✈️ 🇦🇿🇹🇷 Rəsmi saytımızda Bakı-İstanbul-Bakı istiqamətində 2 iyul - 29 avqust tarixlərinə aviabiletlər artıq satışda. Uçuşlar həftədə 2 dəfə yerinə yetiriləcək.

Xaricdə oxuyan tələbələrimiz üçün 30% endirim nəzərdə tutulub. Bunun üçün müvafiq sənədlər təqdim etmək lazım olacaq.

Daha ətraflı saytımızda: https://www.azal.az/az/article/562

‼️ “Azərbaycan Hava Yolları” QSC-nin məlumatı

Bakı-İstanbul-Bakı marşrutu üzrə xüsusi reyslərə aviabiletlərin müxtəlif şəxslər tərəfindən satılması barədə müxtəlif məlumatların yayılması ilə əlaqədar olaraq Azərbaycanın milli aviadaşıyıcısı yalnız rəsmi məlumata etibar etməyi və digər mənbələrdən alınan müxtəlif təkliflərə inanmamağı sərnişinlərdən xahiş edir.

Belə ki, hazırda aviabiletlər yalnız AZAL və “Türk Hava Yolları” aviaşirkətlərinin rəsmi internet saytlarında satılır.

Xatırladırıq ki, 2020-ci ilin 2 iyul tarixindən 29 avqust tarixinədək AZAL həftədə iki dəfə (cümə axşamı və şənbə günləri) Bakı və İstanbul arasında uçuşlar həyata keçirəcək. “Türk Hava Yolları” aviaşirkəti 1 iyul tarixindən etibarən çərşənbə və cümə günləri reyslər həyata keçirəcək.

Aviabiletlər hər hansı digər kənar resurslardan alındığı təqdirdə etibarsız aviabilet əldə etmək və ödənilən vəsaiti itirmək təhlükəsi mövcuddur. Bu qəbildən təkliflər meydana çıxdığı halda araşdırma aparılması üçün hüquq-mühafizə orqanlarına müraciət etmək lazımdır.

✈️🇦🇿🇹🇷 AZAL iyulun 4-də İstanbula əlavə xüsusi reys yerinə yetirəcək.

Həftənin şənbə günü, iyul ayının 4-də Azərbaycanın milli aviadaşıyıcısı Bakı-İstanbul Bakı marşrutu üzrə daha bir xüsusi reys yerinə yetirəcək.

Aviabilet rəsmi saytda əldə edə bilərsiniz: 👉 www.azal.az

Xatırladırıq ki, COVID-19 testindən keçmək zəruridir. Tələbələr isə 30% endirimdən yararlana bilər.

📹: https://youtu.be/HylsY0m9cEM

ℹ️ AZAL iyul ayının 7-də Bakı-İstanbul-Bakı marşrutu üzrə daha bir xüsusi reys yerinə yetirəcək.

Aviabiletlər artıq rəsmi saytda satışdadır www.azal.az.

Xüsusi reyslərin qaydalarını xatırladırıq 👉 https://bit.ly/2VLmFDM

⚠️ Hörmətli dostlar və sərnişinlərimiz!

AZAL aviaşirkəti yalnız Azərbaycan Respublikasının Nazirlər Kabineti yanında Operativ Qərargahın, aviaşirkətin və ya səfirliyin / konsulluğun təqdim etdiyi rəsmi məlumata etibar etməyi sərnişinlərdən bir daha xahiş edir.

AZAL aviabilet alışı zamanı aviaşirkətin rəsmi internet saytından istifadə etməyi, provokasiyaya uymamağı və qeyri-rəsmi məlumatlara inanmamağı sərnişinlərə israrla tövsiyə edir. Əks halda, sərnişin həm vaxtını, həm də pul vəsaitini itirə bilər.


❗️ “Azərbaycan Hava Yolları” həmçinin provokasiya xarakterli hərəkətləri, yəni qəsdən qeyri-dürüst məlumatın yayılmasını araşdırmaq üçün hüquq-mühafizə orqanlarına müraciət etmək hüququna malikdir.

ℹ️ AZAL iyul ayının 9-da Bakı-İstanbul-Bakı marşrutu üzrə daha bir xüsusi reys yerinə yetirəcək.

Aviabiletlər artıq rəsmi saytda satışdadır ✈️ www.azal.az.

🇬🇧 AZAL Bakı-London-Bakı marşrutu üzrə xüsusi reyslərə aviabilet satışına başlayır.

