Viral Pharyngitis vs Bacterial Pharyngitis

Case2:
من يجي مريض يراجع الصيدلية ويشكي من:
صعوبة بلع، ألم الحلق، ارتفاع درجة حرارة الجسم

فمو مباشرة اجي انطي antibiotic
لان احتمال الالتهاب فيروسي مو بكتيري ، ف شلون نميز بين الحالتين؟


🫟 Viral Pharyngitis
الالتهاب الفيروسي

العلامات:
▫️ الم تدريجي بالحلق
▫️ ارتفاع طفيف في درجة الحرارة
▫️ احمرار وتضخم اللوزتين بدون قيح او بقع بيضاء
▫️ غالبا يصاحبها اعراض common cold مثلا سعال و رشح او احتقان بالأنف

💊 Management:
Paracetamol or ibuprofen
Lozenges
او ممكن نصرف
cold and flu tab or
oral sachet
يسموها المرضى ابرة شراب

سوائل دافئة + راحة

🚫 ما ننطي antibiotic

🫟 Bacterial Pharyngitis
الالتهاب البكتيري

العلامات:
🔹 ألم حاد في الحلق بشكل مفاجئ
🔹 ارتفاع حرارة الجسم الى اكثر من °38
🔹 تضخم واحمرار اللوزتين مع وجود بقع بيضاء او قيح (نفحصها من خلال Tongue depressor)
🔹 تضخم مؤلم للعقد اللمفاوية في الرقبة

💊 Managment:
غالبا هنا نحتاج انه ننطي مضاد حيوي Antibiotic
نسوي Score والأفضل انه نسوي culture حتى نتأكد 100%

بالاضافة الى مسكن الم وخافض حرارة

#Aron_Cases

Case3: canker sores

شاب يعاني من تقرحات فموية مؤلمة
عددهن اقل من 5 وحجمهن صغير

سألته شكد صارلها الحالة؟
صارلها اسبوع تقريبا
ومتكررة عنده ومو اول مرة تصير وياخذ علاجات تروح وترجع عنده

⭕ اكو هواي اسباب من ضمنها الادوية او امراض مناعية بس ما عنده مشاكل

سألت الولد تحس عندك نحول، تعب والم بالعظام والعضلات؟

جوابه جان اي موجود الم وتعب

احتمال عنده نقص ب فيتامين D والحديد

فوديته يسوي تحاليل يشوف الD3 وال Ferritin

مخزون الحديد ماكو مشكلة طبيعي

بس طلع عنده Vitamin D3 نازل كلش نسبته 8 والطبيعي من 30 الى 100

⭕ ف واحد من الاسباب الممكنة للتقرحات الفموية ممكن يكون نقص بالفيتامينات والمعادن الي من ضمنها:
Vitamin d3, B12, folic acid, iron and zinc

🫆 Assessment: Minor aphthous ulcers

Possible contributing factor: Vitamin D3 deficiency

💊 Management:

🫆 Triamcinolone (kenalog)
ثلاث مرات يوميا مدة اسبوع

🫆 Chlorhexidine mouthwash
غرغرة 15 مل مدة 30 ثانية الى دقيقة مرتين باليوم

🫆 Vitamin d3 50000 iu tab
مرة اسبوعيا
مدة شهرين ويعيد التحليل حتى يتأكد اذا النسبة رجعت للطبيعي او لا

ونكدر ننطيه multivitamin tab مرة واحدة يوميا ماكو اي مشكلة
حتى نعوض النقص اذا كان موجود بباقي العناصر

#Aron_Cases

Case4: Corn

مريض عمره 35 سنة راجع الصيدلية يشكي من:
ألم أسفل القدم أثناء المشي
إحساس بوجود جسم قاسي يضغط على الجلد
الألم يزداد مع لبس الحذاء واثناء السؤال تبين انه طبيعة عمله (شرطي مرور) تتطلب انه يبقى يمشي لفترات طويلة

