عزيزتي المرأة المناضلة:

لاتقتليش نفسش بمساح الطيقان الدنيا هجوه ومطر
ومش هو ضروري تصفي البيت من علاوه لاسفاله مية مره لما يوصل شم الكلوركس لابيت الجيران
والقشاع والكناس والنفاض مره واحده ويكفي
وصحن صحن كعك من كل نوع يكفي وزياده
ولو زوجش قادر يسير يشتري من موكا مايوقع به شي
واعرفي واتاكدي انه العمر بيكمل والعمل مايكملش
فلاتجلسيش تهمي وتهرمي روحش على المهره
وسيري الحمام الخارجي امتحطي وبعدا الكوافير سشوري شعرش وانتقشي
وخليهم يقولوا لش بيضتي بدل مايقولوا لش مالش قدش سوداء ؟!
#هم_كذيه_ولاكذيه_مايعجبهمش_العجب
#اهتمي_بنفسش_ومن_قرح_يقرح
#يزيدوا_العسب_واحنا_نزيد_الكعاك_والنفاض_والمساح
☝👍👍 😂😂😂
ــــــــــــــــــــــــــــــــــــــــــــــــــــــــــــــــــ
✍🏼رســ 💌 ــــالة وعــــــي 💕🦋

https://t.me/AwarenessMessage

نصيحة صنعانية🤭

اتزوجي اللي يضرب الحلبه معش،ولابه عزومه يغسول جنبش،الذي يساعدش لو صبنتي ويطلع الجباء يضحي،الذي لاتعبتي يفعل دولش،واذا ضقتي يقوم يخرجش يلوي معش،الذي مايدخل البيت الا وبجيبه الشوكولاته اللي تحبيها،ويوصل يندع لش حجفه كأنه ماكان عندش،الذي يجلس يزبج ويشتي تضحكي،الذي يجلس ساعه وانتي بتتمكيجي يتبسرش ويراعي لش،الذي يتأمل وجههش يوميه وكأنو مايعرفش،الذي مايسخى يزعلش ويجي يراضيش حتى لو انتي الغلطانه،ماشي احسن شي اجلسي في بيتكم وبس..
😍♥
ــــــــــــــــــــــــــــــــــــــــــــــــــــــــــــــــــ
✍🏼رســ 💌 ــــالة وعــــــي 💕🦋

https://t.me/AwarenessMessage