Պարզվում է՝ Կոտայքի մարզի դատախազի աշխատանքից ազատման պատճառը մի գաղտնալսում է, որտեղ նա մասնավոր խոսակցության ժամանակ անբարեհունչ արտահայտություններ է թույլ տվել վերադասների հասցեին: Կոտայքի հիմա արդեն նախկին դատախազը դատի է տվել գլխավոր դատախազ Աննա Վարապետյանին՝ պահանջելով վերացնել իր նկատմամբ կատարված ապօրինությունը: Ամենայն հավանականությամբ Ա. Վարդապետյանին դատի է տալու նաև Արմավիրի աշխատանքից ազատված դատախազը:

Ի՞նչն է այս ամենում ռուսի ասած мораль-ը. թե մասնավոր խոսակցությունների գաղտնալսումները, թե պաշտոնից հեռացումները, և թե դատի տալու փաստերը վկայում են՝ մի կողմից Ն. Փաշինյանի ռեժիմը չի վստահում իրավապահ համակարգին, մյուս կողմից՝ իրավապահ համակարգը ոչ հարգում է, ոչ էլ վախենում է ռեժիմի պարագլուխներից: Իսկ դա նշանակում է, որ իշխանության բուրգի փլուզումը շատ կարճ ճամանակի հարց է:

#թագավորը_մերկ_է @Կանչ

Արցախի իշխանությունը գոնե այս օրհասական պահին պետք է ներքին «բոլտ ու գայկեքը» ձգի: Պետք է ուժ գտնի իր մեջ չվախենալու և արմատախիլ անելու Սամվել Բաբայանի գլխավորած ադրբեջանական կոլաբորացիոնիստների խմբավորմանը:

Պատահակա՞ն է, որ Արցախում միայն Ս. Բաբայանն ու նրա շուրջը հավաքված տարատեսակ տիղմն է (Հայկ Խանումյան, Արթուր Օսիպով և այլն) ցանկանում ինտեգրվել Ադրջեջանին: Այդ դեպքում որքանո՞վ է արդար, որ Վ. Բալասանյանը ծխախոտի գողության գործով կալանավորված է, իսկ Արցախի Անվտանգության խորհրդի հաշվից 100 միլիոն դրամ հափշտակած, նույն հիմնարկության բյուջեով BMW X7 գերթանկարժեք մեքենան գնած ու սեփականաշնորհած Ս. Բաբայանն ազատության մեջ է:

Ի դեպ, եթե Արայիկ Հարությունյանը շարունակի վախենալ ու աչք փակել Ս. Բաբայանի ազգադավ գործունեության վրա, ավելին՝ օրենքով սահմանված կարգով գողության համար չկալանավորի Ս. Բաբայանին, ապա ստանալու է 2000թ.-ի մարտին Արկադի Ղուկասյանի վրա կրակելու պատմության կրկնությունը: Հուսով ենք՝ Ա. Հարությունյանը հասկանում է պահիլրջությունը:

#Նիկոլի_օրակարգ @Կանչ

Երևանում ջերմաստիճանը 40-ից բարձր է: Ճիշտ ժամանակն է հիշել, որ նիկոլենք սաղարթաշաթ ծառերը հանեցին (որոնք հսկայական դեր ունեին միկրոկլիմայի ձևավորման վրա), փոխարենը տնկեցին արդեն իսկ չորացած սակուրաներ:

Նույն բանն արվեց բանակի, պետության, հասարակության հետ: Աշխատող ինստիտուտները փոխարինվեցին քաոս ծնող անգրագետներով:

Շոգը ֆիզիկական երևույթ է, զգացնել տալիս է անմիջապես: Պետության կորուստը դեռ առջևում է:

#Նիկոլի_օրակարգ @Կանչ

Սմբատյանների խափանման միջոցը փոխելու հարցով Ն. Փաշինյանին նամակով դիմել է նաև ՌԴ նախագահ Պուտինի հատուկ ներկայացուցիչ Մ. Շվիդկոյը: Հարցն արդեն միջազգային արձագանքներ է ստանում:

