تم ولله الحمد ch 1 ✌
الخميس والجمعة استراحة الكم وتقرون الي اخذناه هاي الفترة ان شاء الله

اتمنى يكون الشرح واضح

اي سؤال موجود بالبوت او بالتعليقات❤

هلو طلاب
استلمت النتيجة
الحمد لله ناجح🫶

الف مبارك للناجحين
والطلاب الي طاحوا دور ثاني
انا من يمي اكلكم الف مبارك نجاحكم مقدما
انتم كدها ان شاء الله ♥️♥️

شباب
شوفوا هاي النسخة غير المجمعة
من المصدر نفس النسخة هم السابعة
يسوي واهس مو صح😂
حجمه اقل تكدرون تحملونه

الاحد الساعة 9 بالليل
ادزلكم رابط الفورما ان شاء الله🫡

مرحبا شباب
شلونكم

تعالو خوش موضوع حلو اليوم ب الباثو🫶
انزله بشكل بوستات واذا عندكم سؤال سألوني ❤️

#باثو
مرض السكري
Diabetes mellitus DM
تصير مشكلة بعملية ال metabolism الي تجري عـ ال carbohydrate و ال proteins والfat

ببساطة سكر ال glucose لازم يصيرله امتصاص الى داخل خلايا الجسم اذا صارت مشكلة وما تكسر ودخل للخلايا رح يرتفع مستواه بالدم يعني DM
مرض السكر

زين شنو الي خله ال glucose ما يدخل للخلايا؟
بسبب نقص هرمون الانسولين insulin

شوفو شباب باوعوا للصورة هذا السمايل او الوجه عبارة عن خلايا او عضلات يكول انا اريد Glucose علمود اكتسب طاقة واشتغل وأادي وظيفتي
المشكلة ما جاي يكدر يمتص كمية كافية من السكر اذا تشوفون كايل ماخذ بس جزيئتين اثنين من السكر وكايل not enough
زين وين جاي يروح السكر
جاي نشوف ال bloodstream مليان بجزيئات السكر وهو هذا ارتفاع السكر بالدم الي سبب مرض DM

زين نرجع لسؤالنه الي خله ال glucose ما يدخل للخلايا ويرتفع بالدم
هو نقصان هرمون الانسولين insulin الي ينفرز من البنكرياس

زين اذا نجي نكول شنو الاسباب الي خلت الانسولين يقل افرازه

شوفوا هرمون الانسولين ينفرز من خلايا خاصة اسمها beta موجودة بالبنكرياس
فيصير بيها خلل بحيث يؤدي إلى نقصان مستوى الانسولين

شنو هي الاسباب
اكو سببين:
الاول
Absolute insulin deficiency due to beta cell destruction
نقص مطلق بمستوى الانسولين بسبب تحطم خلايا beta يصير بيهن destruction بسبب مناعي
وهذا الخلل يسوي مرض سكر من نوع 1 نسميه
DM type 1
وغالبا يصير بالاعمار الاقل من 30 سنة و يرافقها فقدان للوزن
وغالبا يكون سببه وراثي
هذا النوع من المرض علاجه الاساسي هو ننطي insulin

السبب الثاني
Impaired ability of the tissues to use insulin (insulin resistance) accompanied by a relative lack of insulin

اكو ضعف ب افراز الانسولين يعني نقصان بس مو نقصان مطلق كامل !!
لا مجرد افراز ضعيف او يصير resistance يعني الانسولين ما جاي يرتبط بمستقبلاته حتى يشتغل
وهذا النوع نسميه DM type 2
ويصير غالبا في الأعمار الاكبر من 30 سنة

هاي مقارنة بين النوعين

شوفو النقطة الثانية يكول اكو antibodies اجسام مضادة حطمت خلايا beta وبالتالي سببت DM type 1
بينما مقابيلها ب DM type 2 جاي نشوف ماكو اجسام مضادة

ايضا الاول ممكن يكون وراثي
والثاني وراثي بنسبة اكبر

الاعراض الي تظهر بالنوع الاول تظهر بشكل سريع بينما الاعراض الي تظهر بالنوع الثاني تكون ابطأ

بالنوع الاول مثل ما كلت الكم علاجه الاساسي انسولين

والثاني النظام الغذائي ضروري وكذلك الادوية الي ننطيها عن طريق oral مثل metformin

النوع الاول بيه مضاعفات الي هي مثل Diabetic ketoacidosis

والثاني بيه مضاعفات مثل hyperosmolar hyperglycemia

خلايا البنكرياس
اول شي البنكرياس متكون من جزأين
exocrine pancreas (pancreatic acini and duct system)

endocrine portion (islets of Langerhans) جزر لانكرهانس

خلايا البنكرياس 5
الأولى Alpha : مسؤولة عن انتاج هرمون ال Glucagon
الثانية Beta : مسؤولة عن انتاج هرمون ال insulin
الثالثة Delta : مسؤولة عن انتاج هرمون ال somatostatin
الرابعة the F (or PP) : مسؤولة عن افراز pancreatic polypeptide

الخامسة Epsilon cells : مسؤولة عن انتاج هرمون ghrelin الي يسبب الجوع

الي تهمنا خلايا بيتا بمرض السكري اذا تدمرت ماكو انسولين واذا ماكو انسولين يعني ارتفاع السكر في الدم يعني DM

خل نشوف تركيب الانسولين
الشكل الفعال من الانسولين متكون من سلسلتين من polypeptide هي
A chain
B chain
يتكون هذا الشكل داخل خلايا بيتا
هاي الجزيئة الكبيرة الي بالصورة نسميها
proinsulin

شنو الي رح يصير هنا حتى يتكون الانسولين
رح يتحول ال pro insulin الى insulin

enzymes in the cleave
proinsulin at specific sites to form two separate substances active

شلون من خلال انزيمات موجودة ب beta cell تكسر ال proinsulin بمواقع خاصة شوفوا:
المقصات تمثل الانزيمات الي موجودة رح تقطع بهاي المواقع
اللون الرصاصي رح ينفصل ويصير لوحده يمثل جزيئة نسميها C peptide تكون inactive تفيدنه بالتشخيص

سلسلة A و سلسلة B يندمجون مع بعضهم من خلال disulphide bond
طبعا هاي سلاسل ترتبط مع عنصر Zinc وتكون الانسولين
اثنينهم الانسولين وال C peptide ينفرزون بنفس الوقت من خلايا beta

وراها هذا الانسولين الي تكون يروح ع الخلايا يرتبط بمستقبلاته ع سطح الخلية من يرتبط بيها رح تظهر نواقل السكر على سطح الخلايا ويبدي ال glucose يدخل للخلايا ويصيرله امتصاص