteminə malik qatar bir dəfəyə 600 kilometr yol qət edə bilir. Qatar müxtəlif “smart” monitorinq sistemləri və sensorlar, eləcə də yüksək sürətli 5G bağlantısı ilə təchiz edilib.

🇷🇺🇺🇦Atom Enerjisi üzrə Beynəlxalq Agentliyin (AEBA) baş direktoru Rafael Qrossi gələn həftə Ukraynada olacağını, bundan sonra Rusiyaya səfər planlaşdırdığını açıqlayıb.