گونلریمیز مدرسه
مهر آیی‌نین گلیشی

بو گو‌ن درسه گئدیرسیز
قدمینیز موبارک!
اليفبانیز، چانتانیز
قلمینیز موبارک!

موبارکدیر ایشیغا
قوجاق آچان جرگه‌نیز
موبارکدیر ظولمت‌له
بؤیوک موباریزه‌نیز...

کیتاب‌لارا باش اَیَن
زامان-زامان اوجالار
غالیب اولماق ایسته‌ین
بيلگى‌لردن باج آلار

آلین بو سورغولارى
چانتانیزا دولدو‌رو‌ن
هر سورغو‌نو‌ن او‌ستونده
بیر-بیر محکمه قو‌رو‌ن!

نه‌یه اؤز ذکامیزلا
گؤیه نور ساچمامیشیق؟
نه‌یه گؤره بیرینجی
آیا بیز اوچمامیشیق؟

دوشونون دَرین-درین
بو سرّى ده آچین سیز
نه او‌چو‌ن بیلیک‌لييه
کؤله اولور بیلیک‌سیز؟

نه‌یه یوز ایل‌لر بویو
دانیلیبدیر حاققيمیز؟
نه او‌چون باشقا خالقا
بويو‌ن اَییب خالقیمیز؟

نه‌یه اله باخمیشیق
الیمیز اولماییب‌می؟
نییه دیللنمه‌میشیک؟
دیلیمیز اولماییب‌می؟!

تزه‌دن اؤیره‌نین سیز
قارا نه‌دیر، آغ نه‌دیر؟
آزادلیق نه، بایراق نه
وطن نه، تورپاق نه‌دیر؟

هره بیر کؤز سؤندورسه
اوجاق قالماز وطنده
خالقا قول اولمایاندان
آغا اولماز وطنده

ای عزیز بیرینجی‌لر
ائلین سئوینجی اولو‌ن
چالیشین حیاتدا دا
ائله بیرینجی اولو‌ن

شاهمار اکبرزاده
@AdabiyatEvi
@Axaaq

من سنی سئویرم دئیه بیلمه‌رم
آختار بو حسرتی گوناهلاریمدا

سکینه شریفی-آنلار
@Axaaq

سرحدده بیتن آغاج
سن هانسی اؤلکه‌نین‌سن؟
آستانادا دوران دوست!
نه‌دیر سنی اینجیدن؟

باغدا دار آغاجلاری
اوجالیر یئردن گؤیه
بویوموز دا چاتمازدی
اوردان چیچک درمه‌یه

بورا کی قار یاغیردی
اورا گون هاردان چیخدی؟!
بیز هاردا دورموشوق کی
گؤی قورو، یئر پالچیق‌دی؟!

داغین قاشیندا دوران
آی قارالتی، آی آدام!
گونش می باتیر بلکه
من بئله ساییقلیرام؟!

علی جوادپور
@Axaaq

چاغداش غزل

بئلی سینمیش قارا سازدیر زاریییر اووجومدا
بیر پاییز سورمه‌لی یازدیر زاریییر اووجومدا

چیغیریر منده گونش ساچلی دیدرگین بیر قیز
بیر یئتیم قیزلی جاهازدیر زاریییر اووجومدا

بوزداییر بیر دوه، اؤز غوربتینی بوردا ، آهئی
گؤزلری یاشلی قوتازدیر زاریییر اووجومدا

مزاریم لئهلی سولارسا ، کفنیم یارپیزدیر
آه ... عطش دیللی آرازدیر زاریییر اووجومدا

و ... منیم شعیرلریم دهره بیتیرمیش و قیلینج
و ... قلم کؤزلو کاغازدیر زاریییر اووجومدا

بیر منم بیر جانامازدیر کی آچیلمیش کوله‌یه
سجده‌سیز قانلی نامازدیر زاریییر اووجومدا

بومنین لای با لایی قاندی ، قارا وای ، حسرت
آلتی مین ایلدی قاپازدیر زاریییر اووجومدا ...

کامیل قهرمان اوغلو
1385/1/13
@Axaaq

بولانیق سولارین آخسین دورولسون
تزه گونلریندن بوساط قورولسون
سهند، جامالینا بیرده وورولسون
بیر غوبار قونماسین اوزونه تبریز!