🗓 Uçuşlar 16 iyul - 27 avqust aralığında həftədə bir dəfə yerinə yetiriləcək.

⚠️ Xüsusi şərtlər tətbiq olunur.
Ətraflı: 👉 https://www.azal.az/az/article/568

🇧🇾"Azərbaycan Hava Yolları", iyulun 10-dan 31-dək həyata keçiriləcək Bakı-Minsk marşrutu üzrə reyslərdə "Belavia" Belarusiya aviaşirkətinin marketinq tərəfdaşı oldu.

🗓 Uçuşların tezliyi həftədə iki dəfə – cümə və bazar günləri olmaqla ümumilikdə yeddi reys yerinə yetiriləcək.

✈️ Aviabilet satışı həm www.azal.az saytında, həm də www.belavia.by saytında həyata keçiriləcəkdir.

🇩🇪İyulun 17-dən etibarən AZAL Bakı-Berlin-Bakı marşrutu üzrə xüsusi reyslər həyata keçirməyə başlayacaq. Uçuşlar avqustun 28-dək həftədə bir dəfə - cümə günləri həyata keçiriləcək.

⚠️ Xüsusi şərtlər tətbiq olunur.

Ətraflı: 👉 https://www.azal.az/az/article/571

📹 Hörmətli dostlar, həmçinin yaxın zamanda səyahət etməyi planlaşdıran sərnişinlərimiz!
⠀
Pandemiya zamanı həyata keçirilən reyslərdə tətbiq olunan xüsusi şərtlər ilə əlaqədar daşınma qaydaları, uçuşların bərpası və s. haqqında çoxsaylı suallar alırıq.
⠀
⁉️ Bu videoda sosial şəbəkələrdə şəxsi mesajlar, həmçinin şərhlər vasitəsilə bizə ən çox ünvanlanan sualların cavablarını topladıq.
⠀
Şübhəsiz ki, dostlarınız və tanışlarınızda da bu suallar yarana bilər - bu videonu onlar ilə paylaşın 😉

👉 https://youtu.be/o1QZR7Y9wRM

✈️🇹🇷 Avqust ayının 1-dən Bakı-İstanbul-Bakı istiqamətində uçuşlar hər gün yerinə yetiriləcək.

Tələbələr aviabilet alışı zamanı AZAL-ın İstanbul-Bakı reyslərində 30% həcmində güzəştdən yenidən yararlana biləcəklər.
⠀
❗️Uçuşlara yalnız koronavirus testindən keçmiş və mənfi nəticə əldə etmiş sərnişinlər buraxılacaq.

🎥 Bizə suallar daxil olmağa davam edir, qərara gəldik ki daha bir video hazırlayaq.

❓Aşağıdakı sualları videoda cavablandırdıq:

- Moskvaya və Rusiyanın digər şəhərlərinə reyslər nə vaxt açılacaq?
- Niyə çarter reysləri barədə əvvəlcədən məlumat vermirsiniz?
- Xüsusi reyslərlə hansı sərnişinlər Azərbaycana qayıda bilər?
- Hava limanlarında verilən ekspress-testləri niyə qəbul edilmir?
- Bakıda hansı klinikalarda COVID-19 testindən keçmək lazımdır?
- Avqust ayında reyslər həyata keçiriləcəkmi?

👉 https://youtu.be/qmwy7Sl2AOs

✈️🇹🇷🇩🇪🇬🇧 AZAL 2020-ci ilin oktyabr ayının sonunadək Bakıdan İstanbul, Berlin və Londona xüsusi reyslər həyata keçirməyə davam edəcəkdir.
 
Yeni cədvələ uyğun olaraq İstanbula uçuşlar hər gün, Londona - hər həftə cümə axşamları, Berlinə - cümə günləri yerinə yetiriləcəkdir.
 
Aviabiletləri aviaşirkətin rəsmi www.azal.az saytında əldə etmək olar.

Səyahət etmək üçün COVID-19 testindən keçmək mütləqdir.

Suallarınıza cavab verməyə davam edirik.
⠀
Səyahəti planlaşdıran dostlarınızla da videonu paylaşmağa unutmayın.

👉 https://youtu.be/K_YJDass9jc
⠀
🎥 Rubrikanın birinci buraxılışı: https://youtu.be/o1QZR7Y9wRM
🎥 İkinci buraxılış: https://youtu.be/qmwy7Sl2AOs

✈️🇷🇺 Həftənin çərşənbə günü, avqustun 5-də, “Azərbaycan Hava Yolları” Bakı-Moskva-Bakı marşrutu üzrə xüsusi çarter reysi yerinə yetirəcək.

