وهيج نكون ختمنا وحدة الـ ANS🥳
بشكل كامل ولله الحمد🙏

ان شاء الله نبدي بالوحدة الاخيرة المضادات الحيوية ب الايام القادمة

امتحان هذا الجابتر
يوم الاحد ان شاء الله

اتمنى يكون الشرح واضح 🫶

واي سؤال انا موجود و بالخدمة ♥️

هذا المقطع فايتني
يتكلم عن حركية ال Propranolol
بعد ما اخذه عن طريق الفم
تقريبا العلاج يصيرله امتصاص كامل
ويتعرض لل first pass metabolism
يدخل عن طريق الوريد البابي الكبدي الى الكبد ويصيرله تكسير اولي بحيث تقل ال bioavailability مالته
ف يكول فقط حوالي 25% من الجرعة المعطاة رح تدخل للدم
يعني ال bioavailability مالت ال Propranolol تساوي 25%
حجم التوزيع يعتبر كبير 4L/Kg معناها رح يتوزع بجزء كبير من الجسم وهذا واضح من خلال تأثيراته المنتشرة بين القلب والرئتين وال CNS وغيرها
اخر شي كايل انه هو يخترق ال BBB بسبب ال Lipophilicity العالية
بعدين من يكمل شغله يصيرله تكسير ايضي واسع وتنطرح غالبية المنتجات الايضية في ال ‌urine

شباب ساعة الامتحان
موفقين♥️

مرحبا شباب
انا رح ابدي بشرح الوحدة الاخيرة من الفارما Chemotherapy او كما هي معروفة المضادات الحيوية Antibiotics

بالبداية قبل لا اشرح الكم اي جابتر رح اتكلم عن معلومات اساسية و مهمة عن البكتريا بشكل عام والي رح اخذها من جابتر 28 ما رح اشرحه كامل وانما رح انطي الزبدة منه بطريقتي مو بطريقة المصدر
وبعدها ان شاء الله نبلش بالاهم
بكرا استراحة
نبدي يوم الثلاثاء ان شاء الله 🫶

جابتر ٢٨
للي يحب يتابع الشرح وي المصدر

سلام عليكم🙋
شنو الاخبار
اليوم عدنه سوالف موجودين ان شاء الله🌚

رح اتكلم معلومات عامة عن المضادات الحيوية هي مشتقة من جابتر 28 بس بشكل مختصر وبطريقة بسيطة والفكرة الرئيسية اهم شي
كل هاي المعلومات رح تفهموها اكثر واكثر من اشرح كل مجموعة لوحدها
جابتر 28 مجرد مبادئ عامة مفيدة اكيد
بس كمادة فارما مرحلة ثالثة ف اهميته قليلة مقارنة مع بقية الجابترات
انا ما رح اشرحه اصلا نصا وانما رح انطيكم الافكار المهمة و الرئيسية منه تكدرون ترجعون اله للاستفادة بس يكفي الي اذكره الكم كفهم يعني مو درخ
كفهم الي رح اكوله كلش كافي☝️✅

اصلا انا ردت ابلش كبل بمجموعة دوائية
بس لازم اذكر كم شغلة اساسية من هذا الجابتر ف كلت اشرح منه المفيد✅✅

بالبداية شباب🙋

لازم نعرف انه antimicrobial رح تأثر وتشتغل فقط ع الخلايا البكتيرية او الفيروسية وغيرها من دون ما تأثر ع اي خلية من خلايا جسمنا✅

بس بنفس الوقت تأثيرها ع البكتيريا يختلف ب اختلاف النوع والتركيز وكثير من العوامل وعلى هذا الاساس لازم نختار مضاد حيوي مناسب للحالة☝️

زين شلون نختار المضاد الحيوي ع اي اساس نعتمد؟
باختيار المضاد الحيوي نعتمد ع مجموعة عوامل اهمها
1- the identity of the organism
معرفة وتحديد الكائن الدقيق هل هو بكتيريا او فيروس او ديدان اذا بكتيريا هل هي بكتيريا موجبة لو سالبة وهكذا لذلك تواجد التحليل والتشخيص انا من التحليل عرفت نوع الكائن وكدرت اشخص المرض اذا اكدر اختار العلاج المناسب لهاي الحالة
فممكن اعرف نوع البكتريا من خلال اجراء زرع عينة و اختبارها 🧫
او من خلال الطرق الحديثة ب اجهزة الطيف والليزر انه كذا لون ينطي اشارة الى هذا النوع من البكتريا او باستخدام اجهزة مثل PCR وغيرها الكثير

