كان لما يكون زهقان يطلع يتمشى لحاله..
في أغلب الأوقات يحط هالسماعات ويسمع كل إشي بخطر عبالكم..
بس بتعرفوا هديك اللحظة لما تحس حالك زهقان من كل إشي..؟
لما راسك يصير يوجعك وتحس إنه لا أغاني ولا موسيقى ولا حتى اناشيد طايق تسمع..؟
شال السماعات وكمل طريقه..
فتح يشيك عالفيسبوك والواتسب سريعا..
كالعادة كان واصله مسج من إمه لإنها كل يوم بتبعت أشياء زي صباح الخير ومساء الورد وصورة وردة بتطفي وبتضوي أو صورة فنجان قهوة مع صباح الأمنيات الجميلة..
إمه ما كان بوصلها إشي عجروب الجارات إلا مباشرة بتعمله شير عكل مكان..
وهو من زمان عامل "Mute" للمحادثة معها وحطه لسنة كاملة !
هالمرة إمه كات باعته صورة فيها تكبيرات..
الله أكبر..الله أكبر..الله أكبر..
وإنه يستحب التكبير في هاي الأيام..
سكّر التلفون وهو ببتسم من عفوية إمه..
رد بسرعة فتح عالمحادثة ورد عليها بقلوب وحكالها إنه بحبها..
وكمل طريقه..
***
وبدأ يتمتم بشكل عفوي..
الله أكبر..الله أكبر..الله أكبر..
قرر يتخلى عن عفويته بالتكبير..
ويركّز أكتر..
الله..
أكبـــــر..
الله....... أكبـــر..
الله أكبر.. من كل إشي..
.
.
الله أكبر من كل همومي !
أكبر من كل لحظة ألم تسللت لقلبي..
أكبر من كل مصيبة استنزفت عمري..
أكبر من خذلان أقرب الناس إلي..
أكبر من كل ذنب كان حاجز بيني وبينه..
أكبر من كل لحظات الضياع والوجع اللي بتعصف بحياتي..
الله أكبر من دنيا ربطت فيها سعادتي..
أكبر من اهتمام كنت بنتظره من أقرب الناس إلي..
أكبر من ناس رفضت تسمعني..
من حب بخل فيه كثير من الناس..
وأكبر من كره وكبر وظلم عشعش بقلوبهم..
.
.
الله أكبر من كل إشي بحول بيني وبين أحلامي وأهدافي..
أكبر من كل خطوات استصعبت أكملها..
وأحلام قررت أتنازل عنها..
وصراعات ياما فكرت أنسحب من مواجهتها..
.
.
الله أكبر من كل لحظة فتور حرمتني من قربه..
من كل مرة حرمت فيها حظ روحي من كلامه..
من كل لحظة كسل كانت حاجز من السجود فيها بين ايديه ومناجاته..
من كل إشي شغلني عن فكرة ذكره واستحضار رحمته ومعيته..
.
.
الله أكبر من كل إشي..
من كل إشي..!
.
.
الله أكبر..
الله أكبر..
الله أكبر..
وَقُلِ الْحَمْدُ لِلّهِ الَّذِي لَمْ يَتَّخِذْ وَلَداً وَلَم يَكُن لَّهُ شَرِيكٌ فِي الْمُلْكِ وَلَمْ يَكُن لَّهُ وَلِيٌّ مِّنَ الذُّلَّ وَكَبِّرْهُ تَكْبِيراً
#القرآن_الجميل
#ARK
في أغلب الأوقات يحط هالسماعات ويسمع كل إشي بخطر عبالكم..
بس بتعرفوا هديك اللحظة لما تحس حالك زهقان من كل إشي..؟
لما راسك يصير يوجعك وتحس إنه لا أغاني ولا موسيقى ولا حتى اناشيد طايق تسمع..؟
شال السماعات وكمل طريقه..
فتح يشيك عالفيسبوك والواتسب سريعا..
كالعادة كان واصله مسج من إمه لإنها كل يوم بتبعت أشياء زي صباح الخير ومساء الورد وصورة وردة بتطفي وبتضوي أو صورة فنجان قهوة مع صباح الأمنيات الجميلة..
إمه ما كان بوصلها إشي عجروب الجارات إلا مباشرة بتعمله شير عكل مكان..
وهو من زمان عامل "Mute" للمحادثة معها وحطه لسنة كاملة !
هالمرة إمه كات باعته صورة فيها تكبيرات..
الله أكبر..الله أكبر..الله أكبر..
وإنه يستحب التكبير في هاي الأيام..
سكّر التلفون وهو ببتسم من عفوية إمه..
رد بسرعة فتح عالمحادثة ورد عليها بقلوب وحكالها إنه بحبها..
وكمل طريقه..
***
وبدأ يتمتم بشكل عفوي..
الله أكبر..الله أكبر..الله أكبر..
قرر يتخلى عن عفويته بالتكبير..
ويركّز أكتر..
الله..
أكبـــــر..
الله....... أكبـــر..
الله أكبر.. من كل إشي..
.
.
الله أكبر من كل همومي !
أكبر من كل لحظة ألم تسللت لقلبي..
أكبر من كل مصيبة استنزفت عمري..
أكبر من خذلان أقرب الناس إلي..
أكبر من كل ذنب كان حاجز بيني وبينه..
أكبر من كل لحظات الضياع والوجع اللي بتعصف بحياتي..
الله أكبر من دنيا ربطت فيها سعادتي..
أكبر من اهتمام كنت بنتظره من أقرب الناس إلي..
أكبر من ناس رفضت تسمعني..
من حب بخل فيه كثير من الناس..
وأكبر من كره وكبر وظلم عشعش بقلوبهم..
.
.
الله أكبر من كل إشي بحول بيني وبين أحلامي وأهدافي..
أكبر من كل خطوات استصعبت أكملها..
وأحلام قررت أتنازل عنها..
وصراعات ياما فكرت أنسحب من مواجهتها..
.
.
الله أكبر من كل لحظة فتور حرمتني من قربه..
من كل مرة حرمت فيها حظ روحي من كلامه..
من كل لحظة كسل كانت حاجز من السجود فيها بين ايديه ومناجاته..
من كل إشي شغلني عن فكرة ذكره واستحضار رحمته ومعيته..
.
.
الله أكبر من كل إشي..
من كل إشي..!
.
.
الله أكبر..
الله أكبر..
الله أكبر..
وَقُلِ الْحَمْدُ لِلّهِ الَّذِي لَمْ يَتَّخِذْ وَلَداً وَلَم يَكُن لَّهُ شَرِيكٌ فِي الْمُلْكِ وَلَمْ يَكُن لَّهُ وَلِيٌّ مِّنَ الذُّلَّ وَكَبِّرْهُ تَكْبِيراً
#القرآن_الجميل
#ARK
❤1
كنت صافن فيه وهو بكنّس!
عاش حياته الصعبة بس عشان يأمن لقمة لولاده..
ومع ذلك جرب إسأله كيف حالك عمّي؟
راح يجاوبك: بخير ورضا وفضل من رب العالمين..الحمد لله..الحمدلله !
وممكن وقتها يسهب في الكلام معك بعفوية، ويحكيلك عن ولاده وبناته وكيف إنهم شاطرين بدراستهم !
راح تلمح في وجه رضا واطمئنان وسكينة نادرًا ما تصادفهم في وجه غيره..
****
عند ربنا مش شرط تكون غني أو قوي أو مشهور أو مسلّطة عليك الأضواء حتى تسبق..
ويا الله كم في ناس سُلّطت عليها الأضواء وغابت عنها الأنوار..؟!
وإن الله لا ينظر إلى صوركم وأموالكم ولكن ينظر إلى قلوبكم !
وأشار إلى قلبه صلى الله عليه وسلم <3
.
.
أدركت وأنا صافن فيه إنه الناس اللي زي هيك اختبارهم في هالدنيا إنهم يصبروا على ضعفهم وفقرهم وحاجتهم..
في المقابل في ناس اختبارها تصبر على النعم اللي بين إيديها وتوظفها في جبر قلوب الناس الغلبانة وتسد فقرهم وتمشي بحاجتهم..
ولو حالت الظروف بينك وبين مساعدة هالناس ما تنسى تحكيلهم: شكرًا !
والله بشوفوها إشي كبير وهيك بتدخل السرور عقلبهم..
وما تنسى إنه هذا الشخص بملابسه المتسخة وقلبه النقي ممكن يكون سبقك لله بمراحل..
وممكن لو أقسم على الله لأبرّه..
وممكن يكون من أحب أهل الأرض إلى أهل السماء !
فما تنسى تحكيله: ادعيلي!
.
.
.
وَهُوَ الَّذِي جَعَلَكُمْ خَلَائِفَ الْأَرْضِ وَرَفَعَ بَعْضَكُمْ فَوْقَ بَعْضٍ دَرَجَاتٍ لِّيَبْلُوَكُمْ فِي مَا آتَاكُمْ ۗ إِنَّ رَبَّكَ سَرِيعُ الْعِقَابِ وَإِنَّهُ لَغَفُورٌ رَّحِيمٌ.
#القرآن_الجميل
#ARK
عاش حياته الصعبة بس عشان يأمن لقمة لولاده..
ومع ذلك جرب إسأله كيف حالك عمّي؟
راح يجاوبك: بخير ورضا وفضل من رب العالمين..الحمد لله..الحمدلله !
وممكن وقتها يسهب في الكلام معك بعفوية، ويحكيلك عن ولاده وبناته وكيف إنهم شاطرين بدراستهم !
راح تلمح في وجه رضا واطمئنان وسكينة نادرًا ما تصادفهم في وجه غيره..
****
عند ربنا مش شرط تكون غني أو قوي أو مشهور أو مسلّطة عليك الأضواء حتى تسبق..
ويا الله كم في ناس سُلّطت عليها الأضواء وغابت عنها الأنوار..؟!
وإن الله لا ينظر إلى صوركم وأموالكم ولكن ينظر إلى قلوبكم !
وأشار إلى قلبه صلى الله عليه وسلم <3
.
.
أدركت وأنا صافن فيه إنه الناس اللي زي هيك اختبارهم في هالدنيا إنهم يصبروا على ضعفهم وفقرهم وحاجتهم..
في المقابل في ناس اختبارها تصبر على النعم اللي بين إيديها وتوظفها في جبر قلوب الناس الغلبانة وتسد فقرهم وتمشي بحاجتهم..
ولو حالت الظروف بينك وبين مساعدة هالناس ما تنسى تحكيلهم: شكرًا !
والله بشوفوها إشي كبير وهيك بتدخل السرور عقلبهم..
وما تنسى إنه هذا الشخص بملابسه المتسخة وقلبه النقي ممكن يكون سبقك لله بمراحل..
وممكن لو أقسم على الله لأبرّه..
