أنا كثير تعبت والله !
مش قادر الاقي حل..مش قادر أرجع لربنا..
ما أظنه يرحمني بعد كل إشي عملته..
خجلان أحكي معه وادعيه وأبكي بين إيديه..!
اليأس سيطر عليّ..
حتى بحياتي كثير انحرمت من أشياء كنت بمتلكها وكثير
في أشياء نفسي فيها..
(يأس!)
هالكلمة بتلخص حياتي حرفيّا..
يأس من رحمة الله..يأس من أشياء فقدتها..يأس من أشياء بطلبها وما قدرت أحصّلها!
----------------
القرآن تناول اليأس من 3 جوانب، نفس كلام صاحبنا:
- يأس من رحمة الله: لا تَقْنَطُوا مِنْ رَحْمَةِ اللَّهِ
- يأس من مفقود: اذْهَبُوا فَتَحَسَّسُوا مِن يُوسُفَ وَأَخِيهِ وَلَا تَيْأَسُوا مِن رَّوْحِ اللَّهِ ۖ
- يأس من مطلوب: قَالُوا بَشَّرْنَاكَ بِالْحَقِّ فَلَا تَكُن مِّنَ الْقَانِطِينَ
لكــــــن القرآن بتناول اليأس في سياق النهي: لا...ولا...فلا...!
القرآن بنهاك عن اليأس..
لكنه ما بكتفي بنهيك وتحذيرك..
مجرد ما قلّبت صفحاته رح تصادف آيات كثيرة تذكرك برحمة ربنا، وآيات كثيرة بتظهر قدرة وعظمة الله، وآيات بتتناول قصص ناس جبر الله بخاطرها وعوضها..
هالآيات عبارة عن عزاء إلك..
وتذكير إلك بكل مرة بتسلل فيها اليأس لقلبك..
والخلاصة:
لا..ولا.. فلا
أكبر من كل يأسك!
#القرآن_الجميل
#ARK
مش قادر الاقي حل..مش قادر أرجع لربنا..
ما أظنه يرحمني بعد كل إشي عملته..
خجلان أحكي معه وادعيه وأبكي بين إيديه..!
اليأس سيطر عليّ..
حتى بحياتي كثير انحرمت من أشياء كنت بمتلكها وكثير
في أشياء نفسي فيها..
(يأس!)
هالكلمة بتلخص حياتي حرفيّا..
يأس من رحمة الله..يأس من أشياء فقدتها..يأس من أشياء بطلبها وما قدرت أحصّلها!
----------------
القرآن تناول اليأس من 3 جوانب، نفس كلام صاحبنا:
- يأس من رحمة الله: لا تَقْنَطُوا مِنْ رَحْمَةِ اللَّهِ
- يأس من مفقود: اذْهَبُوا فَتَحَسَّسُوا مِن يُوسُفَ وَأَخِيهِ وَلَا تَيْأَسُوا مِن رَّوْحِ اللَّهِ ۖ
- يأس من مطلوب: قَالُوا بَشَّرْنَاكَ بِالْحَقِّ فَلَا تَكُن مِّنَ الْقَانِطِينَ
لكــــــن القرآن بتناول اليأس في سياق النهي: لا...ولا...فلا...!
القرآن بنهاك عن اليأس..
لكنه ما بكتفي بنهيك وتحذيرك..
مجرد ما قلّبت صفحاته رح تصادف آيات كثيرة تذكرك برحمة ربنا، وآيات كثيرة بتظهر قدرة وعظمة الله، وآيات بتتناول قصص ناس جبر الله بخاطرها وعوضها..
هالآيات عبارة عن عزاء إلك..
وتذكير إلك بكل مرة بتسلل فيها اليأس لقلبك..
والخلاصة:
لا..ولا.. فلا
أكبر من كل يأسك!
#القرآن_الجميل
#ARK
ممكن ما حد يحكيلي الأصل إنك ما غلطت هيك أغلاط..!
خلص غلطت ومش وقته هالحكي..
وما حد أرجوكم يقارنلي بين عز الطاعة وذل المعصية..لإني جربت وعرفت!
وبعرف إنه ربنا أمهلني مرة ومرتين وألف.. وإنه كان ممكن بعزّ الغلط يقبض روحي..
ومش بحاجة إنكم تنصحوني إنه لازم أستر عحالي، لإني والله مستحيل أجاهر بغلط..وكله بيني وبين ربي..
كل إشي ممكن تحكولي اياه بعرفه..وممكن بقدر أصيغه بشكل أفضل منكم..!
.
.
في هالليالي مش وقت هالحكي!
ممكن وقت تحكولي إنه في أمل أرجع لربنا !
احكولي إنه ربنا زي ما هو رحيم وكريم كمان قادر..
قادر ينتشلني وينقذني ويساعدني وياخد بايدي..
احكولي عن لحظة ينظرلي فيها نظرة رضا وما يسخط عليّ بعدها أبدا..
أو لما ينادي في السماء إنه غفرلي..
أو ينادي إنه بحبني..!!
آه يحبني..
احكولي عن آية: إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ.
وعادي أسمع منكم قصة موسى لما قتل شخص وربنا غفرله؟
قَالَ رَبِّ إِنِّي ظَلَمْتُ نَفْسِي فَاغْفِرْ لِي فَغَفَرَ لَهُ ۚ إِنَّهُ هُوَ الْغَفُورُ الرَّحِيمُ
طيّب آدم: فَتَلَقَّىٰ آدَمُ مِن رَّبِّهِ كَلِمَاتٍ فَتَابَ عَلَيْهِ ۚ إِنَّهُ هُوَ التَّوَّابُ الرَّحِيمُ.
احكولي عن الإستثناء في آية: إِلَّا الَّذِينَ تَابُوا مِنْ بَعْدِ ذَٰلِكَ وَأَصْلَحُوا فَإِنَّ اللَّهَ غَفُورٌ رَحِيمٌ
وهديك الآية تاعت يا عبادي.
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
.
.
------------
غلطت وأسرفت عنفسي..!
وبعترف بضعفي وعجزي وتقصيري..
وكثير خجلان من ربنا كم ستر عليّ..
كم امهلني وسامحني..
وبكل مرة كنت ارجعله كان يقبلني..
احكولي إنه كمان هالأيام رح يقبلني وما يردني..
احكولي إنه عفو وكريم وبحب العفو ورح يعفو عني!
#ARK
خلص غلطت ومش وقته هالحكي..
وما حد أرجوكم يقارنلي بين عز الطاعة وذل المعصية..لإني جربت وعرفت!
وبعرف إنه ربنا أمهلني مرة ومرتين وألف.. وإنه كان ممكن بعزّ الغلط يقبض روحي..
ومش بحاجة إنكم تنصحوني إنه لازم أستر عحالي، لإني والله مستحيل أجاهر بغلط..وكله بيني وبين ربي..
كل إشي ممكن تحكولي اياه بعرفه..وممكن بقدر أصيغه بشكل أفضل منكم..!
.
.
في هالليالي مش وقت هالحكي!
ممكن وقت تحكولي إنه في أمل أرجع لربنا !
احكولي إنه ربنا زي ما هو رحيم وكريم كمان قادر..
قادر ينتشلني وينقذني ويساعدني وياخد بايدي..
احكولي عن لحظة ينظرلي فيها نظرة رضا وما يسخط عليّ بعدها أبدا..
أو لما ينادي في السماء إنه غفرلي..
أو ينادي إنه بحبني..!!
آه يحبني..
احكولي عن آية: إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ.
وعادي أسمع منكم قصة موسى لما قتل شخص وربنا غفرله؟
قَالَ رَبِّ إِنِّي ظَلَمْتُ نَفْسِي فَاغْفِرْ لِي فَغَفَرَ لَهُ ۚ إِنَّهُ هُوَ الْغَفُورُ الرَّحِيمُ
طيّب آدم: فَتَلَقَّىٰ آدَمُ مِن رَّبِّهِ كَلِمَاتٍ فَتَابَ عَلَيْهِ ۚ إِنَّهُ هُوَ التَّوَّابُ الرَّحِيمُ.
احكولي عن الإستثناء في آية: إِلَّا الَّذِينَ تَابُوا مِنْ بَعْدِ ذَٰلِكَ وَأَصْلَحُوا فَإِنَّ اللَّهَ غَفُورٌ رَحِيمٌ
وهديك الآية تاعت يا عبادي.
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
.
.
------------
غلطت وأسرفت عنفسي..!
وبعترف بضعفي وعجزي وتقصيري..
وكثير خجلان من ربنا كم ستر عليّ..
كم امهلني وسامحني..
وبكل مرة كنت ارجعله كان يقبلني..
احكولي إنه كمان هالأيام رح يقبلني وما يردني..
احكولي إنه عفو وكريم وبحب العفو ورح يعفو عني!
#ARK
مرة من المرات رحت تصدقت بنية إنه ربنا يحفظني ويثبتني وما يفتني..
بتذكر ليلتها دعيت ربنا بكل صدق إنه يارب أرجوك ثبتني لاني لما أعصيك بكرهني!
بس الله ما استجاب!
أيام معدودة ووقعت بغلط ما كنت متوقع إني ممكن أوقع فيه..
ممكن غرّتني صدقاتي ودعواتي وظنيت إنها شيء كافي..
بعدها..
خاطبت ربنا بأسلوب مش لائق للأسف...
كان كلامي بحمل في طيّاته عتب!
طيّب يا رب أنا تصدقت ودعيتك وبكيت بين إيديك...ليه ما حفظتني؟
أنا ما طلبت منك شيء دنيوي..أنا بس بدي ما أعصيك...ليه ما استجبتلي؟؟!
انتهى العتاب بـــ آسف يارب!
وطلبت منه يسامحني على أسلوبي وكلامي بس والله لحظتها كان قلبي بحرقني..
.
.
تبت من غلطي وما رجعت إله أبدا لكنه ظل حمل ثقيل جواتي..
حسيته غلط كسرني وغيّر نظرتي اتجاه نفسي..
صرت أحسد كل شخص ما غلط مثلي..
صرت أقارن حالي مع غيري وأقول لا همّه ما غلطوا غلطي..
والله تعبت واكتئبت وفقدت شغفي وحماسي..
كنت متأكد إنه ربنا سامحني..لكن انا ما سامحت حالي..
وضل هالغلط مثل ندبة...
زال وجعها لكن ظل أثرها محفور جوا روحي..
.
.
مع الأيام اكتشفت إنه محور حياتي صار هالغلط..
حتى لو ربنا غفرلي.. بس كنت حريص أغفر لنفسي..
اكتشفت إنه هالغلط غيّرلي كثير أشياء بحياتي..
صرت اكثر حذر بعده..صرت أفضل بعده..
قلبي صار ألين...ودموعي اللي كنت بتغلب أنزلها صارت مع كلمة يا رب تنسال لحالها ع خدي..
صلاتي صارت أحسن..وحتى صدقاتي..