Մինչդեռ ընդդիմությունը Սմբատյանների «քեյսից» կարող էր սեփական քաղաքական օրակարգը կերտել: Օրինակ՝ եթե խնդիրը սկզբունքն է և Ն. Փաշինյանի ռեժիմը հայր և որդի Սմբատյաններին կալանավորում է՝ վերագրելով նրանց Երևանում տարածքների գողություն, ապա ինչու՞ չի կալանավորվում Գռզոն, որը գողացել է «Ռոսիա» կինոթատրոնի շենքը, հրապարակի շենքերը, բազմաթիվ այլ տարածքներ, շենք-շինություններ (նույնիսկ քրեական գործ կա այս պահին):

Առաջ տանելով «ի՞նչ տարբերություն Սմբատյաններին վերագրվածի և Գռզոյի արածի միջև» թեզը՝ ընդդիմությունը կարող էր «բնից հանել» բոլոր իշխանությունների օրոք հարստացած, ներկայիս ռեժիմի սիրելի թալանչի Գռզոյին և նրա նկատմաբ առկա ժողովրդական զզվանքի ալիքն ուղղել Ն. Փաշինյանի ռեժիմի դեմ:

#Նիկոլի_օրակարգ @Կանչ

Կառավարության որոշմամբ սեպտեմբերի 23-ին Snoop Dogg-ի համերգի կազմակերպման համար ՀՀ պետբյուջեից հատկացվելու է 2,3 մլրդ դրամ (մոտ 6 մլն դոլար): Որոշման հիմնավորման մեջ նշվում է՝ ակնկալվում է, որ համերգին կմասնակցի 20-25.000 մարդ:

Ըստ էության, Ն. Փաշինյանի ռեժիմը հարկատուների փողերով 20-25.000 մարդու առաջարկում է անասունանալ և քեֆ-ուրախության մասնակցել՝ նշելու 120.000 արցախահայության սովամահությունը: Բայց այս այլանդակությունից նիկոլականները նաև այլ ակնկալիք ունեն՝ պետբյուջեից փող գողանալ:

Մեր ունեցած տեղեկություններով՝ Snoop Dogg-ի համերգային հոնորարը 500-700 հազար դոլար է (կախված համերգային ռենդեռի պահանջներից): Հիմա պետք է շատ ուշադիր հետևել, թե որ լրատվամիջոցն է հետաքննություն իրականացնելու և պարզելու, թե պետբյուջեից մոտ 5 միլիոն դոլար փողը ինչ սխեմաներով է լվացվելու և հայտնվելու Ն. Փաշինյանի և Ա. Հարությունյանի (դդում) գրպանում:
#Նիկոլի_օրակարգ @Կանչ

«Վագնեռ» խմբավորման մարտիկներն այսօր տեղեկացվել և առաջարկ են ստացել պատրաստ լինել օգոստոսի վերջին վերադառնալու ռազմաճակատ:

Ռազմաճակատի ո՞ր հատվածի մասին է խոսքը, հայտնի չէ: Նույնիսկ հայտնի չէ՝ խոսքը Ուկրաինայի՞, Միջին Ասիայի՞, թե՞ Կովկասի մասին է:

Այնուամենայնիվ, արդեն հիմա ուրվագծվում է ուկրաինական տապալված հակահարձակումից անմիջապես հետո ռուսական հարձակման պատկերը, ինչը չափազանց կարևոր է արցախյան ռազմաճակատի և ներհայաստանյան զարգացումների համար 😉

@Կանչ

Մենք կոչ ենք արել մեդիաներին հետամուտ լինել Snoop Dog-ի համերգի համար պետբյուջեից հատկացված 6 միլիոն դոլարի մախինացիաների թեմային:

Մի փոքր հուշում. Արայիկ Հարությունյանը (դդումը) փողերը լվացնելու է և «ատկատներով» հասցնելու է Ն. Փաշինյանին նախկին ՀՀԿ-ական պատգամավոր, ներկայիս ռեժիմի սիրելի և հավատարիմ գործարար Ալիկ Պետրոսյանի (ՄԱՊ-ի Ալիկ) միջոցով, որի որդու՝ Մակար Պետրոսյանի ՍՊԸ-ին է փոխանցվում համերգի կազմակերպման 6 միլիոն դոլարը:

Ուղղակի հետևեք ՄԱՊ-ի Ալիկի ՍՊԸ-ների և հայտնի աֆերիստ ու խուժան Մակարի «Դոպինգ սփեյս» ընկերության ֆինանսական շարժերին, և ամեն ինչ կնկնի իր տեղը: Հտևեք, փորփրեք ու կգտնեք. նիկոլականներն անգամ գողությսն մեջ եմ փնթի ու ոչ կոմպետենտ:

#թալան @Կանչ

Երկու ուշագրավ փաստ, որ կարող է իրավիճակ փոխել.