وممكن يكون من أحب أهل الأرض إلى أهل السماء !
فما تنسى تحكيله: ادعيلي!
.
.
.
وَهُوَ الَّذِي جَعَلَكُمْ خَلَائِفَ الْأَرْضِ وَرَفَعَ بَعْضَكُمْ فَوْقَ بَعْضٍ دَرَجَاتٍ لِّيَبْلُوَكُمْ فِي مَا آتَاكُمْ ۗ إِنَّ رَبَّكَ سَرِيعُ الْعِقَابِ وَإِنَّهُ لَغَفُورٌ رَّحِيمٌ.
#القرآن_الجميل
#ARK
❤1
إمك وأبوك كانوا للأسف جدًّا لطيفين معك بطفولتك..
ربطوا خوفك بإبرة الدكتور اللي لو ما كنت شطور وخلّصت صحنك رح يغزّك اياها..
وبالشرطي صاحب المسدس اللي لو ما نمت بكير رح يودوك عليه..
يعني إنت بآمان ما دامك بعيد عن إبرة الدكتور ومسدس الشرطي..
لما كبرت أدركت إنه حتى الكبار بخافوا!
أولهم إمك وأبوك..
لما إمك كانت بتبكي وبترجف من الخوف لما واحد من إخوانك حرارته وصلت 40..
وأبوك اللي كان يتناقش مع إمك بآخر الليل وهو خايف من المستقبل وكيف بدو يدرسكم ويعلمكم !
ومجرد ما تتأمل بحياة الناس رح تكتشف إنها مسكونة بالخوف !
حياتها عبارة عن خوف بتّنقل من مرحلة لمرحلة وهو محافظ على حضوره القوي بكل تفاصيل يومهم وحياتهم..
.
.
تخيّل لو الله ما خلق الخوف!
كيف حيكون تجبّر الناس وعنادهم وفرعنتهم..؟
كيف كانت حتكون الحياة لو كانت الناس ما بتنكسر ولا بتخاف؟
رح تحكيلي الحياة سيئة..بس كانت حتكون أسوء بكثيييير بدون خوف...
.
.
هاي المكابدة هي أحد تجليات رحمة الله فينا..
الخوف والقلق والمشقة والتعب والعناء والمرض والبلاء كلها عبارة عن أدوية..
بعالجنا الله فيها حتى نتعلم إنه المرض بقدر علينا، والفقر بقدر علينا، والألم بقدر علينا، وظلم البشر بقدر علينا..
ونوائب الدهر..
والسرطان..
والمصائب والأوجاع والأحزان بتقدر علينا !
.
.
الله بعلمنا حتى ما ننسى للحظة..
إنه خالق كل شيء ومدبر كل شيء..
كمان بقدر علينا !!
.
.
لَقَدْ خَلَقْنَا الْإِنسَانَ فِي كَبَدٍ (4) أَيَحْسَبُ أَن لَّن يَقْدِرَ عَلَيْهِ أَحَدٌ (5)
#القرآن_الجميل
#ARK
ربطوا خوفك بإبرة الدكتور اللي لو ما كنت شطور وخلّصت صحنك رح يغزّك اياها..
وبالشرطي صاحب المسدس اللي لو ما نمت بكير رح يودوك عليه..
يعني إنت بآمان ما دامك بعيد عن إبرة الدكتور ومسدس الشرطي..
لما كبرت أدركت إنه حتى الكبار بخافوا!
أولهم إمك وأبوك..
لما إمك كانت بتبكي وبترجف من الخوف لما واحد من إخوانك حرارته وصلت 40..
وأبوك اللي كان يتناقش مع إمك بآخر الليل وهو خايف من المستقبل وكيف بدو يدرسكم ويعلمكم !
ومجرد ما تتأمل بحياة الناس رح تكتشف إنها مسكونة بالخوف !
حياتها عبارة عن خوف بتّنقل من مرحلة لمرحلة وهو محافظ على حضوره القوي بكل تفاصيل يومهم وحياتهم..
.
.
تخيّل لو الله ما خلق الخوف!
كيف حيكون تجبّر الناس وعنادهم وفرعنتهم..؟
كيف كانت حتكون الحياة لو كانت الناس ما بتنكسر ولا بتخاف؟
رح تحكيلي الحياة سيئة..بس كانت حتكون أسوء بكثيييير بدون خوف...
.
.
هاي المكابدة هي أحد تجليات رحمة الله فينا..
الخوف والقلق والمشقة والتعب والعناء والمرض والبلاء كلها عبارة عن أدوية..
بعالجنا الله فيها حتى نتعلم إنه المرض بقدر علينا، والفقر بقدر علينا، والألم بقدر علينا، وظلم البشر بقدر علينا..
ونوائب الدهر..
والسرطان..
والمصائب والأوجاع والأحزان بتقدر علينا !
.
.
الله بعلمنا حتى ما ننسى للحظة..
إنه خالق كل شيء ومدبر كل شيء..
كمان بقدر علينا !!
.
.
لَقَدْ خَلَقْنَا الْإِنسَانَ فِي كَبَدٍ (4) أَيَحْسَبُ أَن لَّن يَقْدِرَ عَلَيْهِ أَحَدٌ (5)
#القرآن_الجميل
#ARK
❤1
عفكرة بعرف إنه أبوك الشيخ اللي كل كلامه: قال الله وقال الرسول، هو نفسه اللي بظلمك وبهينك وبصرخّ عليك وممكن بضربك!
وبعرف إنه إمِك اللي من مركز لمركز بتعطي دروس تجويد وكيف الواحد ينطق مخارج الحروف بالشكل الصحيح، ما كلّفت نفسها من زمان تسأل عنك وتطمن عليك وتحكيلك مالك؟
الشيخ اللي درسّك بالمسجد وعرفت لاحقًا إنه طلع فاسد وكان سهل عليه يتهاون بمصاري التبرعات..
ومتصوّر صدمتك لما مسؤول الفريق اللي صدّع راسكم بكلامه عن ضوابط التعامل مع الجنس الآخر وطلع معشم ألف بنت عندكم بالفريق !
.
.
أظن إنكم على قدر من الوعي وقادرين لحالكم تميزوا إنه هاي التصرفات ما إلها دخل بالدين..
والدليل استهجانكم وتعجبكم واستغرابكم منها..
بس ليه تكون تصرفاتهم مبرر نفسي إلك تكره الدين وكل الملتزمين؟؟؟
وتقطع كل الحبال بينك وبين الله عشان ناس غلبتهم أهوائهم على الحق اللي بدّعوا إنهم بمثلوه؟
طيب شو بدك تحكي لربنا لما يسألك ليه هيك تصرفت؟؟
ليه بعدّت عني؟
رح تحكيله عشان فلان وفلان !
طيب والقرآن اللي بين إيديك..
وسنة النبي وأصحابه..
والناس الكثيرة بينا اللي ثبتوا على دينهم وأخلاقهم وما غيّرتهم الدنيا..
****
اسمع..
سيبك من الناس جد..
وحافظ عالخير جواتك حتى لو بخل فيه كثير ناس..
وما تسمح لأي حد يعرقل مسيرك لربنا..
ودير بالك من حجج نفسية تضحك فيها على نفسك حتى تبرر بعدك عن الدين..
وما تنسى إنه ربنا مُطّلع على قلبك..
واحرص تكون المسلم اللي نفسك تقابله !
.
.
.
يَا أَيُّهَا الَّذِينَ آمَنُوا عَلَيْكُمْ أَنفُسَكُمْ ۖ لَا يَضُرُّكُم مَّن ضَلَّ إِذَا اهْتَدَيْتُمْ ۚ إِلَى اللَّهِ مَرْجِعُكُمْ جَمِيعًا فَيُنَبِّئُكُم بِمَا كُنتُمْ تَعْمَلُونَ
#القرآن_الجميل
#ARK
وبعرف إنه إمِك اللي من مركز لمركز بتعطي دروس تجويد وكيف الواحد ينطق مخارج الحروف بالشكل الصحيح، ما كلّفت نفسها من زمان تسأل عنك وتطمن عليك وتحكيلك مالك؟
الشيخ اللي درسّك بالمسجد وعرفت لاحقًا إنه طلع فاسد وكان سهل عليه يتهاون بمصاري التبرعات..
ومتصوّر صدمتك لما مسؤول الفريق اللي صدّع راسكم بكلامه عن ضوابط التعامل مع الجنس الآخر وطلع معشم ألف بنت عندكم بالفريق !
.
.
أظن إنكم على قدر من الوعي وقادرين لحالكم تميزوا إنه هاي التصرفات ما إلها دخل بالدين..
والدليل استهجانكم وتعجبكم واستغرابكم منها..
بس ليه تكون تصرفاتهم مبرر نفسي إلك تكره الدين وكل الملتزمين؟؟؟
وتقطع كل الحبال بينك وبين الله عشان ناس غلبتهم أهوائهم على الحق اللي بدّعوا إنهم بمثلوه؟
طيب شو بدك تحكي لربنا لما يسألك ليه هيك تصرفت؟؟
ليه بعدّت عني؟
رح تحكيله عشان فلان وفلان !
طيب والقرآن اللي بين إيديك..
وسنة النبي وأصحابه..
والناس الكثيرة بينا اللي ثبتوا على دينهم وأخلاقهم وما غيّرتهم الدنيا..
****
اسمع..
سيبك من الناس جد..
وحافظ عالخير جواتك حتى لو بخل فيه كثير ناس..
وما تسمح لأي حد يعرقل مسيرك لربنا..
ودير بالك من حجج نفسية تضحك فيها على نفسك حتى تبرر بعدك عن الدين..
وما تنسى إنه ربنا مُطّلع على قلبك..
واحرص تكون المسلم اللي نفسك تقابله !
.
.
.
يَا أَيُّهَا الَّذِينَ آمَنُوا عَلَيْكُمْ أَنفُسَكُمْ ۖ لَا يَضُرُّكُم مَّن ضَلَّ إِذَا اهْتَدَيْتُمْ ۚ إِلَى اللَّهِ مَرْجِعُكُمْ جَمِيعًا فَيُنَبِّئُكُم بِمَا كُنتُمْ تَعْمَلُونَ
#القرآن_الجميل
#ARK
❤1
تقريبًا صارلي 3 سنوات و6 أشهر متوفية..
لما متت كان عمري 23 سنة بالزبط..
كنت يا دوبي لسه متخرجة..
خطفني الموت فجأة!
علمًا كنت أحس حالي لسه صغيرة عليه..
والغريب إنه لما كنت على قيد الحياة وأسمع حد بعمري مات أتناسى تمامًا إنه الدور الجاي ممكن يكون علي..
وفعلا كان !
.
.
أنا حاليًا زي ما إنتو عارفين بحفرة صغيرة مظلمة ضيقة تحت الأرض..
