Ժողովուրդը սկսել է «մարսել» Արցախի կորուստը։ Նիկոլական տեխնոլոգիաներն այստեղ էլ են լավ աշխատում։ Ստեղծված իրողություններին ռացիոնալ գնահատական տալու փոխարեն մարդկանց դրդում են էմոցիաների դաշտ։ Սոցիալական ցանցերը հեղեղված են աղիողորմ գրառումներով ու լուսանկարներով։

Սոցցանցերում մի լավ ողբալուց հետո իշխանական քարոզրությունը մարդկանց գործողության երկու սցենար է առաջարկում՝ տուն և/կամ անհրաժեշտ գույք գտնել Արցախից գաղթած մեր հայրենակիցների համար և երկրորդ՝ 2000 դրամ տալ «ՈՄԱ» կոչվող ՀԿ-ին, որ «երկրորդ գծում» «գմբեթներ» կառուցեն։

Ընդամենը 2000 դրամ ու մարդու խիղճն արդեն հանգիստ է։ Չէ՞ որ նա մասնակցեց երկրի սահմանների ամրապնդմանը։ Կամ էլ օգնեց, որպեսզի ինչ-որ մեկը գոնե մեկ ամիս ապահովված լինի նվազագույն պահանջներով։

Ավելին, իշխանությունը նույնիսկ բոնուս է առաջարկում այդ գործողություններն իրականացրած քաղաքացիներին։ Նրանք կարող են իրենց անձնվեր աշխատանքի մասին «համեստ» գրառում անել ֆեյսբուքում և մոտ 400 լայք հավաքել։ Ասեք, որ հրաշալի է։

Այսպես էլ ապրում է մեր ժողովուրդն իշխանության տեղեկատվական տեռորի պայմաններում։ Կորցնում, ցավ ապրում, հետո նորից ինքնախաբեությամբ զբաղվում։

@Կանչ

Դավաճան կապիտուլյանտն ասում է, որ մոտ օրերս Արցախում այլևս ոչ մի հայ չի մնալու։ Սա իր ծրագիրն ու իր նպատակն է։

Ալիևն էլ այնտեղից է հայտարարում, իբր Ադրբեջանը ցանկանում է, որպեսզի Արցախի բնակչությունը մնա իր տներում։ Հայտարարում, բայց նաև ավտոբուսներ է ուղարկում, որպեսզի հանկարծ որևէ մեկը չմնա իր տանը։ Ալիևի իրական ծրագիրն ու նպատակն էլ է պարզ։

Բայց կա մի հանգամանք, որից անհրաժեշտ է կառչել։ Այն, որ Արցախի մեր որոշ հայրենակիցներ իսկապես որոշել են մնալ իրենց հայրենիքում։ Նման որոշման պատճառները տարբեր են։ Մեկը մտածում է, որ այլևս ոչինչ չունի կորցնելու, մյուսը չի ցանկանում թողնել իր զավակի շիրիմը, երրորդը այդպես է արտահայտում իր անհամաձայնությունը տեղի ունեցող դաժան գործընթացներին…

Դա էլ իրենց որոշումն է։ Ընդ որում նույնքան բարդ, որքան Արցախից դուրս գալու որոշումն է եղել մնացածի համար։ Երկուսն էլ իրապես չափազանց բարդ որոշումներ են եղել, չկասկածեք։ Եվ երկու որոշումների հետ էլ մենք պետք է հաշվի նստենք։

Արցախում մնալ ցանկացողները մեր հույսն ու ապագան են։ Ոչ ոք չպիտի մեղադրի նրանց այնտեղ մնալու համար։ Հակառակը՝ այս պահից աշխարհի բոլոր հայերի խնդիրն է ամեն ինչ անել, որպեսզի մեր հայրենակիցների կյանքն Արցախում մաքսիմալ անվտանգ լինի։ Դրա հնարավորությունները կան։ Քիչ են, բայց կան։

Նորից կրկնենք՝ Արցախում մնացող մեր հայրենակիցները մեր վերջին հույսն են։ Մենք պետք է կառչենք նրանցից, պետք է կառչենք այդ հույսից։

