❗️ "Azərbaycan Hava Yolları" QSC-nin Mətbuat xidmətinin məlumatı
⠀
Naxçıvan ərazisində hava şəraitinin pisləşməsi ilə əlaqədar bu gün, dekabrın 19-da aviaşirkətin Heydər Əliyev Beynəlxalq Aeroportundan Naxçıvana və əks istiqamətdə planlaşdırılan reyslərinin həyata keçirilməsi yenidən təxirə salınıb.
⠀
Xatırladırıq ki, uçuşların təhlükəsizliyi məqsədilə uçuşlar yalnız əlverişli hava şəraitində həyata keçiriləcək.
⠀
AZAL təxirə salınmış reyslərin sərnişinlərindən uçuşlar haqqında ən son məlumatları aviaşirkətin rəsmi sosial şəbəkə səhifələrində və kütləvi informasiya vasitələrində izləmələrini xahiş edir.
⠀
Əlavə suallar yarandıqda, aviaşirkətin 24 saat fəaliyyət göstərən çağrı mərkəzinə callcenter@azal.az elektron poçt ünvanı və ya +994 55 204 65 54, +994 70 437 40 86 "WhatsApp" nömrələri vasitəsilə müraciət edə bilərsiniz.

❗️ "AZAL Miles" proqramının iştirakçılarının nəzərinə!
⠀
Komandamız "Azərbaycan Hava Yolları" aviaşirkətinin tez-tez səyahət edən sərnişinləri üçün "AZAL Miles" loyallıq proqramı tərəfindən göstərilən xidmətlərin keyfiyyətini artırmaq üçün daim çalışır.
⠀
Bununla əlaqədar və texniki təkmilləşdirmələri nəzərə alaraq, "AZAL Miles" loyallıq proqramına giriş dekabrın 20-dən 26-dək məhdudlaşdırılacaq.
⠀
Bu müddət ərzində iştirakçılar satış ofislərimiz, agentlərimiz və dəstək xidmətimiz daxil olmaqla, adi kommunikasiya kanalları vasitəsilə öz hesablarına daxil ola bilməyəcəklər. Həmçinin bu zaman ərzində mükafatların rəsmiləşdirilməsi imkanı mövcud olmayacaq.
⠀
Yenilənmədən sonra “Azərbaycan Hava Yolları” aviaşirkətinin (AZAL) “App Store” və "Google Play"də mövcud olan mobil tətbiqində şəxsi kabinetinizə daxil olmaq mümkün olacaq.
⠀
Qeyd edək ki, yenilənmədən sonra bütün iştirakçıların ballarının etibarlılıq müddəti 28 fevral 2023-cü il tarixinədək uzadılacaq.
⠀
Yaranmış narahatlığa görə üzr istəyirik.

❗️ “Azərbaycan Hava Yolları” QSC-nin Mətbuat xidmətinin məlumatı.
⠀
"Azərbaycan Hava Yolları" aviaşirkəti təxirə salınmış Bakı-Naxçıvan-Bakı marşrutu üzrə reyslərin sərnişinlərinin daşınması üçün hazırda bütün lazımi tədbirləri görür.
⠀
☝️ Təxirə salınmış reyslərin yenilənmiş cədvəlini təqdim edirik.
⠀
Təxirə salınmış reyslərin sərnişinləri hava limanının qeydiyyat masasına öncədən yaxınlaşmalıdırlar.
⠀
AZAL digər təxirə salınmış reyslərin sərnişinlərindən uçuşlar haqqında ən son məlumatları aviaşirkətin rəsmi sosial şəbəkə səhifələrində və kütləvi informasiya vasitələrində izləmələrini xahiş edir. Onların cədvəli tezliklə dərc olunacaq.
⠀
⚠️ Bununla yanaşı, xüsusilə qeyd edirik ki, uçuşların təhlükəsizliyi məqsədilə bütün reyslər yalnız əlverişli hava şəraitində həyata keçiriləcək.