وقدرت الحمدلله أساعد كثير ناس وقعوا بنفس غلطي لإني فاهمهم..
وقدرت أمنع كثير ناس قبل ما يوقعوا وأحذرهم..
أنا إنسان جديد بعد هالغلط..!
--------------
أحيانا الخير إلك بغلط يصحيك ويحذرك ويعلمك..
أحيانا الخير إلك بغلط وذنب يكسرك!
#ARK
بتذكر ليلتها دعيت ربنا بكل صدق إنه يارب أرجوك ثبتني لاني لما أعصيك بكرهني!
بس الله ما استجاب!
أيام معدودة ووقعت بغلط ما كنت متوقع إني ممكن أوقع فيه..
ممكن غرّتني صدقاتي ودعواتي وظنيت إنها شيء كافي..
بعدها..
خاطبت ربنا بأسلوب مش لائق للأسف...
كان كلامي بحمل في طيّاته عتب!
طيّب يا رب أنا تصدقت ودعيتك وبكيت بين إيديك...ليه ما حفظتني؟
أنا ما طلبت منك شيء دنيوي..أنا بس بدي ما أعصيك...ليه ما استجبتلي؟؟!
انتهى العتاب بـــ آسف يارب!
وطلبت منه يسامحني على أسلوبي وكلامي بس والله لحظتها كان قلبي بحرقني..
.
.
تبت من غلطي وما رجعت إله أبدا لكنه ظل حمل ثقيل جواتي..
حسيته غلط كسرني وغيّر نظرتي اتجاه نفسي..
صرت أحسد كل شخص ما غلط مثلي..
صرت أقارن حالي مع غيري وأقول لا همّه ما غلطوا غلطي..
والله تعبت واكتئبت وفقدت شغفي وحماسي..
كنت متأكد إنه ربنا سامحني..لكن انا ما سامحت حالي..
وضل هالغلط مثل ندبة...
زال وجعها لكن ظل أثرها محفور جوا روحي..
.
.
مع الأيام اكتشفت إنه محور حياتي صار هالغلط..
حتى لو ربنا غفرلي.. بس كنت حريص أغفر لنفسي..
اكتشفت إنه هالغلط غيّرلي كثير أشياء بحياتي..
صرت اكثر حذر بعده..صرت أفضل بعده..
قلبي صار ألين...ودموعي اللي كنت بتغلب أنزلها صارت مع كلمة يا رب تنسال لحالها ع خدي..
صلاتي صارت أحسن..وحتى صدقاتي..
وقدرت الحمدلله أساعد كثير ناس وقعوا بنفس غلطي لإني فاهمهم..
وقدرت أمنع كثير ناس قبل ما يوقعوا وأحذرهم..
أنا إنسان جديد بعد هالغلط..!
--------------
أحيانا الخير إلك بغلط يصحيك ويحذرك ويعلمك..
أحيانا الخير إلك بغلط وذنب يكسرك!
#ARK
مرة رحت أرخّص السيارة وكان عليّ مخالفات كثيرة..
ولما أجيت بدي ادفع المخالفات استغربت انه صدر عفو عام وما علي ولا مخالفة!!
فرحتي لحظتها لا توصف..
خصوصا إنها أجت بعد اعتقادي بعقوبة مادية رح ادفعها وعقوبة معنوية ونفسية من أبوي رح اتلقاها..
.
.
الله عفو!
بتجاوز عن ذنوبك وأغلاطك ولا كأنها صارت..
فجأة بختفي الذنب اللي كسرك ووجعك ودمّر حياتك..
ومن رحمة ربنا بعطيك صلاحية باصدار عفو عام بحق نفسك!
فيما لو قررت تتوجه إله بصدق وتطلب منه يعفو عنك ويتجاوز عن أغلاطك..
.
.
ربنا عفو ^^
هالاسم بمنحك الأمل بحياة جديدة...وبنسيك ماضي مليان بآثامك..
وبلفت انتباهك لمستقبل لازم تخوض غماره في علاقة أحسن مع الله..
اسم بنزّل دموعك في الوقت اللي برسم فيه ابتسامة رضا جواتك..
اسم حريص يطبطب عليك بكل مرة بتفقد فيها الأمل من نفسك..
اسم بلحظة بنتشل روحك..
اسم حريص بكل ليلة قدر يثير دهشتك واستغرابك!
.
.
اللهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي
#العفو
#ARK
ولما أجيت بدي ادفع المخالفات استغربت انه صدر عفو عام وما علي ولا مخالفة!!
فرحتي لحظتها لا توصف..
خصوصا إنها أجت بعد اعتقادي بعقوبة مادية رح ادفعها وعقوبة معنوية ونفسية من أبوي رح اتلقاها..
.
.
الله عفو!
بتجاوز عن ذنوبك وأغلاطك ولا كأنها صارت..
فجأة بختفي الذنب اللي كسرك ووجعك ودمّر حياتك..
ومن رحمة ربنا بعطيك صلاحية باصدار عفو عام بحق نفسك!
فيما لو قررت تتوجه إله بصدق وتطلب منه يعفو عنك ويتجاوز عن أغلاطك..
.
.
ربنا عفو ^^
هالاسم بمنحك الأمل بحياة جديدة...وبنسيك ماضي مليان بآثامك..
وبلفت انتباهك لمستقبل لازم تخوض غماره في علاقة أحسن مع الله..
اسم بنزّل دموعك في الوقت اللي برسم فيه ابتسامة رضا جواتك..
اسم حريص يطبطب عليك بكل مرة بتفقد فيها الأمل من نفسك..
اسم بلحظة بنتشل روحك..
اسم حريص بكل ليلة قدر يثير دهشتك واستغرابك!
.
.
اللهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي
#العفو
#ARK
زماااان طلعت أنا وإمي بالسيارة حتى نصلي التراويح وصادفنا بالطريق جارتنا وبنتها..
فإمي حكتلهم لو بدكم تعالوا معنا إحنا رايحين عالمسجد^^
طلعت جارتنا وبنتها..
سلّمت عليّ جارتنا^^
وإمي سلّمت عالبنت وكيف المدرسة معك..؟عندك امتحانات هالفترة؟ شدي حيلك اسم الله عليك شو بتجنني ^^
وهي وقتها ردت بصوت واطي ومؤدب كله خجل وحياء وأنوثة^^
صفيت السيارة قريب من المسجد، وخبرتهم بنبرة كلها رجولة واتزان وادب وأخلاق إنه بعد الصلاة بنتلاقى هون عند السيارة..
وسبقتهم عالمسجد ولا تقول أرطغرول اللي ماشي.. بس اللهم لابس دشداشة وبدل السيف حامل مسبحة^^
أيامها كانت أحلى فقرة بحياتي لما نوصلهم معنا..
طبعا أنا وقتها كثير دراما وكان عندي فراغ عاطفي مش عارف وين أروح فيه..
يعني كنت ادخل المسجد بس قلبي وعقلي مع بنت جيرانا : ) !
وأصير اتخيل شو ممكن أعمل أشياء تلفت انتباهها..
والله خطرلي إنه يا ريت توقع للثريا تاعت المسجد وانقذ الناس من تحتها ويذيع صيتي في المسجد واتلقى شكر على الملأ من إمام مسجدنا..
او يتشردق الشيخ بنص الصلاة ويقدموني أصلي في الناس وأخشع كثير وأبكي من خشية الله وقتها..
تمنيت سيارة تكون على وشك تدعسها وهي طالعة وأقوم أنا وبكل بسالة وشجاعة ابهدل وأضرب صاحبها..
ولو اندعست عادي بس أنا اللي أوصلها عالمستشفى..
وأكيد لازم أعكس الجانب الإنساني واللطيف في شخصيتي، يعني بزبطش كله أرطغرول، يعني لا ضير بقليل من الفرفشة وخفة الدم والنغاشة مع ولاد حارتنا..
-------------------
.
.
هالقصة قديمة وكل ما اتذكرها بضحك عحالي ^^
بس ممكن هالقصة ضلت ببالي رغم تفاهتها لإنها كانت تمثل إلي أول مرة بشعر فيها إني بعمل إشي مش لله..!
كل إشي كنت اعمله كنت استحضر فيه بنت جيرانا ونظرتها..
كنت كثير أفكر كيف أبهرها وأدهشها وألفت انتباهها..
أكيد وعيت لاحقا، لكني بعترف إنه هالموقف بمثل إلي رمزية لكل عمل ممكن اعمله ويكون هدفي منه نظرة الناس وثنائها ومدحها..
أكيد الآن ما رح أكون دراما وساذج، ولا رح أضحك عحالي وأسرح بخيالي..ولا الشيطان رح يلعب بمخي بهاي السذاجة زي ما لعب وقتها..
بـــس هذا لا يعني إنه ما في صراع (بنت جيران) بأشكال أخرى في كل عمل بعمله وفي كل خطوة بنويها لربنا..
.
.
كثير بستغرب من الكم الهائل من (الاستعراض الديني) على وسائل التواصل الإجتماعي!
صرنا نستعرض اعمالنا وورعنا وخشيتنا واخلاصنا وخوفنا ورجائنا ودموعنا وكل إشي بينّا وبين ربنا..!!
دائما بحكي معقول عادي الإشي عندهم؟ معقول ما في صراع جواتهم؟ معقول ضمنوا نيتهم؟
معقول ما في (بنت جيران) بحياتهم! ^^
.
.
----------------
نصيحة قبل أي عمل جددوا نيتكم..
واصحوا عحالكم..
وتذكروا إنه ما في بشر رح ينفعكم..
وكثرة الناس ورضاها عنكم ما رح تفيدكم لو كان الله ساخط عليكم..
انسوا الناس وصانعوا وجه الله..وهو بكفيكم كل وجوههم!
.
.
وديروا بالكم (بنت الجيران) تسلبكم كل أجركم! : )
#ARK
فإمي حكتلهم لو بدكم تعالوا معنا إحنا رايحين عالمسجد^^
طلعت جارتنا وبنتها..
سلّمت عليّ جارتنا^^
وإمي سلّمت عالبنت وكيف المدرسة معك..؟عندك امتحانات هالفترة؟ شدي حيلك اسم الله عليك شو بتجنني ^^
وهي وقتها ردت بصوت واطي ومؤدب كله خجل وحياء وأنوثة^^
صفيت السيارة قريب من المسجد، وخبرتهم بنبرة كلها رجولة واتزان وادب وأخلاق إنه بعد الصلاة بنتلاقى هون عند السيارة..
وسبقتهم عالمسجد ولا تقول أرطغرول اللي ماشي.. بس اللهم لابس دشداشة وبدل السيف حامل مسبحة^^
أيامها كانت أحلى فقرة بحياتي لما نوصلهم معنا..
طبعا أنا وقتها كثير دراما وكان عندي فراغ عاطفي مش عارف وين أروح فيه..