@Կանչ

Թուրքիայի Պաշտպանության նախարար Յաշար Գյուլերն այսօր հայտարարել է ՝

«Հայաստանը պետք է կատարի միջանցքը բացելու խոստումները։ Փաշինյանը պետք է տեսնի, որ իրեն դրդողներն իրեն մենակ են թողել մարտի դաշտում։ Եթե Փաշինյանը միջանցքը դարձնի ոչ թե ճգնաժամի պատճառ, այլ հնարավորություն, կշահի թե՛ Հայաստանը, թե՛ ինքը։ Հակառակ դեպքում, ամեն պարտությունից հետո Երեւանի հրապարակները հրաժարականի կարգախոսներով լցնող զայրացած ամբոխները մի օր կարող են հանգեցնել Փաշինյանի տապալմանը»:

Գյուլերի խոսքը նշանակում է, որ ազգադավին թուրքերը բացահայտ շանտաժ են անում՝ խոստացածդ միջանցքը տուր, հակառակ դեպքում ձեռքներս կքաշենք վրայիցդ, քեզ հում-հում կուտեն:

Սա նաև ապացույցն է այն տեղեկատվության, որ 2021-ին, երբ Գլխավոր շտաբը հանդես եկավ ազգադավի հրաժարականի պահանջով, Թուրքիան սպառնացել է, որ եթե Նիկոլին փոխեք, ներխուժելու ենք:

@Կանչ

⚡️⚡️⚡️Մեր տեղեկություններով, քիչ առաջ Լաչինի միջանցքում տեղակայված ադրբեջանական ապօրինի անցակետում թշնամին ձերբակալել է գեներալ-լեյտենանտ Լևոն Մնացականյանին։

Մեր տեղեկություններով՝ գեներալն արդեն տեղափոխվել է Բաքու։

@Կանչ

Սարսափելին այն չէ, որ ազգադավը «Զանզեզուրի միջանցքը» տալու է: Սարսափելին այն է, որ կապիտուլյանտը միջանցքը տալու է պատերազմով, ինչպես 44-օրյա պատերազմով տվեց այն ինչ տվեց և հետո ԱԺ ամբիոնից խոստովանեց, որ կարող էր առանցի պատերազմի դա անել, բայց այդ դեպքում իրեն դավաճան կանվանեին:

Ազգադավի ուշքնումիտքը վարչապետի աթոռը պահելն է, թեկուզ Հայաստանից մնա միայն Երևանի կենտրոնն ու Զվարթնոց օդանավակայանը:

Ազգադավը խնդիր ունի տալ այն ամենն ինչ իրենից ուզում են, բայց արյունով տալ, որ հետո կարողանա կոկորդը պատռել, թե «5-րդ շարասյուն կար» ու նախկինները թալանել էին (թեև 5 տարի է՝ նախկինները չկան), դրա համար պարտվեցի, զատո՝ ինքնիշխանությունը (այսինքն՝ թալանելու և լափելու ՔՊ-ի հնարավորությունը) պահեցի:

Հիշեք՝ ազգադավը տալու է այն, ինչ արևտմյան երաշխիքներով խոստացել է թուրքերին, բայց արյունով է տալու, նոր վիշտ ու ցավով է տալու:

@Կանչ

Համացանցում մեկ-երկու տեսանյութ է տարածվել արցախցիների բռնի տեղահանության ընթացքում տեղ գտած վեճի ու դժգոհության մասին, դրանցից ոմանք հեռուն գնացող դատողություններ են «պատճառ են դառնում»:

Ուրեմն` մեկընդմիշտ հիշե´ք: Նիկոլի ու նրա պատվիրատուների թիվ մեկ խնդիրը հայերի մեջ երկպառակություն, մասնատվածություն ներարկելն է: Ով կծառայի այս օրակարգին կամ ապուշ է, կամ էլ` դավաճանի ծառա:

Հետևաբար` ձեր շրջապատում մերժեք այն ոչնչություններին, ովքեր արցախցի-հայաստանցի բաժանում կմտցնեն կամ կփորձեն անհյուրընկալ գտնվել մեր հայրենակիցների հանդեպ:

Ովքեր հնար ունեն, մեկ մարդու պես կանգնում ենք կարիքավորի կողքին, կարեկից ենք դառնում` ինչպես կարող ենք: Եթե չունենք նման հնարավորություն, առնվազն զուսպ ենք մնում և զսպում ենք մեր կողքիններին:

ՄԻԱՍՆՈւԹՅՈւՆ: Սա է ելքը: Ազգադավի ծրագիրը չի հաջողելու: Լինենք միասնական սոցիալական մակարդակում, քաղաքականը վրա կհասնի անմիջապես:

@Կանչ

Ադրբեջանում սոցհարցում են իրականացրել ու պարզել, որ բնակչության 90 տոկոսը հիմնականում հավատում է, որ Ալիևը «կբացի Զանգեզուրի միջանցքը»:

Որքան էլ ցավալի է, պետք է խոստովանել, որ Հայաստանում ևս նման հարցման արդյունքներն այս պահին հայ ժողովրդի շահերից բխող պատկեր չեն ապահովի:

Հայ ժողովուրդը Նիկոլին չի հավատում, ավելին` հիմնականում հավատում է, որ Նիկոլը ծրագրված դավաճանություն է իրականացնում:

@Կանչ

Սոցիալական ցանցերում շատերն են նկատել, որ ադրբեջանցիներն առավել ուշադիր են արցախահայ այն գործիչների նկատմամբ, ովքեր հանդես են գալիս բացահայտ հականիկոլ դիրքորոշումներով։

Այս իմաստով Դավիթ Մանուկյանն իսկական «գտածո» էր թշնամու համար. բավական չէ նա անվանի զինվորական է, ով բազում վնասներ է պատճառել ադրբեջանական զինված ուժերին, հետն է Հայաստանում ակտիվ ընդդիմադիր գործիչ Գեղամ Մանուկյանի հարազատ եղբայրն է։

Ալիևն ու Նիկոլը գոհ են։ Հիմա նրանք Հայաստանի ընդդիմության վրա ազդելու ևս մեկ հնարավորություն ունեն՝ առևանգված գեներալ Դավիթ Մանուկյանը։

Բացի այդ գերության մեջ են նաև Լևոն Մնացականյանը, Ռուբեն Վարդանյանն ու Դավիթ Բաբայանը։

Բոլոր այս գործիչներին գերությունից ազատելու ամենակարճ ուղին նրանց հետ վերադարձնելու պահանջով Նիկոլի դեմ ցույցեր կազմակերպելն է։ Եթե հաջողվեց այդկերպ սպառնալիք կամ նույնիսկ անհանգստություն ստեղծել Նիկոլի համար, ապա վստահ եղեք՝ Ալիևը օգնության ձեռք կմեկնի Երևանում իր դրածոյին։

Միջազգային ճնշմամբ հաջողության հասնելու հույսերը, ցավոք, սին են։ Աստված ոչ արասցե գերի ընկած մեր գեներալներն ու գործիչները մնան միջազգային հանրության հույսին։

@Կանչ

Ադրբեջանում Արցախի հարցն արդեն լուծված են համարում։ Պատմական այս շրջափուլում հաջողությունը նրանց կողմն էր։ Պարզ է, որ ամեն ինչ անելու են այդ հաջողությունը զարգացնելու համար։

Այս օրերին Հակարիի կամուրջն անցնող մեր տասնյակ հազարավոր քաղաքացիներ տեսել են, թե ինչպես է թշնամին Արցախի սահմանում կուտակած իր տեխնիկան տեղափոխում դեպի ՀՀ սահման։

Ադրբեջանը սպասում է Արցախից վերջին հայի ելքին։ Դա տեղի կունենա այսօր։

Իսկ արդեն վաղը կտրվի «հաջողությունը զարգացնելու» գործողության մեկնարկը։ Այն նաև ռազմական բաղադրիչ է պարունակում։ Սրա մասին միշտ պետք է հիշել։

Հայաստանը կրկին կանգնած է պատերազմի վտանգի առջև։

@Կանչ

Արցախցի Սոսեն որոշել է մնալ իր հայրենիքում։ Շատերը դուրս են եկել, իսկ նա որոշել է մնալ։ Եվ հիմա էլ Արցախից ողջույններ է ուղարկում բոլորիս։

Մեր հայրենակիցների նման որոշման կարևորության մասին մենք արդեն գրել ենք։ Հիմա շատ կարևոր է, որպեսզի ազգովի կարողանանք տեր կանգնել նրանց որոշմանը։