❗️ “Azərbaycan Hava Yolları” QSC-nin Mətbuat xidmətinin məlumatı
⠀
Dekabrın 17-də əlverişsiz hava şəraiti ilə əlaqədar təxirə salınmış Bakı-Naxçıvan-Bakı marşrutu üzrə 255/257 və 256/258 nömrəli reyslərinin sərnişinlərinin nəzərinə!
⠀
Planlaşdırılan uçuşa qeydiyyatdan keçmək üçün bu gün, dekabrın 20-də hava limanına öncədən yaxınlaşmağınız xahiş olunur.
⠀
🔹 Bakıdan bütün uçuşlar saat 14:20, 15:00 və 17:10-da həyata keçiriləcək.
⠀
🔹 Naxçıvandan uçuşlar saat 16:40, 17:20 və 19:30-da yerinə yetiriləcək.
⠀
AZAL digər təxirə salınmış reyslərin sərnişinlərindən uçuşlar haqqında ən son məlumatları aviaşirkətin rəsmi sosial şəbəkə səhifələrində və kütləvi informasiya vasitələrində izləmələrini xahiş edir. Onların cədvəli tezliklə dərc olunacaq.
⠀
⚠️ Bununla yanaşı, xüsusilə qeyd edirik ki, uçuşların təhlükəsizliyi məqsədilə bütün reyslər yalnız əlverişli hava şəraitində həyata keçiriləcək.

🎁 ✈️ Möhtəşəm Yeni il təklifi - dostlarınız və ailənizlə İstanbula və əks istiqamətdə sərfəli səyahət edin!
⠀
İki aviabilet alın - üçüncü bileti AZAL sizə hədiyyə edəcək!
⠀
Təklif 26 dekabr - 8 yanvar 2023-cü il tarixləri arasında axşam uçuşlarına keçərlidir. 7 yanvar 2023-cü il tarixinədək biletləri bron etməyə tələsin və Yeni il bayramını İstanbulda qeyd etmək şansından yararlanın.
⠀
Aksiya haqqında daha ətraflı veb-saytda tanış ola bilərsiniz:

👉 https://www.azal.az/az/offer/1347

❗️ “Azərbaycan Hava Yolları” QSC-nin Mətbuat xidmətinin məlumatı
⠀
Dekabrın 18-də əlverişsiz hava şəraiti ilə əlaqədar təxirə salınmış Bakı-Naxçıvan-Bakı marşrutu üzrə 251/253, 252/254 və 255/256 nömrəli reyslərinin sərnişinlərinin nəzərinə!
⠀
🔹 Bakıdan Naxçıvana bütün uçuşlar saat 21:10 və 23:30-da həyata keçiriləcək.
⠀
🔹 Naxçıvandan Bakıya uçuşlar saat 23:30 və 01:50-də (21 dekabr) yerinə yetiriləcək.
⠀
Planlaşdırılan uçuşa qeydiyyatdan keçmək üçün bu gün, dekabrın 20-də hava limanına öncədən yaxınlaşmağınız xahiş olunur.
⠀
AZAL təxirə salınmış reyslərin sərnişinlərindən uçuşlar haqqında ən son məlumatları aviaşirkətin rəsmi sosial şəbəkə səhifələrində və kütləvi informasiya vasitələrində izləmələrini xahiş edir.
⠀
⚠️ Bununla yanaşı, xüsusilə qeyd edirik ki, uçuşların təhlükəsizliyi məqsədilə bütün reyslər yalnız əlverişli hava şəraitində həyata keçiriləcək.