الكل بخاف منها وبنقز من سيرتها..
أنا عفكرة زيكم كنت بخاف والله..
بس أدركت أول ما دخلوني عليها إنه الظلام الحقيقي كان ظلام جوا قلوبنا وأجسادنا لسه بتنبض بالحياة..!
.
.
ما في مجال للأسف أرجع حتى أصلح أغلاطي وأعتذر عن خطأ تصوراتي اتجاه كثير شغلات..
واًصلا لو رجعت في الغالب رح أرجع زي ما كنت !
طلعت في آية بالقرآن بتحكي: وَلَوْ رُدُّوا لَعَادُوا لِمَا نُهُوا عَنْهُ !
يعني قبل لحظة الموت الموضوع بايدك..
بعد الموت إنت هيك استنفذت كل فرصك..
يعني ما تخاف لو عندك فرص تانية كان ربنا مدّ بعمرك عشانها..
وبالتالي فيما لو قبضك الموت وإنت ما استثمرت إشي من الفرص اللي أجتك..
فهذا يعني إنك حكمت على نفسك وسمحت لشهواتك ورغباتك تستمكن منك..
لدرجة إنك لو رجعت مرة تانية عالحياة رح ترجع زي ما كنت !
والخلاصة وما بدي اطول عليكم أكيد وراك دنيا وانشغالات كثيرة!
إنه قبل الموت إنت مطالب تبذل كل جهدك في هذا الصراع..
يعني ما دام فيك نفس فالموضوع بايدك وإنت بتقرر..
وأي محاولة منك بعد الموت للرجوع محاولة فاشلة وتبرير مش مقنع..
ولا يظلم ربك أحدا..
.
.
آه صح..
ممكن حد يسألني طيب لو رجعت فيك الحياة شو ممكن تعملي..؟؟
بس أنا خبرتكم إني استنفذت كل فرصي..
بس كان ممكن أتعامل مع القرآن والدين بشكل جدي أكثر..
وما أشكل تصوراتي عنهم بشكل سطحي ساذج حتى بس أرضي غروري وأعيش الحياة زي ما أنا حابة.. لإنه مع لحظة قبض الروح أدركت إني كنت بضحك عحالي !
كمان كان ممكن أختصر كثير نقاشات وقعدات غيبة ونميمة..
وأكيد رح أحرص ما أظلم حد ولا اتكبر عليه حتى لو بكلمة وحدة..
لإنه كل إشي مسجل..!!
كان ممكن أرتب أولوياتي من جديد..
وأهم إشي ما أتعلق بوهم وأكتشف لاحقا إنه عمري ضاع عليه..
بصراحة كمان كان قللت تعلقي بالدنيا وما فيها..
كان ما زعلت ولا على إشي فيها..ولا حرقت أعصابي عشانها..
ويا الله شو رح أعمل أعمال خير كثيرة..
هديك الصدقة اللي مرة تصدقتها رح أكررها كل ما أقدر..
وكمان الركعتين اللي مرة صليتهم بآخر الليل وحكيت لربنا فيهم آسف..
وما رح أقصر عن أي عمل خير بصادفه بطريقي..
ولو ما لقيت بدي أدور عخير اعمله..
مممم وأكيد أكيد كنت رح أقرأ قرآن كثير..
لإنه كل إشي مريت فيه بحياتي..
وكل إشي بمر فيه بعد موتي طلع مكتوب بالتفصيل !
.
.
.
بعرف رح تحكولي طيب إنتِ بالقبر وهو أول منازل الآخرة..فشو مصيرك؟؟
ربنا رحيم ..
بس مش مهم شو مصيري..أو بالأحرى شو رح تفرق عندكم..
المهم شو مصيركم إنتوا !
#القرآن_الجميل
#ARK
لما متت كان عمري 23 سنة بالزبط..
كنت يا دوبي لسه متخرجة..
خطفني الموت فجأة!
علمًا كنت أحس حالي لسه صغيرة عليه..
والغريب إنه لما كنت على قيد الحياة وأسمع حد بعمري مات أتناسى تمامًا إنه الدور الجاي ممكن يكون علي..
وفعلا كان !
.
.
أنا حاليًا زي ما إنتو عارفين بحفرة صغيرة مظلمة ضيقة تحت الأرض..
الكل بخاف منها وبنقز من سيرتها..
أنا عفكرة زيكم كنت بخاف والله..
بس أدركت أول ما دخلوني عليها إنه الظلام الحقيقي كان ظلام جوا قلوبنا وأجسادنا لسه بتنبض بالحياة..!
.
.
ما في مجال للأسف أرجع حتى أصلح أغلاطي وأعتذر عن خطأ تصوراتي اتجاه كثير شغلات..
واًصلا لو رجعت في الغالب رح أرجع زي ما كنت !
طلعت في آية بالقرآن بتحكي: وَلَوْ رُدُّوا لَعَادُوا لِمَا نُهُوا عَنْهُ !
يعني قبل لحظة الموت الموضوع بايدك..
بعد الموت إنت هيك استنفذت كل فرصك..
يعني ما تخاف لو عندك فرص تانية كان ربنا مدّ بعمرك عشانها..
وبالتالي فيما لو قبضك الموت وإنت ما استثمرت إشي من الفرص اللي أجتك..
فهذا يعني إنك حكمت على نفسك وسمحت لشهواتك ورغباتك تستمكن منك..
لدرجة إنك لو رجعت مرة تانية عالحياة رح ترجع زي ما كنت !
والخلاصة وما بدي اطول عليكم أكيد وراك دنيا وانشغالات كثيرة!
إنه قبل الموت إنت مطالب تبذل كل جهدك في هذا الصراع..
يعني ما دام فيك نفس فالموضوع بايدك وإنت بتقرر..
وأي محاولة منك بعد الموت للرجوع محاولة فاشلة وتبرير مش مقنع..
ولا يظلم ربك أحدا..
.
.
آه صح..
ممكن حد يسألني طيب لو رجعت فيك الحياة شو ممكن تعملي..؟؟
بس أنا خبرتكم إني استنفذت كل فرصي..
بس كان ممكن أتعامل مع القرآن والدين بشكل جدي أكثر..
وما أشكل تصوراتي عنهم بشكل سطحي ساذج حتى بس أرضي غروري وأعيش الحياة زي ما أنا حابة.. لإنه مع لحظة قبض الروح أدركت إني كنت بضحك عحالي !
كمان كان ممكن أختصر كثير نقاشات وقعدات غيبة ونميمة..
وأكيد رح أحرص ما أظلم حد ولا اتكبر عليه حتى لو بكلمة وحدة..
لإنه كل إشي مسجل..!!
كان ممكن أرتب أولوياتي من جديد..
وأهم إشي ما أتعلق بوهم وأكتشف لاحقا إنه عمري ضاع عليه..
بصراحة كمان كان قللت تعلقي بالدنيا وما فيها..
كان ما زعلت ولا على إشي فيها..ولا حرقت أعصابي عشانها..
ويا الله شو رح أعمل أعمال خير كثيرة..
هديك الصدقة اللي مرة تصدقتها رح أكررها كل ما أقدر..
وكمان الركعتين اللي مرة صليتهم بآخر الليل وحكيت لربنا فيهم آسف..
وما رح أقصر عن أي عمل خير بصادفه بطريقي..
ولو ما لقيت بدي أدور عخير اعمله..
مممم وأكيد أكيد كنت رح أقرأ قرآن كثير..
لإنه كل إشي مريت فيه بحياتي..
وكل إشي بمر فيه بعد موتي طلع مكتوب بالتفصيل !
.
.
.
بعرف رح تحكولي طيب إنتِ بالقبر وهو أول منازل الآخرة..فشو مصيرك؟؟
ربنا رحيم ..
بس مش مهم شو مصيري..أو بالأحرى شو رح تفرق عندكم..
المهم شو مصيركم إنتوا !
#القرآن_الجميل
#ARK
❤2👍1
عفكرة كانت بتقدر تكون زي بقية بنات جيلها !
كانت بتقدر تعطي مجال لهداك الشب اللي كان بحاول يحكي معها ..
وكانت بتقدر تلفت إنتباه بقية الشباب زي ما عملت مرة صاحبتها ..
كانت بتقدر تتساهل في لبسها..
وما حد إله عندها لو قررت تلبس فتنتها..
وعادي كانت بتقدر تتمختر وتتمايل وترفع صوتها ..
كانت بتقدر تستغيب وتنم وتفتّن بكل قعدة من قعداتها ..
وكانت بتقدر تتنازل عن دينها..
ومش إشي صعب تتخلى عن مبدائها وأخلاقها وحياءها..
كانت وكانت وكانت ..
.
.
.
.
لَوْلَا أَن رَّبَطْنَا عَلَىٰ قَلْبِهَا !
#القرآن_الجميل
#ARK
كانت بتقدر تعطي مجال لهداك الشب اللي كان بحاول يحكي معها ..
وكانت بتقدر تلفت إنتباه بقية الشباب زي ما عملت مرة صاحبتها ..
كانت بتقدر تتساهل في لبسها..
وما حد إله عندها لو قررت تلبس فتنتها..
وعادي كانت بتقدر تتمختر وتتمايل وترفع صوتها ..
كانت بتقدر تستغيب وتنم وتفتّن بكل قعدة من قعداتها ..
وكانت بتقدر تتنازل عن دينها..
ومش إشي صعب تتخلى عن مبدائها وأخلاقها وحياءها..
كانت وكانت وكانت ..
.
.
.
.
لَوْلَا أَن رَّبَطْنَا عَلَىٰ قَلْبِهَا !
#القرآن_الجميل
#ARK
في الحقيقة أي شيء تسبب في كسرنا لا يُلام !
ومش من حقنا نعترض عليه ونلومه ونعلّق عليه أسباب فشلنا وانكسارنا..
زي فكرة إنه نلوم قوانين الفيزياء اللي أدت لكسر غصن اتكأنا عليه ليدعمنا فخذلنا..
بصراحة اللوم علينا إحنا لما فشلنا في تحديد الشيء اللي يحمل أعبائنا وهمومنا ومشاكلنا..
ربنا بخبرنا في القرآن:
فَمَن يَكْفُرْ بِالطَّاغُوتِ وَيُؤْمِن بِاللَّهِ فَقَدِ اسْتَمْسَكَ بِالْعُرْوَةِ الْوُثْقَىٰ لَا انفِصَامَ لَهَا ۗ وَاللَّهُ سَمِيعٌ عَلِيمٌ
هاي الآية بتحكيلنا إنه في عروة وحدة هي الدائمة، وفي مصدر واحد ممكن نعتمد عليه، وصلة وحدة بتحدد قيمتنا، وشيء واحد بحقق إلنا الأمان والسعادة الدائمة..