يعني كنت ادخل المسجد بس قلبي وعقلي مع بنت جيرانا : ) !
وأصير اتخيل شو ممكن أعمل أشياء تلفت انتباهها..
والله خطرلي إنه يا ريت توقع للثريا تاعت المسجد وانقذ الناس من تحتها ويذيع صيتي في المسجد واتلقى شكر على الملأ من إمام مسجدنا..
او يتشردق الشيخ بنص الصلاة ويقدموني أصلي في الناس وأخشع كثير وأبكي من خشية الله وقتها..
تمنيت سيارة تكون على وشك تدعسها وهي طالعة وأقوم أنا وبكل بسالة وشجاعة ابهدل وأضرب صاحبها..
ولو اندعست عادي بس أنا اللي أوصلها عالمستشفى..
وأكيد لازم أعكس الجانب الإنساني واللطيف في شخصيتي، يعني بزبطش كله أرطغرول، يعني لا ضير بقليل من الفرفشة وخفة الدم والنغاشة مع ولاد حارتنا..
-------------------
.
.
هالقصة قديمة وكل ما اتذكرها بضحك عحالي ^^
بس ممكن هالقصة ضلت ببالي رغم تفاهتها لإنها كانت تمثل إلي أول مرة بشعر فيها إني بعمل إشي مش لله..!
كل إشي كنت اعمله كنت استحضر فيه بنت جيرانا ونظرتها..
كنت كثير أفكر كيف أبهرها وأدهشها وألفت انتباهها..
أكيد وعيت لاحقا، لكني بعترف إنه هالموقف بمثل إلي رمزية لكل عمل ممكن اعمله ويكون هدفي منه نظرة الناس وثنائها ومدحها..
أكيد الآن ما رح أكون دراما وساذج، ولا رح أضحك عحالي وأسرح بخيالي..ولا الشيطان رح يلعب بمخي بهاي السذاجة زي ما لعب وقتها..
بـــس هذا لا يعني إنه ما في صراع (بنت جيران) بأشكال أخرى في كل عمل بعمله وفي كل خطوة بنويها لربنا..
.
.
كثير بستغرب من الكم الهائل من (الاستعراض الديني) على وسائل التواصل الإجتماعي!
صرنا نستعرض اعمالنا وورعنا وخشيتنا واخلاصنا وخوفنا ورجائنا ودموعنا وكل إشي بينّا وبين ربنا..!!
دائما بحكي معقول عادي الإشي عندهم؟ معقول ما في صراع جواتهم؟ معقول ضمنوا نيتهم؟
معقول ما في (بنت جيران) بحياتهم! ^^
.
.
----------------
نصيحة قبل أي عمل جددوا نيتكم..
واصحوا عحالكم..
وتذكروا إنه ما في بشر رح ينفعكم..
وكثرة الناس ورضاها عنكم ما رح تفيدكم لو كان الله ساخط عليكم..
انسوا الناس وصانعوا وجه الله..وهو بكفيكم كل وجوههم!
.
.
وديروا بالكم (بنت الجيران) تسلبكم كل أجركم! : )
#ARK
❤1
عن شعورك دائمًا بآخر يوم برمضان..
لما تلوم نفسك على تقصيرك وتفريطك بأيامه ولياليه..
لما تصير تحكي: كان الأصل أكون أفضل..
كان من المفترض أتغير فعلا..
لما تنتابك مشاعر الندم والألم والحسرة..
ولما تخاف إنك ممكن ترجع لأغلاط كنت بتستنى رمضان حتى تكسرها وتتخلص منها..
عن دعواتك اللي بتحمل في طياتها خجل من ربنا..
يارب لو بلغتني رمضان الجاي وعد رح أكون أحسن..!
.
.
لو مريت بهذا الشعور فإنت على خير!
صدقوني ما حد بتحسر على فوات طاعة إلا والخير مالي قلبه..
ما حد بخاف يغلط إلا وفي صدق جواته..
ما حد بدعي ربنا يبلغه رمضان الجاي وبعاهده يكون أفضل إلا وهو حريص عرضاه وقربه..
.
.
الآن مش وقت تسمح للندم يسيطر عليك..
الآن وقت إنك ترسم خطة لبعد رمضان تثبت فيها لربنا حرصك وصدقك..
وقت إنك تعاهده بحد أدنى من الخير ما تتنازل عنه..
وقت إنك تستحضر إنك داخل على صراع جديد وممكن الشيطان يوقعك بغلط كنت مفكر حالك تخلصت منه..
وقت إنك تستمسك برحمة ربنا ومغفرته وعفوه..
.
.
الآن وقت إنك تودع رمضان بدعوات صادقة من قلبك:
يارب لو بلغتني رمضان الجاي وعد رح أكون أحسن..
ولو ما بلغك إياه!
فربنا الرحيم حيحاسبك على نيتك <3 !
#ARK
لما تلوم نفسك على تقصيرك وتفريطك بأيامه ولياليه..
لما تصير تحكي: كان الأصل أكون أفضل..
كان من المفترض أتغير فعلا..
لما تنتابك مشاعر الندم والألم والحسرة..
ولما تخاف إنك ممكن ترجع لأغلاط كنت بتستنى رمضان حتى تكسرها وتتخلص منها..
عن دعواتك اللي بتحمل في طياتها خجل من ربنا..
يارب لو بلغتني رمضان الجاي وعد رح أكون أحسن..!
.
.
لو مريت بهذا الشعور فإنت على خير!
صدقوني ما حد بتحسر على فوات طاعة إلا والخير مالي قلبه..
ما حد بخاف يغلط إلا وفي صدق جواته..
ما حد بدعي ربنا يبلغه رمضان الجاي وبعاهده يكون أفضل إلا وهو حريص عرضاه وقربه..
.
.
الآن مش وقت تسمح للندم يسيطر عليك..
الآن وقت إنك ترسم خطة لبعد رمضان تثبت فيها لربنا حرصك وصدقك..
وقت إنك تعاهده بحد أدنى من الخير ما تتنازل عنه..
وقت إنك تستحضر إنك داخل على صراع جديد وممكن الشيطان يوقعك بغلط كنت مفكر حالك تخلصت منه..
وقت إنك تستمسك برحمة ربنا ومغفرته وعفوه..
.
.
الآن وقت إنك تودع رمضان بدعوات صادقة من قلبك:
يارب لو بلغتني رمضان الجاي وعد رح أكون أحسن..
ولو ما بلغك إياه!
فربنا الرحيم حيحاسبك على نيتك <3 !
#ARK
- طفح الكيل يا بنت الحلال..أنا بطلت أتحمل النياطة تاعتك..
ليه تسهري..؟ قلتلك ما تسهري..!
* لا إله إلا الله بس!
مهو خلّص رمضان ورجعت الشياطين ورجع نكدهم معاك!
كمان أنا طول الليلة صاحية بعمل كعك ومش قاعدة رجل عرجل..
وأكيد البنات لسه ما لحقوا يناموا..
- هسا والله لأوريك فيهم..
يلا قوموا ضايل ساعة عالفجر بدنا وقت لنوصل..
وبدنا نلحق نوصل المسجد قبل الازمة..
والله إذا ما بتقوموا فش إلكم عيدية..!
* عادي ماما بتعطينا ههه
- طيّب أنا رايح أجيب ميّ أرش عليكم..
* لا لا خلص هينا قايمين..
يا الله طيب خلينا نصلي هون ضروري نصلي هناك..؟
كمان الساعة لسه 3 خلينا نغفى شوي ..
يا بابا يااااااا
-خلص خليكم هيني رايح أجيب الميّ : )
* خلص خلص والله رح نقوم..
- فش راح نقوم....قدامي يلا..
------------------
-هي بدنا ننزل نصلي الفجر هون..
قسما بالله بتتأخروا غير أوريكم..
غير اتركم في الغـــور وأمشي..
إن شاء الله الذبان يوكلكم أكل هههه
* ماما ليه هيك بابا أعصابه محروقة..
- حقّه يا ماما ..حقّه ..
ما بتقدري تلومي حد على إشي بحبه..وصارله سنوات محروم منه..!
- بابا كم ضايل..؟؟
* أقل من ربع ساعة إن شاء الله...بس الله يستر من الأزمة..
مهو هسا كل الأردن بتكون هناااااك!
آخخخ الحمد لله إني عشت هاللحظة قبل موتي..
يا الله شو كنت خايف أموت قبلها..
إنتو مش عارفين يا بنات قديش كنا نحلم وندعي ونبكي حتى نعيش هاللحظة..
الحمد لله يا رب..
الحمد لله يا رب..
ييييي شوفوا شوفوا هيّو بيّن..
صحي أختك بسرعة...
- قومي قومي قومي..ولك قوميييي..
*طيب شوي شوي...مشان الله مش هيك الواحد بصحي..
صايرة زي بابا بالتصحاي!!
- ولك إصحي..
هي وصلنا الأقصى !
#ARK
ليه تسهري..؟ قلتلك ما تسهري..!
* لا إله إلا الله بس!
مهو خلّص رمضان ورجعت الشياطين ورجع نكدهم معاك!
كمان أنا طول الليلة صاحية بعمل كعك ومش قاعدة رجل عرجل..
وأكيد البنات لسه ما لحقوا يناموا..
- هسا والله لأوريك فيهم..
يلا قوموا ضايل ساعة عالفجر بدنا وقت لنوصل..
وبدنا نلحق نوصل المسجد قبل الازمة..
والله إذا ما بتقوموا فش إلكم عيدية..!
* عادي ماما بتعطينا ههه
- طيّب أنا رايح أجيب ميّ أرش عليكم..
* لا لا خلص هينا قايمين..
يا الله طيب خلينا نصلي هون ضروري نصلي هناك..؟
كمان الساعة لسه 3 خلينا نغفى شوي ..
يا بابا يااااااا
-خلص خليكم هيني رايح أجيب الميّ : )
* خلص خلص والله رح نقوم..
- فش راح نقوم....قدامي يلا..
------------------
-هي بدنا ننزل نصلي الفجر هون..
قسما بالله بتتأخروا غير أوريكم..
غير اتركم في الغـــور وأمشي..
إن شاء الله الذبان يوكلكم أكل هههه
* ماما ليه هيك بابا أعصابه محروقة..
- حقّه يا ماما ..حقّه ..
ما بتقدري تلومي حد على إشي بحبه..وصارله سنوات محروم منه..!
- بابا كم ضايل..؟؟
* أقل من ربع ساعة إن شاء الله...بس الله يستر من الأزمة..
مهو هسا كل الأردن بتكون هناااااك!
آخخخ الحمد لله إني عشت هاللحظة قبل موتي..
يا الله شو كنت خايف أموت قبلها..
إنتو مش عارفين يا بنات قديش كنا نحلم وندعي ونبكي حتى نعيش هاللحظة..
الحمد لله يا رب..
الحمد لله يا رب..
ييييي شوفوا شوفوا هيّو بيّن..
