💢 هسه من التعريف كايل انو مركبات عدها على الاقل Hetero atom واحدة
ممكن أكثر المهم اكو عالاقل ذرة وحدة من Hetero atom

زين شنو هاي ال hetero atom🤔

هي مجموعة معينة من الذرات تدخل ضمن الحلقة وتكون مركبات غير متجانسة Heterocyclic مثل
N, O, S
ذني الثلاثة هنه الاساسيات هسه اكو غيرهن لو لا اي اكو فسفور و بورون وهواي
لكن المطلوب من عدنه هذني الثلاثة فقط

💢💢 الي اريدكم تعرفوه بعد انه هذه الذرات تكون داخل او ضمن الحلقة مو substituent او تفرع على الحلقة
هسه اراويكم امثلة

مركب البنزين تعرفوه وصيغته C6H6
مركب حلقي متجانس الذرات Carbocyclic

مركب ال Pyridine صيغته C5H5N
مركب حلقي غير متجانس الذرات Heterocyclic
شوفوا النتروجين صايرة بمكان وحدة من الكاربونات ومن ضمن الحلقة


اكو فرق بسيط غير النتروجين والكاربون بين المركبين شنو الفرق وليش برأيكم؟

CLASSIFICATION OF HETEROCYCLIC COMPOUNDS

💢طبعا اكيد ما رح تكون بس حلقة سداسية او بس حلقة اروماتية لا رح تصنف هذه المركبات الى مجموعتين اساسية

Aliphatic heterocyclic compounds

Aromatic heterocyclic compounds

المجموعة الأولى
Aliphatic heterocyclic compounds: Those do not contain double bonds are called saturated
heterocycles.
The properties of aliphatic heterocycles are mainly affected by the ring strain‌‌

هنا اكو مركبات حلقية لكن اليفاتية يعني ما تحتوي اواصر مزدوجة وبالتالي تكون Saturated

خصائص هاي المركبات تتأثر ب ring strain‌‌
الي هي هل الحلقة ثلاثية، رباعية او سداسية ...

وبيها قسمين monocyclic او Fused ring يعني حلقات مدمجة

مثل ما جاي نشوف هنا الامثلة
مركبات حلقية غير متجانسة وبنفس الوقت اليفاتية

المجموعة الثانية
وهي
Aromatic heterocyclic compounds Are analogous of benzene
نظائر البنزين الي تحتوي على اواصر مزدوجة وبالتالي تكون unsaturated
هاي The aromatic heterocyclic
compounds
هم تتبع قاعدة
Huckel’s (4n+2) = eπ

وبيها قسمين monocyclic او Fused ring يعني حلقات مدمجة

سؤال الكم شنو هاي القاعدة اكيد تعرفونها

هاي امثلة على Aromatic heterocyclic compounds

شوفوا هنا مثال indole هو هذا النوع الي يكون fused ring

♻️اكو مجموعة ثالثة المصدر ما ذاكرها ممكن تاخذوها بالكلية ف للفائدة انا اذكرها الكم
وهي
Nonaromatic containing
unsaturated bonds heterocyclic
يعني حلقة غير متجانسة وغير اروماتية بس شنو بيها اصرة مزدوجة
وهاي هي المركبات الي تحتوي اواصر مزدوجة لكن ما تحقق شروط الاروماتية ومنها قاعدة Huckel’s او يكون مشبع جزئيا و ماكو تبادل للاواصر
ك مثال
Pyran

شروط الاروماتية شنو
مركب حلقي
تبادل الاواصر (single, double, single )
يحقق قاعدة Huckel’s
فهنا هو partially saturated لذلك مو اروماتي

واضح لهنا شباب لو اكو مشكلة سواء بالشرح او الصوتيات ؟

🔰اكو تصنيف اخر وهو حسب
number of membered ring
يعني مثلا الحلقة خماسية او سداسية
فنجي مثلا لل
♻️Five memberd heterocyclic compounds
مركبات حلقية غير متجانسة خماسية
هم تصنف الى :
💢 مركبات تحتوي على ذرة hetero واحدة ومن الامثلة عليها
Furan, pyrrole, thiophene

💢مركبات تحتوي على اكثر من ذرة hetero ومن الامثلة عليها
Oxazole, imidazole, Pyrazole

خماسية تحتوي على ذرة hetero واحدة

خماسية تحتوي على اكثر من ذرة hetero

♻️Six membered heterocyclic compounds
مركبات حلقية غير متجانسة سداسية
همينه تصنف الى :
💢 مركبات تحتوي على ذرة hetero واحدة ومن الامثلة عليها
Pyridine, pyran, thiopyran

💢مركبات تحتوي على اكثر من ذرة hetero ومن الامثلة عليها
Pyrimidine, pyrazine