Ադրբեջանում Արցախի հարցն արդեն լուծված են համարում։ Պատմական այս շրջափուլում հաջողությունը նրանց կողմն էր։ Պարզ է, որ ամեն ինչ անելու են այդ հաջողությունը զարգացնելու համար։

Այս օրերին Հակարիի կամուրջն անցնող մեր տասնյակ հազարավոր քաղաքացիներ տեսել են, թե ինչպես է թշնամին Արցախի սահմանում կուտակած իր տեխնիկան տեղափոխում դեպի ՀՀ սահման։

Ադրբեջանը սպասում է Արցախից վերջին հայի ելքին։ Դա տեղի կունենա այսօր։

Իսկ արդեն վաղը կտրվի «հաջողությունը զարգացնելու» գործողության մեկնարկը։ Այն նաև ռազմական բաղադրիչ է պարունակում։ Սրա մասին միշտ պետք է հիշել։

Հայաստանը կրկին կանգնած է պատերազմի վտանգի առջև։

@Կանչ

Արցախցի Սոսեն որոշել է մնալ իր հայրենիքում։ Շատերը դուրս են եկել, իսկ նա որոշել է մնալ։ Եվ հիմա էլ Արցախից ողջույններ է ուղարկում բոլորիս։

Մեր հայրենակիցների նման որոշման կարևորության մասին մենք արդեն գրել ենք։ Հիմա շատ կարևոր է, որպեսզի ազգովի կարողանանք տեր կանգնել նրանց որոշմանը։

Նախևառաջ պետք է ամեն ինչ անել, որպեսզի այդ մարդիկ մշտապես գտնվեն ուշադրության կենտրոնում։ Նրանք պետք է դառնան միջազգային մամուլի աստղերը: Հենց մի պահ մոռացանք նրանց մասին, հենց մի պահ դադարենք խոսել նրանց մասին, թուրքն անպայման կօգտվի առիթից և կձերբազատվի նրանցից՝ ոչնչացնելով Արցախ վերադառնալու հայության վերջին հույսերը։

@Կանչ

Ալեն Սիմոնյանը ՄԻԱՍՆՈւԹՅԱՆ կոչ է արել: Որ հայ ժողովուրդն այս րոպեին պետք է միասնաբար կանգնի առկա մարտահրավերների դեմ, կասկածից դուրս է: Բայց ու՞մ միջև պետք է լինի այդ միասնությունը:

Եթե ալենը նկատի ունի` իրեն, նիկոլին, աննային, իժոյին ու մյուս ազգադավներին մի կողմից, իսկ մյուս կողմից հայ ժողովրդին, ապա սա կործանման ուղի է: Ակնհայտ է, որ նիկոլն ու կամպանիան ծառայում են օտարին, իսկ այդ օտարը խնդիր է դրել հայրենազրկել հայ ժողովրդին: Հետևաբար, նման միասնությունը ոչ միայն պետք չէ, այլև կործանարար է:

Բայց... ՄԻԱՍՆՈւԹՅՈւՆ, անշուշտ, պետք է: Այդ միասնությունը քաղաքական մակարդակում պետք է` ընդդեմ նիկոլիզմի, այսինքն` պանթյուրքիզմի: Հայ ժողովուրդը միասնաբար պետք է դեմ դուրս գա իրեն ոչնչացնել ցանկացող ուժերին:

Իսկ հասարակական մակարդակում մեզ պետք է միասնություն` հանուն մեր տնավեր ու հայրենազրկված հայրենակիցների սոցիալական խնդիրների լուծման:

@Կանչ

Իրանի հերթական զգուշացումը։ Արդյո՞ք Ռուսաստանը հեռանում է տարածաշրջանից

Իրանի պաշտոնյաները հայտարարում են, թե Ռուսաստանն անտեսում է Հարավային Կովկասը։ Մեր տարածաշրջանում Ռուսաստանի վարած քաղաքականությանը նման գնահատական է տվել Իրանի գերագույն հոգևոր առաջնորդի արտաքին քաղաքական հարցերով խորհրդական Ալի Աքբար Վելայեթին։

Վերջինս նաև մեջբերել է Իրանի հոգևոր առաջնորդի խոսքերն այն մասին, որ Հարավային Կովկասի ներկայիս սահմանները չպետք է փոփոխվեն։ Իրանական կողմը հայտարարում է, որ ի հակառակ Ռուսաստանի կողմից տարածաշրջանի անտեսման՝ Թեհրանը կարմիր գիծ է համարում Հարավային Կովկասի աշխարհաքաղաքականության փոփոխությունը։