صحي أختك بسرعة...
- قومي قومي قومي..ولك قوميييي..
*طيب شوي شوي...مشان الله مش هيك الواحد بصحي..
صايرة زي بابا بالتصحاي!!
- ولك إصحي..
هي وصلنا الأقصى !
#ARK
💔1
في فتاة اسمها عائشة ضيّعت عقدها!
وخولة أجت تشكي من زوجها..
وزينب ما كانت بتحب زيد..
وأخوة يوسف بغاروا منه..
وفي أعمى انكسر خاطره لما رسول الله انشغل عنه..
وأخت موسى مشت كثير حتى تنقذه..
وقتها "أصبح فؤاد أم موسى فارغا" بس الله ربط عقلبها..
ويا نساء النبي ما تخضعوا بالقول لإنه في ناس بقلوبها مرض..
ولما بدكم تزوروا رسول الله كلوا وانتشروا وما تستأنسوا بالكلام وتقعدوا وقت طويل عنده..هالإشي كان بزعجه وكان بستحي يخبركم..
ولما بدكم تروحوا على ناس خذوا اذن بالأول، وما تفوتوا حتى يسمحوا إلكم ولو ما سمحوا خلص ارجعوا..
.
.
لما تقرأ اقرآن رح تصادف كثير آيات بتتناول قضايا ممكن تكون بنظرك بسيطة وجزئية!
وممكن تسأل نفسك أو تسمع ناس بتسأل: كيف خالق هالكون ممكن يتحدث بهيك تفاصيل؟!
وفي نفس الوقت رح تصادف كثير آيات كونية عظيمــــة بتحكي عن السموات والأرض والشمس والقمر والنجوم والسحاب والرياح والمطر وعن قدرة الله وعلمه وعظمته وحكمته..!
.
.
-------------
القرآن بحكيلك إنه خالق الكون على عظمته ما بتغيب عنه شكاوى خولة ودموع يعقوب ولا قلب أم موسى وخاطر الأعمى ومشاعر هاجر وخوف موسى ورهبة مريم وحياء رسوله من ضيوفه..
ولا عقد عائشة لما ضيعته..
لما في ناس اتهموها بشرفها وحكوا بعرضها..!!
إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيم
كلامكم عن هالحادثة مش شيء بسيط وهيّن!!
هو عند الله عظيــــــــم..!
.
.
ممكن اكثر عظمة وأهمية من كوارث المجرات وموت النجـــوم!
#القرآن_الجميل
#ARK
وخولة أجت تشكي من زوجها..
وزينب ما كانت بتحب زيد..
وأخوة يوسف بغاروا منه..
وفي أعمى انكسر خاطره لما رسول الله انشغل عنه..
وأخت موسى مشت كثير حتى تنقذه..
وقتها "أصبح فؤاد أم موسى فارغا" بس الله ربط عقلبها..
ويا نساء النبي ما تخضعوا بالقول لإنه في ناس بقلوبها مرض..
ولما بدكم تزوروا رسول الله كلوا وانتشروا وما تستأنسوا بالكلام وتقعدوا وقت طويل عنده..هالإشي كان بزعجه وكان بستحي يخبركم..
ولما بدكم تروحوا على ناس خذوا اذن بالأول، وما تفوتوا حتى يسمحوا إلكم ولو ما سمحوا خلص ارجعوا..
.
.
لما تقرأ اقرآن رح تصادف كثير آيات بتتناول قضايا ممكن تكون بنظرك بسيطة وجزئية!
وممكن تسأل نفسك أو تسمع ناس بتسأل: كيف خالق هالكون ممكن يتحدث بهيك تفاصيل؟!
وفي نفس الوقت رح تصادف كثير آيات كونية عظيمــــة بتحكي عن السموات والأرض والشمس والقمر والنجوم والسحاب والرياح والمطر وعن قدرة الله وعلمه وعظمته وحكمته..!
.
.
-------------
القرآن بحكيلك إنه خالق الكون على عظمته ما بتغيب عنه شكاوى خولة ودموع يعقوب ولا قلب أم موسى وخاطر الأعمى ومشاعر هاجر وخوف موسى ورهبة مريم وحياء رسوله من ضيوفه..
ولا عقد عائشة لما ضيعته..
لما في ناس اتهموها بشرفها وحكوا بعرضها..!!
إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيم
كلامكم عن هالحادثة مش شيء بسيط وهيّن!!
هو عند الله عظيــــــــم..!
.
.
ممكن اكثر عظمة وأهمية من كوارث المجرات وموت النجـــوم!
#القرآن_الجميل
#ARK
❤1
يحرام طلاب الجامعة اشتاقوا إلها!
آه نفسهم اللي وهمه مداومين كانوا يدعوا الله يحرقها! : )
ذكروني بصاحبي اللي أنا وياه أيام الجامعة تأخر تخرجنا وفقدنا الامل من أنفسنا..
كنا نضل قاعدين بالجامعة صافنين بالسما ونتخيل كيف ممكن نفجّرها..؟!
وكنا دائما نحلم بكوابيس إنه تاخر تخرجنا كثير أو انحرمنا بمادة ورسبنا فيها بفصل تخرجنا..
نفسه صاحبي هديك المرة شفته وسبحان الله ما تذكرنا من أيام الجامعة إلا كل إشي حلو..
اشتقنا لأيامها وقلنا ياريت لو ترجع!
وكل موقف صعب مرينا فيه تحوّل لمزح وسخرية...وإنه ذاكر لما عدنا هديك المادة 3 مرات؟!
آآآخ أيام!!
.
.
احدى الدراسات بعنوان:
Our memory wears rose-colored glasses
ذاكرتنا ترتدي نظارات وردية اللون ^^
بتحكي إنه الناس عادة بتميل لتذكر الأحداث الإيجابية وبتقلل من شأن الأحادث السلبية فيما يتعلق بماضيها..
وفي علم النفس مصطلح "Rosy retrospection" = "استعراض الماضي الوردّي"..
وهو أحد أنواع التحيّزات المعرفية اللي بتبناها الدماغ في علاقته مع أحداث الماضي بشكل ورديّ وأكثر إيجابيّة على ما كانت عليه في الماضي^^
وغالبا بنشأ هالشعور في حالات الملل أو الشعور بالاغتراب والوحدة..
.
.
إشي حلو إنه ذاكرتنا بتتذكر الأشياء الحلوة في الماضي، وهذا ممكن يكون عزاء إلنا إنه أي حدث سلبي بنمر فيه الآن رح ننساه ونتجاوزه، وما رح تحمل ذاكرتنا منه إلا كل ما هو جميل ولطيف ^^
لكــــــــن في مشكلة لازم نكون واعيين إلها..
إنه ذاكرتنا الوردية اتجاه الماضي احتمال تحرمنا من نظرتنا الوردية اتجاه الحاضر..
يعني ممكن يكون حاضرنا جميل وفيه أشياء بتستحق نعيرها اهتمامنا لكن للأسف بننساها وبنحن للماضي..
ممكن ذاكرتنا بتخدعنا بحنين الماضي الوردي حتى تعفينا من مسؤوليات الحاضر..
ممكن يكون الله عوضنا بناس أحسن لكن لساتنا متعلقين بناس في الماضي..
.
.
.
وأهم إشي ما نيأس ونستسلم لما ننظر لماضينا بالعين الوردية ونتذكر كم كنّا مناح ونقارن حالنا بالحاضر وأغلاطه..
هالنظرة رح تخلينا نفقد الأمل من أنفسنا بالحاضر.. وبنفس الوقت نتقاعس عند أداء مسؤولياتنا ونهرب منها لوهم الماضي الوردي..
لأ..
كمان في الحاضر بنقدر نكون مناح^^
#ARK
آه نفسهم اللي وهمه مداومين كانوا يدعوا الله يحرقها! : )
ذكروني بصاحبي اللي أنا وياه أيام الجامعة تأخر تخرجنا وفقدنا الامل من أنفسنا..
كنا نضل قاعدين بالجامعة صافنين بالسما ونتخيل كيف ممكن نفجّرها..؟!
وكنا دائما نحلم بكوابيس إنه تاخر تخرجنا كثير أو انحرمنا بمادة ورسبنا فيها بفصل تخرجنا..
نفسه صاحبي هديك المرة شفته وسبحان الله ما تذكرنا من أيام الجامعة إلا كل إشي حلو..
اشتقنا لأيامها وقلنا ياريت لو ترجع!
وكل موقف صعب مرينا فيه تحوّل لمزح وسخرية...وإنه ذاكر لما عدنا هديك المادة 3 مرات؟!
آآآخ أيام!!
.
.
احدى الدراسات بعنوان:
Our memory wears rose-colored glasses
ذاكرتنا ترتدي نظارات وردية اللون ^^
بتحكي إنه الناس عادة بتميل لتذكر الأحداث الإيجابية وبتقلل من شأن الأحادث السلبية فيما يتعلق بماضيها..
وفي علم النفس مصطلح "Rosy retrospection" = "استعراض الماضي الوردّي"..
وهو أحد أنواع التحيّزات المعرفية اللي بتبناها الدماغ في علاقته مع أحداث الماضي بشكل ورديّ وأكثر إيجابيّة على ما كانت عليه في الماضي^^
وغالبا بنشأ هالشعور في حالات الملل أو الشعور بالاغتراب والوحدة..
.
.
إشي حلو إنه ذاكرتنا بتتذكر الأشياء الحلوة في الماضي، وهذا ممكن يكون عزاء إلنا إنه أي حدث سلبي بنمر فيه الآن رح ننساه ونتجاوزه، وما رح تحمل ذاكرتنا منه إلا كل ما هو جميل ولطيف ^^
لكــــــــن في مشكلة لازم نكون واعيين إلها..
إنه ذاكرتنا الوردية اتجاه الماضي احتمال تحرمنا من نظرتنا الوردية اتجاه الحاضر..
يعني ممكن يكون حاضرنا جميل وفيه أشياء بتستحق نعيرها اهتمامنا لكن للأسف بننساها وبنحن للماضي..
ممكن ذاكرتنا بتخدعنا بحنين الماضي الوردي حتى تعفينا من مسؤوليات الحاضر..
ممكن يكون الله عوضنا بناس أحسن لكن لساتنا متعلقين بناس في الماضي..
.
.
.
وأهم إشي ما نيأس ونستسلم لما ننظر لماضينا بالعين الوردية ونتذكر كم كنّا مناح ونقارن حالنا بالحاضر وأغلاطه..
هالنظرة رح تخلينا نفقد الأمل من أنفسنا بالحاضر.. وبنفس الوقت نتقاعس عند أداء مسؤولياتنا ونهرب منها لوهم الماضي الوردي..
لأ..
كمان في الحاضر بنقدر نكون مناح^^
#ARK
هاي آخر رسالة مني إلـــي..
بعدها رح أطلع من حياتي!!
أنا كل يوم بخسر جزء من روحي..