الآية بتحكيلنا إنه كل أعبائنا ما رح يعينّا على حملها إلا (الله) !
وفيما لو قررنا نعتمد على سبب غير (الله) ، فما يروح من بالنا إنه مصيرنا وقتها الخذلان والإنكسار!
.
.
.
اعتمد عربنا فقط وما رح تكون قابل للتحطم والإنكسار، لإنك ببساطة غير متكئ على غصن ممكن بلحظة ينكسر ويكسرك، ولا شخص فجاة ممكن يخذلك..
إنت متكئ على من لا غالب له..
إنت متكئ على (الله) !
#القرآن_الجميل
#ARK
ومش من حقنا نعترض عليه ونلومه ونعلّق عليه أسباب فشلنا وانكسارنا..
زي فكرة إنه نلوم قوانين الفيزياء اللي أدت لكسر غصن اتكأنا عليه ليدعمنا فخذلنا..
بصراحة اللوم علينا إحنا لما فشلنا في تحديد الشيء اللي يحمل أعبائنا وهمومنا ومشاكلنا..
ربنا بخبرنا في القرآن:
فَمَن يَكْفُرْ بِالطَّاغُوتِ وَيُؤْمِن بِاللَّهِ فَقَدِ اسْتَمْسَكَ بِالْعُرْوَةِ الْوُثْقَىٰ لَا انفِصَامَ لَهَا ۗ وَاللَّهُ سَمِيعٌ عَلِيمٌ
هاي الآية بتحكيلنا إنه في عروة وحدة هي الدائمة، وفي مصدر واحد ممكن نعتمد عليه، وصلة وحدة بتحدد قيمتنا، وشيء واحد بحقق إلنا الأمان والسعادة الدائمة..
الآية بتحكيلنا إنه كل أعبائنا ما رح يعينّا على حملها إلا (الله) !
وفيما لو قررنا نعتمد على سبب غير (الله) ، فما يروح من بالنا إنه مصيرنا وقتها الخذلان والإنكسار!
.
.
.
اعتمد عربنا فقط وما رح تكون قابل للتحطم والإنكسار، لإنك ببساطة غير متكئ على غصن ممكن بلحظة ينكسر ويكسرك، ولا شخص فجاة ممكن يخذلك..
إنت متكئ على من لا غالب له..
إنت متكئ على (الله) !
#القرآن_الجميل
#ARK
❤1
في الحقيقة ربنا بعطينا هدايا !
مرة على شكل حُب ومرة على شكل أصحاب ومرة على شكل مال وصحة ومنصب وجاهه وغيره..
في الغالب بننشغل بالهدية عن مانحها..
وبتسيطر الهدية عقلوبنا وبنحبها أكثر من حبنا لموجدها وخالقها ومانحها ومعطيها..
وبنستمسك بالهدية لدرجة بصير صعب علينا نعيش بدونها..
وقلوبنا المفطورة على حب الله والإفتقار إله بحل فيه ما سوى الله..
.
.
وربنا لما يعطيك هدية بعطيك إياها في إيدك لكنك للأسف بتمسكها بقلبك..!
عشان هيك بتعيش حياتك خايف من الفقد، ومتوتر من إمكانية ضياع الهدية منك..
وفجأة بتصير الهدية عذاب وسجن من صنع إيديك..
لكنها رحمـــــة ربنا !
بتحررك من هذا السجن وبتنقذك من هذا العذاب..
طيب كيف؟
من خلال الفقد..
لما يسحب الهدية منك..لما يحرمك منها.. !
وقتها لحالك بتسترجع قلبك المفطور على حبه والإفتقار إله..
بترجع إله بقلب منيب لكن هالمرة خالي من كل شيء سوى الله..
بترجع وإنت راضي ومسلّم لحكمته..
ومجرد ما أظهرت تواضعك وإخلاصك وصدقك وتضرعك..
ربنا الكريــــــم بمنحك هدية أخرى..
لكن دير بالك..
استلمها بإيدك...مش بقلبك !
.
.
.
وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ
#القرآن_الجميل
#ARK
مرة على شكل حُب ومرة على شكل أصحاب ومرة على شكل مال وصحة ومنصب وجاهه وغيره..
في الغالب بننشغل بالهدية عن مانحها..
وبتسيطر الهدية عقلوبنا وبنحبها أكثر من حبنا لموجدها وخالقها ومانحها ومعطيها..
وبنستمسك بالهدية لدرجة بصير صعب علينا نعيش بدونها..
وقلوبنا المفطورة على حب الله والإفتقار إله بحل فيه ما سوى الله..
.
.
وربنا لما يعطيك هدية بعطيك إياها في إيدك لكنك للأسف بتمسكها بقلبك..!
عشان هيك بتعيش حياتك خايف من الفقد، ومتوتر من إمكانية ضياع الهدية منك..
وفجأة بتصير الهدية عذاب وسجن من صنع إيديك..
لكنها رحمـــــة ربنا !
بتحررك من هذا السجن وبتنقذك من هذا العذاب..
طيب كيف؟
من خلال الفقد..
لما يسحب الهدية منك..لما يحرمك منها.. !
وقتها لحالك بتسترجع قلبك المفطور على حبه والإفتقار إله..
بترجع إله بقلب منيب لكن هالمرة خالي من كل شيء سوى الله..
بترجع وإنت راضي ومسلّم لحكمته..
ومجرد ما أظهرت تواضعك وإخلاصك وصدقك وتضرعك..
ربنا الكريــــــم بمنحك هدية أخرى..
لكن دير بالك..
استلمها بإيدك...مش بقلبك !
.
.
.
وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ
#القرآن_الجميل
#ARK
❤1
تعال يابا..
هيّ أيام بتفصلك عن دوام الجامعة، ترى أنا فرحان أكثر منك لإني خلصت من نكد إمك كل يوم إنه شوف إبنك والله غير يرسب ويفضحنا !
بصراحة حاب أمارس دوري كأب وأحكيلك أكم شغلة تحطهم حلقة بذانك..
عشان تكون بالصورة أول يوم إلك في الجامعة رح تكون ملخوم رسمي..
طبعًا يفترض يرشدوك ناس وقت التسجيل وأول يوم جامعة..
إشي منهم برشدك لوجه الله وإشي منهم لمآرب آخرى رح تعرفها لحالك..
بس قد ما أرشدوك رح يضل الإشي جديد عليك ورح تشعر برهبة مش طبيعية..
إنه كيف هالمكان رح أمضي فيه فترة من عمري..؟ويا ترى شو طبيعة صحابي؟
والجامعة رح تكون سهلة ولا صعبة؟ معقول رح تغيرني؟
والسؤال الأهم: معقول أعيش قصة حب فيها ؟؟
.
.
أنا ما رح أفرض عليك إشي..
ولا بعتقد إنه مناسب أقيدك بطريقة معينة تعيش من خلالها حياتك الجامعية..
هذا إشي برجعلك والحلو إنك تعيش تجربتك لحالك.. وتدرك من نفسك شو الصح والغلط؟
بس مش غلط أنبهك على أكم شغلة سريعة..
حتصادف بنات كثير !
وأنا بعرفك يابا عهدك بالبنات خواتك وبنات عمك وخالك وبس..
بعرفش إذا مخبي عني إشي بس غالبًا لا..
لإنه لو آه كنت رح أكشفك وأخرب بيتك ههه
إنت لاحظ يابا مش بحاول أفرض عليك إشي..
.
.
هسا في الجامعة لما تدخل عالمحاضرة يعني الصف بلغتكم أهل المدارس..
فش إنك تقعد وين ما بدك..بتقعد على رقم الجلوس تاعك..
لا يابا ارحمني.. مش رقم الجلوس تاع التوجيهي !!!
هذا رقم بعطيك اياه الدكتور -الأستاذ يعني- أول المحاضرة وبتقعد عالكرسي اللي بحمل رقمك..
طبعا ممكن الدكتور ما يحكي رقم جلوس..ممكن يحكي "سيت نمبر" فخليك مصحصح معه..!
.
.
المهم غالبا رح يكون السيت نمبر اللي جنبك لبنت وممكن تكون بين بنتين كمان..
هسا اولها ممكن لو بنت وقعت قلم وإنت ناولتها اياه وحكتلك شكرا وإنت رديت عليها عفوا ..حيكون الإشي كفيل إنك تصفن طول المحاضرة بالموقف اللي صار..
ومش مستبعد ترويه لشباب الحارة وتحدث نفسك فيه كل لحظة..
هسا وين الأكشن لما تفوت عالمحاضرة ثاني يوم..
غالبًا هي رح تحكيلك صباح الخير وإنت بدورك رح ترد عليها صباح النور..
مش بينكم سيت نمبر ونفس التخصص وقلم وقع عالأرض وهيكا..
ووقتها الحياة حتصير حلوة والعصافير تزقزق والفراشات تطير والهواء الطلق يحرك الستائر من على النافذة ومهما كانت أيدينا صغيرة أحلامنا تداعب النجوم !
هسا هون بتبلش قصتنا..
الفضول رح يدفعك تحكي معها وهي كذلك..
وعجروب الدفعة عالفيسبوك رح تحاول تلاقيها..
وأولها رح يكون نقاش عن المواد والدراسة والبطيخ..
بعدين ممكن يصير نقاش بأشياء شخصية..
ورح تنصدم قديه في أشياء مشتركة بينكم..
ورح تسألوا بعض شو صدفة إنه نكون نفس الكلية؟
شو صدفة تكونوا نفس الدفعة؟
والسيت نمبر جنب بعض ؟
يا الله مش طبيعي ..
ورح تستغرب إنها بتحب المنسف وبتشجع برشلونة وبتكتب باليمين وبتكره الملفوف وموقفها الحياد من الملوخية ..وهاي كلها شغلات سبحان الله مشتركة بينكم..
وبالتالي كلها مؤشرات حتكون أكبر دليل إلك إنه هاي البنت اللي رح تخوض قصة حب معها ورح تتزوجها إن شاء الله لما تتخرجوا وحتجيبوا ولاد حلوين ..
وممكن يصير بينكم خلاف على اسمائهم بس مش مشكلة يابا..
الله بعينك بنت..والواحد بدو يسايرها وأصلا إنت ما بهون عليك زعلها..
ولولا الخصام مكنش حب..
أو ممكن تنزل بوست: أخاصمك حتى أذيق قلبي حلاوة الرجوع إليك..
هي وقتها حتكيف عليك وترجعوا صحاب وحبايب..
أو في حال استمر الخلاف لفترة حتلاقي جنب اسمها عالفيسبوك: أنثى لا يكررها الزمن..
وإنت بترد: وأنا رجل لا يقدر بثمن..
مع صورة واحد داعس على وردة وعايش جو الدمار !
.
.