Bakı-Moskva reysinə biletləri yalnız Rusiyanın dövlət xidmətləri portalında müvafiq ərizəni dolduran şəxslər ala bilər.

Ətrafl: 👉 https://www.facebook.com/AzerbaijanAirlines/photos/a.161386287286964/3239668386125390/

✈️🇹🇷 Avqustun 6-dan etibarən Bakı-İstanbul-Bakı istiqamətində reyslərin sayı həftədə 11 reysədək artırılacaq (hal-hazırda şəhərlər arasında uçuşlar hər gün həyata keçirilir). Həftənin çərşənbə axşamı, cümə axşamı, şənbə və bazar günləri AZAL İstanbula gündə iki reys həyata keçirəcək.

Tələbələr aviabilet alışı zamanı AZAL-ın reyslərində 30% həcmində güzəştdən yenidən yararlana biləcəklər.

Uçuşlara yalnız koronavirus (COVID-19) testindən keçmiş və mənfi nəticə əldə etmiş sərnişinlər buraxılacaq.

🇦🇿✈️ Bakı-Naxçıvan reyslərinə bilet satışı yeni üsulla həyata keçiriləcək.
⠀
Bu gündən etibarən AZAL-ın Bakı-Naxçıvan marşrutu üzrə reyslərinə aviabilet satışı yeni üsulla həyata keçiriləcək.
⠀
Bu istiqamətdə uçuşlara tələbatın yüksək olduğunu və pandemiya dövründə uçuşların sayının məhdud olduğunu nəzərə alaraq, qeyd edilən marşrut üzrə aviabilet satışı növbəlilik prinsipi əsasında həyata keçiriləcək. Növbəyə aşağıdakı iki usulla yazılmaq mümkündür:
⠀
- azal.az saytında https://help.azal.az/hc/az/requests/new?ticket_form_id=360000853919 linki vasitəsilə onlayn formanı doldurmaqla;
⠀
- (+99470) 4374081 nömrəsinə WhatsApp vasitəsilə yazılı müraciət edərək.
⠀
Müraciət zamanı sərnişinlər mütləq qaydada şəxsiyyət vəsiqəsinin skan edilmiş surətini, həmçinin əlaqə nömrəsini göndərməlidirlər.
⠀
Naxçıvan istiqamətində reyslərə tələbatın çox yüksək olduğunu nəzərə alaraq, aviaşirkət nəzərinizə çatdırır ki, yaxın tarixlərdə qeyd edilən istiqamətdə uçuşlarda boş yerlər qalmamışdır.

Dostlar, bu gün biz şərhlər və şəxsi mesajlar vasitəsilə aldığımız ən tez-tez verilən sualları yenidən cavablandırırıq.

Rusiyaya uçuşlar haqqında, Bakı-Naxçıvan istiqamətində yeni üsul ilə bilet satışı haqqında bu videoda məlumat ala bilərsiniz:

👉 https://youtu.be/34xe_yCQlz0

⚠️ Bakı-Naxçıvan istiqamətində səyahət edən sərnişinlərin nəzərinə!
⠀
Hazırda tələbatın yüksək olması ilə əlaqədar Bakı-Naxçıvan istiqamətində uçuşlara aviabilet satışı növbəlilik əsasında həyata keçirilir.
⠀
Növbəyə yazılmaq üçün aşağıdakı qaydada aviaşirkətimizə müraciət edə bilərsiniz:
✅ https://help.azal.az/hc/az/requests/new?ticket_form_id=360000853919 saytında onlayn formanı doldurmaqla;
✅+994 55 204 65 54 nömrəsinə WhatsApp mesenceri vasitəsilə yazılı şəkildə sorğu göndərərək.
⠀
Həmçinin çağrı mərkəzinə telefon vasitəsilə müraciət etməyiniz tövsiyə olunmur, belə ki, istənilən halda sənədlərin surətlərini göndərmək mütləqdir.

Hörmətli dostlar və səyahətə hazırlaşan sərnişinlər!
⠀
❓"Suallarınıza cavablar" rubrikasının növbəti buraxılışını Sizə təqdim edirik.
⠀
Eyni zamanda, videoda Bakı-Naxçıvan istiqamətində aviabilet üçün növbənin alınması bir daha izah olunub: 👉 https://youtu.be/E5xu9ov5S-g