مش قادرة أتفرج عحالي بالمراي لإني بكرهني!
وما توقعت إني أوصل مرحلة أشعر فيها إني قرفانة من حالي!
مش قادرة أحس إني سعيدة ومرتاحة، عكس تماما ما كنت بتوقع وأنا على أعتاب غلطي.
كنت مفكرة في سعادة وحب وشغف عم بنتظرني..
كـــنت!
بس تعبت أمثل إني مبسوطة حتى أبرر لنفسي غلطي..
وتعبت وأنا بسكّت صوت ضميري..
تعبت وأنا بحاول اتفادى نظرات أهلي!
تعبت وأنا بكل ليلة بكتم صوت دموعي وآهاتي..
تعبت وأنا بتجاهل السؤال المُلح في راسي: إنتِ وين رايحة؟!
نفسي أصرّخ.. نفسي أبكي.. نفسي أورّي الناس اللي بفكروني قوية ضعفي..
مش قادرة أمثّل أكثر من هيك..
مش قادرة لما يسألوني مالك أقلهم: لا ولا إشي..
لإنه مالي كل إشي مؤلم وقاسي!!
ضاعت اللي كان من المفترض تكون احلى أيام حياتي على وهـــــم..
على انتظـــــــــار..!
ما أبشـــــــع الانتظار..
في اللحظة اللي قررت فيها أنتظر سعادتي كنت بتخذ أقسى قرار بحق نفسي..
لإنه الإنتظار بشع..بشع..بشع!
الإنتظار ما بسمحلك تلتفت لحياتك..
نفس فكرة لما تنتظر دورك بالبنك أو المستشفى أو أي مكان..
مهما حاولت تعمل إشي مفيد ما بتقدر لإنه بأي لحظة بيجي دورك..
ما رح تقدر تركز بإشي لإنه بتخاف ينادوا عرقمك وإنت مش سامع..
ممثل تلهي حالك بإشي سخيف زي إنك تلعب بتلفوك بس كل شوي بترفع راسك حتى تشوف لو أجى أو قرب دورك...
انا هيك كنت!
ضاعت أيامي بنتظر الإشي اللي فكرت فيه سعادتي..
ومرت الأيام والأشهر والسنوات ولسه ما اجى دوري!!
.
.
يـــا رب..
خجلانة منك!
خجلانة أدعيك وأنا كنت بتغافل عن صوتك جواتي..
خجلانة اوقف بين إيديك وعن رسائلك كنت أغمض عيوني..
خجلانة وإنت مع كل غلط مني كنت تسترني..!
بـــس يارب..
وإنت الحليم والكريم والرحيم..
ممكن تعطيني آخر فرصة أصحح فيها طريقي ومساري!
وعــــد يكون كلامك مصدر طاقتي وقوتي..
وعد أشكّل من جديد هويتي وكينونتي..
وعد أتعلم من كل غلط وأفتح صفحة جديدة ترضى فيها عني..
يــــــا رب..
أرجوك ما تردني..
--------------------
.
.
هاي آخر رسالة مني إلـــي
بعدها رح أطلع من حياتي!!
.
.
وابدا حياة جديدة بدون وهم.. بدون انتظار
وفيها الله يكون راضي عني <3 !
#ARK
بعدها رح أطلع من حياتي!!
أنا كل يوم بخسر جزء من روحي..
مش قادرة أتفرج عحالي بالمراي لإني بكرهني!
وما توقعت إني أوصل مرحلة أشعر فيها إني قرفانة من حالي!
مش قادرة أحس إني سعيدة ومرتاحة، عكس تماما ما كنت بتوقع وأنا على أعتاب غلطي.
كنت مفكرة في سعادة وحب وشغف عم بنتظرني..
كـــنت!
بس تعبت أمثل إني مبسوطة حتى أبرر لنفسي غلطي..
وتعبت وأنا بسكّت صوت ضميري..
تعبت وأنا بحاول اتفادى نظرات أهلي!
تعبت وأنا بكل ليلة بكتم صوت دموعي وآهاتي..
تعبت وأنا بتجاهل السؤال المُلح في راسي: إنتِ وين رايحة؟!
نفسي أصرّخ.. نفسي أبكي.. نفسي أورّي الناس اللي بفكروني قوية ضعفي..
مش قادرة أمثّل أكثر من هيك..
مش قادرة لما يسألوني مالك أقلهم: لا ولا إشي..
لإنه مالي كل إشي مؤلم وقاسي!!
ضاعت اللي كان من المفترض تكون احلى أيام حياتي على وهـــــم..
على انتظـــــــــار..!
ما أبشـــــــع الانتظار..
في اللحظة اللي قررت فيها أنتظر سعادتي كنت بتخذ أقسى قرار بحق نفسي..
لإنه الإنتظار بشع..بشع..بشع!
الإنتظار ما بسمحلك تلتفت لحياتك..
نفس فكرة لما تنتظر دورك بالبنك أو المستشفى أو أي مكان..
مهما حاولت تعمل إشي مفيد ما بتقدر لإنه بأي لحظة بيجي دورك..
ما رح تقدر تركز بإشي لإنه بتخاف ينادوا عرقمك وإنت مش سامع..
ممثل تلهي حالك بإشي سخيف زي إنك تلعب بتلفوك بس كل شوي بترفع راسك حتى تشوف لو أجى أو قرب دورك...
انا هيك كنت!
ضاعت أيامي بنتظر الإشي اللي فكرت فيه سعادتي..
ومرت الأيام والأشهر والسنوات ولسه ما اجى دوري!!
.
.
يـــا رب..
خجلانة منك!
خجلانة أدعيك وأنا كنت بتغافل عن صوتك جواتي..
خجلانة اوقف بين إيديك وعن رسائلك كنت أغمض عيوني..
خجلانة وإنت مع كل غلط مني كنت تسترني..!
بـــس يارب..
وإنت الحليم والكريم والرحيم..
ممكن تعطيني آخر فرصة أصحح فيها طريقي ومساري!
وعــــد يكون كلامك مصدر طاقتي وقوتي..
وعد أشكّل من جديد هويتي وكينونتي..
وعد أتعلم من كل غلط وأفتح صفحة جديدة ترضى فيها عني..
يــــــا رب..
أرجوك ما تردني..
--------------------
.
.
هاي آخر رسالة مني إلـــي
بعدها رح أطلع من حياتي!!
.
.
وابدا حياة جديدة بدون وهم.. بدون انتظار
وفيها الله يكون راضي عني <3 !
#ARK
تقريبا بهذا الوقت قبل سنوات كنت متوجه في الطيارة لأمريكا..
كنت متوتر وخايف من هالتجربة إنها تأثر عليّ سلبا أو تضعف إيماني وتمسكي بديني..
ما كنت ملتزم..بس كنت شخص بحب الله والإسلام رغم تقصيري وأغلاطي..
ما كنت بتوقع أبدا إنه هالتجربة رح تخليني أمشي في شوارع أمريكا وأنا بصرّخ وبأعلى صوتي:
شكـــــرا يا رب على الإسلام...!!
الغريب جدًا إنه الشخص اللي خلاني أستشعر قيمة ديني هو (ستيف) الرجل الستيني اللاديني اللي سكنت عنده..
كان مثقف بشكل رهيب وكان يحكيلي: بستغرب كيف العرب والمسلمين بحبوا أمريكا؟!
أمريكا نفسها اللي بتسرقكم وبتقتلكم في العراق وأفغانستان وفلسطين!
شو عاجبكم في امريكا؟؟!! وكيف ممكن الإنسان يحب قاتله!
ستيف نفسه كان بوقت الفجر يحكيلي إقرأ بصوت عالي عشان بدي اسمع القرآن، وكان يحكيلي لما أخلص صلاة هذا ماجيك magic !
في الحقيقة هالتجربة خلتني ألتفت لأشياء غرسها فيي الإسلام وكان إله فضل عليّ فيها وانا مش حاس..
يعني لما كنت أساعد الناس أستغرب من ردة فعلهم إنه إنت كثير منيح!
علما إني متأكد أي شخص مسلم غيري كان رح يتصرف مثل تصرفي وأحسن..
يعني ببساطة هيك الدين بطلب منّا وبغرس فينا بكثير نصوص وأحاديث..
يعني كان معنا بالشغل وحدة بعمر ستي..وكنت كل ما أشوفها حاملة إشي أقوم أحمل عنها فهي تحكيلي: هذا شغلي..لو كل ما رح تشوفني تحمل عني معناته ما رح أشتغل إشي..
جاوبتها: بعرف.. بس صراحة ما بقدر أشوفك حاملة إشي وما أساعدك..
لحظتها سألتني عن الإسلام وخبرتها عن سورة مريم..
ولاحقا وبآخر أيام الشغل خبرتني: محمد وعيسى أخوة وانبياء!
بالشغل كان يلفت انتباههم إنه دائما بوقت البريك بكون بحكي مع إمي..
وكنت كثير أحكيلهم عن أختي اللي بفخر فيها وبعلمها..
أنا جد بحب أهلي مش لإني منيح وكثير بار.. ببساطة هيك الإسلام علّمني..!
.
.
هالتجربة كانت كفيلة أكتشف إنه كثير أشياء كنت بمارسها بروح الإعتياد، لكنها في الحقيقة ثمرة ديني وإيماني وشو غرسه الإسلام بطباعي وشخصيتي..
كل إشي منيح كنت بعمله كان ببساطة تطبيق لوصايا القرآن..
القرآن وبكل مرة كنت أفتحه كان يطلب مني:
أن أكون محسناً:
- وَبِالْوَالِدَيْنِ إِحْسَانًا وَذِي الْقُرْبَىٰ وَالْيَتَامَىٰ وَالْمَسَاكِينِ وَقُولُوا لِلنَّاسِ حُسْنًا.
أن أكون رحيماً:
- وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ.
أن أكون غفوراً مسامحاً للآخرين:
- وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ
أن أكون عادلاً:
- وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ
أن أكون كريماً:
-وَآتَى الْمَالَ عَلَىٰ حُبِّهِ ذَوِي الْقُرْبَىٰ وَالْيَتَامَىٰ وَالْمَسَاكِينَ وَابْنَ السَّبِيلِ وَالسَّائِلِينَ وَفِي الرِّقَابِ
أن أكون صادقاً:
- الصَّابِرِينَ وَالصَّادِقِينَ وَالْقَانِتِينَ وَالْمُنفِقِينَ وَالْمُسْتَغْفِرِينَ بِالْأَسْحَارِ
أن أكون متواضعاً:
-إِنَّ اللَّهَ لَا يُحِبُّ مَنْ كَانَ مُخْتَالًا فَخُورًا.
أن أكون مسالماً :
- وَإِذَا خَاطَبَهُمُ الْجَاهِلُونَ قَالُوا سَلَامًا.
أن أكون محباً:
-إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَٰنُ وُدًّا.