طبعا اغلب المضادات الحيوية المتوفرة هي antibacterial يعني مضادات حيوية للبكتيريا اكثر مجاميع
زين بس هيج حي الله نكول مضاد بكيتري لو هم بيه تقسيمات؟
اكيد بيها تقسيمات وهي
bacteriostatic antibiotics
و
bactericidal antibiotics
شنو الفرق بين المصطلحين؟ هسه نشوف


م/طبعا الي عنده اضافة او يريد يجاوب ف كلش براحتكم شباب يعني سولفوا الي تعرفونه وياي🙋

اكو مصطلحين مهمات ورح نمر عليهن بكل فصل ناخذه من المضادات الحيوية

الاول هو Bacteriostatic
والثاني هو bactericidal

الاول بمعنى مثبط
ممكن يثبط نمو او تكاثر البكتريا ويضعفها بس ما يقتلها مثل الشي الي جان يتحرك هواي ويگمز ونربطه بحبل حتى يركد😂😂

اما الثاني لا رح يقتل البكتريا ممكن يفتح جدارها الخلوي ويتسبب بدخول السوائل الى داخل البكتريا ومن ثم انتفاخها وانفجارها ف هنا قتلها مو بس ضعفها او وكف حركتها☝️

بعد اكو مضادات تكون مثبطة لنوع معين من البكتريا
بس ع نوع ثاني لا تكون قاتلة
مثلا
linezolid
هذا يكون bacteriostatic مثبط ل نمو البكتيريا من نوع
Staphylococcus aureus and enterococci
بس يكون bactericidal قاتل لبكتيريا من نوع
S. pneumoniae
الي تصيب الجهاز التنفسي

ضمن هذا الموضوع اشتقينا مصطلحين
Minimum inhibitory concentration MIC
هذا يمثل اقل تركيز من المضادات الحيوي يمكن ان يثبط نمو الكائن الحي المرئي (بكتيريا مثلا) بعد فترة ٢٤ ساعة من الحضانة

و
Minimum bactericidal concentration MBC
يمثل اقل تركيز من المضاد الحيوي يقتل 99.9% من مستعمرة البكتريا الي مسببة اصابة بكذا جهاز بعد فترة الحضانة لليلة كاملة

2- the susceptibility of the organism to a particular agent

قابلية تعرض الكائن للعلاج الي اختاريته
يعني لنفرض انه انا انطيت علاج من مجموعة تشتغل ع بكتريا موجبة والمريض مصاب ببكتيريا سالبة🤔

هنا ما رح احقق الفائدة المطلوبة لان قابلية تعرض هاي البكتيريا للعلاج رح تكون قليلة فما تنتقل او يتثبط نموها
(وطبعا هاي تخص اكتشاف المضادات تاريخيا اما بالحديث لا كلشي صار معروف هاي البكتيريا هاي علاجها ما حاجة اجرب)
فهنا لازم نجري اختبارات الحساسية او التعرض للمضاد الحيوي ✅
انه بعد ما ناخذ عينة ونزرعها نجرب عليه هذا المضاد الحيوي اذا شفنه اعداد البكتريا قلت بنسبة كبيرة فهذا علاج مناسب
و اذا ما تأثرت او قلت بنسبة قليلة هنا لازم نجرب علاج ثاني

شنو تعرفون عن البكتريا السالبة و الموجبة
يعني شنو الفرق الاساسي بيناتهن؟

الفرق الاساسي والمهم ب الفارما تعرفوه
هو Cell wall
الموجبة عدها جدار خلوي
والسالبة مو ما عدها عدها بس يكون عبارة عن طبقة خفيفة محاطة بغشاء اسمه outer membrane بيه LPS و Porin
البكتيريا الاكثر تعرضا للمضادات العادية الي اكتشفت اول مرة هي الموجبة لان تشتغل ع جدار الخلية
اما السالبة ف
ال outer membrane يمنع مرور هذه الادوية إلى الداخل

هذا الشي اكتشفوه العلماء شافو انه الادوية الي عندها قطبية عالية تكدر تعبر من خلال outer membrane
ف هنا صنعوا مضادات حيوية تكدر تقتل او تثبط نمو البكتريا السالبة من خلال اختراق هذا الغشاء شلون
من خلال زيادة قطبيتها ودخولها من خلال الفتحات Pore الي تتكون نتيجة وجود ال porin

3-the site of the infection
موقع الاصابة
يعني فرضا الشخص عنده التهابات جلدية اكيد افضل اختار علاجات موضعية حتى تنطي فعالية اكبر او مثلا عنده التهاب بالعين اكيد استفاد من القطرات بشكل اسرع

المصدر متكلم عن الاصابات الي تصير بالدماغ ع سبيل المثال MENINGITIS
هنا لازم اكو عوامل تساعد بمرور الدواء من خلال ال blood-brain barrier حتى توصل لموقع الاصابة منها :