مالك بتضحك ؟
يابا أنا والله بحكي معك جد ..
رح تستغرب إنه كثير ناس بنظروا لحياتهم الجامعية بهذا الشكل..
وعفكرة الفصل الثاني رح يكتشف إنه البنت اللي حبها مش مناسبة إله..
ورح يصادف وحدة ثانية ممكن ما في بينهم أشياء كثير مشتركة زي الأولى بس هو أصلا ببحث عن وحدة مختلفة عنه حتى يكملوا بعض..
وسنة رابعة بكون تحول الموضوع لمرض..
وبكتشف إنه كان عايش وهم..
لكن المشكلة إنه رح يصرّ على هالوهم حتى بعد تخرجه وبشغله وما تستبعد حتى بعد زواجه!
.
.
في المقابل يابا..
رح تصادف ناس دخلوا الجامعة..
عارفين شو بدهم..
بدوروا عالخير دوارة..
بشتغلوا على حالهم بالقراءة والدورات والتطوع ..
ما سمحوا للذة لحظية تخليهم يبخلوا عن خير كبير بين إيديهم..
الرجل فيهم حافظ على رجولته..والبنت فيهم حافظت على أنوثتها..
صح ممكن الواحد فيهم يغلط..بس مباشرة كان يدرك إنه ربنا رحيم ويحريص يتعلم من غلطه ويعدّل مسار حياته..
كانوا كل صبح يدخلوا الجامعة وهمه بدعوا ربنا يحفظهم وينفع فيهم ويربط عقلوبهم..
كان القرآن بوصلتهم والعين اللي بشوفوا وبحكموا فيها عالأشياء..
كانوا يتلمسوا حاجات الطلاب حتى يساعدوهم..
وعمّال النظافة حتى يجبروا كسر قلوبهم..
كانوا عارفين إنه ربنا معهم وين ما يكونوا..
فكانوا حريصين يكونوا معاه وين ما كانوا !
====
سبق وقلتلك مش بفرض عليك أسلوب
هيّ أيام بتفصلك عن دوام الجامعة، ترى أنا فرحان أكثر منك لإني خلصت من نكد إمك كل يوم إنه شوف إبنك والله غير يرسب ويفضحنا !
بصراحة حاب أمارس دوري كأب وأحكيلك أكم شغلة تحطهم حلقة بذانك..
عشان تكون بالصورة أول يوم إلك في الجامعة رح تكون ملخوم رسمي..
طبعًا يفترض يرشدوك ناس وقت التسجيل وأول يوم جامعة..
إشي منهم برشدك لوجه الله وإشي منهم لمآرب آخرى رح تعرفها لحالك..
بس قد ما أرشدوك رح يضل الإشي جديد عليك ورح تشعر برهبة مش طبيعية..
إنه كيف هالمكان رح أمضي فيه فترة من عمري..؟ويا ترى شو طبيعة صحابي؟
والجامعة رح تكون سهلة ولا صعبة؟ معقول رح تغيرني؟
والسؤال الأهم: معقول أعيش قصة حب فيها ؟؟
.
.
أنا ما رح أفرض عليك إشي..
ولا بعتقد إنه مناسب أقيدك بطريقة معينة تعيش من خلالها حياتك الجامعية..
هذا إشي برجعلك والحلو إنك تعيش تجربتك لحالك.. وتدرك من نفسك شو الصح والغلط؟
بس مش غلط أنبهك على أكم شغلة سريعة..
حتصادف بنات كثير !
وأنا بعرفك يابا عهدك بالبنات خواتك وبنات عمك وخالك وبس..
بعرفش إذا مخبي عني إشي بس غالبًا لا..
لإنه لو آه كنت رح أكشفك وأخرب بيتك ههه
إنت لاحظ يابا مش بحاول أفرض عليك إشي..
.
.
هسا في الجامعة لما تدخل عالمحاضرة يعني الصف بلغتكم أهل المدارس..
فش إنك تقعد وين ما بدك..بتقعد على رقم الجلوس تاعك..
لا يابا ارحمني.. مش رقم الجلوس تاع التوجيهي !!!
هذا رقم بعطيك اياه الدكتور -الأستاذ يعني- أول المحاضرة وبتقعد عالكرسي اللي بحمل رقمك..
طبعا ممكن الدكتور ما يحكي رقم جلوس..ممكن يحكي "سيت نمبر" فخليك مصحصح معه..!
.
.
المهم غالبا رح يكون السيت نمبر اللي جنبك لبنت وممكن تكون بين بنتين كمان..
هسا اولها ممكن لو بنت وقعت قلم وإنت ناولتها اياه وحكتلك شكرا وإنت رديت عليها عفوا ..حيكون الإشي كفيل إنك تصفن طول المحاضرة بالموقف اللي صار..
ومش مستبعد ترويه لشباب الحارة وتحدث نفسك فيه كل لحظة..
هسا وين الأكشن لما تفوت عالمحاضرة ثاني يوم..
غالبًا هي رح تحكيلك صباح الخير وإنت بدورك رح ترد عليها صباح النور..
مش بينكم سيت نمبر ونفس التخصص وقلم وقع عالأرض وهيكا..
ووقتها الحياة حتصير حلوة والعصافير تزقزق والفراشات تطير والهواء الطلق يحرك الستائر من على النافذة ومهما كانت أيدينا صغيرة أحلامنا تداعب النجوم !
هسا هون بتبلش قصتنا..
الفضول رح يدفعك تحكي معها وهي كذلك..
وعجروب الدفعة عالفيسبوك رح تحاول تلاقيها..
وأولها رح يكون نقاش عن المواد والدراسة والبطيخ..
بعدين ممكن يصير نقاش بأشياء شخصية..
ورح تنصدم قديه في أشياء مشتركة بينكم..
ورح تسألوا بعض شو صدفة إنه نكون نفس الكلية؟
شو صدفة تكونوا نفس الدفعة؟
والسيت نمبر جنب بعض ؟
يا الله مش طبيعي ..
ورح تستغرب إنها بتحب المنسف وبتشجع برشلونة وبتكتب باليمين وبتكره الملفوف وموقفها الحياد من الملوخية ..وهاي كلها شغلات سبحان الله مشتركة بينكم..
وبالتالي كلها مؤشرات حتكون أكبر دليل إلك إنه هاي البنت اللي رح تخوض قصة حب معها ورح تتزوجها إن شاء الله لما تتخرجوا وحتجيبوا ولاد حلوين ..
وممكن يصير بينكم خلاف على اسمائهم بس مش مشكلة يابا..
الله بعينك بنت..والواحد بدو يسايرها وأصلا إنت ما بهون عليك زعلها..
ولولا الخصام مكنش حب..
أو ممكن تنزل بوست: أخاصمك حتى أذيق قلبي حلاوة الرجوع إليك..
هي وقتها حتكيف عليك وترجعوا صحاب وحبايب..
أو في حال استمر الخلاف لفترة حتلاقي جنب اسمها عالفيسبوك: أنثى لا يكررها الزمن..
وإنت بترد: وأنا رجل لا يقدر بثمن..
مع صورة واحد داعس على وردة وعايش جو الدمار !
.
.
مالك بتضحك ؟
يابا أنا والله بحكي معك جد ..
رح تستغرب إنه كثير ناس بنظروا لحياتهم الجامعية بهذا الشكل..
وعفكرة الفصل الثاني رح يكتشف إنه البنت اللي حبها مش مناسبة إله..
ورح يصادف وحدة ثانية ممكن ما في بينهم أشياء كثير مشتركة زي الأولى بس هو أصلا ببحث عن وحدة مختلفة عنه حتى يكملوا بعض..
وسنة رابعة بكون تحول الموضوع لمرض..
وبكتشف إنه كان عايش وهم..
لكن المشكلة إنه رح يصرّ على هالوهم حتى بعد تخرجه وبشغله وما تستبعد حتى بعد زواجه!
.
.
في المقابل يابا..
رح تصادف ناس دخلوا الجامعة..
عارفين شو بدهم..
بدوروا عالخير دوارة..
بشتغلوا على حالهم بالقراءة والدورات والتطوع ..
ما سمحوا للذة لحظية تخليهم يبخلوا عن خير كبير بين إيديهم..
الرجل فيهم حافظ على رجولته..والبنت فيهم حافظت على أنوثتها..
صح ممكن الواحد فيهم يغلط..بس مباشرة كان يدرك إنه ربنا رحيم ويحريص يتعلم من غلطه ويعدّل مسار حياته..
كانوا كل صبح يدخلوا الجامعة وهمه بدعوا ربنا يحفظهم وينفع فيهم ويربط عقلوبهم..
كان القرآن بوصلتهم والعين اللي بشوفوا وبحكموا فيها عالأشياء..
كانوا يتلمسوا حاجات الطلاب حتى يساعدوهم..
وعمّال النظافة حتى يجبروا كسر قلوبهم..
كانوا عارفين إنه ربنا معهم وين ما يكونوا..
فكانوا حريصين يكونوا معاه وين ما كانوا !
====
سبق وقلتلك مش بفرض عليك أسلوب
❤2👍1
معين تعيش من خلاله حياتك الجامعية..
بس هي قدامك نموذجين..
والقرآن لخصلك هالنموذجين وحكالك:
مَن كَانَ يُرِيدُ حَرْثَ الْآخِرَةِ نَزِدْ لَهُ فِي حَرْثِهِ ۖ وَمَن كَانَ يُرِيدُ حَرْثَ الدُّنْيَا نُؤْتِهِ مِنْهَا وَمَا لَهُ فِي الْآخِرَةِ مِن نَّصِيبٍ.
.
.
وإنت بتختار أي نموذج منهم بتريد !
#ARK
#القرآن_الجميل
بس هي قدامك نموذجين..
والقرآن لخصلك هالنموذجين وحكالك:
مَن كَانَ يُرِيدُ حَرْثَ الْآخِرَةِ نَزِدْ لَهُ فِي حَرْثِهِ ۖ وَمَن كَانَ يُرِيدُ حَرْثَ الدُّنْيَا نُؤْتِهِ مِنْهَا وَمَا لَهُ فِي الْآخِرَةِ مِن نَّصِيبٍ.
.
.
وإنت بتختار أي نموذج منهم بتريد !
#ARK
#القرآن_الجميل
❤1
أحيانًا بكون نفسي أنزل عالشارع وأوقف أي حد بصادفه بطريقي..
رح أوقفهم واحد واحد وأحكيلهم حكي يصحي قلوبهم..
.
.
.
- إصحي عحالك..
إنتِ عارفة الطريق اللي ماشية فيها لوين رح توصلك؟
عارفة الحسرة والألم والندم في آخرها..
مشان الله إصحي..!
- بتعرف إنه الظلم ظلمات..
بعرف إنك بتعرف بس بذكرك..
