پاچا ۲۲۰،۶۸ سټرایک ریټ سره لوبیدلی.


@Atlan11 | افغان کرکټ اتلان چینل

تېر کال ځینو د برتانیا چارواکو ته لیکلي و چې په افغان کرېکټ بندیز ولګوي ځکه چې لوبغاړي له طالبانو سره عکسونه اخلي. له ما رانیولې بیا تر ما پورې خدای پاري نارې کړې او ظلم مو وباله او ومو ویل لوبغاړي لوبه کوي او همدا راپاتې یوازینۍ خوشحالي ده.
نن سبا د همدې ناره وهونکو لویه برخه په پوهېدلي یا ناپوهېدلي ډول هم هغه نظر پیاوړي کوي جې تېر کال یې رداوه. کله وایي د پلاني خان په ستنېدو بندیز لګېدلی، کله وایي لوبغاړي له اتڼه ګرځول شوي، کله وایي لوبغاړيو ته ګواښ شوی چې له لوڅ سر ښځو سره لیدل شوي. په بورډ د فساد تور خو دا شل کاله پورې شوی او پورې کېږي. دا خبرې به رښتیا وي یا به درواغ وي، له حقیقته یې واقعآ نه یم خبر خو چې هر یو یې یادوي ای سي سي به یې بالاخر ومني او په دوو دلیلونو به د افغانستان په کرېکټ بندیز ولګوي ، سیاسي مداخله او فساد. شواهد به هم د کرېکټ د مینه والو فېسبوکي تبصرې او کمپاینونه وي چې نړیوالې رسنۍ به ورته یوه نه یوه ورځ وګوري او رپوټ به پرې وکړي. بیا به ای سي سي کنځو، ظالمانه ګام به یې بولو، او دا به نه ګورو چې خپله مو پکې څه رول لرلی.
که شواهد لرو باید وړاندې یې کړو او د مخنیوي هڅه یې وکړو که یې نه لرو هسې د یوه او بل خبره کاپي کوو نو باید پام مو وي چې د دغه ډول کارونو پایله به څه وي؟ سبا بیا دا ګیله باید ونه لرو چې دغه بوه خوښي مو درلوده دا یې هم راباندې ودروله.
@Atlan11
@Atlan_2