السلااام عليكم ورحمة الله
تيجو نبدأ تحدي سوا

تحدي البداية✨💪🏻

تحدي مدته أسبوع واحد، هدفه نبدأ سنة تالتة ثانوي ببداية صح
فيها حماس وتنظيم ووعي
هنشتغل كل يوم على مهارة أساسية تساعدنا نركز ونتطور من نفسنا ونرجع التركيز

أسبوع واحد لكن الفرق اللي هيحصل كبير لو التزمنا فعلاً


🎯 أهداف التحدي :

✅نعرف إزاي نخطط بوعي ونرتب أولوياتنا
✅نتعلم إدارة الوقت ونستفيد بكل دقيقة
✅نبدأ نخفف من تعلقنا بالموبايل ونستعيد تركيزنا
✅نكتسب مهارات التعلم الذكي بدل الحفظ العشوائي
✅نعرف نغيّر عاداتنا ونتبنى عادات أفضل
✅نحافظ على ورد قرآني يومي يربطنا بربنا
✅ونبني حصيلة كلمات إنجليزي مهمة للمنهج

اول اربع ايام هنراجع علي اللي اخدناه السنه اللي فاتت من سورة البقره و بعدها هنكمل تثبيت السوره🫶🏻

الكلمات هجيبها من منهج تالته ثانوي
هنزل ليكم 5 كلمات يوميا وكل كلمة هنحطها في جملة
وهنبقي نعمل
مسابقه وتحديات علي الكلمات😁

ها مين معايا👀

هنبدا بإذن يوم السبت القادم 💪

✨ بدل ما تبدأوا مذاكرة لـ 3 ث دلوقتي...
خلي الشهر ده بداية روحانية 🌙💫
قربوا فيه من ربنا، 🕊️ التزموا بالصلاة في وقتها، وخدوا نية صادقة إنكم تستعينوا به على السنة دي 💪📖

ده وقت رائع ترتبوا فيه أولوياتكم:
📌 جربوا المدرسين اللي ناويين تشتركوا معاهم
🧠 شوفوا أنهي طريقة مذاكرة تناسبكم
🗓️ نظّموا وقتكم وعودوا نفسكم على الالتزام بهدوء

السنة طويلة... والمفتاح إنكم تبدأوا صح 🎯
قربوا من ربنا، وابدأوا ببناء العادة قبل ما تبدأوا بالضغط 💖

#النية_قبل_الخطة 🤍📚
#استعد_بقلبك_قبل_عقلك 🌱

وخليكم دايمًا فاكرين 🤍
إحنا علينا السعي... والتوفيق دايمًا من عند ربنا ✨
قربوا منه بصدق، والتزموا بالفروض، والسنن، والأذكار والورد اليومي 🌿
حاجات شكلها بسيطة، بس محدش هيوصل من غيرها 💫

🌷.

مهام اليوم الاول✅

🎯مراجعة سورة البقره
الربع الاول
من ايه 1 الي25 📖

🎯تعلم مهارة التخطيط👇🏻

📌مشاهدة فيديو تلخيص كتاب "عام ال12اسبوع"
https://youtu.be/b2q5yBL4XYI?si=NCy9FQJdv9MiDj3C

📌فيديو التخطيط الأسبوعي
https://youtu.be/J7VqdsJeM9w?si=RpUI-fGTpvbDNkac

🎯حفظ اول 5 كلمات
( الكلمات) 👇🏻

اليوم الأول ✅

🔹 Due to (علي وشك )
✏️ Due to the heavy rain, the match was cancelled.
📝 بسبب الأمطار الغزيرة، تم إلغاء المباراة.

🔹 Publish (ينشر – كتاب، مجلة)
✏️ She plans to publish her first book next year.
📝 هي تخطط لنشر أول كتاب لها العام القادم.

🔹 Spread (ينشر – مرض، إشاعة)
✏️ The news about the virus spread quickly.
📝 انتشرت الأخبار عن الفيروس بسرعة.