وأن أحمي الضعيف:
- وَالْمُسْتَضْعَفِينَ مِنَ الْوِلْدَانِ وَأَن تَقُومُوا لِلْيَتَامَىٰ بِالْقِسْطِ ۚ وَمَا تَفْعَلُوا مِنْ خَيْرٍ فَإِنَّ اللَّهَ كَانَ بِهِ عَلِيمًا.
.
.
.
ما حد يلموني ليه كنت بصرّخ في شوارع أمريكا وأنا بحمد ربنا عنعمة الإسلام !
#ARK
كنت متوتر وخايف من هالتجربة إنها تأثر عليّ سلبا أو تضعف إيماني وتمسكي بديني..
ما كنت ملتزم..بس كنت شخص بحب الله والإسلام رغم تقصيري وأغلاطي..
ما كنت بتوقع أبدا إنه هالتجربة رح تخليني أمشي في شوارع أمريكا وأنا بصرّخ وبأعلى صوتي:
شكـــــرا يا رب على الإسلام...!!
الغريب جدًا إنه الشخص اللي خلاني أستشعر قيمة ديني هو (ستيف) الرجل الستيني اللاديني اللي سكنت عنده..
كان مثقف بشكل رهيب وكان يحكيلي: بستغرب كيف العرب والمسلمين بحبوا أمريكا؟!
أمريكا نفسها اللي بتسرقكم وبتقتلكم في العراق وأفغانستان وفلسطين!
شو عاجبكم في امريكا؟؟!! وكيف ممكن الإنسان يحب قاتله!
ستيف نفسه كان بوقت الفجر يحكيلي إقرأ بصوت عالي عشان بدي اسمع القرآن، وكان يحكيلي لما أخلص صلاة هذا ماجيك magic !
في الحقيقة هالتجربة خلتني ألتفت لأشياء غرسها فيي الإسلام وكان إله فضل عليّ فيها وانا مش حاس..
يعني لما كنت أساعد الناس أستغرب من ردة فعلهم إنه إنت كثير منيح!
علما إني متأكد أي شخص مسلم غيري كان رح يتصرف مثل تصرفي وأحسن..
يعني ببساطة هيك الدين بطلب منّا وبغرس فينا بكثير نصوص وأحاديث..
يعني كان معنا بالشغل وحدة بعمر ستي..وكنت كل ما أشوفها حاملة إشي أقوم أحمل عنها فهي تحكيلي: هذا شغلي..لو كل ما رح تشوفني تحمل عني معناته ما رح أشتغل إشي..
جاوبتها: بعرف.. بس صراحة ما بقدر أشوفك حاملة إشي وما أساعدك..
لحظتها سألتني عن الإسلام وخبرتها عن سورة مريم..
ولاحقا وبآخر أيام الشغل خبرتني: محمد وعيسى أخوة وانبياء!
بالشغل كان يلفت انتباههم إنه دائما بوقت البريك بكون بحكي مع إمي..
وكنت كثير أحكيلهم عن أختي اللي بفخر فيها وبعلمها..
أنا جد بحب أهلي مش لإني منيح وكثير بار.. ببساطة هيك الإسلام علّمني..!
.
.
هالتجربة كانت كفيلة أكتشف إنه كثير أشياء كنت بمارسها بروح الإعتياد، لكنها في الحقيقة ثمرة ديني وإيماني وشو غرسه الإسلام بطباعي وشخصيتي..
كل إشي منيح كنت بعمله كان ببساطة تطبيق لوصايا القرآن..
القرآن وبكل مرة كنت أفتحه كان يطلب مني:
أن أكون محسناً:
- وَبِالْوَالِدَيْنِ إِحْسَانًا وَذِي الْقُرْبَىٰ وَالْيَتَامَىٰ وَالْمَسَاكِينِ وَقُولُوا لِلنَّاسِ حُسْنًا.
أن أكون رحيماً:
- وَتَوَاصَوْا بِالصَّبْرِ وَتَوَاصَوْا بِالْمَرْحَمَةِ.
أن أكون غفوراً مسامحاً للآخرين:
- وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ
أن أكون عادلاً:
- وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ
أن أكون كريماً:
-وَآتَى الْمَالَ عَلَىٰ حُبِّهِ ذَوِي الْقُرْبَىٰ وَالْيَتَامَىٰ وَالْمَسَاكِينَ وَابْنَ السَّبِيلِ وَالسَّائِلِينَ وَفِي الرِّقَابِ
أن أكون صادقاً:
- الصَّابِرِينَ وَالصَّادِقِينَ وَالْقَانِتِينَ وَالْمُنفِقِينَ وَالْمُسْتَغْفِرِينَ بِالْأَسْحَارِ
أن أكون متواضعاً:
-إِنَّ اللَّهَ لَا يُحِبُّ مَنْ كَانَ مُخْتَالًا فَخُورًا.
أن أكون مسالماً :
- وَإِذَا خَاطَبَهُمُ الْجَاهِلُونَ قَالُوا سَلَامًا.
أن أكون محباً:
-إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَٰنُ وُدًّا.
وأن أحمي الضعيف:
- وَالْمُسْتَضْعَفِينَ مِنَ الْوِلْدَانِ وَأَن تَقُومُوا لِلْيَتَامَىٰ بِالْقِسْطِ ۚ وَمَا تَفْعَلُوا مِنْ خَيْرٍ فَإِنَّ اللَّهَ كَانَ بِهِ عَلِيمًا.
.
.
.
ما حد يلموني ليه كنت بصرّخ في شوارع أمريكا وأنا بحمد ربنا عنعمة الإسلام !
#ARK
❤1
ليه الشب والبنت في العادة بعد ما يغلطوا بتركوا بعض؟!
اللي بصير حرفيّا إنهم بكونوا عايشين علاقتهم في مجملها على (التخيّل)!
وللأسف الخيال ما إله سقف أبداااا
وبالتالي بسرحوا في أحلامهم وخيالاتهم، وممكن يعيشوا سنوات وهمّه بتخيلوا شكل علاقتهم المستقبلية..
والخيال بضل خيال..
ما دام ما في واقع يحط حدّ إله..
نفس فكرة الصايم لو تخيّل إنه بشرب مي طول اليوم..ممكن يرتوي؟؟ أكيد لأ.
وهو صايم بكون بحكي في داخله: اليوم لما يأذن بدي أشرب كل المي والعصائر الموجودة، ورح آكل حتى أنفجر من الشبع..
لكــــن مجرد ما أذن بتلاقيه شرب كاستين مي وأكل شوية ومباشرة بشعر بالإرتواء والشبع وبكتشف إنه كل خيالاته كانت وهم بمجرد ما اصطدمت بالواقع..
.
.
كثير ناس بعيشوا علاقتهم بمبدأ التخيّل وبمجرد وقوع أول غلط بكون إلهم بمثابة صدمة!
معقول هالخيال اللي كنّا عايشينه طلع بس هيك؟
معقول هالغلط كان بستاهل نخسر فيه حالنا ومبادئنا وأخلاقنا؟
كيف هيك كل خيالاتنا واحلامنا تلاشت بلحظة قصيرة جدا رح يتبعها ألم وندم وحسرة؟!
.
.
.
كمان من أبرز الأسباب اللي بتدفعهم للترك أو خصوصا بتدفع الشب يترك البنت..
إنه هو أخذ كل شيء بده اياه منها..وبالتالي ليه يغلّب حاله بزواج ومهر وتكاليف وارتباط وغيره؟
إنت الآن لما بدك تعمل ورشة في البيت.. مستحيل تعطي العامل كل أجره قبل ما يدق مسمار واحد..لإنه ببساطة لو أعطيته أجره ما رح يشتغل أو رح يماااااطل جدا ويطلّع روحك..
وبالتالي إنت بتأجل أجره لحتى يخلّص شغله..
نفس الفكرة لما البنت تمنح الشب كل شيء قبل الإرتباط!
بالله جد؟... طيب ليه يرتبط فيك وهو أخذ كل إشي منك..
ورح يضل يمااااااطل حتى آخر إشي يقلك الظروف صعبة ويتركك..!
.
.
.
والله إحنا ضعاف وربنا لما يطلب منا شيء بكون لمصلحتنا..
في حدود وقيود مفروضة علينا في التعامل والتواصل حتى تحمينا وتنقذنا وتحفظ كرامتنا..
يُرِيدُ اللَّهُ أَنْ يُخَفِّفَ عَنْكُمْ وَخُلِقَ الإِنْسَانُ ضَعِيفًا
.
.
وآخر إشي ..
لا يعني شخص وقع بهيك غلط إنه يحكم على نفسه بالسوء وييأس من رحمة ربنا..
بالعكس.. اتعلم من غلطك واستفيد منه وما تكرره...وخليك ذكي ومصحصح..
إحكي لربنا آسف..وأظهر إله ندمك وصدقك..
وإلزم باب التوبة وخليك واقف عليه حتى يفتحلك ^^
#ARK
اللي بصير حرفيّا إنهم بكونوا عايشين علاقتهم في مجملها على (التخيّل)!
وللأسف الخيال ما إله سقف أبداااا
وبالتالي بسرحوا في أحلامهم وخيالاتهم، وممكن يعيشوا سنوات وهمّه بتخيلوا شكل علاقتهم المستقبلية..
والخيال بضل خيال..
ما دام ما في واقع يحط حدّ إله..
نفس فكرة الصايم لو تخيّل إنه بشرب مي طول اليوم..ممكن يرتوي؟؟ أكيد لأ.
وهو صايم بكون بحكي في داخله: اليوم لما يأذن بدي أشرب كل المي والعصائر الموجودة، ورح آكل حتى أنفجر من الشبع..
لكــــن مجرد ما أذن بتلاقيه شرب كاستين مي وأكل شوية ومباشرة بشعر بالإرتواء والشبع وبكتشف إنه كل خيالاته كانت وهم بمجرد ما اصطدمت بالواقع..
.
.
كثير ناس بعيشوا علاقتهم بمبدأ التخيّل وبمجرد وقوع أول غلط بكون إلهم بمثابة صدمة!
معقول هالخيال اللي كنّا عايشينه طلع بس هيك؟
معقول هالغلط كان بستاهل نخسر فيه حالنا ومبادئنا وأخلاقنا؟
كيف هيك كل خيالاتنا واحلامنا تلاشت بلحظة قصيرة جدا رح يتبعها ألم وندم وحسرة؟!
.
.
.
كمان من أبرز الأسباب اللي بتدفعهم للترك أو خصوصا بتدفع الشب يترك البنت..
إنه هو أخذ كل شيء بده اياه منها..وبالتالي ليه يغلّب حاله بزواج ومهر وتكاليف وارتباط وغيره؟
إنت الآن لما بدك تعمل ورشة في البيت.. مستحيل تعطي العامل كل أجره قبل ما يدق مسمار واحد..لإنه ببساطة لو أعطيته أجره ما رح يشتغل أو رح يماااااطل جدا ويطلّع روحك..