❗️”Azərbaycan Hava Yolları" QSC-nin Mətbuat xidmətinin məlumatı
⠀
Naxçıvan ərazisində hava şəraitinin pisləşməsi ilə əlaqədar aviaşirkətin bu günə olan 2151/2152 və 257/258 nömrəli reyslərinin həyata keçirilməsi təxirə salınıb.
⠀
⚠️ Xatırladırıq ki, uçuşların təhlükəsizliyi məqsədilə uçuşlar yalnız əlverişli hava şəraitində həyata keçirilir.
⠀
AZAL təxirə salınmış reyslərin sərnişinlərindən uçuşlar haqqında ən son məlumatları aviaşirkətin rəsmi sosial şəbəkə səhifələrində və kütləvi informasiya vasitələrində izləmələrini xahiş edir.
⠀
Əlavə suallar yarandıqda, aviaşirkətin 24 saat fəaliyyət göstərən çağrı mərkəzinə callcenter@azal.az elektron poçt ünvanı və ya +994 55 204 65 54, +994 70 437 40 86 "WhatsApp" nömrələri vasitəsilə müraciət edə bilərsiniz.

❗️ "Azərbaycan Hava Yolları" QSC-nin Mətbuat xidmətinin məlumatı
⠀
Azərbaycanın milli aviadaşıyıcısı AZAL öz resurslarından maksimum istifadə edərək qısa müddətdə əlverişsiz hava şəraiti ilə əlaqədar Bakı-Naxçıvan-Bakı marşrutu üzrə təxirə salınmış reyslərin sərnişinlərinin daşınmasını həyata keçirir.
⠀
🔹 Belə ki, çərşənbə axşamı, dekabrın 20-də Bakıdan Naxçıvana və əks istiqamətdə ümumilikdə 8 reys həyata keçirilib. Dekabrın 17 və 18 tarixlərində vaxtı dəyişdirilmiş uçuşların sərnişinləri sözügedən reyslərlə daşındılar.
⠀
🔹 Bu gün ərzində aviaşirkət həmçinin bu istiqamətdə 11 reys yerinə yetirəcək və dekabrın 18 və 19-na planlaşdırılan reyslərin sərnişinlərinin daşınmasını həyata keçirəcək.
⠀
🔹 Aviaşirkətin Bakı-Naxçıvan-Bakı marşrutu üzrə bütün reysləri çərşənbə günü, dekabrın 21-də cədvələ uyğun yerinə yetiriləcək.
⠀
Belə ki, aviaşirkət hava şəraiti səbəbindən təxirə salınan bütün reyslərin sərnişinlərinin təyinat yerinə daşınmasını bu gün başa çatdıracaq.

✈️ AZAL təqdim edir: 9 istiqamət üzrə 29 avroya biletləri - almağa tələsin!
⠀
Bu gün saat 16:00-da aşağıbüdcəli aviaşirkətimiz "Buta Airways" 2023-cü ilin yay cədvəli çərçivəsində satışlara başlayır.
⠀
Ən sərfəli qiymətə 10.000 aviabileti butaairways.az saytından əldə edin.
⠀
Ətraflı məlumat: ⤵️
www.butaairways.az/az/offer/offer-22-12-2022

🎁 Əgər Yeni il qabağı son həftədə yaxınlarınız və doğmalarınız üçün nə hədiyyə alacağınıza qərar verməmisinizsə, o zaman sizə aksiyamızı xatırladaq!

Yanvarın 7-dək Bakı-İstanbul marşrutu üzrə (və ya əks istiqamətdə) uçuşlara iki aviabilet alaraq daha bir bileti hədiyyə olaraq qazanırsınız!
⠀
📧 Aviabiletləri əldə etmək üçün aviaşirkətin kassalarına yaxınlaşa və ya callcenter@azal.az elektron poçtu vasitəsilə çağrı mərkəzimizə yaza bilərsiniz.
⠀
Aksiya haqqında daha ətraflı:
➡️ https://www.azal.az/az/offer/1347