اثناء الفحص تبين انه اكو جسم صلب ما بيه نقاط سود لان اكو حالة مشابهة اسمها (plantar wart)
فقط جسم صلب واثناء الضغط يصير الم

🫆 Assessment: Corn

💊 Management:

●Foot padding
تساعد في تقليل الضغط والاحتكاك على القدم وبالتالي تقلل الالم،
اذا ما متوفرة بالصيدلية موجودة ب محلات المستلزمات الطبية

●keratolytic agent: Salicylic acid "Collomak"

قبل استخدامه لازم المريض يخلي رجله بماي دافي لمدة 5-10 دقائق وبعدها ينشفها

يدهن المنطقة المحيطة بالمسمار ب فازلين حتى الجلد السليم ما يتأثر

ال salicylic acid يجي بشكل محلول

يوضع مره ليلًا او مرتين يوميا لمدة اسبوعين الى اربع اسابيع

وممكن نستخدم لصقات تحوي تراكيز عالية من salicylic acid تتبدل كل يوم إلى يومين حسب نوع اللصقة و بعدها بسهولة يزال المسمار

🫟 ننصح المريض انه يستخدم حذاء مريح واوسع حتى ما تتكرر عنده الحالة

شنو الحالة الي يفضل انه نسويلها referral، برأيكم؟

#Aron_Cases

وَلَـمّـا قَـضـى لِـلْعُلا حَقَّها
وَشَيَّدَ بِالسَيْفِ بُنْيانَها
تَـرَجَّـلَ لِـلْمَوتِ عَنْ سابِقٍ
لَهُ أخْلّتْ الخَيْلُ مَيْدانَها

غَـريـباً أرى يا غَريبَ الطُفوفِ
تَوَسُّدَ خَدَّيْكَ كُثْبانَها
مُـصـابٌ أطـاشَ عُقولَ الأنامِ
جَميعاً وَحيَّرَ أذْهانَها

آجرك الله يا مولانا يا بقية الله يا صاحب الزّمان

عظم الله اجورنا واجوركم بإستشهاد سبط النبي وسيد شباب اهل الجنة الامام الحسين عليه السلام واهل بيته واصحابه الكرام عليهم السلام

منتجات شركة همالايا الهندية

منتجات عشبية متوفرة في الصيدليات العراقية

عسى ولعل ينفعكم هذا الملف 🙏🏼

𝗔𝗥𝗢𝗡 𝗦𝗧𝗨𝗗𝗬

Case5: Hordeolum

امرأة عمرها 28 سنة اجت للصيدلية تشكي من انتفاخ أحمر مؤلم على حافة الجفن العلوي صارله يومين
و تكول إنه الألم يزداد عند الرمش، واكو رأس صغير مائل للصفرة بهذا الانتفاخ وجاي تطلع افرازات صفراء


🫆 Assessment: Stye
او نسميه بالعراق جنيجل

💊 Management:

➤ Gentle massage with a warm compress for 10–15 minutes, 3–5 times daily.

كمادات دافئة مع تدليك لطيف على الجفن لمدة 10–15 دقيقة، 3–5 مرات يوميًا

➤ Ibuprofen 400mg tab as needed
لتخفيف الالم عند الحاجة


➤ Topical antibiotics

Fusidic acid Eye Gel two times daily for 5–7 days.

غالبا الجنيجل سببه بكتيري، لكن أغلب الحالات تتحسن بالكمادات الدافئة وما تحتاج مضاد حيوي موضعي.

لكن إذا كانت أكو إفرازات قيحية (صفراء) أو التهاب مرافق بحافة الجفن، فممكن نضيف topical antibiotic سواء مرهم أو قطرات.

📌 نصيحة للمريض : نأكد على المريض انه ما يعصر الرأس ولا يحاول يفتحه حتى ما تنتشر العدوى

#Aron_Cases