AwareSec

Ընկերներ ջան, այս օրերին կտրուկ շատացել են վիրուսներ, սպամ ու վտանգավոր հղումներ պարունակող էլեկտրոնային նամակները, այդ իսկ կապակցությամբ կխնդրեմ Ձեզ լինել ավելի զգոն ու ուշադիր: Հատկապես ուշադիր եղեք այն նամակների նկատմամբ, որոնցում կցված է որևէ ֆայլ, կամ պահանջվում է մուտքագրել Ձեր հին/ներկա մուտքանունն ու գաղտնաբառը:

✅ Հետևելով ներքոհիշյալ 10 կանոններին, Դուք զգալիորեն կնվազեցնեք ռիսկը «կիբեռզոհ» դառնալու:

⚠️ Օգտագործեք բարդ գաղտնաբառեր որոնք կպարունակեն 8 - 12 նիշ, փոքրատառ, մեծատառ, թիվ և սիմվոլ, ինչը հնարավորինս կբարդացնի դրանց կռահումը կամ կոտրելու փորձը։

⚠️ Հնարավորության դեպքում անպայման ակտիվացրեք երկգործոն վավերացում (2FA):

⚠️ Միշտ ստուգեք էլեկտրոնային նամակ ուղարկողի Էլ.հասցեի իսկությունը, կրկնակի սեղմելով ուղարկողի անվան վրա:

⚠️ Մի բացեք Ձեզ անհայտ և կասկածելի ուղարկողներից նամակներ, հատկապես ռազմական և քաղակական նորությունների վերաբերյալ:

⚠️ Զգուշացեք անհամապատասխան URL-ներ պարունակող նամակներից: ( Եթե պահելով մկնիկի կուրսորը նամակում առկա URL-ի վրա տեսնում եք մեկ այլ URL: )

⚠️ Բացելով էլեկտրոնային փոստի միջոցով ստացած Microsoft Office-ի ( «file_name».doc, «file_name».xls և այլն) ֆայլեր, թույլ մի տվեք, որ նրանցում ակտիվանան մակրոսները:

⚠️ Խիստ անհրաժեշտության դեպքում կասկածելի նամակների կցված ֆայլերի բովանդակությանը ծանոթանալու համար կարող եք օգտվել բջջային հեռախոսներից (վիրուսների 90% նախատեսված է համակարգիչների համար, և չեն կարող խոցել սմարտֆոնները):

⚠️ Օգտագործեք ցանկացած հայտնի անտիվիրուսային համակարգ, անպայման բազայի վերջին թարմացումներով:

⚠️ Եթե ստացել եք ծանոթից կասկածելի կամ չսպասված նամակ, կարող եք զանգահարել նրան և համոզվել իսկության մեջ:

⚠️ Զգուշացեք անհապաղ գործողություններ հրահրող նամակներից, քանի որ հրատապության կամ վախի զգացում առաջացնելը սովորաբար «ֆիշինգի» ձեռագիր է:

Ով իրազեկված է, նա պաշտպանված է: 🛡

1.14K views12:05