في 28 مايو 2025 (يعني امس)،
وافقت إدارة الغذاء والدواء الأمريكية (FDA) على
TRYPTYR® (acoltremon ophthalmic solution) 0.003%

لعلاج جفاف العين

شنو هذا ال acoltremon؟

Transient receptor potential melastatin8 agonist (TRPM8)
يعمل ك محفز agonist لرسبترات موجودة في القرنية وتكون حرارية thermoreceptor ، هذه الرسبترات تحفز او تنشط العصب الثلاثي trigeminal nerve وواحد منهن يغذي العيون

ذكرت انه الرسبتر حراري يعني عند الاحساس بالبرودة مثلا او بعض المحفزات مثل مادة المنثول او عند استخدام هذا الدواء acoltremon رح يتم ارسال اشارة عصبية عن طريق العصب الثلاثي الى الدماغ وبدوره الدماغ يرسل اشارة عصبية الى الغدد الدمعية ال lacrimal gland ويحفزها على افراز الدموع بشكل طبيعي

يجي بشكل عبوات بجرعة مفردة يعني استخدام واحد

Ref: Pyrls

𝗔𝗥𝗢𝗡 𝗦𝗧𝗨𝗗𝗬

نبذة مختصرة عن مواد المرحلة الخامسة
الكورس الاول


🔴 صناعية

مادة وسط واسهل بهواي من مادة الرابعة (تكنو مُعاد يعني هم تصنيع ال tablet و ال capsule و تصنعون حبوب وتسوون فوارات بالمختبر)
عملي ونظري نفس الشي

🔵 سموم

مادة وسط برأيي اسهل من الرابع لان مقاربة للفارما
تاخذون التسمم بالادوية وطريقة العلاج وال antidote
عملي ونظري

🔵 عضوية

اسهل مادة بالخامس واسهل عضوية تمر عليكم
لكن بدون عملي هالمرة تتكلم عن ال prodrug شنو التعديلات الي سويناها على كذا علاج وعدلنه صفاته او قللنه مشاكله

🔴 علاجيات

نكدر نكول اصعب مادة بالكورس الاول
امراض وعلاجات وكورس مطول يقارب الكورس الاول للفارما
فقط نظري

🔴 كيمياء سريرية

من اسهل وامتع مواد الكورس
تحجي عن امراض معينة لكن من ناحية مختبرية
مثلا يا انزيمات ترتفع بحالة تليف الكبد او بحالة الدهون يا نوع يرتفع من الدهون
شنو الطبيعي شنو يصير إذا قل او زاد هيج شغلات ومادة سهلة حرفيا وعليها درجة عالية من المعدل التراكمي
وبيها عملي و نظري

اخر شي هاي المادتين ممكن وحدة منهن تصير كورس اول والثانية بالكورس الثاني ممكن اثنينهم بنفس الكورس حسب الكلية

🔵 تدريب مختبرات

نفس مختبرات الكيمياء السريرية تقريبا وسهلة جدا ما بيها شي
تحليل الادرار وانزيمات الكبد وهيج شغلات بسيطة تشتغلون عملي هم على عينات وتشوفون النتيجة شنو

🔵 تدريب مستشفيات

مادة سهلة تاخذون بيها اربعة اقسام
جراحة, باطنية, اطفال, نسائية
كيسات بسيطة تدرسونها وترحون للمستشفى تاخذون كيس عن حالة موجودة تسألون المرضى وتقرون ملفاتهم شنو العلاجات والجرع ويصير نقاش بالنهاية سؤال وجواب

Clinical Biochemistry and Metabolic Medicine By Crook 8th ed

مصدر الكيمياء السريرية
نفس مصدر تدريب المختبرات

مصدر الكيمياء العضوية
مرحلة خامسة

العلاجيات

العلاجيات

الكورس الاول

انا وياكم بهاي المادة
لكن بشكل كتابة الا اذا الموضوع يتطلب شرح فيديو اشرحه بشكل فيديو

طلاب الرابعة

السلام عليكم ورحمة الله وبركاته
استنادا الى ما وردنا من احصائيات أولية من رؤساء لجان العمداء للتخصصات المشمولة بالامتحان التقويمي والمراكز الامتحانية تقرر منح ٥ درجات مساعدة على الدرجة النهائية لكل مادة من المواد الدراسية المشمولة بالامتحان التقويمي حصرا ولجميع حالات المعالجة

وزير التعليم العالي د. نعيم العبودي
٤/٦/٢٠٢٥

عيد اضحى مبارك
كل عام والجميع بألف خير🖤

ينعاد عليكم بالخير واليمن والبركات
ويملأ ايامكم بالسعادة والتوفيق والنجاح الدائم يارب🙏

غدا
ان شاء الله

بسم الله الرحمن الرحيم
توكلنا على الله
5th stage
Here we go

اليوم بداية خفيفة بمادة العلاجيات
applied therapeutic
كورس اول

نشرح المواضيع الخفيفة بالبداية هم تفيدكم بالتدريب ان شاء الله

بداية نحجي عن موضوع ال glaucoma

🔵 الماء الازرق Glaucoma

Glaucomas
مجموعة من ال Ocular disorders تُسبب تلف في العصب البصري
Optic neuropathy

يصاحب هذا التلف فقدان تدريجي في البصر او في مجال الرؤية
loss of visual sensitivity and field

🔴 There are two major types of glaucoma:

●Primary open-angle glaucoma (POAG) وهاي تمثل اغلب الحالات

●Primary angle closure glaucoma (PACG)

