⚠️⚠️
وزير التعليم يوافق على معالجة حالات الطلبة في الامتحانات التقويمية

معالجة حالات الطلبة في المراحل المنتهية بإضافة ٥ درجات لكل مادة تقويمية لغرض النجاح والتخرج بدلا من ٣ درجات إجمالية

معالجة حالات الطلبة في المراحل غير المنتهية بإضافة ٥ درجات لكل مادة تقويمية بدلا من ٥ درجات إجمالية لتغير الحالة إلى النجاح

شباب الي منتظرين المحاضرة هي كاملة
بس اعدلها وتنزل الكم ان شاء الله

عام دراسي جديد
اسأل الله ان يوفقكم جميعا🙏

طلاب الرابعة
الرابعة مرحلة مهمة بكل جوانبها ك صيادلة اولا وهو الاهم

وثانيا من ناحية معدلها التراكمي فشدوا حيلكم بهاي المرحلة وتعبوا لان تستحق التعب ( اعيدها : تعبوا )

راح تواجهكم صعوبات اكيد كونها اهم مرحلة واغلب المواد مهمة بس انتم كدها ان شاء الله وما بقى الا القليل

بالنسبة للكورس الاول كورس متوسط
اهم مواده هي الفارما والسريرية

العملي بهاي المواد راح يساعدكم هواي
ان شاء الله يكون كورس خفيف
درسوا زين وجيبوا درجات عالية قبل الكورس الثاني

اي منو داوم اليوم؟ 👀

اجتني هاي الوصفة قبل شوي

سؤال بسيط
علاج اخذناه سابقا شنو آلية عمله، وشنو اهم adverse effect يسببه؟

Citalopram

Antidepressant

Selective Serotonin Reuptake Inhibitor SSRI

adv. Effect : Qt interval Prolongation

العلاج الثاني deanxit هم يستخدم لحالات الاكتئاب والقلق بيه مادتين
Flupentixol 0.5mg
Melitracen 10mg
آلية عملهم غير واضحة بشكل كامل لكن عدهم تأثير في اغلاق بعض رسبترات ال Dopamine

Trigeminal nerve
هذا العصب الثلاثي من اسمه يغطي ثلاث مناطق

منطقة العين
منطقة الفك العلوي
منطقة الفك السفلي

من يزداد نشاط هذا العصب رح يصير الم نسميه الالم الثلاثي او الم العصب الثالث

Trigeminal Neuralgia

واحد من علاجات ال antiepileptic drug الي تعالج هاي الحالة هو

Carbamazepine

هذه الادوية تغلق قنوات الصوديوم وبالتالي تقلل ال action potential
بالتالي يقل نشاط العصب ويقل الالم

#تفريغات

مصادر الكورس الاول

#تفريغات

شباب هذا المخطط شرحت عليه بالمحاضرة
قسمت الادوية حسب طريقة العمل

افضل الكم اثناء دراسة هذا الجابتر تقرون مجموعة مجموعة
يعني لا تلتزمون بترتيب المصدر او المحاضرة الفيديوية

مثل ما كلت الكم
اقروا الادوية بشكل مجموعات مثل ما مرتبها الكم بالمخطط هذا ورح تسهل هواي عليكم

𝗔𝗥𝗢𝗡 𝗦𝗧𝗨𝗗𝗬

The next chapter : Diuretics

بعض القنوات والملاحظات الي ممكن تفيدكم

اولا : السريرية
موجود شرح دكتور ضياء ع اليوتيوب وهاي القائمة للكورس الاول

بالاضافة الى شرح دكتورة ايناس من خلال هذا البوت

@FAYMEZ_BOT

الفارما : انا آرون😁
قناة دكتور عبد المتعال ودكتور دهشان بالاضافة الى قناة speed pharmacology

العضوية : اكو ملخصات لدكتور محمد جواد ممكن تفيدكم وهذا رابط اول ملخص واول محاضرة
انا ما قريت عليهن صراحة لان شرح دكاترتنه ممتاز جان
بس قريت عليه مادة TDM بالخامسة

شرح هاجر هم شرح ممتاز
وشرح قناة مثل حبة هم يفيدكم


البايو : صراحة مادة مملة لكن بوقتها قريت على دكتور
جزاه الله خير
د مهدي عبد زاير
كلية الكوت الجامعة بس شرحه ممتاز بشكل تسجيلات صوتية
وين تلكون شرحه ؟
بهاي القناة تحت هاشتاك
#Biopharmaceutics_Lec

الملازم تلكوها هنا https://t.me/Pharmacy_four_stage_course1

بهاشتاك
#Lec_Biopharmaceutics

صحة المجتمع : هاي القناة تفيدكم ببارت المناعة واكيد عدكم فكرة عن القناة سابقا بالمايكرو

السلام عليكم
شلونكم شباب شخباركم
شخبار الدراسة
الفارما شلونها ب اي مواضيع بديتوا، بس كون ب CNS ؟

هنا بهذا الرسم موضح تفاصيل ال nephron وعمليات ال
Filtration and Excretion
بالتفصيل
الي يريد تفاصيل اكثر يتابع جزء من المحاضرة الثانية
من محاضرات الضغط

منطقة
Proximal convoluted tubule
بهاي المنطقة اكو انزيم اسمه
Carbonic anhydrase enzyme CA
هذا الانزيم يساهم بعملية اعادة امتصاص الـ NaHCo3ـصوديوم بايكاربونات والماء يتبع الصوديوم ف يرجعن الى الدم
بالاضافة الى وجود Na / K ATPase pump ايضا رح تساهم برجوع أيونات الصوديوم الى الدم

ايونات الكلور ممكن تتبدل مع anion او base- اخر مثلا ال oxalate


مجموعة المدرّات الي تعمل على هاي المنطقة تثبط عمل هذا الانزيم الي هو CA و بالتالي تمنع اعادة امتصاص ال Na و ال H2O اسمها
Carbonic anhydrase Inhibitors

كذلك ممكن يكون اكو تأثير لل Osmotic diuretics بهاي المنطقة وبالجزء النازل من عروة هنلي
descending loop of henle

#تفريغات

منطقة
Ascending loop of Henle
هاي المنطقة تحتوي على Cotransporter مسؤول عن إعادة امتصاص كل من
Na
K
2Cl
الى الدم
ميزة خلايا هذه المنطقة انه تكون impermeable للماء غير منفذة للماء
بهاي المنطقة ما رح يصير اعادة امتصاص للماء

هنا رح تعمل Loop Diuretics

#تفريغات

بمنطقة ال
Distal convoluted tubule
اكو ناقل مشترك Co transporter مسؤول عن إعادة امتصاص الNa و ال Cl الى الدم

من خلال مجموعة ال Thiazide diuretics رح نعطل عمل هذا الناقل وبالتالي ما رح يصير اعادة امتصاص الصوديوم والكلور

بهاي المنطقة يصير اعادة امتصاص لل كالسيوم Ca من خلال افزار هرمون
parathyroid hormone

ايضا هذه المنطقة ميزتها انه تكون impermeable للماء


#تفريغات