وترى في آخرة ربنا رح ينتقم فيها من كل ظالم..
ومش عارف شو في إشي في الحياة مستاهل نظلم الناس عشانه؟
وما تنسى: وَقَدْ خَابَ مَنْ حَمَلَ ظُلْمًا..
- بتعرفوا..
أزعم لذة ما بتتجاوز ساعة..
بس يا الله هالساعة شو مُرّة!!
إنتوا شايفين إنها بتستاهل نغضب ربنا ونخسر دينّا ونضحي بأخلاقنا ومبادئنا عشانها؟!
- طيب مش إنت ندمت؟ وتبت ؟ وحريص ما ترجع للغلط؟
مش إنت حالك بعد الغلط أحسن من قبله..
خلص إنسى..ربنا رح يقبلك توبتك صدقني..
بس احسن الظن فيه وأقبل عليه بصدق..
- بعرف بعرف إنك بكل مرة بتحكي هاي آخر مرة..
طيب إيش يعني تستسلم للشيطان ولذنوبك خلص؟!
ما تمل أرجوك !
وزاحم كل غلط بطاعة..
ولن يمل الله حتى تملوا..
- اسمعي أنا بعرف إنك بتحبيه!
بس هو بحبك؟!
لا لا ما تجاوبيني.. أنا ما دخلني..
جاوبي حالك..
وتذكري إنه لو كان بحبك رح يخاف الله فيك..!!
- والله حرام عليك تعشّمها وتعلّقها وتخرّب حياتها عشان بس ترضي غرورك وتشبع شهواتك!
حرااااام والله حرااام !
بكرا حتموت وتندم صدقني..!!
- مالِك؟ عفكرة الدنيا دار بلاء..
وربنا ما بحمل حد فوق طاقته..
يعني هذا البلاء ضمن وُسعك وطاقتك..
وتذكري مش كل كل إشي بنحبه في الدنيا يعني إلنا ومن نصيبنا..
وما يروح من بالك: أمر المؤمن كله خير..
كله كله !!
- اسمع اسمع..
شايف كل هالوجوه اللي بتهتم بنظرتها إلك !
ولا حد فيهم رح ينفعك بكرا..
مهما ساعدتهم وخدمتهم رح ينسوا..والله رح ينسوا..
بس ربنا ما بنسى..
عشان هيك إهتم بنظر ربنا فقط..
وهو بكفيك كل الوجوه!
- سيبك جد من كلام الناس..
وما تنسي الحياة الرحبة والفسيحة بين إيديك..
اشتغلي عحالك وحققي ذاتك وما تسمحي لكلام الناس يأثر عليك..
وأرجوك ما تنسي حظ روحك من القرآن..
وما تسمحي للدنيا تغيرك..
وإثبتي..
أرجوك إثبتي !
*
بعدين رح اجمعهم كلهم على صعيد واحد..
رح أصافح وجوههم واحد واحد..
بعرف إنهم ملّوا الخطب الطويلة..
عشان هيك رح اكتفي فقط ب3 كلمات:
ما تنسوا الله !
.
.
وَلَا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ
#القرآن_الجميل
#ARK
رح أوقفهم واحد واحد وأحكيلهم حكي يصحي قلوبهم..
.
.
.
- إصحي عحالك..
إنتِ عارفة الطريق اللي ماشية فيها لوين رح توصلك؟
عارفة الحسرة والألم والندم في آخرها..
مشان الله إصحي..!
- بتعرف إنه الظلم ظلمات..
بعرف إنك بتعرف بس بذكرك..
وترى في آخرة ربنا رح ينتقم فيها من كل ظالم..
ومش عارف شو في إشي في الحياة مستاهل نظلم الناس عشانه؟
وما تنسى: وَقَدْ خَابَ مَنْ حَمَلَ ظُلْمًا..
- بتعرفوا..
أزعم لذة ما بتتجاوز ساعة..
بس يا الله هالساعة شو مُرّة!!
إنتوا شايفين إنها بتستاهل نغضب ربنا ونخسر دينّا ونضحي بأخلاقنا ومبادئنا عشانها؟!
- طيب مش إنت ندمت؟ وتبت ؟ وحريص ما ترجع للغلط؟
مش إنت حالك بعد الغلط أحسن من قبله..
خلص إنسى..ربنا رح يقبلك توبتك صدقني..
بس احسن الظن فيه وأقبل عليه بصدق..
- بعرف بعرف إنك بكل مرة بتحكي هاي آخر مرة..
طيب إيش يعني تستسلم للشيطان ولذنوبك خلص؟!
ما تمل أرجوك !
وزاحم كل غلط بطاعة..
ولن يمل الله حتى تملوا..
- اسمعي أنا بعرف إنك بتحبيه!
بس هو بحبك؟!
لا لا ما تجاوبيني.. أنا ما دخلني..
جاوبي حالك..
وتذكري إنه لو كان بحبك رح يخاف الله فيك..!!
- والله حرام عليك تعشّمها وتعلّقها وتخرّب حياتها عشان بس ترضي غرورك وتشبع شهواتك!
حرااااام والله حرااام !
بكرا حتموت وتندم صدقني..!!
- مالِك؟ عفكرة الدنيا دار بلاء..
وربنا ما بحمل حد فوق طاقته..
يعني هذا البلاء ضمن وُسعك وطاقتك..
وتذكري مش كل كل إشي بنحبه في الدنيا يعني إلنا ومن نصيبنا..
وما يروح من بالك: أمر المؤمن كله خير..
كله كله !!
- اسمع اسمع..
شايف كل هالوجوه اللي بتهتم بنظرتها إلك !
ولا حد فيهم رح ينفعك بكرا..
مهما ساعدتهم وخدمتهم رح ينسوا..والله رح ينسوا..
بس ربنا ما بنسى..
عشان هيك إهتم بنظر ربنا فقط..
وهو بكفيك كل الوجوه!
- سيبك جد من كلام الناس..
وما تنسي الحياة الرحبة والفسيحة بين إيديك..
اشتغلي عحالك وحققي ذاتك وما تسمحي لكلام الناس يأثر عليك..
وأرجوك ما تنسي حظ روحك من القرآن..
وما تسمحي للدنيا تغيرك..
وإثبتي..
أرجوك إثبتي !
*
بعدين رح اجمعهم كلهم على صعيد واحد..
رح أصافح وجوههم واحد واحد..
بعرف إنهم ملّوا الخطب الطويلة..
عشان هيك رح اكتفي فقط ب3 كلمات:
ما تنسوا الله !
.
.
وَلَا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ
#القرآن_الجميل
#ARK
❤2
والله وصرتي سنفورة..!
يا الله الأيام..
لسه امبارح كنا أنا وإمك بنفكر شو نسميك..؟
هيّك كبرتي وصرتي صبية، وبنتهي حاضر رح يصير مجرد ذكريات..
.
.
ثقتي فيكِ عمياء..
أنا بعرف أنا وإمك شو ربينا..
لكن هذا لا يعني ما نخاف عليك..
وندعي ربنا بكل خطوة من خطواتك إنه يحفظك ويحميك..
.
.
شوفي يابا..
زي ما بتعرفي لا تزول قدما عبد حتى يسأل عن أربع، ومنها:
عن عمره فيما أفناه؟ وعن شبابه فيما أبلاه؟
وهذا اشي بخلي الواحد يصفن..!
طيب مش الشباب فترة من العمر..؟
يعني مش "عن عمره فيما أفناه" لحالها بتكفي...؟
لا يابا وكإنه العمر إشي ومرحلة الشباب إشي..
لإنه هالمرحلة إنتِ فيها بقمة نشاطتك وصحتك وعافيتك..
وكل إشي حابة تكوني عليه بالمستقبل بعتمد على خطواتك حاليا..
بعتمد على شو رح تعملي بالجامعة..؟
كيف رح نستثمري هالمرحلة من عمرك..؟
بدك تنشغلي بدراستك وتتفوقي فيها وبنفس الوقت تطوري من مهاراتك الشخصية بالتطوع والدورات وخدمة الناس وقضاء حوائجهم..؟
ولا بدك تتمختري في الجامعة تبحثي عن شب جذاب أو عاشق كذاب..!
.
.
ديري بالك تحصري حياة رحبة فسيحة بين ايدك بلذة لحظية آنية..
رح يتبعها ندم وحسرة طول حياتك..
وديري بالك تنسي المهمة اللي انخلقتي عشانها..
وإياك تنظري نظرة ازدراء لأي حد بختلف عنك..
ديري بالك من نظرة غلط لبنت لبسها ما عجبك..
عفكرة ممكن امتحانها في الدنيا تصارع شهواتها ورغباتها وتبحث عن الحق وتخضع إله.. وامتحانك في الحياة تساعديها وتوخذي بإيدها..
.
.
وما تفكري إنك لو خدمتي الطلاب بكتاب أو حصة مراجعة أو نشاط يعني عملتي اللي عليك اتجاههم..
كل ما سبق وسائل مهمة..
والغاية تخدمي أراوحهم اللي غاب عنها الوحي..وما ارتوت من أنوار القرآن..!
.
.
المسؤولية مش سهلة..
والتحدي كبير..
والأمانة أعرضت عنها أرض وسموات وأشفقت منها جبال..
وحملها قلبك !
.
.
فاحفظي الله يحفظكِ
احفظي الله يحفظك~
#القرآن_الجميل
#ARK
يا الله الأيام..
لسه امبارح كنا أنا وإمك بنفكر شو نسميك..؟
هيّك كبرتي وصرتي صبية، وبنتهي حاضر رح يصير مجرد ذكريات..
.
.
ثقتي فيكِ عمياء..
أنا بعرف أنا وإمك شو ربينا..
لكن هذا لا يعني ما نخاف عليك..
وندعي ربنا بكل خطوة من خطواتك إنه يحفظك ويحميك..
.
.
شوفي يابا..
زي ما بتعرفي لا تزول قدما عبد حتى يسأل عن أربع، ومنها:
عن عمره فيما أفناه؟ وعن شبابه فيما أبلاه؟
وهذا اشي بخلي الواحد يصفن..!
طيب مش الشباب فترة من العمر..؟
يعني مش "عن عمره فيما أفناه" لحالها بتكفي...؟
لا يابا وكإنه العمر إشي ومرحلة الشباب إشي..
لإنه هالمرحلة إنتِ فيها بقمة نشاطتك وصحتك وعافيتك..
وكل إشي حابة تكوني عليه بالمستقبل بعتمد على خطواتك حاليا..
بعتمد على شو رح تعملي بالجامعة..؟
كيف رح نستثمري هالمرحلة من عمرك..؟
بدك تنشغلي بدراستك وتتفوقي فيها وبنفس الوقت تطوري من مهاراتك الشخصية بالتطوع والدورات وخدمة الناس وقضاء حوائجهم..؟
ولا بدك تتمختري في الجامعة تبحثي عن شب جذاب أو عاشق كذاب..!