Նախևառաջ պետք է ամեն ինչ անել, որպեսզի այդ մարդիկ մշտապես գտնվեն ուշադրության կենտրոնում։ Նրանք պետք է դառնան միջազգային մամուլի աստղերը: Հենց մի պահ մոռացանք նրանց մասին, հենց մի պահ դադարենք խոսել նրանց մասին, թուրքն անպայման կօգտվի առիթից և կձերբազատվի նրանցից՝ ոչնչացնելով Արցախ վերադառնալու հայության վերջին հույսերը։

@Կանչ

Ալեն Սիմոնյանը ՄԻԱՍՆՈւԹՅԱՆ կոչ է արել: Որ հայ ժողովուրդն այս րոպեին պետք է միասնաբար կանգնի առկա մարտահրավերների դեմ, կասկածից դուրս է: Բայց ու՞մ միջև պետք է լինի այդ միասնությունը:

Եթե ալենը նկատի ունի` իրեն, նիկոլին, աննային, իժոյին ու մյուս ազգադավներին մի կողմից, իսկ մյուս կողմից հայ ժողովրդին, ապա սա կործանման ուղի է: Ակնհայտ է, որ նիկոլն ու կամպանիան ծառայում են օտարին, իսկ այդ օտարը խնդիր է դրել հայրենազրկել հայ ժողովրդին: Հետևաբար, նման միասնությունը ոչ միայն պետք չէ, այլև կործանարար է:

Բայց... ՄԻԱՍՆՈւԹՅՈւՆ, անշուշտ, պետք է: Այդ միասնությունը քաղաքական մակարդակում պետք է` ընդդեմ նիկոլիզմի, այսինքն` պանթյուրքիզմի: Հայ ժողովուրդը միասնաբար պետք է դեմ դուրս գա իրեն ոչնչացնել ցանկացող ուժերին:

Իսկ հասարակական մակարդակում մեզ պետք է միասնություն` հանուն մեր տնավեր ու հայրենազրկված հայրենակիցների սոցիալական խնդիրների լուծման:

@Կանչ

Իրանի հերթական զգուշացումը։ Արդյո՞ք Ռուսաստանը հեռանում է տարածաշրջանից

Իրանի պաշտոնյաները հայտարարում են, թե Ռուսաստանն անտեսում է Հարավային Կովկասը։ Մեր տարածաշրջանում Ռուսաստանի վարած քաղաքականությանը նման գնահատական է տվել Իրանի գերագույն հոգևոր առաջնորդի արտաքին քաղաքական հարցերով խորհրդական Ալի Աքբար Վելայեթին։

Վերջինս նաև մեջբերել է Իրանի հոգևոր առաջնորդի խոսքերն այն մասին, որ Հարավային Կովկասի ներկայիս սահմանները չպետք է փոփոխվեն։ Իրանական կողմը հայտարարում է, որ ի հակառակ Ռուսաստանի կողմից տարածաշրջանի անտեսման՝ Թեհրանը կարմիր գիծ է համարում Հարավային Կովկասի աշխարհաքաղաքականության փոփոխությունը։

Իրանական կողմի նման ձևակերպումներն ակնարկ են այն մասին, որ Ռուսաստանը կա՛մ հեռանում է տարածաշրջանից, կա՛մ մեծ զիջումներ է անում այլ խաղացողներին։ Կարձագանքի՞ արդյոք Ռուսաստանն այս մեղադրանքներին, ցույց կտա ժամանակը։ Բայց այն փաստը, որ Հայաստանը կանգնած է նոր սպառնալիքների առջև, հերթական ապացույցն է ստանում։

@Կանչ

Նկատեցի՞ք, որ արցախցիների բռնագաղթի ամբողջ ընթացքում Հակոբյան Աննան ոչ մի ձևաչափով չերևաց:

Ի՞նչ եք կարծում. երես չունի, դրա համար չերևա՞ց: Ոչ, Արցախի հանձնումն ու արցախցիների բռնագաղթը Նիկոլ-Աննա զույգի պատմական միսիան է, իրենք երես չունենալու խնդիր չունեն: Աննայի խնկիրը չէ արնաքամված արցախցու հոգսերով զբաղվելը:

Աննայի խնդիրը Մեհրիբանին Շուշի թեյ խմելու և մուղամ լսելու հրավիրելն է (mission completed), «Էրատո» ջոկատ կազմավորելով՝ հայկական բանակի պատկերը պղծելն է (mission completed), Կիևում ինչ-որ լացի պատի տակ չոքելն է, որ Ռուսաստանին թշնամի դարձնի (mission completed):

@Կանչ

Իր 7 զավակների հետ միասին Ստեփանակերտի նկուղներից մեկում թաքնված մայրը հայտնաբերվել և Հայաստան է հասցվել։ Նրանց կյանքին այլևս ոչինչ չի սպառնում։

Կնոջ և երեխաների՝ Ստեփանակերտում գտնվելու մասին լուրը երեկ է տարածվել համացանցում։ Փառք Աստծո, նրանց հետ ոչինչ չի պատահել։

Հուսով ենք Տերը բարեգութ կգտնվի նաև Արցախում գտնվող մեր մնացած հայրենակիցների, որոնց թվում են նաև երկրի նախկին ու ներկա ղեկավարները, հանդեպ։ Նրանք մնացել են Ստեփանակերտում, որպեսզի կարողանան օգնել այնտեղ մնացած մեր վերջին հայրենակիցներին։

@Կանչ

Արցախյան ազգային ողբերգության ամբողջ պատմության մեջ ամաչելու բան ունեն բոլորը՝ սկսած ազգից, պետությունից, ներկաներից ու նախկիններից, վերջացրած եկեղեցով ու սփյուռքով:

Պատմության առաջ մաքուր է և ամաչելու բան չունի միայն Արցախի Պաշտպանության բանակը, որ լքված լինելով իսպառ բոլորի կողմից՝ տղամարդավարի կռիվ տվեց թշնամու հարյուրապատիկ ուժերի դեմ:

Թշնամու, որին սպառազինություն էին մատարակարում բոլորը: Թշնամու, որի գործողությունները համակարգում էին երկու իմպերիաներ և մեկ իմպերիայի պրոքսի պետություն:

Հավերժ փառք նահատակներին, փառք ու պատիվ թշնամու կոկորդը կրծածներին✊✊✊

@Կանչ

Մեր տեղեկություններով, ստոր դավաճանը հրահանգել է իր թիմակիցներին քարոզչական արշավ սկսել Արցախի գործող և նախկին նախագահների, ինչպես նաև նրանց կողմնակիցների դեմ։ Իհարկե, բացառությամ Արայիկ Հարությունյանի։

Քարոզչական թեզերը շատ կանխատեսելի են։ Վաղը առավոտվանից նիկոլական ողջ քարոզչամեքենան բարբաջելու են այն մասին, թե նախկինները կապիտուլյացիա են ստորագրել, Արցախը (իրենց լեքսիկոնով, իհարկե, Ղարաբաղը) հանձնել Ադրբեջանին, զենք ու զինամթերք տվել ադրբեջանցիներին և այլն, և այլն։

Լինելու է կեղտոտ քարոզարշավ, որի ընթացքում թիրախավորվելու են բոլոր նրանք, ովքեր ամեն կերպ պայքարել են Արցախը փրկելու համար։

Դավաճանների խմբակն անգամ չի ցանկանում սպասել Արցախի ղեկավարների Հայաստան գալ/չգալ կարողանալու հարցի լուծմանը։ Խորհրդակցության ժամանակ ազգադավն անձամբ է ասել, որ այդ քարոզչությունը պետք է արագ սկսել, քանի դեռ ԼՂՀ գործող ու նախկին նախագահներն ադրբեջանական գերության մեջ չեն հայտնվել։

@Կանչ

Մենք արդեն տեղեկացրել ենք, որ դավաճան կապիտուլյանտի ուղիղ հանձնարարականով իշխանական ողջ քարոզչական համակարգն այսօրվանից լծվելու է Արցախի նախկին նախագահների վարկաբեկման, նրանց տարատեսակ մեղադրանքներ առաջադրելու գործին։