Իրանական կողմի նման ձևակերպումներն ակնարկ են այն մասին, որ Ռուսաստանը կա՛մ հեռանում է տարածաշրջանից, կա՛մ մեծ զիջումներ է անում այլ խաղացողներին։ Կարձագանքի՞ արդյոք Ռուսաստանն այս մեղադրանքներին, ցույց կտա ժամանակը։ Բայց այն փաստը, որ Հայաստանը կանգնած է նոր սպառնալիքների առջև, հերթական ապացույցն է ստանում։

@Կանչ

Նկատեցի՞ք, որ արցախցիների բռնագաղթի ամբողջ ընթացքում Հակոբյան Աննան ոչ մի ձևաչափով չերևաց:

Ի՞նչ եք կարծում. երես չունի, դրա համար չերևա՞ց: Ոչ, Արցախի հանձնումն ու արցախցիների բռնագաղթը Նիկոլ-Աննա զույգի պատմական միսիան է, իրենք երես չունենալու խնդիր չունեն: Աննայի խնկիրը չէ արնաքամված արցախցու հոգսերով զբաղվելը:

Աննայի խնդիրը Մեհրիբանին Շուշի թեյ խմելու և մուղամ լսելու հրավիրելն է (mission completed), «Էրատո» ջոկատ կազմավորելով՝ հայկական բանակի պատկերը պղծելն է (mission completed), Կիևում ինչ-որ լացի պատի տակ չոքելն է, որ Ռուսաստանին թշնամի դարձնի (mission completed):

@Կանչ

Իր 7 զավակների հետ միասին Ստեփանակերտի նկուղներից մեկում թաքնված մայրը հայտնաբերվել և Հայաստան է հասցվել։ Նրանց կյանքին այլևս ոչինչ չի սպառնում։

Կնոջ և երեխաների՝ Ստեփանակերտում գտնվելու մասին լուրը երեկ է տարածվել համացանցում։ Փառք Աստծո, նրանց հետ ոչինչ չի պատահել։

Հուսով ենք Տերը բարեգութ կգտնվի նաև Արցախում գտնվող մեր մնացած հայրենակիցների, որոնց թվում են նաև երկրի նախկին ու ներկա ղեկավարները, հանդեպ։ Նրանք մնացել են Ստեփանակերտում, որպեսզի կարողանան օգնել այնտեղ մնացած մեր վերջին հայրենակիցներին։

@Կանչ

Արցախյան ազգային ողբերգության ամբողջ պատմության մեջ ամաչելու բան ունեն բոլորը՝ սկսած ազգից, պետությունից, ներկաներից ու նախկիններից, վերջացրած եկեղեցով ու սփյուռքով:

Պատմության առաջ մաքուր է և ամաչելու բան չունի միայն Արցախի Պաշտպանության բանակը, որ լքված լինելով իսպառ բոլորի կողմից՝ տղամարդավարի կռիվ տվեց թշնամու հարյուրապատիկ ուժերի դեմ:

Թշնամու, որին սպառազինություն էին մատարակարում բոլորը: Թշնամու, որի գործողությունները համակարգում էին երկու իմպերիաներ և մեկ իմպերիայի պրոքսի պետություն:

Հավերժ փառք նահատակներին, փառք ու պատիվ թշնամու կոկորդը կրծածներին✊✊✊

@Կանչ

Մեր տեղեկություններով, ստոր դավաճանը հրահանգել է իր թիմակիցներին քարոզչական արշավ սկսել Արցախի գործող և նախկին նախագահների, ինչպես նաև նրանց կողմնակիցների դեմ։ Իհարկե, բացառությամ Արայիկ Հարությունյանի։

Քարոզչական թեզերը շատ կանխատեսելի են։ Վաղը առավոտվանից նիկոլական ողջ քարոզչամեքենան բարբաջելու են այն մասին, թե նախկինները կապիտուլյացիա են ստորագրել, Արցախը (իրենց լեքսիկոնով, իհարկե, Ղարաբաղը) հանձնել Ադրբեջանին, զենք ու զինամթերք տվել ադրբեջանցիներին և այլն, և այլն։