🔴العلاج لازم تكون عنده lipid-solubility عالية

🔴الحجم الجزيئي ال Molecular weight لازم يكون مناسب حتى يمر من خلال ال BBB

🔴ارتباط العلاج ب بروتينات الدم مثل الألبومين اذا چان العلاج درجة ارتباطه عالية بالدم هذا رح يحد من دخوله إلى الدماغ من خلال ال Cerebrospinal fluid CSF

🔴وايضا وجود ناقل او مضخة طرد يأثر ع وصول العلاج ال CNS
ممكن اذا اكو ناقل هذا يساهم وشي جيد لان رح يساعد بنقل العلاج إلى الدماغ😈
اما
اذا اكو مضخة طرد efflux pump رح تسبب مشاكل وتلقي العلاج خارج ال CNS وما استفاد من العلاج🙄

4.عوامل تعتمد ع جسم المريض
Patient factors

مثلا جهازه المناعي قوي بحيث يساعد في القضاء ع البكتريا او لا
اكو ناس مثلا مرضى السكري او الي يشربون كحول او الي ينصابون بفيروسات نقص المناعة البشرية او امراض المناعة الذاتية او سوء التغذية كل هاي العوامل تأثر ع جهاز المناعة في الإنسان

🔴فمثلا اذا جهازي المناعي ضعيف فهنا احتاج جرع عالية من المضادات الحيوية

ايضا عوامل اخرى مثلا الحمل او الرضاعة للنساء
مو كل المضادات الحيوية ولا كل الادوية اكدر انطيها للمرأة الحامل او المرضع فهاي هم تعتبر من ضمن العوامل الي لازم انتبه الها في اختيار المضادات الحيوية

🔴بعد مثلا شخص عنده مشاكل بالكلى
بعض المضادات الحيوية طرحها يكون عن طريق الكلى ب ال urine
فاذا الشخص عنده renal dysfunction هذا رح يتسبب بتراكم الدواء داخل الجسم وممكن ينطي تأثيرات خطيرة واكثر شي انتبه اله هو ال vancomycine و aminoglycoside

وشلون اعرف مشاكل الكلى؟؟
من خلال قياس مستوى ال creatinine ب ال urine اذا متغير عن الطبيعي ف اكيد اكو مشكلة بالكلى
للمعلومة الطبيعي ضمن رينج يتراوح من
0.7 الى 1.3 بوحدات mg/dL

شباب هواي اعترضوا ع معلومة
Antibiotics effect on the virus
انا اقصد ال antimicrobial مضادات الكائنات الدقيقة كلها اكدر اسميها مضادات حيوية

الشي المشهور انه المضادات الحيوية هي مضادات بكيترية ب اعتبار البكتريا حية داخل او خارج الخلية
بينما الفيروس تصير حية من تدخل جسم مضيف

انا هنا من اكول مضادات حيوية اقصد antimicrobial بشكل عام
بس متعود اكول مضادات حيوية😂😂
المهم
المجاميع الدوائية الي تأثر ع البكتريا مضادات حيوية
نسميها antibacterials

واكو مضادات تأثر عالفطريات اسمها antifungal
واكو مضادات تأثر ع الفيروسات نسميها antiviral
واكو مضادات تأثر عالديدان نسميها Antihelminthics

اوك هسه نمشي وي الواقع مضادات حيوية تمثل مضادات بكيترية🙋ب اعتبارها هي الاكثر تأثيرا ع الانسان

🔴اذا شخص عنده مشاكل بالكبد
والكبد عضو اساسي لان هو الي يكسر الادوية ويساهم بطرحها للخارج
فاذا اكو مشاكل بالكبد ضروري نكون حذرين باستخدام بعض المضادات خصوصا
erythromycin and doxycycline
لان هاي طرحها يعتمد اساسا عالكبد

🔴ضعف التروية مثلا مرضى السكري دائما يقل تدفق الدم الى الاطراف فهذا رح يقلل من وصول العلاج لهاي المناطق الي بيها اصابة وما رح تتعالج الحالة

🔴العمر ضروري ب المضادات الحيوية
هواي نشوف انه كذا مضاد حيوي لازم من كذا سنة فما فوق او كذا علاج ما يصير انطيه لكبار السن او الاطفال الرضع
ف ايضا العمر ضروري في تحديد العلاج او جرعته ايضا

🔴اذا شخص انصاب ببكتيريا مقاومة لهواي مضادات يسموها multi drug resistance bacteria
فهنا نتيجة استخدام اكثر من نوع من المضادات من دون فائدة رح يتسبب ب عوامل خطر كبيرة ع المريض