🇦🇪 Dubay Yaxın Şərq və Şimali Afrikanın qastronomiya paytaxtı hesab olunur. Qurmanlar üçün bura bir şəhərdə dünya səyahətinə çıxmaq deməkdir.
⠀
2022-ci ilin iyun ayında Yaxın Şərqdə tanınmış bələdçi olan "Michelin" şirkəti Dubay əmirliyi üzrə ilk bələdçi kitabçasını təqdim edib. Ümumilikdə, 21 dünya mətbəxinin yeməklərini təklif edən 69 restoran "Michelin" bələdçisinin anonim müfəttişləri tərəfindən seçilmiş və tövsiyə edilmişdir.
⠀
Bu qastronomik paytaxtı pulsuz ziyarət etmək şansından yararlanın. Nüfuzlu "W Mina Seyahi" hoteli ilə birgə keçirdiyimiz müsabiqənin bitməsinə son 1 gün qalıb. Sizə iki pulsuz aviabilet və hoteldə gecələmə təqdim edirik. Bunun üçün sadəcə dostunuzu müsabiqə postunda qeyd (tag) etmək kifayətdir:
⠀
⤵️
https://www.facebook.com/AzerbaijanAirlines/posts/pfbid0iYMmsvtD1iP2GPY9Dzo7Y27PodzZ8Sw4jmuY6SARxWYsKkqK4Gj7x5YpijKphq5ql

❄️ Elflər Bakıya gəlib!
⠀
Əgər siz artıq “Soyuq Əllər, İsti Ürək” yarmarkasını ziyarət etmisinizsə, o zaman, yəqin ki, onun müxtəlif guşələrində elflərə diqqət yetirmisiniz. Bildiyiniz kimi, yarmarkanın məqsədi ağır xəstəliklərdən əziyyət çəkən uşaqların müalicə və əməliyyat xərclərinin qarşılanması üçün vəsait toplamaqdır. Bu xeyriyyə yarmarkasının əsas qəhrəmanlarından biri də uşaqları sevindirən nağıl personajlarıdır.
⠀
✈️ Qeyd edək ki, məhz AZAL-ın dəstəyi ilə “Nargis” Fondun himayəsində olan körpələr dünyanın qabaqcıl xəstəxanalarına müalicəyə göndərilmişdir.
⠀
“Nargis” Fondun aviaşirkətimizlə birgə hazırladığı elflərin və onların qonaqlarının səyahətindən bəhs edən qısa videoçarxı diqqətinizə təqdim edirik.

https://youtu.be/bamHFhrWWQA

Sevən insanların bir yerdə olmasından gözəl nə ola bilər axı? 🙏
⠀
Bayramlar insanları birləşdirir. Bu, yenidən bir araya gəlmək üçün daha bir səbəbdir.
⠀
Aviasiya sayəsində məsafələr azaldı, bir-birimizi daha çox görmək imkanı isə artdı. 40 ildən artıq təcrübəyə malik pilotumuz Xaliq Hüseynov peşəsinin ən gözəl anlarından danışır.
⠀
Dünya Azərbaycanlılarının Həmrəyliyi Günü və qarşıdan gələn Yeni iliniz mübarək! 👍

Əziz Dostlar və İzləyicilərimiz, Sizi 31 dekabr - Dünya Azərbaycanlılarının Həmrəyliyi Günü və qarşıdan gələn Yeni il münasibətilə təbrik edirik!
⠀
Yeni iliniz hər biriniz üçün uğurlu və xoş səyahətlər ilə zəngin olsun! 👍
⠀
Dear Friends and Followers! We wish you prosperous and happy New Year 2023! 🎄

Dostlar, xatırladırıq ki, İstanbul uçuşlarında hələ də "2+1" aksiyamız davam edir. 🥳
⠀
Bakıdan İstanbula (və əks istiqamətdə) axşam reyslərində iki sərnişin üçün aviabilet alarkən üçüncüsü bizdən hədiyyə olunur.
⠀
✅ Aksiya haqqında daha ətraflı: www.azal.az/az/offer/1347

🇰🇿 Almatıya uçmağa başlayırıq!
⠀
Martın 17-dən etibarən Mərkəzi Asiyanın ən gözəl şəhərlərindən birinə uçmağa başlayırıq. Qazaxıstanın ən böyük şəhərinə uçuşlar çərşənbə axşamı və cümə günləri həyata keçiriləcək. Biletləri rəsmi saytda və mobil tətbiqdə əldə etmək mümkündür.