Նիկոլի համապատասխան վայրում ապրող արմանբաբաջանյանակերպ որոշ էակներ նույնիսկ չեն էլ սպասել լույսը բացվելուն։ Նրան արդեն գիշերն էին լուրեր տարածում, իբր Արցախի նախկին ղեկավարությունը պայմանավորվել է Ադրբեջանի հետ և անվտանգ Հայաստան եկել։

Դրան զուգահեռ իշխանական տեղեկատվության աղբյուրները լծվել են Արցախի նախագահների՝ իբր Հայաստան գալու լուրի վրա բացասական ֆոն ձևավորելու կեղտոտ աշխատանքին։ Հիմար հարցեր են բարձրաձայնում, թե ինչպե՞ս եղավ, որ Ռուբեն Վարդանյանին ու Լևոն Մնացականյանին Ադրբեջանը ձերբակալել է, իսկ Բակո Սահակյանին և Արկադի Ղուկասյանին՝ թույլ տվել անվտանգ անցնել Հայաստան։ Մի խոսքով, Նիկոլի քարոզչությունն իր պես կեղտոտ և փնթի է աշխատում։

Մինչդեռ մեզ հայտնի է, որ Արցախի գործող և նախկին նախագահները մինչ այս պահն Արցախում են։ Նրանք գտնվում են գաղտնի և անվտանգ վայրում։

@Կանչ

Ըստ politik.am-ի՝ Ռուբեն Վարդանյանին «քցել են» Հայաստանում իշխանության գլխին նստած ազգադավները: Վարդանյանին տեղեկացրել են, թե Բաքվի հետ պայմանավորվել են, որ Ռուբենը և Իժոն առանց խոչընդոտների կարող են դուրս գալ Արցախից:

Երբ Իժոն անցել է սահմանը, Ռուբենին տեղեկացրել են, որ ամեն ինչ նորմալ է, մոտեցիր անցակետին, որտեղ էլ նրան ձերբակալել են ու տեղափոխել Բաքու:

Ինչպես արդեն ասել ենք՝ Վլասով Սյամոն Երևանում պետք է թե կապիտուլյանտին, և թե Ալիևին: Իսկ պետք է նրա համար, որ խորացնի հայերի մեջ փոխադարձ ատելությունը, երկպառակությունը, Արցախը հանձնելու մեջ շառ անի բոլորին՝ բացի իրենից ու ազգադավից:

@Կանչ

Սեպտեմբերի 19-20 Արցախի դեմ հարձակում գործած ադրբեջանական զինուժը, ըստ մեր հաշվարկների, ունեցել է նվազագույնը 2000 կորուստ։

Ադրբեջանի իշխանությունները վստահ էին, որ Արցախի դեմ հերթական ագրեսիան մեծ դժվարություններ իրենց համար չի առաջացնելու։ Թշնամու հաշվարկն այն էր, որ ԱԹՍ-ների և հրետանու հարվածներից հետո Արցախի ՊԲ-ն կնահանջի և որևէ դիմադրություն ցույց չի տա։

Սակայն ինը ամիս պաշարման մեջ գտնվող արցախահայությունն ընդունել է մարտը։ Մեր տղաներին հաջողվել է ընդամենը մեկ օրվա ընթացքում թշնամու նվազագույնը 2000 հատուկջոկատային ոչնչացնել, ինչը փոխել է նաև Սյունիքի ուղղությամբ հարձակում գործելու Ադրբեջանի ծրագրերը։

Փաստորեն, նույնիսկ գրեթե խեղդամահ վիճակում՝ Արցախը կարողացել է ևս մեկ անգամ անվտանգություն ապահովել Հայաստանի համար։ Իսկ թե որքան ժամանակ պետք կգա թշնամուն վերքերը լիզելու և կրկին պատերազմով մեր դեմ գալու համար, ցույց կտա ժամանակը։

@Կանչ

Մեր տեղեկություններով՝ Արցախում մասնաճյուղ ունեցող բոլոր բանկերը զրոյացրել են արցախցիների վարկերը, իսկ այն վարկերը, որոնք գրավադրված են եղել ոսկով, բացի զրոյացվելուց՝ վարկառուներին է վերադարձվել նաև նրանց գրավադրած ոսկին:

Միակ (❗️) բանկը, որ հրաժարվում է վերադարձնել արցախցիների ոսկին, Գռզոյի «Հայէկոնոմբանկն է»:

@Կանչ