🔹 Secret (سر / سري)
✏️ She kept the secret to herself, afraid it might hurt someone if revealed.
📝 احتفظت بالسر لنفسها، خافت أن يؤذي أحدًا إذا تم كشفه.

🔹 Claim (يدّعي)
✏️ She claimed the bag was hers.
📝 ادعت أن الحقيبة تخصها.

التطبيق العملي لليوم الاول✅

💡 أولًا: إزاي تحدد رؤيتك أو أهدافك

علشان تعرف تحدد رؤيتك، اسأل نفسك شوية أسئلة بسيطة:
1. عايز تطلع من 3 ث بإيه؟💭
مجموع معين؟ فهم حقيقي؟ رضا عن مجهودك؟ تقرّب من ربنا؟


2. إيه الحاجات اللي نفسك تحققها في حياتك على المدى الطويل؟💭
تدخل كلية معينة؟ تبقى ناجح؟ مستقر؟ تبقى قريب من القرآن؟ تبقى منظم ومرتب؟

💬 مثال لرؤية مبدئية:
"أنا عايز أكون طالب مجتهد ومنظم وقريب من ربنا وأنهي سنة 3 ث وأنا راضي عن نفسي حتى لو قابلت صعوبات"

🧭 ثانيًا: نحول الرؤية لأهداف 12 أسبوع

ركز على 3 جوانب بس في كل خطة:
1. الجانب الدراسي
2. الجانب الديني
3. الجانب الشخصي أو النفسي

مثال على أهداف 12 أسبوع (لحد أول أكتوبر مثلًا):
🎯 دراسيًا
أخلص منهج الفيزياء والكيمياء والرياضيات لحد الوحدة التانية
أراجع كل أسبوع درس عربي وإنجليزي
أحل 5 امتحانات شاملة شهريًا
🎯 دينيًا
أحافظ على ورد يومي ولو صفحة قرآن
أحضر حلقات علم أو ألتحق بدورة مفيدة
🎯 نفسيًا
أنام عدد ساعات كافي
أمارس رياضة خفيفة 3 مرات في الأسبوع
أخصص ساعة راحة أسبوعيًا أعمل فيها حاجة بحبها

🛠 ثالثًا: نكتب التكتيكات (خطوات التنفيذ)

كل هدف كبير يتقسم لخطوات يومية أو أسبوعية/مثال:
هدف: مراجعة فيزياء
تكتيك: كل يوم أحل 5 مسائل وكل أسبوع أراجع وحدة كاملة

📆 جدول أسبوعي عملي
السبت: مراجعة كيمياء + درس تفسير + ساعة رياضة
الأحد: درس فيزياء + حل امتحان إنجليزي
الاثنين: مذاكرة نحو + ورد قرآن + راحة
(واكمل باقي الأسبوع بنفس الشكل)

✅ نهاية كل أسبوع
قيّم نفسك: هل أنجزت 80% من الخطة؟
لو لأ، ليه؟ تعب؟ ضغط؟ محتاج تعديل الجدول

🗓 في الأسبوع 13
راجع الـ 12 أسبوع اللي فاتوا:
إيه اللي مشي كويس؟
إيه اللي محتاج تعديل؟
هل محتاج تغير رؤيتك ولا لأ؟


💬 نصيحة أخيرة

أنت مش مطالب تبقى مثالي لكن مطلوب منك تكون مجتهد
حتى لو مش عارف رؤيتك بوضوح دلوقتي كفاية تبدأ بخطوة صغيرة والوضوح هييجي في الطريق بإذن الله 🌱

مهام اليوم الثاني✅

🎯مراجعة سورة البقره
الربع الثاني
من ايه 26 الي43 📖

🎯تعلم ادارة الوقت 👇🏻
https://youtu.be/2pVxc2_--iI?si=vilU4gIBXDkcaucB
مشاهده نص الفيديو (الي نهايه الاتزام المسبق)

🎯حفظ ال 5 كلمات
( الكلمات) 👇🏻