Լինելու է կեղտոտ քարոզարշավ, որի ընթացքում թիրախավորվելու են բոլոր նրանք, ովքեր ամեն կերպ պայքարել են Արցախը փրկելու համար։

Դավաճանների խմբակն անգամ չի ցանկանում սպասել Արցախի ղեկավարների Հայաստան գալ/չգալ կարողանալու հարցի լուծմանը։ Խորհրդակցության ժամանակ ազգադավն անձամբ է ասել, որ այդ քարոզչությունը պետք է արագ սկսել, քանի դեռ ԼՂՀ գործող ու նախկին նախագահներն ադրբեջանական գերության մեջ չեն հայտնվել։

@Կանչ

Մենք արդեն տեղեկացրել ենք, որ դավաճան կապիտուլյանտի ուղիղ հանձնարարականով իշխանական ողջ քարոզչական համակարգն այսօրվանից լծվելու է Արցախի նախկին նախագահների վարկաբեկման, նրանց տարատեսակ մեղադրանքներ առաջադրելու գործին։

Նիկոլի համապատասխան վայրում ապրող արմանբաբաջանյանակերպ որոշ էակներ նույնիսկ չեն էլ սպասել լույսը բացվելուն։ Նրան արդեն գիշերն էին լուրեր տարածում, իբր Արցախի նախկին ղեկավարությունը պայմանավորվել է Ադրբեջանի հետ և անվտանգ Հայաստան եկել։

Դրան զուգահեռ իշխանական տեղեկատվության աղբյուրները լծվել են Արցախի նախագահների՝ իբր Հայաստան գալու լուրի վրա բացասական ֆոն ձևավորելու կեղտոտ աշխատանքին։ Հիմար հարցեր են բարձրաձայնում, թե ինչպե՞ս եղավ, որ Ռուբեն Վարդանյանին ու Լևոն Մնացականյանին Ադրբեջանը ձերբակալել է, իսկ Բակո Սահակյանին և Արկադի Ղուկասյանին՝ թույլ տվել անվտանգ անցնել Հայաստան։ Մի խոսքով, Նիկոլի քարոզչությունն իր պես կեղտոտ և փնթի է աշխատում։

Մինչդեռ մեզ հայտնի է, որ Արցախի գործող և նախկին նախագահները մինչ այս պահն Արցախում են։ Նրանք գտնվում են գաղտնի և անվտանգ վայրում։

@Կանչ

Ըստ politik.am-ի՝ Ռուբեն Վարդանյանին «քցել են» Հայաստանում իշխանության գլխին նստած ազգադավները: Վարդանյանին տեղեկացրել են, թե Բաքվի հետ պայմանավորվել են, որ Ռուբենը և Իժոն առանց խոչընդոտների կարող են դուրս գալ Արցախից:

Երբ Իժոն անցել է սահմանը, Ռուբենին տեղեկացրել են, որ ամեն ինչ նորմալ է, մոտեցիր անցակետին, որտեղ էլ նրան ձերբակալել են ու տեղափոխել Բաքու:

Ինչպես արդեն ասել ենք՝ Վլասով Սյամոն Երևանում պետք է թե կապիտուլյանտին, և թե Ալիևին: Իսկ պետք է նրա համար, որ խորացնի հայերի մեջ փոխադարձ ատելությունը, երկպառակությունը, Արցախը հանձնելու մեջ շառ անի բոլորին՝ բացի իրենից ու ազգադավից:

@Կանչ

Սեպտեմբերի 19-20 Արցախի դեմ հարձակում գործած ադրբեջանական զինուժը, ըստ մեր հաշվարկների, ունեցել է նվազագույնը 2000 կորուստ։

Ադրբեջանի իշխանությունները վստահ էին, որ Արցախի դեմ հերթական ագրեսիան մեծ դժվարություններ իրենց համար չի առաջացնելու։ Թշնամու հաշվարկն այն էր, որ ԱԹՍ-ների և հրետանու հարվածներից հետո Արցախի ՊԲ-ն կնահանջի և որևէ դիմադրություն ցույց չի տա։

Սակայն ինը ամիս պաշարման մեջ գտնվող արցախահայությունն ընդունել է մարտը։ Մեր տղաներին հաջողվել է ընդամենը մեկ օրվա ընթացքում թշնամու նվազագույնը 2000 հատուկջոկատային ոչնչացնել, ինչը փոխել է նաև Սյունիքի ուղղությամբ հարձակում գործելու Ադրբեջանի ծրագրերը։