وبالتالي إنت بتأجل أجره لحتى يخلّص شغله..
نفس الفكرة لما البنت تمنح الشب كل شيء قبل الإرتباط!
بالله جد؟... طيب ليه يرتبط فيك وهو أخذ كل إشي منك..
ورح يضل يمااااااطل حتى آخر إشي يقلك الظروف صعبة ويتركك..!
.
.
.
والله إحنا ضعاف وربنا لما يطلب منا شيء بكون لمصلحتنا..
في حدود وقيود مفروضة علينا في التعامل والتواصل حتى تحمينا وتنقذنا وتحفظ كرامتنا..
يُرِيدُ اللَّهُ أَنْ يُخَفِّفَ عَنْكُمْ وَخُلِقَ الإِنْسَانُ ضَعِيفًا
.
.
وآخر إشي ..
لا يعني شخص وقع بهيك غلط إنه يحكم على نفسه بالسوء وييأس من رحمة ربنا..
بالعكس.. اتعلم من غلطك واستفيد منه وما تكرره...وخليك ذكي ومصحصح..
إحكي لربنا آسف..وأظهر إله ندمك وصدقك..
وإلزم باب التوبة وخليك واقف عليه حتى يفتحلك ^^
#ARK
❤1
في هاللحظة تحديدًا..
في شب تعب من أغلاطه وذنوبه..
هو للأسف بحضر أشياء غلط..وبكل مرة بحكي فيها هاي آخر مرة برجع لنفس الغلط..
قرر إنه يتعامل مع غلطه بشكل واعي وبخطة..
تواصل مع صفحة عالفيسبوك اسمها (واعي) وحمّل تطبيق يساعده، وحضر فيديوهات تزيد وعيه، وقرأ تجارب ناس حتى يستفيد منها، ودخل جروب مع الشباب حتى يتعافى..
وقرر إنه ما ييأس..وإنه بكل مرة بغلط فيها رح يجدد توبته ويتعلم من انتكاسته..
وهو متأكد إنه لحظة الخلاص قريبة..
لكن أولها بدها شوية جلد وصبر وإرادة وقوة..
سكّر الباب عحاله لكــــن هالمرة مش عشان يشوف غلط..
هالمرة عشان يفتح صفحة جديدة مع ربنا ^^
.
.
في بنت..
والله هي منيحة ومؤدبة وخلوقة..
لكنها للأسف بيوم دفعها الفضول تعمل (فييك أكاونت) وتدخل على تطبيقات مشبوهة..
أولها كان الموضوع فضول لكن لاحقا صار الشيء إدمان..
والله هي تعبت كثير من نفسها وصارت تشعر إنها إنسانة سيئة ومش منيحة..
خصوصا لما الناس في الواقع تمدح دينها وأخلاقها..
بس هي الحمدلله ما سمحت للغلط يسيطر عليها..
وقررت بليلة كان فيها قلبها حاضر إنها تحذف حسابها..
وقالت يا رب ثبتني وساعدني لإني بدي أكون إنسانة عزيزة..
ولإني بكره أكون رخيصة قدام الشباب على التطبيقات المشبوهة..
لو شفتوا دموع توبتها!
لو شفتوا كم كانت "عزيزة" وهي بتسطّر أول سطر بصفحتها الجديدة..
.
.
في ناس كل ما يلتزموا بالصلاة بفشلوا..
مش راضين عن حالهم، وبضلهم يلوموا ضفعهم وتقصيرهم..
لكن هالليلة كانت غريبة بالنسبة إلهم..
تواصلوا مع ناس بعرفوهم حتى يساعدوهم بالثبات عالصلاة..
ونزلوا تطبيق يذكرهم بوقتها
وحضروا فيديوهات تشجعهم وتحفزهم..
وبالليل كانوا بدعوا ربنا:
يارب بدنا قربك..ساعدنا!!
وربنا الرحيم ساعدهم ^^
وبدأوا حياة جديدة كل يوم بحكوا فيها مع ربنا 5 مرات..
وصفحة جديدة كان شعارها: الصلاة خط احمر ^^
.
.
.
في بنت شعرت إنها بتخاطر بحياتها وعمرها ومستقبلها في علاقة مش مضمونة..
ما كانت مرتاحة أبدااا..
وحاسة إنه حياتها تعطلت وبكل لحظة الألم والخوف باكل من قلبها اكل..
بقرار حاسم قررت تحط حد لضعفها!
قررت تفكر بذاتها ومستقبلها..
واستحضرت حياة تشعر فيها بالامان بمعية ربنا..
وقالت يارب ^^
وبمجرد ما فتحت الصفحة الجديدة تلاشى خوفها وضياعها وشتاتها..
.
.
.
وإنت..؟
رح تفتح صفحة جديدة معهم؟
#ARK
في شب تعب من أغلاطه وذنوبه..
هو للأسف بحضر أشياء غلط..وبكل مرة بحكي فيها هاي آخر مرة برجع لنفس الغلط..
قرر إنه يتعامل مع غلطه بشكل واعي وبخطة..
تواصل مع صفحة عالفيسبوك اسمها (واعي) وحمّل تطبيق يساعده، وحضر فيديوهات تزيد وعيه، وقرأ تجارب ناس حتى يستفيد منها، ودخل جروب مع الشباب حتى يتعافى..
وقرر إنه ما ييأس..وإنه بكل مرة بغلط فيها رح يجدد توبته ويتعلم من انتكاسته..
وهو متأكد إنه لحظة الخلاص قريبة..
لكن أولها بدها شوية جلد وصبر وإرادة وقوة..
سكّر الباب عحاله لكــــن هالمرة مش عشان يشوف غلط..
هالمرة عشان يفتح صفحة جديدة مع ربنا ^^
.
.
في بنت..
والله هي منيحة ومؤدبة وخلوقة..
لكنها للأسف بيوم دفعها الفضول تعمل (فييك أكاونت) وتدخل على تطبيقات مشبوهة..
أولها كان الموضوع فضول لكن لاحقا صار الشيء إدمان..
والله هي تعبت كثير من نفسها وصارت تشعر إنها إنسانة سيئة ومش منيحة..
خصوصا لما الناس في الواقع تمدح دينها وأخلاقها..
بس هي الحمدلله ما سمحت للغلط يسيطر عليها..
وقررت بليلة كان فيها قلبها حاضر إنها تحذف حسابها..
وقالت يا رب ثبتني وساعدني لإني بدي أكون إنسانة عزيزة..
ولإني بكره أكون رخيصة قدام الشباب على التطبيقات المشبوهة..
لو شفتوا دموع توبتها!
لو شفتوا كم كانت "عزيزة" وهي بتسطّر أول سطر بصفحتها الجديدة..
.
.
في ناس كل ما يلتزموا بالصلاة بفشلوا..
مش راضين عن حالهم، وبضلهم يلوموا ضفعهم وتقصيرهم..
لكن هالليلة كانت غريبة بالنسبة إلهم..
تواصلوا مع ناس بعرفوهم حتى يساعدوهم بالثبات عالصلاة..
ونزلوا تطبيق يذكرهم بوقتها
وحضروا فيديوهات تشجعهم وتحفزهم..
وبالليل كانوا بدعوا ربنا:
يارب بدنا قربك..ساعدنا!!
وربنا الرحيم ساعدهم ^^
وبدأوا حياة جديدة كل يوم بحكوا فيها مع ربنا 5 مرات..
وصفحة جديدة كان شعارها: الصلاة خط احمر ^^
.
.
.
في بنت شعرت إنها بتخاطر بحياتها وعمرها ومستقبلها في علاقة مش مضمونة..
ما كانت مرتاحة أبدااا..
وحاسة إنه حياتها تعطلت وبكل لحظة الألم والخوف باكل من قلبها اكل..
بقرار حاسم قررت تحط حد لضعفها!
قررت تفكر بذاتها ومستقبلها..
واستحضرت حياة تشعر فيها بالامان بمعية ربنا..
وقالت يارب ^^
وبمجرد ما فتحت الصفحة الجديدة تلاشى خوفها وضياعها وشتاتها..
.
.
.
وإنت..؟
رح تفتح صفحة جديدة معهم؟
#ARK
❤3
بالمناسبة..
كثير ناس لما بدها تحكي إشي لحدا ما بتكون بتسنى منه حلّ او جواب أو تدخل..
هي بس بدها مين يسمعها..
من أكثر الاخطاء اللي ممكن توقع فيها لما حدا يفضفضلك:
- إنك تفكر بجواب أثناء كلامه، وهذا رح يشتت انصاتك وتفاعلك وفهمك إله.
- ما تفكر إنه الطرف الآخر بستنى منك جواب هو أحيانا بس بدو مين يسمعه.
- ما تعمل فيها الخبير وتحكيله:فاهم عليك بدون ما تكمل..لإنك هيك بتكسره..
- وأسوء إشي ممكن تعمله إنك أثناء كلامه تصير تستحضر قصص مؤلمة أكثر من قصته..
يعني كأنك بتحكيله: مشكلتك ولا إشي مقارنة مع المشاكل اللي مريت فيها أو سمعت عنها وشفتها.
.
.
.
في آية في القرآن دائما بتستوقفني وبتثير عجبي ودهشتي..
الآية بتحكي عن إيذاء لفظي كان يتعرّض إله النبي صلى الله عليه وسلم من المنافقين.
المنافقين كانوا يحكوا للرسول: (هو أُذن)!
الآية بتحكي:
﴿ وَمِنْهُمُ الَّذِينَ يُؤْذُونَ النَّبِيَّ وَيَقُولُونَ هُوَ أُذُنٌ قُلْ أُذُنُ خَيْرٍ لَكُمْ يُؤْمِنُ بِاللَّهِ وَيُؤْمِنُ لِلْمُؤْمِنِينَ وَرَحْمَةٌ لِلَّذِينَ آمَنُوا مِنْكُمْ وَالَّذِينَ يُؤْذُونَ رَسُولَ اللَّهِ لَهُمْ عَذَابٌ أَلِيمٌ ﴾.
شو يعني (هو أُذن) ؟!
المنافقين لما شافوا حلم النبي صلى الله عليه وسلم في تعامله مع الناس وإنه بسمــــــع منهم كلهم وصفوه بــــ أذن !
وقصدهم استهزاء وسخرية إنه هو بسمع من الكل سواء عبيد أو اطفال أو نساء أو رجال أو شيوخ أو ذوي احتياجات خاصة..وغيرهم..
وربنا عز وجل يرد: قُلْ أُذُنُ خَيْرٍ لَكُمْ
آه أُذن...لكنها أُذن خير إلكم..
.
.
النبي صلى الله عليه وسلم رغم كل مشاغله وهمومه
إلا إنه كان يسمع للناس ويصغي إلها حتى في دقائق الامور واللي ممكن نشوفها بسيطة ومش مستاهلة..
