مرحبا شباب شخباركم 🫡
گواكم الله عالتعب خلصت ان شاء الله ما بقى شي🫶

كملتوا امتحانات لا، اذا لا شكد بقالكم ويمته تكملون؟

بسم الله الرحمن الرحیم
وفوقَ كُلِّ ذِي علمٍ علِيمٌ

♻️شرح مادة Pharmacology للمرحلة الثالثة
تتضمن 15 جابتر موزعة على الافصل التالية
🧧General pharmacology
🧧Autonomic nervous system
🧧Antibiotics
🌀حسب المصدر المعتمد في الجامعات العراقية Lippincott مع بعض المخططات والملاحظات من مصادر أخرى عالمية🌀

🟢يوم 1/7 ان شاء الله بداية الشرح على قناة ARON STUDY
من يوم السبت الى الأربعاء
في الساعة التاسعة مساءا🕘

الكورس مجاني

ومن الله التوفيق

الشرح حصرا لطلاب الصيدلة
يمكن لطلاب الطب العام والمعهد الاستفادة من الشرح
للانضمام الى الگروب يرجى ارسال هوية الطالب او النتيجة او اي اثبات اخر على
معرف التليجرام :

@H_6AX

للتواصل والاستفسار على البوت :

@AronORG_bot

السلام عليكم شباب

هنا رح اجاوب اغلب الاسئلة الي توصلني ع البوت

1.الشرح رح يكون ع اليوتيوب؟
شباب انا رح اشرح نفس ما شرحت العضوية يعني هنا بشكل VOICE + واكو مواضيع يتطلب شرحها فيديوهات انزلها ع اليوتيوب

2.رح يكون الشرح كتابة؟
لا، الفارما مو شويه نفس العضوية واذا اضل اكتب بيها رح اعطلكم هواي وما تستفادون واحنه نريد نمشي ب المادة
لذلك طريقة الشرح رح تكون : انزل صفحة من المصدر ونشرحها كلها مثل ما كلت VOICE واذا شي يحتاج توضيح اكتبه الكم او اشرحه الكم ب اليوتيوب و اذا شي ما فهمتو اعيده الكم اكثر من مرة بس كلولي

3. شلون نشترك؟ ووين يكون الشرح؟
شباب ماكو طريقة اشتراك انتم اذا موجودين هنا بهاي القناة ف انتم مشتركين يعني الشرح بنفس القناة هاي
ورح يكون الشرح مجاني بدون سعر كورس او طريقة اشتراك

بداية الشرح يوم السبت المصادف 1/7 الساعة 9 مساءا

شباب
الي يريد يدخل للكروب
يدزلي هويته او النتيجة حتى اقبل انضمامه
@H_4AX

مرحبا شباب
نكسر الروتين ونسولف الكم عن مرض خفيف ومعلوماته حلوة
موجودين مو؟

#باثو
ممكن تكونون سامعين بمرض او حالة
حساسية الغلوتين
اليوم نسولف عنها اسم المرض
Celiac disease
وبعض الاحيان يكتبوه بهاي الطريقة Coeliac disease المهم
مرض سيلياك
هذا مرض من أمراض الجهاز الهضمي ممكن نسميه ب اسماء ثانية مثل
gluten sensitive enteropathy
من اسمه الاخير واضح شنو سبب هذا المرض؟
اكو ناس تصير عدهم حساسية لبروتين غذائي اسمه غلوتين موجود ب القمح والذرة والشعير لذلك حطيتلكم صورة المعجنات الفوك😂

شلون يصير  هذا المرض
Immune system attacks your own tissues when you eat gluten
مجرد ما الانسان يتناول القمح الي يحتوي على الغلوتين فهذا رح يخلي الجهاز المناعي  يهاجم انسجة الامعاء وهذا سببه خلل وراثي في بعض الأفراد صارت عدهم حساسية للغلوتين ف اي شخص عنده حساسية غلوتين ويتناول طعام يحتوي على الغلوتين رح تصير عندهم حساسية وهاي نسميها مرض celiac

