شباب هاي مجموعة من الاسئلة
ان شاء الله غير مرة هم اشوف مجموعة وادزلكم

شباب وهاي ملفات خاصة بحلول اسئلة الفصل تفيدكم

السلام عليكم شباب🤝
ان شاء الله تكونون بخير🫡

اليوم ان شاء الله نشرح موضوع تسمية
fused ring
ب 9 ان شاء الله 🫴

بسم الله ..

Nomenclature for fused-ring heterocycles

تسمية الحلقات المدمجة

The fused heterocyclic system is considered to be constructed by the combination of two or more cyclic structural units.

احنه شفنه سابقا fused ring مثل ال indole و quinoline وغيرها شفناها عبارة عن حلقتين مدمجات مع بعض لذلك هاي المركبات هي عبارة عن مجموعة حلقات مدمجة اثنين او اكثر


قبل لا نبدي بقواعد التسمية عدنه هاي العبارة

The name is formed of:

Name of substituent ring (minor ring) [number, number-letter] name
of parent ring (base ring or major ring)
هسه نجي نفسر هذا الحجي

خل ناخذ مثال بسيط هو حلقتين مدمجات
اكيد وحدة منهم تكون heterocyclic والثانية تكون carbocylic او ممكن تكون حلقة heterocyclic

زين لازم من نريد نسميهن نحدد ياهي من هاي الحلقات تكون هي ال
Parent or major ring
يعني منو الحلقة الرئيسية بهذا المركب

ونحدد منو الحلقة الثانوية minor ring

🌀اذا حددناها لازم نخلي ببالنا انو الحلقات الثانوية تجي ببداية الاسم

🌀والحلقة الرئيسية تكون في النهاية

ما بين الحلقتين رح يكون عندي قوس بهذا الشكل [ ]
هذا القوس رح نشوف ب داخلة أرقام وحرف

بحيث الرقم يعود للحلقات الثانوية
والحرف للحلقة الرئيسية وهذا القوس يمثل موقع الاتصال ما بين الحلقتين fusion site

هاي خلوها ببالكم حاليا يجي وقتها🌿

هسه رح اشرحلكم الملاحظات الخاصة بكل نوع حسب الأمثلة
اشرح على مثال حالة من حالات التسمية و بعدها نحل أمثلة ع كل حالة