-

‏أعتقوني وأتركوني في إنعزالي
‏يكفي اللي راح من عمري نهابه

‏أيه أنا مرتاح . . يوم إني لحالي
‏ونفسي أرتاحت على جو الكئابه

‏بايعوني بين ظني . . وإحتمالي
‏مابقى في صدري الضايق رحابه

-

‏اكثر اللي ضيّق اخلاقي وفوّر دمّي
‏موقفٍ يوم القيامة ماحسبت حسابه

‏مقدر اعطي حسنةٍ وحدة لبويه وامّي
‏واعطي اللي كنت ماحبّه وكنت اغتابه

-

"في غبتك قطرة لا راحت ولا جات
يا مجد بالفطرة بلا أية كلافة

وذوقك رفيع وقصة البردة إثبات
هزّتك أريحية ونخوة ورأفة

وقصصٍ كثيرٍ موردتها الروايات
تبيح لي قرض الشعر وإحترافه

والشعر ما يطرب قليل المروات
عنده حضور الشعر مثل إنصرافه"

-

‏"يارب أنا في رجا الغفران لأنك غفور
‏رحمتك تسبق عقابك ياشديد العقاب

‏أشعر بها يوم أقصر وأعترف بالقصُور
‏وأسوي الذنب وألقى دعوتي تستجاب

‏عليك ياخالقي وكلت كل الأمور
‏وقطعت الآمال فاللي خلقوا من التراب

‏يبا يحس القلم ولا تحس السطُور
‏ما حسوا الناس في كسرة عزيز الجناب

-

‏ياما بذرنا الطيب في راعي الطيب
‏وفي جاحد المعروف ياما بذرنا

‏ولا عندنا للي جحدنا مطاليب
‏قد جاه من جوداتنا ما عذرنا

‏ياما غدينا له قصور ومعازيب
‏وبظلالنا ياما عليه انكسرنا

‏نشب ضارين على الطيب ونشيب
‏متجملين ولا الجميل يعسرنا

-

‏رعاك الله ياللي طال صبري لين سدي باح
‏وقلبي في يدك بابه ومفتاحه ومغلاقه

اسوج الرجل وأقدامي على درب الغلا سرّاح
وقلبي في غلا حضرة جنابك ما حدٍ عاقه

عطيتك من بعض روحي على خِبر القلوب صْحاح
وبديتك على نفسي بشيٍ يصعب إنفاقه،

-

حياك في الانستا اضغط الأزرق وتنوّر🌷.

انتظركم هناك🫶🏻.