.
.
ديري بالك تحصري حياة رحبة فسيحة بين ايدك بلذة لحظية آنية..
رح يتبعها ندم وحسرة طول حياتك..
وديري بالك تنسي المهمة اللي انخلقتي عشانها..
وإياك تنظري نظرة ازدراء لأي حد بختلف عنك..
ديري بالك من نظرة غلط لبنت لبسها ما عجبك..
عفكرة ممكن امتحانها في الدنيا تصارع شهواتها ورغباتها وتبحث عن الحق وتخضع إله.. وامتحانك في الحياة تساعديها وتوخذي بإيدها..
.
.
وما تفكري إنك لو خدمتي الطلاب بكتاب أو حصة مراجعة أو نشاط يعني عملتي اللي عليك اتجاههم..
كل ما سبق وسائل مهمة..
والغاية تخدمي أراوحهم اللي غاب عنها الوحي..وما ارتوت من أنوار القرآن..!
.
.
المسؤولية مش سهلة..
والتحدي كبير..
والأمانة أعرضت عنها أرض وسموات وأشفقت منها جبال..
وحملها قلبك !
.
.
فاحفظي الله يحفظكِ
احفظي الله يحفظك~
#القرآن_الجميل
#ARK
❤1
ما في حد يخطب فينا الجمعة..
شيخنا مسافر وكان يفترض الأوقاف تبعث شيخ بداله بس يبدو صارت خربطة وما وصلنا حد..
والمؤذن مش أهل لهيك خطوة..فاضطر يمسك المايك ويحكي:
يخوان اللي بشوف نفسه أهل يخطب فينا يقدّم نفسه..
.
.
ما حد بادر واستمر هالمشهد لدقائق حتى وقف شخص بأول الثلاثينيات من عمره..
كثير هيئته مرتبة وبنفس الوقت مش مبين عليه هالشخص اللي ممكن يقبِل على هيك حركة..
فتحوله الناس الطريق وصعد على المنبر بخطوات ثابتة ورزينة..
أذن المؤذن وخلص الأذان..
وكل المسجد من دون استثناء بُرقبوا هالشب شو رح يحكي ؟
وهل رح ينجح بمهمة انعرضت عليه من دقائق..؟
الناس كان دافعها الفضول ولأول مرة بشوف هالكم الهائل من التركيز والترقب والإنتباه.
الفضول زاد عند الناس لما الشب تأخر بعد الأذان وهو قاعد..
كان رافع إيديه ومستغرق بالدعاء بشكل ملفت..
وقف الشب وضرب ضربتين على المايك حتى يتأكد إذا شغال أو لأ..
بعدها أخذ نفس عميق..
.
.
حمد ربنا وأثنى عليه..
وصلى على سيدنا محمد صلى الله عليه وسلم..
وبنبرة صوت جادة لأبعد حد..
مذهلة ومدهشة فوق التصور..
ما جوّد ولا تغنّى وكان بحكي طبيعي..
بس كانت أشبه بنبرة شخص بحكي شعر..
.
.
-هَلْ أَتَاكَ حَدِيثُ الْغَاشِيَةِ ؟؟
"كل حد فينا شعر إنه السؤال موجه إله بشكل شخصي.."
-وُجُوهٌ يَوْمَئِذٍ خَاشِعَةٌ
"حكاها بملامح خاشعة وكإنه الأية تجسدت على معالم وجهه.."
-عَامِلَةٌ نَّاصِبَةٌ
-تَصْلَى نَارًا حَامِيَةً
-تُسْقَى مِنْ عَيْنٍ آنِيَةٍ
-لَّيْسَ لَهُمْ طَعَامٌ إِلاَّ مِن ضَرِيعٍ
-لا يُسْمِنُ وَلا يُغْنِي مِن جُوعٍ
"كان لحظتها بأشر على بطنه "
-وُجُوهٌ يَوْمَئِذٍ نَّاعِمَةٌ
"مسح بإيده مسحة رضا على وجهه مع ابتسامة خفيفة"
-لِسَعْيِهَا رَاضِيَةٌ
"استحال الرضى على ملامح وجهُ الصادقة"
-فِي جَنَّةٍ عَالِيَةٍ
"أشار بإيده لفوق مع ابتسامة صغيرة"..
-لّا تَسْمَعُ فِيهَا لاغِيَةً
" كان بعمل إشارة (لأ) باصبعه وبعدها أشار لذانه "
-فِيهَا عَيْنٌ جَارِيَةٌ
"كان بأشر للأرض"
-فِيهَا سُرُرٌ مَّرْفُوعَةٌ
" لفـــــوق"
-وَأَكْوَابٌ مَّوْضُوعَةٌ
-وَنَمَارِقُ مَصْفُوفَةٌ
-وَزَرَابِيُّ مَبْثُوثَةٌ
"بلغة جسد رهيبة"
-أَفَلا يَنظُرُونَ إِلَى الإِبِلِ كَيْفَ خُلِقَتْ؟
"سؤال ثاني موجه إلنا بشكل شخصي.."
-وَإِلَى السَّمَاء كَيْفَ رُفِعَتْ؟
السؤال كإنه أول مرة بنسمعه بحياتنا..
"مد كلمة السمـــاء كثير .. وأشار إلها "
-وَإِلَى الْجِبَالِ كَيْفَ نُصِبَتْ؟
"رفع صوته مع كلمة الجبال"
-وَإِلَى الأَرْضِ كَيْفَ سُطِحَتْ؟
"خفض صوته "
-فَذَكِّرْ إِنَّمَا أَنتَ مُذَكِّرٌ
"سكت كثير بعد كلمة (فذكر) "
-لَّسْتَ عَلَيْهِم بِمُصَيْطِرٍ
"كان بأشر باصبعه إنه لأ "
-إِلاَّ مَن تَوَلَّى وَكَفَرَ
"مع كلمة (إلا) رفع إيده وأشار باصبع السبابة للسماء"
-فَيُعَذِّبُهُ اللَّهُ الْعَذَابَ الأَكْبَرَ
"نزل إيده بسرعه"
-إِنَّ إِلَيْنَا إِيَابَهُمْ
"أخذ نفس عميق بعدها "
-ثُمَّ إِنَّ عَلَيْنَا حِسَابَهُمْ
"حكاها بصوت منخفض جدا "
وبنبره حزينة اخترقت شغاف قلوبنا..
.
.
.
أقول قولي هذا وأستغفر الله لي ولكم، فيا فوز المستغفرين استغفروا الله..
-------------------
#القرآن_الجميل
#ARK
شيخنا مسافر وكان يفترض الأوقاف تبعث شيخ بداله بس يبدو صارت خربطة وما وصلنا حد..
والمؤذن مش أهل لهيك خطوة..فاضطر يمسك المايك ويحكي:
يخوان اللي بشوف نفسه أهل يخطب فينا يقدّم نفسه..
.
.
ما حد بادر واستمر هالمشهد لدقائق حتى وقف شخص بأول الثلاثينيات من عمره..
كثير هيئته مرتبة وبنفس الوقت مش مبين عليه هالشخص اللي ممكن يقبِل على هيك حركة..
فتحوله الناس الطريق وصعد على المنبر بخطوات ثابتة ورزينة..
أذن المؤذن وخلص الأذان..
وكل المسجد من دون استثناء بُرقبوا هالشب شو رح يحكي ؟
وهل رح ينجح بمهمة انعرضت عليه من دقائق..؟
الناس كان دافعها الفضول ولأول مرة بشوف هالكم الهائل من التركيز والترقب والإنتباه.
الفضول زاد عند الناس لما الشب تأخر بعد الأذان وهو قاعد..
كان رافع إيديه ومستغرق بالدعاء بشكل ملفت..
وقف الشب وضرب ضربتين على المايك حتى يتأكد إذا شغال أو لأ..
بعدها أخذ نفس عميق..
.
.
حمد ربنا وأثنى عليه..
وصلى على سيدنا محمد صلى الله عليه وسلم..
وبنبرة صوت جادة لأبعد حد..
مذهلة ومدهشة فوق التصور..
ما جوّد ولا تغنّى وكان بحكي طبيعي..
بس كانت أشبه بنبرة شخص بحكي شعر..
.
.
-هَلْ أَتَاكَ حَدِيثُ الْغَاشِيَةِ ؟؟
"كل حد فينا شعر إنه السؤال موجه إله بشكل شخصي.."
-وُجُوهٌ يَوْمَئِذٍ خَاشِعَةٌ
"حكاها بملامح خاشعة وكإنه الأية تجسدت على معالم وجهه.."
-عَامِلَةٌ نَّاصِبَةٌ
-تَصْلَى نَارًا حَامِيَةً
-تُسْقَى مِنْ عَيْنٍ آنِيَةٍ
-لَّيْسَ لَهُمْ طَعَامٌ إِلاَّ مِن ضَرِيعٍ
-لا يُسْمِنُ وَلا يُغْنِي مِن جُوعٍ
"كان لحظتها بأشر على بطنه "
-وُجُوهٌ يَوْمَئِذٍ نَّاعِمَةٌ
"مسح بإيده مسحة رضا على وجهه مع ابتسامة خفيفة"
-لِسَعْيِهَا رَاضِيَةٌ
"استحال الرضى على ملامح وجهُ الصادقة"
-فِي جَنَّةٍ عَالِيَةٍ
"أشار بإيده لفوق مع ابتسامة صغيرة"..
-لّا تَسْمَعُ فِيهَا لاغِيَةً
" كان بعمل إشارة (لأ) باصبعه وبعدها أشار لذانه "
-فِيهَا عَيْنٌ جَارِيَةٌ
"كان بأشر للأرض"
-فِيهَا سُرُرٌ مَّرْفُوعَةٌ
" لفـــــوق"
-وَأَكْوَابٌ مَّوْضُوعَةٌ
-وَنَمَارِقُ مَصْفُوفَةٌ
-وَزَرَابِيُّ مَبْثُوثَةٌ
"بلغة جسد رهيبة"
-أَفَلا يَنظُرُونَ إِلَى الإِبِلِ كَيْفَ خُلِقَتْ؟
"سؤال ثاني موجه إلنا بشكل شخصي.."
-وَإِلَى السَّمَاء كَيْفَ رُفِعَتْ؟
السؤال كإنه أول مرة بنسمعه بحياتنا..