حکیمه بولوری
@Axaaq

اوستاد شهریارین حاققیندا بیر غزل:

سندن آلیشیر شعرین اوجاغینداکی سؤزلر
حیدربابانین ایستی قوجاغینداکی سؤزلر

چاغداش غزلین اینجیسی، اولدوزلاری سنسن
اوندورد گئجه‌لیک آی دی سوراغیندا کی سؤزلر

داغدان اوجادیر باشی سهندییهنین، آنجاق
چال-چال پاپاغین آزدی سایاغیندا کی سؤزلر

تامسینماغا گلسین دئه گیلان هر گئجه یاری
عشقیله آخیر شعر بولاغیندا کی سؤزلر

"محراب شفقده" یازیلان قانلی غزل دیر
گویا کی سنین بارلی دوداغیندا کی سؤزلر

دوشدو یولا تورکون دیلینین کروانی سنله
توتدو یئر اوزون، دویغو دوراغیندا کی سؤزلر

ساز سؤز آغاجین  وارلیغی سندن کؤکون آلمیش
ماهنی ایلا چیچک آچدی بوداغیندا کی سؤزلر

ایچدیر منه قوی سالسین آیاقدان قوجا شاعیر
سئوگیله جوشان اودلو چاناغینداکی سؤزلر

اود توتدو، آلوولاندی، کوله دؤندو اورکلر
شعرین شاهی!  ایللردی فراغینداکی سؤزلر

مهناز صابونی-آیتای
@Adabiyyatsevanlar
@Axaaq

حیات بیر شعر اولورسا
وارلیغین گؤزل بیر غزل
سنینله تانیشمام اونون مطلعی
بیرگه حیاتیمیزسا اونون شاه بیتی‌دیر...
سئوگیلی حیاتیم، اورک وورارسا قلم یازار.
چون کی شاعیرین سؤزونون کؤکو اوره‌گینده‌دیر
اوره‌گین وورارِ، قلمین یازار و یارادیجیلیغین داواملی اولسون.

سکینه شریفی-آنلار اوچون
@Axaaq

اوچ شئیی سئومیرم:
ذؤوقسوزلییی
ذؤوقسوز آدامی
ذؤوقونو اؤلدورن آدامی
@Axaaq

Yerim var
Ses:Rauf Tağiyev
@Axaaq

سن عؤمرونون آتشینده یاناندا
کؤلگه‌ن ده گرکسیزدیم یانیندا
قیمتلی بیر ایتیک ساخلا یادیندا
اونوت منی، آلدات منی، آت منی

محمد ابراهیم اوو-ممد آراز
@Axaaq

سس و سؤز:حاجی بابا حسین اوو
@Axaaq

درک ائتمه‌دیییم مین جورہ حالت وار ایچیمده
عشقیمله یاشید بیر یئنی فیطرت وار ایچیمده

اؤز بورجوم ایله حاققیمین ایللر ساواشیندان
مردانه چیخان حاکیم عدالت وار ایچیمده

بعضن دہ اولور حاققیمین اؤز حاق ظفریندن
قورخوب چکیلن غملی خجالت وار ایچیمده

دردیمله دہ دونیانی نه‌دن خوش گؤرورم من
اؤلمز ابدی تشنه‌لی حیرت وار ایچیمده

رؤیالارا ، خولیالارا مین یول قاناد آچدیم
گؤردوم نئچه انگل، نئچه سرحد وار ایچیمده

هر یئردہ گؤزللیک گؤرورم "بختیار"ام من
دونیانی گؤزللشدیرن آفت وار ایچیمده

بختیار وهابزادہ
@Axaaq

اینساندا گؤزل اولان اوزدور
اوزده گؤزل اولان گؤزدور
آما اینسانی اینسان ائدن
آغیزدان چیخان سؤزدور

جلال الدین محمد بلخی-مولانا
@Axaaq

سؤز:پروفسور دکتر محمدتقی زهتابی
@Axaaq

گئدیرسن ائله گئت، آرخانجا یئنه
الیم اوزانماسین، دیلیم چیخماسین
گئدیرسن، دردینی آپار اؤزونله
ظولمون ایچیندن ظولوم چیخماسین

گئدیرسن ائله گئت، ایز دوشسون سندن
یوللار دیله گلسین، سؤز دوشسون سندن
گئتمه‌میش بیر آلیش، کؤز دوشسون سندن
کؤزونله بیر یانیم، کولوم چیخماسین

واله قوجا
@Axaaq

اؤزل یازی

چالیش یارالارین گؤرسنمه‌سین
دوزلو اینسانلار چوخدور...
@Axaaq

چالیش اینجیمه‌سین سندن هئچ بیر کس
غضبله کیمسه‌نی یاندیرما عبث!

راحاتلیق ایسته‌ییرسن اؤزونو اینجیت
آدام اینجیدنلر راحات گون گؤرمز

حکیم عمر خیام نیشابوری
@Axaaq

یار گلدی هامی اؤز دردینه مشغول اولدو
قالمادی کیمسه منیم دردیمه انجام ائله‌سین

سن نه کوتاه‌سن ای شام وصال دیلبر
حق منیم عؤمرومو کسسین سنه انعام ائله‌سین

سید عظیم شیروانی
@Axaaq

Yakarim geceleri
Ses:Ahmet kaya
@Axaaq

منیم ساغیم، سولوم وار
هر طرفه یولوم وار

ساغ ال گون چیخانیمدی
سول ال گون باتانیمدی

گونش دوغان شرق اولار
گون باتانیم غرب اولار

اوز به اوزوم قوزئی‌دی
باشیمین دالی گونئی‌دی

دالی قاباغیم وطن‌دی
پیس گونلریم بیتندی

سؤز:؟
@Axaaq