Փաստորեն, նույնիսկ գրեթե խեղդամահ վիճակում՝ Արցախը կարողացել է ևս մեկ անգամ անվտանգություն ապահովել Հայաստանի համար։ Իսկ թե որքան ժամանակ պետք կգա թշնամուն վերքերը լիզելու և կրկին պատերազմով մեր դեմ գալու համար, ցույց կտա ժամանակը։

@Կանչ

Մեր տեղեկություններով՝ Արցախում մասնաճյուղ ունեցող բոլոր բանկերը զրոյացրել են արցախցիների վարկերը, իսկ այն վարկերը, որոնք գրավադրված են եղել ոսկով, բացի զրոյացվելուց՝ վարկառուներին է վերադարձվել նաև նրանց գրավադրած ոսկին:

Միակ (❗️) բանկը, որ հրաժարվում է վերադարձնել արցախցիների ոսկին, Գռզոյի «Հայէկոնոմբանկն է»:

@Կանչ

Արցախից ժամանած մեր հայրենակիցները պնդում են, որ Հայաստան ճողոպրելուց առաջ Իժոն եղել է Շուշիում ու հանդիպել է ինչ-որ ադրբեջանցի պաշտոնյաների հետ:

Ինչ է խոսել և ում հետ, ինչ է պայմանավորվել կամ ինչ հրահանգներ է ստացել, հայտնի չէ:

@Կանչ

Կոռնիձորում աշխատող լրագրողները տեղեկացնում են, որ այս գիշեր ադրբեջանցիները Հակարի կամրջի մոտ ձերբակալել են Արցախի ԱԱԾ տնօրեն Արարատ Մելքումյանին՝ հայտնի Չոլկային։

Նույն ժամին Արցախից Հայաստան է եկել վերջին շարասյունը։ Ադրբեջանի կողմից Լաչինի միջանցքում տեղադրված ապօրինի անցակետով ՀՀ են մուտք գործել Արցախի փրկարար ծառայության մեքենաները։

Ենթադրվում է, որ Չոլկան եղել է նրանց հետ։

@Կանչ

Ազգային ժողովն այսօր ըստ էության պատերազմ հայտարարեց Ռուսաստանին։ Սա էր Հայաստանի «սուվերեն» ընտրությունը։ Դավաճանների այս իշխանությանը քիչ էին Ռուսաստանի հետ հակամրտության հետևանքով հայ ժողովրդին պատճառված վնասները։ Նրանք հիմա հաջորդ քայլն են անում։

Հայաստանում Հռոմի ստատուտի վավերացման կհետևեն Ռուսաստանի պատասխան գործողությունները՝ ի դեմս տարատեսակ սանկցիաների ու սահմանափակումների։

Իսկ հետո կգա Հայաստանի՝ ՀԱՊԿ-ից և ԵԱՏՄ-ից դուրս գալու, ինչպես նաև ռուսական բազան մեր երկրից հանելու ժամանակը։

Լա՞վ է սա, թե վատ՝ յուրաքանչյուրն ինքն իր համար կարող է որոշել։ Բայց այն, որ Հայաստանը Արևմուտքի ձեռքում Ռուսաստանին հարվածելու գործիք դարձրած դավաճանների այս խմբակը փաստացի փակում է հայկական պետականության վերջին էջը, այլևս փաստ է։

@Կանչ

⚡️⚡️⚡️Մեր տեղեկություններով՝ Ադրբեջանի հրոսակախմբերը Ստեփանակերտում քիչ առաջ ձերբակալել են Արցախի Հանրապետության նախկին նախագահներ Բակո Սահակյանին, Արկադի Ղուկասյանին, Ազգային Ժողովի նախագահ Դավիթ Իշխանյանին և Պաշտպանության բանակի հրամանատար Կամո Վարդանյանին։

Այս պահի դրությամբ դեռևս անհայտ է Արայիկ Հարությունյանի և ԱՀ գործող նախագահ Սամվել Շահրամանյանի ճակատագրերը։

Արցախում պահվող մնացած գործիչները, ըստ մեր տեղեկությունների, այս պահին գալիս են Հայաստան։ Նրանց թվում է նաև այսօր առավոտյան ձերբակալված ԱՀ ԱԱԾ տնօրեն Արարատ Մելքումյանը՝ Չոլկան։

