له همدې محلي ډګره تر نړیوال کرکټ پورې!

د خوست د لکڼو قمر سر په نوم سیمه کې د محلي کرکټ د پایلوبې نندارې ته په سلګونو کسان راټول شوي دي.
دا هماغه ښکلې او سرسبزه سیمه ده، چې له همدې ځایه نور احمد لکڼوال د کرکټ سفر پیل کړ، د همدې خاورو پر ډګرونو یې خپلې لومړنۍ توپ اچونې وکړې او د خپل استعداد، زیار او نه ستړې کېدونکې هڅې په مټ یې ځان د کرکټ نړۍ تر لوړو ورسوه.

نن نور احمد لکڼوال د نړۍ په کچه یو ځلیدلی او مشهور کرکټ ستوری دی؛ خو د هغه د سفر ریښې لا هم همدلته، د لکڼو په همدې ساده ډګرونو او د همدې مینه‌والو په منځ کې پرتې دي.

د تیرې جمعې ورځې دا ګڼه ګوڼه یوازې د یوې پایلوبې ننداره نه ده؛ دا د دې خبرې ژوندی ثبوت دی چې که استعدادونو ته فرصت، ارادو ته ملاتړ او ځوانانو ته ډګرونه ورکړل شي، نو له همدې ساده او وچو میدانونو څخه نړیوال اتلان راټوکېدای شي.
شاید په همدې ویډیو کې کوم بل لوبغاړي د نور احمد لکڼوال په څېر یو خوب په زړه کې ساتلی وي؛ داسې خوب چې یوه ورځ به یې نوم د نړۍ په سترو کرکټ میدانونو کې واورېدل شي. ❤️🏏

ډیوینډرڪمار هندی تبصیره کونکی

له میدان ورهاخوا

د هند پر وړاندې د افغان ملي لوبډلې د شل اوریزه لوبلړۍ رسنیز تولید او نشرات به د کیفیت لوړو پوړونه تعریف کړي

کرکټ هغه په زړه پورې لوبه ده چې خوند او رنګ یې په لوبغالي پورې اړه لري؛ خو په نننۍ عصري ورزشي نړۍ کې دا هم ډېره مهمه ده چې دغه لوبه په تصویر کې څه ډول انځوریږي، څنګه تولیدیږي او په څه ډول مینه والو ته وړاندې کیږي، او میلیونونه لیدونکي یې تجربه کوي.

افغانستان د ۲۰۲۶ کال د سپتمبر په ۱۳مه، ۱۵مه او ۱۷مه د نوي ډیلي په ارون جیټلي کرکټ لوبغالي کې د هند پر وړاندې د درې شل اوریزو نړیوالو سیالیو کوربه‌توب ته چمتووالی نیسي. موږ دې مهمې لوبلړۍ ته یوازې د سیالیو لوبولو چمتووالی نه نیسو؛ بلکې غواړو وښیو چې د لوړ کیفیت تولید او نشرات د نړیوال کرکټ د ننداره کولو تجربه څومره په زړه پورې کوي.
د افغانستان اوهند د راتلونکې شل اوریزې لوبلړۍ لپاره، د افغانستان کرکټ بورډ په یو بې سارې نوښت سره د دې لوبلړۍ په تولید او نشراتو کې داسې عصري تولیدي او نشراتي ټکنالوژي معرفي کوي چې موخه یې لیدونکو ته لا ژوره، په زړه پورې او نړیوال‌معیاري تجربه ورکول دي.

افغان کرکټ بورډ ITW Universe ته دنده سپارلې چې د تولید او نشراتو یو پرمختللی بڼه پلې کړي؛ داسې بڼه چې د نړۍ په سترو سیالیو کې له کارېدونکو معیارونو سره سمون ولري.

د دې لوبلړۍ په تولید او نشراتو کې به د ۳۰ کامرو د سیستم ترڅنګ، په مصنوعي ځیرکتیا (AI) سمبال او باثباته POV کمرې، Volumetric Free-Viewpoint ټکنالوژي، Ultra-Motion کمرې، Augmented Reality (AR)، د لوبغاړو رښتینو او ژوندیو صحنو تعقیب، مخکښ مبصرین، او د لارښوونې یا ډایریکشن یو مخکښ او مجرب ټیم چې د فیفا فوټبال نړیوال جام ډایریکټر به یې هم برخه اوسي، شامل وي.

د ITW شرکت د لوبغالي د تولید برخه هم لا پسې پیاوړې کوي او د Go-Green نوښت معرفي کوي چې له مخې به یې Sight Screen د عادي برېښنا پرځای له Kinetic Energy برېښنا پواسطه چلېږي؛ دا انرژي به د لوبغالي مینه‌وال په ځانګړو بایسکل سټېشنونو کې د پېډل وهلو له لارې په ژوندۍ بڼه تولیدوي.

زموږ موخه روښانه ده؛ هغه دا چې مینه وال وکولی شي د لوبې ننداره لکه د نږدې تجربه کړي، د لیدونکو شمېر کې لوړوالی راشي او د دوه اړخیزه کرکټ لوبلړۍ د تولید او نشراتو لپاره یو نوی معیار تعریف کړو.

د افغانستان کرکټ بورډ لپاره، دا نوښت زموږ د لرلید یوه برخه ده، افغانستان کرکټ بورډ باید یو داسې پرمختللی او نوښتګره اداره وي؛ چې نه یوازې په لوړه کچه سیالي کوي، بلکې د مینه‌والو، نشراتي شریکانو او سوداګریزو ملګرو د تجربې د ښه کولو لپاره عصري ټکنالوژي هم کاروي.
له همدې امله، د افغانستان او هند لوبلړۍ به یوازې درې نړیوالې سیالۍ نه وي بلکې دا لړۍ به وښيي چې نړیوال‌معیاري کرکټ او عصري ټکنالوژي څنګه یوځای کېدای شي او لیدونکو ته یوه غوره، نوې او رښتینې نشراتي تجربه وړاندې کولی شي.

موږ ویاړو چې افغانستان کرکټ په دې برخه نوښت کوي او لومړني ګامونه اخلي او د کرکټ د تولید او نشراتو په راتلونکي پرمختګ کې خپله ونډه ترسره کوي۔۔۔۔۔۔۔۔۔۔۔۔.





نصیب خان
د افغانستان کرکټ بورډ اجرائیوي رئیس




@Atlan11 | افغان کرکټ اتلان چینل

هغه شپه نه وه،

هغه شپه، د افغان اتلانو ده بریا احساس ده هر افغان په زړه کې توپان جوړ کړ! 🇦🇫🔥🏏🇦🇫🏏 د انګلستان پر وړاندې هغه بریا به د افغانانو په زړونو کې تل ژوندۍ وي. ❤️‍🔥



@Atlan11 | افغان کرکټ اتلان چینل