🔻Հայաստանը դիմել է ՄԱԿ-ի Անվտանգության խորհրդին՝ խնդրելով, որ ԱԽ արտակարգ նիստ գումարվի՝ կապված Ադրբեջանի կողմից Լաչինի միջանցքի շրջափակման և դրա հետևանքով հումանիտար իրավիճակի վատթարացման հետ։
🔻Արցախի իշխանությունը հրաժարվել է սկզբում Աղդամի, հետո նոր Լաչինի ճանապարհի բացման ձևաչափից, նաև հրաժարվել է պաշարման պայմաններում Եվլախում հանդիպել ադրբեջանցիների հետ:

Սա նշանակում է, որ Արցախում Ադրբեջանին գրողի ծոցն ուղարկելու հարցում վճռական են տրամադրված: Միայն թե Արցախի անվտանգության մարմինները պարտավոր են պահպանել զգոնությունը և թույլ չտալ, որ կոլաբոռացիոնիստների շրջանակը (Սամվել Բաբայան, Հայկ Խանումյան, Արթուր Օսիպով և այլն) ցույցեր կազմակերպի՝ պահանջելով բացել Աղդամի ճանապարհն ու ինտգրվել Ադրբեջանին:

@Կանչ

ՀՀ Զինված ուժերում ոչ կանոնադրական հարաբերությունների, այլ բառով ասած՝ «բառդակի» պատճառով 1 օրում 2 զինվորի մահը վկայում է, որ Սուրեն Պապիկյանը ոչ թե Պաշտպանության նախարարի, այլ գուտապի փոխտնօրենի պաշտոնում պետք է լիներ: Եվ, եթե ինչ-որ մեկին թվում է, թե Ն. Փաշինյանը չի հասկանում, որ Ս. Պապիկյանը «պրոֆնիգոդնի է», չարաչար սխալվում է:

Խնդիրն այն է, որ Փաշինյանի ռեժիմը հրաժարվել է բանակ ունենալու, Զինված ուժերով երկրի սահմանների և ՀՀ քաղաքացիների անվտանգությունն ապահովելու գործառույթից: Այլ կերպ ասած՝ կապիտուլյանտը կապիտուլացվել է մինչև վերջ՝ անպիտանների ձեռքերով «խոդի տալով» հայկական բանակը բարոյալքելու, կազմաքանդելու և ոչնչացնելու թշնամական ծրագիրը:

Ստեղծված իրավիճակում միակ լուծումը ազգային ինքնակազմակերպումն է շատ հստակ քաղաքական դիլեմայի շուրջ, այն է՝ Հայաստանին բանակ պե՞տք է, թե՞ ոչ: Եթե բանակ պետք է, ուրեմն պետություն է պետք, ոչ թե օխլոկրատիա:
#Նիկոլի_օրակարգ @Կանչ

Եվս 8 միլիոն դոլար Ջենիֆեր Լոպեսի համերգին

Մեր ունեցած տեղեկություններով՝ Snoop Dog-ի համերգի համար պետբյուջեից հատկացված 6 միլիոն դոլար գումարի պատմությունն ամբողջական չէ: Կառավարության գաղտնի որոշումով հատկացված է 24 միլիոն դոլար (❗️) 4 մեգաաստղի համերգներ Երևանում կազմակերպելու համար:

Մեզ հաջողվել է պարզել, որ 24 միլիոն դոլարից 6-ը հատկացված է Snoop Dog-ի համերգի, 8 միլիոնը՝ հոկտեմբերին Երևանում նախատեսված Ջենիֆեր Լոպեսի համերգի համար: Առաջիկայում կփորձենք պարզել մյուս 2 արտիսների անունները:

Այն որ նիկոլենք 24 միլիոնից մոտ 18-20 միլիոնը գրպանելու են, կասկածից վեր է, դրա մասին դեռ կխոսենք փաստերով: Հիմա հետաքրքիր է 2 հարց.
🔻Ի՞նչ դեմքով է բյուջեից 24 միլիոն դոլար շաբաշ անող ռեժիմի «Հայաստան» հիմնադրամը Սփյուռքից փող մուրալու:
🔻 Գիտեի՞ք, որ 24 միլիոնով կարելի էր գնել 960 «Շահիդ» ԱԹՍ (1 հատի գինը 25.000 դոլար է), որոնց դիպուկ հարվածներով Ռուսաստանն այս օրերին ոչնչացնում է Ուկրաինայի ենթակառուցվածքներն ու զենքի պահեստները:

#թալան @Կանչ

Արցախը շրջափակելու Ալիևի ռեսուրսը սնվում է ոչ միայն այն իրողությունից, որ Փաշինյանն Արցախը ճանաչում է Ադրբեջանի մաս, այև նրանից, որ Ստեփանակերտում գործում է Ադրբեջանի հետ համագործակցել ցանկացող հինգերորդ շարասյուն:

Սամվել Բաբայանի գլխավորությամբ գործող կոլաբորացիոնիստների այդ խմբակը լավ հնարավորություն է տալիս Ալիևին պնդել, իբր արցախահայությունը ցանկանում է հարաբերություններ ունենալ Ադրբեջանի հետ, սակայն «իշխանությունը յուրացրած ահաբեկիչները» թույլ չեն տալիս դա նրանց:

Սամվել Բաբայանի ղեկավարած կոլաբորացիոնիստներն օգնում են Ալիևին տարաձայնություններ սերմանել պաշարման մեջ գտնվող հայերի մեջ՝ հուսալով, որ ամրոցի դռներն ի վերջո ներսից կբացեն:

Չլինեին բաբայանական կոլաբորացիոնիստները, Արցախը պաշարելու Ալիևի ռեսուրսը վաղուց արդեն սպառված կլիներ: Հենց վերջիններից սպասվող ակնկալիքներն են ստիպում Բաքվի բռնապետին հանդուրժել ցեղասպան գործչի՝ աշխարհում ամրապնդվող իր համբավը: Ալիևը լավ գիտի, որ ինքը կարող է հաղթել և արդարացվել միայն այն դեպքում, եթե Արցախի կոլաբորացիոնիստները հաջողեն իրենց նախաձեռնություններում:

@Կանչ

Կմարսի արդյո՞ք Ի. Ալիևը

Արևմուտքը շարունակում է Ի. Ալիևին օգտագործել «նուրբ» հարցերում: Օրեր առաջ Ադրբեջանի կողմից Արցախի օկուպացված շրջաններում ականազերծման նպատակներով բրիտանական ֆինանսավորման ծավալի մեծացման հայտարարությունից անմիջապես հետո Ադրբեջանը Ուկրաինային ականազերծման մեքենաներ և տեխնիկա է տրամադրել: Փաստացի, Բրիտանիան Ուկրաինային ռազմական օգնություն է տրամադրում Բաքվի խողովակով՝ հակառուսական կոալիցիայի մեջ ներքաշելով նաև Ադրբեջանին:

Հիշենք, որ ժամանակին բուլղարական գործարաններից Արևմուտքի պատվերով ԻԼԻՊ-ի համար զինամթերքը Սիրիա էր տեղափոխում Ի. Ալիևի «Silk Way Airlines»-ը:

Այո, Ի. Ալիևը չի կարող չկատարել ամերիկյան և բրիտանական «հանձնարարությունները», քանզի հիմնականում Արևմուտքում են տեղաբաշխված Ադրբեջանի ժողովրդից գողացված նավթադոլարները, բայց հարցերի հարցն այն է, թե ե՞րբ է լցվելու Ռուսաստանի ինքնասիրության ու համբերության բաժակը:

@Կանչ

Լոս Անջելեսում հայերը շրջափակել են Ադրբեջանի հյուպատոսության հարակից փողոցը և պահանջում են դադարեցնել Արցախի բլոկադան: Շատ լավ է, որ Կալիֆոռնիայի հայերը փողոցային ակցիաներով իրենց բողոքի ձայնն են բարձրացնում և Արցախի շուրջ ստեղծված իրավիճակի նկատմամբ ուշադրություն են գրավում: Բայց հարց է առաջանում. միայն Կալիֆոռնիայու՞մ են ապրում հայեր կամ միայն Կալիֆոռնիայի հայե՞րն են մտահոգված շրջափակված Արցախի ճակատագրով:

@Կանչ

Արձանագրենք, որ Սուրմալու առևտրի կենտրոնում պայթյունից 1 տարի անց Ն. Փաշինյանի ռեժիմը համարձակություն չունեցավ բացահայտելու և բարձրաձայնելու ճշմարտությունը: 16 մարդու կյանք խլած պայթյունից 1 տարի անց Ն. Փաշինյանի ռեժիմը համառորեն լռում է փաստի մասին, որ տրատիլ է պայթել: Համառորեն լռում է պայթյունի իրական պատճառների և շահառուների մասին:

@Կանչ

Տ. Ավինյանի շեֆ Ն. Փաշինյանը մի ամբողջ երկրի «ղեկին է»՝ հազար ու մի անգամ ապացուցած լինելով, որ երկիրը անդունդը գլորելուց ու մարդկանց գլուխներ ուտելուց բացի ուրիշ ոչ մի բանի պիտանի չէ: Իսկ Civilnet-ում զարմանում են…

@Կանչ

Մեր ունեցած տեղեկություններով՝ Ն. Փաշինյանի աներձագ, ԱԺ պատգամավոր Հրաչյա Հակոբյանը ԱՄՆ-ում է և Կալիֆոռնիայի Գլենդեյլ քաղաքում առանձնատուն է փնտրում՝ ձեռք բերելու նպատակով: Ճիշտ կլինի՝ ապօրինի հարստացածներից տուն խլող Ն. Փաշինյանը հրապարակավ բացատրի, թե ինչ օրինական եկամուտներով է մինչև 2018-ի իշխանափոխությունը ծխախոտի գումար չունեցող աներձագը առանձնատուն գնել Ձորաղբյուրում, իսկ հիմա էլ՝ Գլենդեյլում: Նաև ճիշտ կլինի՝ նիկոլենք հաշվարկ անեն, թե այդ գումարով քանի ԱԹՍ կարելի էր գնել բանակի համար:

#թալան @Կանչ

Վերջին 2 օրերի ընթացքում Ադրբեջանի ՊՆ-ն ժամը մեկ ապատեղեկատվություն է տարածում ՀՀ Զինված ուժերի և Արցախի ՊԲ ստորաբաժանումների զորաշարժերի և կուտակումների մասին՝ ակնարկելով, որ Ադրբեջանը «ստիպված է միջոցներ ձեռնարկել», այլ կերպ ասած՝ ռազմական գործողություններ սկսել:

Այս ֆոնին Թուրքիայի ԱԳՆ-ն հայտարարում է, որ ՀՀ-ից ակնկալում է.
▪️ճանաչել Ադրբեջանի տարածքային ամբողջականությունը,
▪️աջակցել «Աղդամ-Խանքենդի» (խմբ. Ստեփանակերտ) և այլընտրանքային այլ ուղիների օգտագործմանը,
▪️աջակցել ԼՂ հայ բնակչությանը վերաինտեգրելու Ադրբեջանի ջանքերին։

Սա նշանակում է, որ թուրք-ադրբեջանական տանդեմը Ն. Փաշինյանի ռեժիմին հերթական կապիտուլյացիայի վերջնագիրն է ներկայացրել: Իսկ ինչո՞վ է զբաղված Ն. Փաշինյանը. տրամաբանորեն 24 ժամ պետք է զբաղված լիներ նոր ներխուժումը կանխելու, զոհերից խուսափելու ակտիվ քայլերով: Բայց ոչ, Ն. Փաշինյանը համակերպվել է թուրքերի «ղազը» լինելու դերի հետ և զբաղված է միայն բանտերն այլախոհներով լցնելու, Snoop Dog-ի և Ջենիֆեր Լոպեսի համերգներն ու դրանց «ատկատները» կազմակերպելու գործերով:

#աբսուրդի_թատրոն @Կանչ

Կալիֆոռնիայի հայերը շրջափակել են Լոս Անջելեսում Իսրյաելի հյուպատոսության շենքը և Արցախի ապաշրջափակման վերացման պահանջը ներկայացրել Իսրայելի հյուպատոսին: Կարծում ենք՝ ճիշտ քայլ է միջազգային հանրության ուշադրությունը հրավիրել, որ ցեղասպանությունը բրենդ դարձրած Իսրայելը Արցախում ցեղասպանության քաղաքականություն իրականացնող Ադրբեջանի հովանավորներից մեկն է:

@Կանչ