"مد كلمة السمـــاء كثير .. وأشار إلها "
-وَإِلَى الْجِبَالِ كَيْفَ نُصِبَتْ؟
"رفع صوته مع كلمة الجبال"
-وَإِلَى الأَرْضِ كَيْفَ سُطِحَتْ؟
"خفض صوته "
-فَذَكِّرْ إِنَّمَا أَنتَ مُذَكِّرٌ
"سكت كثير بعد كلمة (فذكر) "
-لَّسْتَ عَلَيْهِم بِمُصَيْطِرٍ
"كان بأشر باصبعه إنه لأ "
-إِلاَّ مَن تَوَلَّى وَكَفَرَ
"مع كلمة (إلا) رفع إيده وأشار باصبع السبابة للسماء"
-فَيُعَذِّبُهُ اللَّهُ الْعَذَابَ الأَكْبَرَ
"نزل إيده بسرعه"
-إِنَّ إِلَيْنَا إِيَابَهُمْ
"أخذ نفس عميق بعدها "
-ثُمَّ إِنَّ عَلَيْنَا حِسَابَهُمْ
"حكاها بصوت منخفض جدا "
وبنبره حزينة اخترقت شغاف قلوبنا..
.
.
.
أقول قولي هذا وأستغفر الله لي ولكم، فيا فوز المستغفرين استغفروا الله..
-------------------
#القرآن_الجميل
#ARK
❤2
في ناس وقعوا بأغلاط ما كانوا بتوقعوا بيوم من الأيام إنهم ممكن يوقعوا فيها..
ولا حتى أقرب الناس إلهم ممكن يصدقوا إنه فلان وقع هالوقعة..
كيف رح يصدقوا وهو فلان ؟! اللي بطلبوا منه يدعيلهم ويساعدهم وياخد بايدهم..
.
.
وإذا كان هالإنسان اللي وقع فيه خير وقلبه لسه صاحي..
رح يعيش صراع مخيف ويتهم نفسه بالنفاق بكل لحظة بتذكر فيها أخطاء وهفوات الماضي..
وكل ما عينه تلمح ناس حافظوا على حالهم وما غلطوا زي ما غلط، بلوم نفسه الضعيفة والمقصرة وبقسو عليها، وبجلد ذاته وبشعر إنه في آخر الركب وفاته من الخير والفضل الكثير..
.
.
مش هون المشكلة بس..
المشكلة إنه ندمك وعارك من أخطاء الماضي لساته مسيطر عليك وعلى طريقة تفكيرك..
وبالتالي بُحكُم على طريقة تصرفك وتعاملك مع أخطاء الحاضر..
وللأسف بتصير الإنسان الهزيل والرث والضعيف في مواجهة شهواته ورغباته..
وهذا يعني إنك رح تفقد قدرتك على خوض صراعات الحاضر..
بحجة إنك انهزمت في الماضي..
.
.
طيب والحل؟؟
الحل إنك تفتح القرآن وتستعرض آيات الرحمة والتوبة والمغفرة..
وتسأل حالك مثلا: إنه كيف الواحد لو تاب ربنا رح يبدل سيئاته حسنات؟؟
يعني معقول لهدرجة؟ طيب كيف؟ وجد ذنوب الماضي بتصير حسنات؟؟
الفكرة إنه إنت وقعت في ذنب..ماشي؟
وقدرت تتجاوزه وتتحداه وتقهره..
واخلصت توبتك لله..
فهذا يعني إنه خطواتك بتستاهل عليها إنه يتحول هالذنب لحسنات !
يعني الصراع اللي بتخوضه في قهر ذنبك وتجاوزه إشي مش سهل..
والثبات بعد لذة المعصية مش إشي هيّن..
وهذا تحدي مش كل الناس بتقدر عليه..
عشان هيك :
فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ
.
.
والحل كمان..
إنك تتخلص من أخطاء الماضي ما دامك تبت منها..
أو تخليها حافز ودافع إلك تجتهد من خلالها للحاضر وتزاحم فيها أخطاء الماضي..
.
.
ولو إنك زعلان على حالك عشان في ناس سبقوك وما غلطوا بالماضي زيك..
فالمقارنة من أصلها غلط لإنه كل حد فينا إله تحدي واختبار شكل..
ويا سيدي بكل الاحوال هي قدامك حاضر تنافسهم وتسبقهم فيه ..
والعبرة بمن صدق لا لمن سبق !
#القرآن_الجميل
#كتاب_شهوة 🍎
#ARK
ولا حتى أقرب الناس إلهم ممكن يصدقوا إنه فلان وقع هالوقعة..
كيف رح يصدقوا وهو فلان ؟! اللي بطلبوا منه يدعيلهم ويساعدهم وياخد بايدهم..
.
.
وإذا كان هالإنسان اللي وقع فيه خير وقلبه لسه صاحي..
رح يعيش صراع مخيف ويتهم نفسه بالنفاق بكل لحظة بتذكر فيها أخطاء وهفوات الماضي..
وكل ما عينه تلمح ناس حافظوا على حالهم وما غلطوا زي ما غلط، بلوم نفسه الضعيفة والمقصرة وبقسو عليها، وبجلد ذاته وبشعر إنه في آخر الركب وفاته من الخير والفضل الكثير..
.
.
مش هون المشكلة بس..
المشكلة إنه ندمك وعارك من أخطاء الماضي لساته مسيطر عليك وعلى طريقة تفكيرك..
وبالتالي بُحكُم على طريقة تصرفك وتعاملك مع أخطاء الحاضر..
وللأسف بتصير الإنسان الهزيل والرث والضعيف في مواجهة شهواته ورغباته..
وهذا يعني إنك رح تفقد قدرتك على خوض صراعات الحاضر..
بحجة إنك انهزمت في الماضي..
.
.
طيب والحل؟؟
الحل إنك تفتح القرآن وتستعرض آيات الرحمة والتوبة والمغفرة..
وتسأل حالك مثلا: إنه كيف الواحد لو تاب ربنا رح يبدل سيئاته حسنات؟؟
يعني معقول لهدرجة؟ طيب كيف؟ وجد ذنوب الماضي بتصير حسنات؟؟
الفكرة إنه إنت وقعت في ذنب..ماشي؟
وقدرت تتجاوزه وتتحداه وتقهره..
واخلصت توبتك لله..
فهذا يعني إنه خطواتك بتستاهل عليها إنه يتحول هالذنب لحسنات !
يعني الصراع اللي بتخوضه في قهر ذنبك وتجاوزه إشي مش سهل..
والثبات بعد لذة المعصية مش إشي هيّن..
وهذا تحدي مش كل الناس بتقدر عليه..
عشان هيك :
فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ
.
.
والحل كمان..
إنك تتخلص من أخطاء الماضي ما دامك تبت منها..
أو تخليها حافز ودافع إلك تجتهد من خلالها للحاضر وتزاحم فيها أخطاء الماضي..
.
.
ولو إنك زعلان على حالك عشان في ناس سبقوك وما غلطوا بالماضي زيك..
فالمقارنة من أصلها غلط لإنه كل حد فينا إله تحدي واختبار شكل..
ويا سيدي بكل الاحوال هي قدامك حاضر تنافسهم وتسبقهم فيه ..
والعبرة بمن صدق لا لمن سبق !
#القرآن_الجميل
#كتاب_شهوة 🍎
#ARK
❤1👍1
شفت صاحبك اللي كل ما يشوفك ببتسم بوجهك..
طيب شفته كيف عصّب عليك لما حكيتله: يييي انسيت أصلي الظهر!
أو لما مرة شكيتله من حالك وتقصيرك ووقتها هوّن عليك وأحيا الأمل في قلبك..
ذاكر كم مرة حكالك: أبشر ..قبل ما يعرف شو بدك منه ؟
نفسه اللي خطر ببالك لما مريت على آية: سَنَشُدُّ عَضُدَكَ بِأَخِيكَ.
.
.
شفتي صاحبتك اللي شاركتك دموعك أكثر من مرّة..!
لما بكت معك قبل ما تعرف مالك!!
شفتيها وهي بتحكيلك أصبري شوي بدي أزبطلك شالك..
أو لمّا مرة بعتتلك إنها بتحبك من غير أي مناسبة ..
ذاكرة كم مرة جننتك عشان تحضري معها حلقات المصلى ..
وأحلى اشي لما مرة حكتلك: لو بتعرفي قدّيش بدعيلك !
.
.
مع الوقت أدركت إنه الصديق الحقيقي مش بس الحريص على دنيتي ..
لا .. وكمان الحريص على آخرتي !
.
.
.
{وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا}
#القرآن_الجميل
#ARK
طيب شفته كيف عصّب عليك لما حكيتله: يييي انسيت أصلي الظهر!
أو لما مرة شكيتله من حالك وتقصيرك ووقتها هوّن عليك وأحيا الأمل في قلبك..
ذاكر كم مرة حكالك: أبشر ..قبل ما يعرف شو بدك منه ؟
نفسه اللي خطر ببالك لما مريت على آية: سَنَشُدُّ عَضُدَكَ بِأَخِيكَ.
.
.
شفتي صاحبتك اللي شاركتك دموعك أكثر من مرّة..!
لما بكت معك قبل ما تعرف مالك!!
شفتيها وهي بتحكيلك أصبري شوي بدي أزبطلك شالك..
أو لمّا مرة بعتتلك إنها بتحبك من غير أي مناسبة ..
ذاكرة كم مرة جننتك عشان تحضري معها حلقات المصلى ..
وأحلى اشي لما مرة حكتلك: لو بتعرفي قدّيش بدعيلك !
.
.
مع الوقت أدركت إنه الصديق الحقيقي مش بس الحريص على دنيتي ..
لا .. وكمان الحريص على آخرتي !
.
.
.
{وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا}
#القرآن_الجميل
#ARK
❤2👍1
في بداية كل فصل..وبداية كل يوم..الواحد بتفقد كل إشي.. !
-شو بدي ألبس ..؟
-الجدول ..
-لازم أحلق
- لازمني شالات جديدة
- وين نلتقي بكرا..؟
- بدي أدبر سيارة..
- أي ساعة أتحرك؟
- أحضر ولا اطنش ؟
- لازم أمر عالدكتور..
-
-
-
.
.
- طيــب و قلبك ؟!
____
لَاهِيَةً قُلُوبُهُمْ ۗ .. !
.
.
السير إلى الله سير قلوب لا سير أبدان
فما تنسى تتفقد قلبك كمان!
#القرآن_الجميل
#ARK
-شو بدي ألبس ..؟
-الجدول ..
-لازم أحلق
- لازمني شالات جديدة
- وين نلتقي بكرا..؟
- بدي أدبر سيارة..
- أي ساعة أتحرك؟
- أحضر ولا اطنش ؟
- لازم أمر عالدكتور..
-
-
-
.
.
- طيــب و قلبك ؟!
____
لَاهِيَةً قُلُوبُهُمْ ۗ .. !
.
.
السير إلى الله سير قلوب لا سير أبدان
فما تنسى تتفقد قلبك كمان!
#القرآن_الجميل
#ARK
❤1