The disease results from an inappropriate T-cell- mediated immune response against theح gluten contained in the diet of genetically predisposed people
الخلايا التائية رح تستجيب استجابة غير مناسبة او خاطئة ف تهاجم ال normal cell وتدمرها والسبب هو خلل وراثي عند هذول الناس الي مجرد ما يتناولون الغلوتين تصير هاي الحالة عدهم

characterized by small intestinal mucosal injury and nutrient
malabsorption

انا كلت الكم انه الجهاز المناعي رح يهاجم الامعاء شنو الي رح يصير بيها؟
جدار الامعاء المخاطي رح يصير بيها injury يتضرر نتيجة هجوم الجهاز المناعي وب التالي رح يصير سوء امتصاص للمواد الغذائية malabsorption مثل ما تشوفون بالصورة الفرق بين الحالة الطبيعية والمرض

Diagnosis
شلون ممكن نشخص المرض؟
من خلال فحص الدم
اذا كان يحتوي
IgA Antibodies
TTGA antibodies(Tissue Transglutaminase Antibody)
EMA Antibodies
اذا لكيناهن مرتفعات
levels of IgA EMA and tTG antibodies are higher
يعني هذا الشخص عنده حساسية غلوتين او مرض celiac

وكذلك ممكن نشخصها من خلال من خلال الفحص بالناظور endoscopy

طبعا اعراض المرض Symptoms تكون
Diarrhea اسهال
Fatigueتعب
Headache صداع
Depression اكتئاب
Weight loss
تشوفون الشخص الي عنده حساسية غلوتين رح يفقد وزنه
Bloating ممكن يعاني من انتفاخ
Abdominal pain الم في البطن
Nausea and vomiting,Constipation
وممكن يصير عنده غثيان وتقيء وامساك
ممکن تصير التهابات ب الجلد يسموها
dermatitis herpetiformis
وهاي الصورة تسهل عليكم تذكر الاعراض

طبعا اكيد هسه اذا عرفتوا شخص عنده حساسية غلوتين ف علاجه الاساسي هو من خلال تعديل نظامه الغذائي نخليه خالي من الاطعمة الي تحتوي ع gluten لذلك حسب المصدر يكول انه ال diet الخالي من الغلوتين هو العلاج الاساسي لهاي الحالة
The primary treatment for celiac disease is a gluten free diet

اذا تركنا الحالة بدون علاج او استمرينا نتناول اطعمة تحتوي غلوتين رح تصير مضاعفات عند الشخص مثل فقر الدم ANEMIAM
وممكن تصير عنده الشخص
Weak bone
عظامه تضعف وممكن تصير عنده حالة osteoporosis تلين او هشاشة العظام ليش
احنه كلنه انه رح يصير ضعف او سوء امتصاص للمواد الغذائية الي من ضمنها الكالسيوم ف اذا استمرت الحالة بدون علاج اكيد رح تصير عندي osteoporosis لين العظام نتيجة نقصان الكالسيوم وسبب اخر هو رح يصير تنشيط لهادمات العظم ال osteoclast رح تبدي هاي الخلايا تدمر انسجة العظم وتسبب هشاشة العظام

شوفوا شباب هذا فيديو قصير عن الحالة

هاي تفيدكم بالجانب العملي الفرق بين النسيج الطبيعي ونسيج امعاء شخص صار عنده celiac disease

كذلك هاي الصورة
الاعلى نسيج طبيعي
والاسفل الحالة المرضية

معلومات خفيفة وحلوة عن هاي الحالة وتفيدكم بالباثو
ان شاء الله ما دوختكم❤️🫡

من احد زميلاتكم رتبت الموضوع بملف
شكرا جزيلا الها

شفتوا الخلايا المناعية
شسوت بالامعاء 💔

كل عام وانتم بألف خير
الله يديم عليكم الصحة والعافية والسلامة
ويا رب كلكم ناجحين ❤️