طبعا فاتني بالمحاضرة ما ذكرت ملاحظة مهمة

وهي الفائدة من ال Combination Insulin

احنه مثل ما نعرف انه ال Rabid acting insulin يكون سريع المفعول فعاليته تكون خلال 5 الى 15 دقيقة
او مثلا ال regular insulin يكون خلال 30 دقيقة

لكن المشكلة وين؟

انه فترة عمل ال Rabid acting تكون تقريبا 3 ساعات فقط
وال regular insulin تقريبا 4-6 ساعات

زين هنا مريض السكري عنده ٣ وجبات رئيسية من غير ال fasting glucose
يعني يحتاج وجود الانسولين على مدى ٢٤ ساعة
معناها المريض لازم كل ٣ الى ٤ ساعات يحقن انسولين
يحقن نفسه بالقليل ٦ مرات باليوم



كالوا سهلة اجه
hagedorn
كال انا رح اسوي انسولين مفعوله اطول
وكثر الله خيره فعلا سوه ال NPH insulin

صار المفعول تقريبا يستمر حوالي 10-16 ساعة يعني ننطيه مرتين باليوم ك حد أقصى وهذا جيد
بس المشكلة انه ال onset of action مالته بداية فعاليته تحتاج ساعة
واكيد تعرفون السبب ذكرته بالفيديو

فهنا اجت فكرة ال Combination Insulin

جمعوا بين ال regular insulin وال NPH insulin
بمعنى
انهم جمعوا بين الميزتين ال Rabid Onset وال Long duration of action
فهمينه الفعالية صارت اسرع
وهمينه فترة العمل صارت اطول وبالتالي قل عدد مرات الحقن اليومية


#diabetes

𝗔𝗥𝗢𝗡 𝗦𝗧𝗨𝗗𝗬

الارقام ما مطالبين بيها سواء الي بهذا الجدول او الي ذكرتها انا بالمحاضرة

فقط الي بالملزمة تقروها

وهي اصلا ارقام مختلفة من مصدر لاخر لكن تبقى ك range

#diabetes

للفائدة

الدراسة مرة واحدة و بتمكن وبفهم
افضل من الدراسة السريعة والمراجعة لاكثر من مرة وعشر مرات وانت اصلا غير فاهم الموضوع

لا تقارن نفسك وي احد ثاني بالدراسة
صديقي خلص الموضوع الفلاني والموضوع الفلاني وجاي يراجع وانا بعدني ما مكمل المادة اصلا
بس تبدي تفكر هيج رح تعاني ب اكمال المادة نفسيا


دائما اكلكم اقروا بتركيز وخلوا هدفكم الاول هو الفهم
لا يكون هدفكم انه اكمل المادة قبل وقت الامتحان ب يوم او يومين حتى والله شنو ؟ اراجع
اوك تراجع وانت ما فاهم شنو الفايدة
صدكني رح تعاني بالاسئلة

اكيد المراجعة مهمة ومن الزينات اذا انت فهمت المادة وقاريها بتركيز وبقى عندك وقت للمراجعة

انت ما دامك تقرا بتريكز و بتأني
انت الي رح يكون جوابك مميز و افضل من جواب القاري المادة عشر مرات
ف خلي هدفك الفهم اولا مو اكمال المادة والمراجعة

ونصيحة
ابتعدوا عن الدراسة الجماعية جذب ما تسوي واهس بالعكس تتخربط دراستكم


الوقت موجود حتى الما بادي بعده يلحك ف استغلوا هاي الاوقات ولا تضيعونها

هذا رأي وليس فرض

‏﴿ ‏وَمَا تُجْزَوْنَ إِلَّا مَا كُنْتُمْ تَعْمَلُونَ ﴾

4th
اسئلة المصدر
الطبعة الثامنة
لاحظت اكو اسئلة وكيسات جديدة هم تفيدكم اطلعوا عليها

كل عام وانتم بألف خير 🤍

هاي انا من اشرحلكم فارما
بس الحضور طالب واحد

اله بونص 5 درجات😂

مسك الختام ♥️

---

الحمد الله

گدرت أكمل الكم شرح منهج الفارما بالكامل قبل وقت الامتحان الوزاري ،

إن شاء الله كنت سبب بسيط في توضيح المادة وتسهيلها عليكم

أتمنى انه الشرح كان واضح وسلس وما واجهتوا اي صعوبة بالمواضيع ،

اي سؤال او استفسار انا موجود هنا بالكروب او بالبوت وان شاء الله الي اكدر عليه اسويه

لا تنسوا انه التعب ما يضيع،
وكل مجهود تبذلونه راح يرجع الكم بالنجاح والتميّز

أتمنالكم كل التوفيق، وأعلى الدرجات بكل المواد و خصوصا بالفارما

واخيرا انتم "دفعتي" وانا فخور بيكم

ومستمر وياكم بعون الله🙏