هذني اهم شي والي رح ندرسهن
بس اكو بعد انواع ثانية بالتعليقات 👇

𝗔𝗥𝗢𝗡 𝗦𝗧𝗨𝗗𝗬

❍ بطريقة مختصرة ومفيدة شنو ال intraocular pressure

ال IOP الضغط داخل العين تتم السيطرة عليه من خلال التوازن بين:

Aqueous Humor production
Aqueous Humor outflow

يعني لازم اكو balance بين
انتاج ال Aq. Humor من قبل الزوائد الهدبية ciliary processes الموجودة في الجسم الهدبي ciliary body
و تصريف هذا السائل من خلال ال trabecular meshwork ومنها الى قناة شليم

● زين شكد ضغط العين الطبيعي؟
من 10 الى 21 بوحدات ال mmHg

ويعتبر ضغط العين مرتفع اذا زاد عن ال 21mmHg

ارتفاع ال IOP يعتبر واحد من عوامل الخطر الي ممكن تسبب Glaucoma
لكن ،
ال IOP ما يكفي لوحده لتشخيص ال Glaucoma
عادي اكو مرضى عدهم glaucoma بس ال IOP عدهم طبيعي
ونفس الشي بعض الناس يرتفع عدهم ال IOP بس ما صار عدهم Glaucoma

🔴 من ضمن عوامل الخطر ايضا:
التقدم بالعمر
ال family history

𝗔𝗥𝗢𝗡 𝗦𝗧𝗨𝗗𝗬

الجسم الهدبي من ينتج ال aq. Humor رح يعبر من الحجرة الخلفية الى الحجرة الامامية من خلال البؤبؤ، وبعدها يتم تصريفه

اكو طريقتين لتصريف ال aq. Humor

🟡 الأولى : من خلال ال trabecular meshwork ومنها الى Schlemm canal (80-85% يتم تصريفه من خلال هذا الطريق)

🔴 الثانية : من خلال Uveoscleral بنسبة اقل

الــangleــزاوية ما بين القزحية iris والقرنية cornea
اسمها anterior Chamber angle
الها دور مهم في تصريف ال aq. Humor

𝗔𝗥𝗢𝗡 𝗦𝗧𝗨𝗗𝗬

❍ اذا هاي الزاوية تضيقت او انغلقت لاي سبب مثلا
اذا ال aq. Humor ما عبر للحجرة الامامية رح يتجمع ال aq. Humor خلف القزحية iris ويسبب اندفاع او انزلاق القزحية للامام هنا رح تضيق الزاوية يعني

➤ Obstruction of drainage pathways by the iris


اسباب ثانوية مثل الالتهابات او العمليات الجراحية وغيرها

معلومة : الأشخاص الآسيويين (دول اليابان، كوريا والصين....) اكثر عرضة لل PACG لان اصلا عيونهم بطبيعتها ضيقة فاكيد الزاوية رح تكون ضيقة

المهم اذا هاي الزاوية تضيقت او انغلقت رح تصير حالة الـــ
➤ Primary angle closure glaucoma PACG

هنا ال aq. Humor ما رح يتصرف والسبب لان ال trabecular meshwork انسدت،
وبالتالي رح يتجمع ال aq. Humor ما بين القزحية والقرنية (الحجرة الامامية) والحجرة الخلفية وبالنتيجة هذا يسبب ارتفاع في ضغط العين IOP

𝗔𝗥𝗢𝗡 𝗦𝗧𝗨𝗗𝗬

اذا الزاوية طبيعية و ماكو مشكلة
لكن،
الـtrabecular meshwork تكون مسدودة تدريجيا او خلل بوظيفتها (تصريف ال aq. Humor)


الانسداد ممكن يكون بسبب انه انسجة هذه الشبكة صارت اكثف او بسبب ترسبات وخلايا ميتة ممكن تسد او تغلق الفتحات الدقيقة الموجودة في هذه الشبكة يعني

➤ Increased resistance to aqueous humor drainage through the trabecular meshwork

معلومة : الافارقة هم اكثر عرضة لل POAG لاسباب وراثية

المهم اذا كانت الزاوية طبيعية لكن ال trabecular meshwork بيها خلل بحيث ما جاي تصرف ال aqueous humor رح تصير حالة الـــ
➤ Primary open angle glaucoma POAG

𝗔𝗥𝗢𝗡 𝗦𝗧𝗨𝗗𝗬

🔴 بالنسبة لل POAG فهو:
❍ Bilateral يصيب كلا العينين
❍ Asymmetric
غير متماثل (شدة الاصابة مختلفة بين العينين)
❍ Progresses slowly
يعني مو بسرعة يتطور وانما تدريجي وعادة يكون asymptomatic بدون اعراض الى أن يصير فقدان ملحوظ بالمجال البصري

لذلك هذا يلقبونه بالسارق الصامت للبصر
لان يكون بدون اعراض وممكن بالنهاية المريض يفقد بصره
لذلك مهم جدا فحص العين بشكل دوري خصوصا الناس الي عدهم risk factors او family history

الاكثر شيوعا في حالات ال glaucoma ويكون مزمن chronic

مو شرط يكون ضغط العين مرتفع بهاي الحالة

التشخيص :
اختبار المجال البصري visual field
قياس ضغط العين IOP من خلال Applanation Tonometry

𝗔𝗥𝗢𝗡 𝗦𝗧𝗨𝗗𝗬