بالنسبة للصناعية
مادة حلوة فهمية نوعا ما بس تحتاج درخ
الصناعية كورسين كورس ثاني رابعة
وكورس اول خامسة

الكورس الاول مالت الخامسة چنه تكنو نصا

خلينه بموضوعنه
الصناعية مرحلة رابعة تتكلم عن مواضيع ال
Mixing
Milling
Dryning
وغيرها من العمليات المستخدمة بصناعة الادوية

تتكلم عن هاي العمليات بالتفصيل
الاجهزة المستخدمة في الخلط مثلا
الية العمل
المشاكل الي تواجه هاي العمليات شنو هي
واختيار الطريقة المناسبة حسب نوع المواد

المادة يكولون رعب وهيج بالعكس قريبة ع التكنو بس التكنو فهمي اكثر مما هو درخ
هاي اقرب للدرخ

المادة وسط
ليش لان بيها جابترات صعبة وقسم سهلة

الجابترات ٧
اكبر جابترات
Mixing و drying

الشرح : احمد هاشم

سريرية تختلف عن السريرية بالكورس الاول
الاول سهل جدا

الكورس الثاني اصعب واكبر بالمجمل تتكلم عن الحالات المزمنة
سكري ضغط ربو امراض العظام وغيرها

رح يساعدكم بالنظري الفرع العلمي لان نفس المواضيع ومن نفس المصدر بالعادة

مع ذلك شلون تصير سهلة حسين؟

ماكو غير اختصاص الصيدلية السريرية
الدكتور محمد داخل الركابي

https://t.me/mdmalkfeel

رجعوا بالرسائل المثبتة تلكون فهرست كامل للمرحلة الرابعة

فارما بعد ما يحتاج اوضح شي نفس النظام ونفسه مصدر لبنكوت
اسهل نوعا ما من الكورس الاول

اكو مواضيع مشتركة بينها وبين السريرية رح تسهل عليكم اكثر مثلا امراض العظام والسكري

الشروحات
د عبد المتعال بس مو عالموحدة ولا ع مصدرنه بس يفيدكم / للاسف مو كل المواضيع
د دهشان قريب ع مصدر لبنكوت


بالنسبة الي؟
اكمل كورس اول وياكم
ومن اكمل اكيد اشرح الكم كورس ثاني

باجر اكمل شرح
كنت مشغول هالايام بسوالف النقابة

صح جاي تشوفون الوضع
مشاكل التعيين
اخوانا بدفعة ٢٣ حقهم المسلوب ظلما
احنه دفعة ٢٤ ممكن نواجه نفس المصير والدفع الي بعدنه انتم
اذا ما صار حل وما صار تعاون بين الجميع ممكن كلنه نتعرض لهالموقف

و صح نزل كتاب انه لا طبيب اسنان ولا صيادلة الهم تعيين من هاي السنة ( وهذا مخالفة للقوانين)

بس ان شاء الحق يرجع لاهله مهما صار
اولا واخرا الحق يرجع لاهله

الي اريد اكوله الكم انه دراستكم مهمة لا ينكسر واهسكم ابد من هاي الامور الي دتصير
درسوا ونجحوا وجيبوا درجات ومعدلات عالية
واذا ضاعت فرصة ف الف فرصة غيرها ممكن نستغلها ونتطور سواء علميا او عمليا

احنه كلنا زملاء وان شاء الله ايد ب ايد دائما


بالنهاية الله كريم
وان شاء الله ما يصح الا الصحيح

وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ

طلاب الثالثة الي دخلوا للقناة هلا بيكم

شباب اوضحلكم شغلة بالبداية
الملزمة الموحدة للفارما ماخذينها من مصدر لبنكوت

العام من شرحت لاخوانكم شرحت ع المصدر بالبداية
وراها من نزلت الملازم الموحدة كملت الباقي عليها

يعني ماكو فرق ان شاء الله انتم اقروا ع الملزمة الموحدة وي الشرح
اذا شي انا شارحه وما موجود عدكم بالملزمة تركوا

الملزمة فاصلها الكم حسب الجابترات
وكلشي تحتاجونه مثبت بالقناة مصادر او اسئلة
واسئلة الدور الاول والثاني للعام السابق موجودة هي والحلول هم مثبتات بالرسالة المثبتة

موفقين ان شاء الله🙏
اذا تحتاجون شي تواصلوا وياي
@Aron2bot

محتاجين هذا العلاج لحالة كانسر
ياريت اذا احد عنده يبلغني واكون ممنونه

Melatonin
الميلاتونين مادة طبيعية تفرز من الغدة الصنوبرية

اثناء النهار الضوء الي يدخل من العين ويعبر الشبكية هذا الضوء يسقط على منطقة اسمها
suprachiasmatic nucleus SCN
عن طريقها رح يوصل ايعاز( انه الدنيا بعدها نهار) إلى الغدة الصنوبرية حتى ما تنتج الميلاتونين

لعد يمته ينفرز؟

من يكون المكان مظلم او من يحل الظلام
وماكو ضوء يسقط على منطقة
suprachiasmatic nucleus SCN
فما رح يوصل ايعاز الى الغدة الصنوبرية وبالتالي هاي الغدة تتحفز وتنتج الميلاتونين الي يرتبط برسبترات اسمها
Melatonin receptors (MT1 and MT2)
وهنا رح يبدي الانسان يشعر بالنعاس وينام

اكو علاجات اسمها

Ramelteon and tasimelteon

هاي الادوية عبارة عن
melatonin receptor agonist
يعني عملهن مثل عمل الميلاتونين بالضبط
يرتبط برسبترات ال
MT1 and MT2
وايضا رح يبدي الانسان يشعر بالنعاس وينام

#تفريغات

#معلومة_من_آرون
𝗔𝗥𝗢𝗡 𝗦𝗧𝗨𝗗𝗬

GABA A Receptor

#تفريغات

The next chapter : Drugs for Epilepsy

شباب هذا الفيديو تكلمت عن ال
pathophysiology of Epilepsy
ربع ساعة فقط مو هواي
خذيت بيه التقسيمات وشلون ممكن تصير حالة الصرع يعني مو شغلات خارجية بالعكس رح تفيدكم وتعرفون طريقة العلاج من هسه تبقى مجرد اسماء الادوية تحفظونها
انا ما اشرح فارما بدون الباثو لازم اكو باثو ولو بشكل مختصر

ان شاء الله المحاضرة الجاية ع المصدر نفس كل مرة

Focal seizures with aura

Absence seizures

Myoclonic seizures

Tonic clonic seizures

فيديوهات عن بعض حالات الصرع

⚠️⚠️
وزير التعليم يوافق على معالجة حالات الطلبة في الامتحانات التقويمية

معالجة حالات الطلبة في المراحل المنتهية بإضافة ٥ درجات لكل مادة تقويمية لغرض النجاح والتخرج بدلا من ٣ درجات إجمالية

معالجة حالات الطلبة في المراحل غير المنتهية بإضافة ٥ درجات لكل مادة تقويمية بدلا من ٥ درجات إجمالية لتغير الحالة إلى النجاح