@Կանչ

Մեր տեղեկություններով՝ ադրբեջանական կողմը գերեվարել է նար Արցախի գործող և նախկին նախագահներ Սամվել Շահրամանյանին և Արայիկ Հարությունյանին:

Արցախի մի շարք այլ պաշտոնյաներ այսօր անցել են Հակարի կամուրջը և եկել Հայաստան:

@Կանչ

Դավաճանի այս իշխանությունը ստիպեց հայ ժողովրդին խմել ամոթի ու խայտառակության ամենադառը գավաթը։

Արցախի հինգ նախագահներից չորսը գտնվում են թշնամու գերության մեջ։

Ավելի մեծ նվաստացում մեր ժողովուրդը երբեք չէր տեսել։ Դավաճանը հերթով թշնամուն է հանձնում մեր առաջնորդներին, ռազմական ու պետական գործիչներին։ Ու ամենևին էլ կարևոր չէ, թե մեզանից ով և ինչ վերաբերմունք ունի նախագահներից յուրաքանչյուրի նկատմամբ։ Ամոթն այն է, որ թույլ ենք տվել թշնամում գերել մեր առաջնորդներին։

@Կանչ

Համբոն Գիքորին քաղաք է բերել

Արևմուտքն ուժեղացնում է իր ներկայությունը Հայաստանում։ Արդեն մի քանի ամիս շրջանառվող լուրերն այն մասին, որ նախկին ՄԻՊ Քրիստինե Գրիգորյանը նշանակվելու է նորաստեղծ արտաքին հետախուզական ծառայության պետ, այսօր իրականություն դարձան։

Քրիստինե Գրիգորյանը դեռևս հունվարի 23-ին է հրաժարականի դիմում ներկայացրել և ցուցադրական շտապողականությամբ լքել ՄԻՊ գրասենյակը։ Անցած ամիսներին Քրիստինեն հանրային գործունեությամբ չի զբաղվել։ Կորել էր տեսադաշտից։ Եվ ահա նա արդեն արտաքին հետախուզության ղեկավար է։

Ընդ որում, ՀՀ կառավարությունը հետախուզական ծառայություն ձևավորելու համար դեռ երեք տարի ուներ։ Բայց դա արվում է հիմա՝ Հայաստանի աշխարհաքաղաքական վեկտորի փոփոխության ամենաակտիվ փուլում։

@Կանչ

Մեր տեղեկություններով՝ վերջին օրերին ազգադավը նույն վայրում երկու անգամ չի գիշերում:

Բացի նրանից, որ ամերիկյան հատուկջոկատայիններն են հսկում ազգադավի քունը, կա նաև տեղեկատվություն, որ վերջին շաբաթվա ընթացքում մեկ անգամ գիշերել է ԱՄՆ դեսպանատանը, մեկ անգամ Մեծ Բրիտանիայի դեսպանատանը, մեկ անգամ էլ ԱՄՆ-ի դեսպանի կեցավայրում՝ բլուր թաղամասում:

@Կանչ

Ադրբեջանի իշխանություններն ազատ են արձակել Արցախի Հանրապետության նախագահ Սամվել Շահրամանյանին։

Ինչպես հայտնում են Գորիսում աշխատող լրագրողները, նա արդեն Հայաստանի տարածքում է։

Սա Ալիևի հերթական նվերն էր Հայաստանի իր դրածոյին։ Դավաճանների այս իշխանությանը քավության նոխազ էր պետք, և Ալիևը տրամադրեց այդ հնարավորությունը կապիտուլյանտին։

Հիմա դավադիրներն իրենց ձախողումները փորձելու են բարդել Սամվել Շահրամանյանի վրա՝ նրան հռչակելով Արցախի կորստի գլխավոր մեղավոր։

Մենք արդեն գրել էինք, որ Նիկոլն անձամբ է հրահանգավորել իր թիմակիցներին, թե ինչ թեզերով է պետք աշխատել քարոզչական դաշտում։ ԱԺ նիստի մեկնարկին երեկ արդեն տրվել է կեղտոտ այդ քարոզարշավի մեկնարկը։ Սակայն Արցախի նախկին նախագահների գերեվարում որոշակի սահմանափակումներ էր առաջացրել ազգադավների համար, որոնք այսօր լիովին չեզոքացվեցին իրենց քաղաքական առաջնորդ Իլհամ Ալիևի կողմից։

@Կանչ