🇮🇷🇮🇶İraqın Tehrandakı səfiri İran Xarici İşlər Nazirliyinə çağırılıb.

İranın xarici işlər naziri Hüseyn Əmirabdullahian ölkəsinin İraq rəsmilərinin Fars körfəzi yerinə Ərəb körfəzi deməsinə etirazını çatdırıb.

🇨🇳CNN kanalı Çin şəhərlərində krematoriyalar və dəfn evlərində növbələri göstərən peyk görüntülərini dərc edib.

🗣🇷🇺Peskov: “Xüsusi əməliyyatın aparılmasında müsbət tendensiya var, lakin Soledarın azad olunması ilə bağlı rəsmi açıqlamaları gözləmək lazımdı”

‼Qeyd edək ki, dünən gecə saatlarında Rusiya qoşunlarının Ukraynanın Donetsk vilayətinin Soledar şəhərini ələ keçirməsi barədə məlumat yayılıb. Məlumatda "Vaqner" özəl hərbi birləşməsinin şəhərə tam nəzarət etdiyi bildirilib.

🇰🇿Qazaxıstan XİN Ukraynanın Kiyev vilayətində “məğlubedilməzlik yurtası"nın quraşdırılması ilə bağlı aksiyaya aidiyyətinin olmadığını açıqlayıb

🗣“Bu, Ukrayna xalqına kömək etmək qərarına gələn qazax xeyriyyəçilərin şəxsi təşəbbüsüdür. Biz bunu şərh və ya qadağan edə bilmərik. Səfirlik bu prosesdə iştirak etməyib”, - Qazaxıstan Xarici İşlər Nazirliyinin sözçüsü Aybek Smadiyarov deyib.

‼Qeyd edək ki, “Məğlubedilməzlik yurtası" Buça şəhərində açılmış istilik məntəqəsidir. Buça şəhər şurasının saytında qeyd olunub ki, yurd Qazaxıstanın Ukraynadakı səfirliyinin və Ukrayna xalq deputatı, Ukrayna-Qazaxıstan Respublikası ilə parlamentlərarası əlaqələr üzrə deputat qrupunun sədri Sergey Naqornyakın sayəsində yaradılıb.

🇦🇲Ermənistan müdafiə nazirinin müavini Arman Sarkisyan: "Ermənistanda qadınların hərbi xidmətə cəlb olunması üçün qanun layihəsi hazırlanır. Layihə hazır olduqdan sonra ictimaiyyətin müzakirəsinə veriləcək".

🗣Arman Sarkisyan qadınların orduda xidmətinin sırf könüllü xarakter daşıyacağını əlavə edib.

🇺🇦🇹🇷🇷🇺Peskov: "Türkiyənin Ukraynanı kassetli sursatlara təmin etməyə başlaması ilə bağlı xəbərlərin etibarlılığından danışmaq çətindir. Bilirsiniz ki, etibarlı və doğru məlumatlardan daha çox feyklər var. Ona görə də, sözsüz ki, biz bütün bunları diqqətlə izləyirik".

🗣Peskov Türkiyənin Ukraynaya Bayraktar pilotsuz uçuş aparatları göndərdiyini xatırladıb və Türkiyənin NATO üzvü kimi öz öhdəliklərinin olduğunu qeyd edib: “Eyni zamanda, bizi Türkiyə ilə qarşılıqlı anlaşma, hörmət və ən çətin problemləri müzakirə etmək üçün hazırlığa əsaslanan tərəfdaşlıq münasibətləri birləşdirir", - deyə əlavə edib.

⚡🇺🇦"Soledarda vəziyyət tamamilə nəzarətdədir. Bütün sərhədlər qorunub saxlanılıb və Ukrayna Silahlı Qüvvələrinin tam nəzarəti altındadır" - "Madyar" rotasının komandir müavini bildirib.

🇦🇿🇮🇱Prezidentin sərəncamı ilə Muxtar Məmməd oğlu Məmmədov Azərbaycan Respublikasının İsrail Dövlətində fövqəladə və səlahiyyətli səfiri təyin edilib.

📺“AzVision”da bu axşam :
▪️ Qısa, incə bir yoldayıq: Xankəndi yolundakı aksiyanın bir ayı nələri göstərdi?
▪️ Qadınlardan uşaqlara: Ermənilər dünyaya təsir etmək üçün yeni metod tapıblar
▪️ Əsl blokada necə olur: Tarixdən qısa xatırlatma
⏰Saat 21:30-da Real TV-də
👀Baxmamaq məsləhət deyil!…

🇮🇱"İsrail İrandan Livana silah tədarükü kanallarını bağlamaq və İranın Suriyadakı mövqelərinin güclənməsinin qarşısını almaq üçün tədbirlər görəcək" - İsrailin müdafiə naziri Yoav Qalant

🗣 “Microsoft” cəmi üç saniyəlik nümunə əsasında istənilən şəxsin səsini təqlid edə bilən "VALL-E" adlı mətni nitqə çevirən neyron şəbəkəsini yaradıb.

🎚️"VALL-E"nin yaradılması zamanı EnCodec audio sıxılma texnologiyası və ümumi müddəti təxminən 60 min saat olan 7 mindən çox insanın səs yazıları kitabxanasından istifadə edilib.

🎛️“Microsoft” şirkəti hesab edir ki, yeni neyron şəbəkə mətn əsasında audio məzmunun yaradılması zamanı faydalı olacaq. Xüsusilə, "VALL-E" tamamilə orijinal məzmun yaratmaq üçün GPT-3 mətn generatoru ilə birlikdə istifadə edilə bilər.

📰 “Forbes” dərgisi Bakını bu il səyahət üçün dünyanın ən yaxşı yerlərinə aid edib.

Məqalənin müəllifi Anna Kartaşova: “Qafqazın Dubayı adlandırılan Bakı təzadlar şəhəridir”.

Məqalədə Azərbaycan paytaxtının memarlıq özəllikləri xüsusi vurğulanır. Eyni zamanda müəllif Bakıda “Formula 1” yarışlarının mərhələsinin də keçirilidiyini xatırlatmağı unutmur.