وحدة بتشكي من زوجها، وطفل ضيّع عصفوره، وصحابي متمشكل مع زوجته، وفلان بدور على ناقته، وحدا بستشيره بزواجه...وغيره..
سمعهم كلهم..
من غير ما يقلل من شان كلامهم..
من غير ما يخبرهم عن يتمه والعذاب اللي تعرض إله..
من غير ما يحكيلهم عن موت ولاده أو استشهاد أصحابه..
بدون ما يحكيلهم أنا مريت بمواقف أصعب من مواقفكم..
وما حكالهم خلص فاهم عليكم..
وكثير مرات هو يبادر بالسؤال ويطّمن شو صار معهم!
.
.
.
آه..هو (أُذن)
ولكن... قُلْ أُذُنُ خَيْرٍ لَكُمْ <3
#ARK
#القرآن_الجميل
كثير ناس لما بدها تحكي إشي لحدا ما بتكون بتسنى منه حلّ او جواب أو تدخل..
هي بس بدها مين يسمعها..
من أكثر الاخطاء اللي ممكن توقع فيها لما حدا يفضفضلك:
- إنك تفكر بجواب أثناء كلامه، وهذا رح يشتت انصاتك وتفاعلك وفهمك إله.
- ما تفكر إنه الطرف الآخر بستنى منك جواب هو أحيانا بس بدو مين يسمعه.
- ما تعمل فيها الخبير وتحكيله:فاهم عليك بدون ما تكمل..لإنك هيك بتكسره..
- وأسوء إشي ممكن تعمله إنك أثناء كلامه تصير تستحضر قصص مؤلمة أكثر من قصته..
يعني كأنك بتحكيله: مشكلتك ولا إشي مقارنة مع المشاكل اللي مريت فيها أو سمعت عنها وشفتها.
.
.
.
في آية في القرآن دائما بتستوقفني وبتثير عجبي ودهشتي..
الآية بتحكي عن إيذاء لفظي كان يتعرّض إله النبي صلى الله عليه وسلم من المنافقين.
المنافقين كانوا يحكوا للرسول: (هو أُذن)!
الآية بتحكي:
﴿ وَمِنْهُمُ الَّذِينَ يُؤْذُونَ النَّبِيَّ وَيَقُولُونَ هُوَ أُذُنٌ قُلْ أُذُنُ خَيْرٍ لَكُمْ يُؤْمِنُ بِاللَّهِ وَيُؤْمِنُ لِلْمُؤْمِنِينَ وَرَحْمَةٌ لِلَّذِينَ آمَنُوا مِنْكُمْ وَالَّذِينَ يُؤْذُونَ رَسُولَ اللَّهِ لَهُمْ عَذَابٌ أَلِيمٌ ﴾.
شو يعني (هو أُذن) ؟!
المنافقين لما شافوا حلم النبي صلى الله عليه وسلم في تعامله مع الناس وإنه بسمــــــع منهم كلهم وصفوه بــــ أذن !
وقصدهم استهزاء وسخرية إنه هو بسمع من الكل سواء عبيد أو اطفال أو نساء أو رجال أو شيوخ أو ذوي احتياجات خاصة..وغيرهم..
وربنا عز وجل يرد: قُلْ أُذُنُ خَيْرٍ لَكُمْ
آه أُذن...لكنها أُذن خير إلكم..
.
.
النبي صلى الله عليه وسلم رغم كل مشاغله وهمومه
إلا إنه كان يسمع للناس ويصغي إلها حتى في دقائق الامور واللي ممكن نشوفها بسيطة ومش مستاهلة..
وحدة بتشكي من زوجها، وطفل ضيّع عصفوره، وصحابي متمشكل مع زوجته، وفلان بدور على ناقته، وحدا بستشيره بزواجه...وغيره..
سمعهم كلهم..
من غير ما يقلل من شان كلامهم..
من غير ما يخبرهم عن يتمه والعذاب اللي تعرض إله..
من غير ما يحكيلهم عن موت ولاده أو استشهاد أصحابه..
بدون ما يحكيلهم أنا مريت بمواقف أصعب من مواقفكم..
وما حكالهم خلص فاهم عليكم..
وكثير مرات هو يبادر بالسؤال ويطّمن شو صار معهم!
.
.
.
آه..هو (أُذن)
ولكن... قُلْ أُذُنُ خَيْرٍ لَكُمْ <3
#ARK
#القرآن_الجميل
❤3👍1
بكل براءة بحكي لاختي: حاس البنات كلهم صايرين حلوين!
وبنفس الوقت كلهم بشبهوا بعض..
فهي حكتلي: عيب عليك...وإنت ليه ما بتغض بصرك؟!!
فانا قلتلها والله مش قصدي آســـف، يعني بحكي بالمجمل : \
فهي مشكورة قعدت معي قعدة وشرحتلي فيها عن بعض المستحضرات اللي بستخدموها البنات في الواقع، وعن بعض الفلاتر والأشياء في العالم الإفتراضي واللي من خلالها بصيروا يشبهوا بعض وبصيروا كمان حلوين..!
المهم في كثير مقالات وكتب وأبحاث بتحكي عن تاريخ الجمال..
يعني مثلا عند العرب قديما كانوا يكتبوا الشعر ويتغنّوا في المرأة "الممتلئة"، وكانت توصف بـــ ( خرساء الأساور) يعني الأساور ما بتتحرك بإيديها المليانة ")
وعند اليونان والرومان القدماء كان أغلب تركيزهم على جمال الرجل مش المرأة..
وفي الثقافة المسيحية في القرون الوسطى ما كان في اهتمام بالجمال لإنهم كانوا ينظروا للمرأة كرمز للخطيئة، وكانوا يوصفوا البنت الحلوة بـــ( فخ الشيطان).. وبالتالي حتى البنت الحلوة فيهم تخلّي وجهها شاحب دلالة على الطهر والعفة والتربية الفاضلة..
بعصر النهضة صار الجمال مقتصر عالطبقة الأرستقراطية.. وكان معيار الجمال هو الوجه والخصر فقط، وكانت أصلا طبيعة ملابسهم فساتين منفوخة من تحت وضيقة من جهة الخصر.
ومن لحظتها بدء استخدام المكياج للوجه والمشدات اللي بتخفي الترهلات جهة الخصر..
.
.
.
إحنا الآن بنعيش في زمن زي ما صارت "ستوري" الإنستجرام تاعت البنت الأمريكية وهي بتشرب من ستاربكس، نفس "ستوري" البنت العربية..
صارت حتى معايير الجمال مشتركة بينهم وبين كل العالم..
(الجسم المثالي، نسبة الدهون ما بتزيد عن كذا، البشرة صافية، الحواجب مرفوعة، الأنف صغير، الشفايف منفوخة، ويفضل وجود غمازة .. وحتى طريقة التصوير لازم تكون بشكل ووضعية معينة..الخ)
المشكلة بالرغم من كل هالمستحضرات والفلاتر إلا إنه الأبحاث بتشير لأضرار نفسية هائلة بتعرضوا إلها البنات في معركــــة الجمال..!
الابحاث بتحكي عن تدني صورة الذات Self Image.. لدرجة صرت تلاقي البنت بمجرد ما قعدت مع طرف آخر بتصير تعتذر عشانها مليانة شوي أو عشان انفها مش صغير أو عشان وجهها مش صافي أو إنها قصيرة\ طويلة كثير..!
فضلا عن الأضرار النفسية المتعلقة بالاكل والمظهر والحمية القاسية اللي بتضطر بعض البنات تمشي فيها، وهذا بسبب امراض مثل "فقدان الشهية العصبي" أو " الشره العصبي للأكل".
غير إنه هالمعركة ساهمت في تدني مستوى الاهتمامات والطموحات عند البنات..
هي بس مشغولة كيف تصير احلى!
مش مهم دراسة وشغل وثقافة وعلم بقدر ما مهم أكون أحلى..
هالمعايير واللي بنشوف مظاهرها على وسائل التواصل الإجتماعي ساهمت في كثير حالات اكتئاب وضياع وتوتر وحتى انتحار..!
.
.
------------
هالمعايير الغربية للجمال انطلقت ببساطة من منظومة مادية، بتشوف كل هالعالم من نظرة مادية وآخر اهتمامها روح الإنسان وجوهره..
ما في بنت ما بتحب تكون حلوة..
ودينّا ما ركّز عالروح واغفل الجسد..
الدين وازن بين فطرة التزين وفطرة الستر..
هالموازنة اللي انتجت زينة ظاهرة ممكن نكشفها، وزينة باطنة لازم نسترها..
هالموازنة الهدف منها تحرر البنت من معركة الجمال الموهومة!
تحررها من اكتئابها وضياعها وشتاتها ومن عالم المقارنات اللي فرضته عحالها..
هالموازنة حريصة تلفت انتباه الناس لروحها مش لجسمها وشكلها..
حريصة تحررها من نظرات الجشع والشهوة والطمع في عيون الناس إلها..
حريصة تبيّن إلها إنه في احلام وطموحات أسمى تقاتلي عشانها..
وإنه الله ما بنظر لأشكال الناس وصورها وجمالها..
لكنّه بنظر
لقلوبها..!
.
.
.
#ARK
وبنفس الوقت كلهم بشبهوا بعض..
فهي حكتلي: عيب عليك...وإنت ليه ما بتغض بصرك؟!!
فانا قلتلها والله مش قصدي آســـف، يعني بحكي بالمجمل : \
فهي مشكورة قعدت معي قعدة وشرحتلي فيها عن بعض المستحضرات اللي بستخدموها البنات في الواقع، وعن بعض الفلاتر والأشياء في العالم الإفتراضي واللي من خلالها بصيروا يشبهوا بعض وبصيروا كمان حلوين..!
المهم في كثير مقالات وكتب وأبحاث بتحكي عن تاريخ الجمال..
يعني مثلا عند العرب قديما كانوا يكتبوا الشعر ويتغنّوا في المرأة "الممتلئة"، وكانت توصف بـــ ( خرساء الأساور) يعني الأساور ما بتتحرك بإيديها المليانة ")
وعند اليونان والرومان القدماء كان أغلب تركيزهم على جمال الرجل مش المرأة..
وفي الثقافة المسيحية في القرون الوسطى ما كان في اهتمام بالجمال لإنهم كانوا ينظروا للمرأة كرمز للخطيئة، وكانوا يوصفوا البنت الحلوة بـــ( فخ الشيطان).. وبالتالي حتى البنت الحلوة فيهم تخلّي وجهها شاحب دلالة على الطهر والعفة والتربية الفاضلة..
بعصر النهضة صار الجمال مقتصر عالطبقة الأرستقراطية.. وكان معيار الجمال هو الوجه والخصر فقط، وكانت أصلا طبيعة ملابسهم فساتين منفوخة من تحت وضيقة من جهة الخصر.
ومن لحظتها بدء استخدام المكياج للوجه والمشدات اللي بتخفي الترهلات جهة الخصر..
.
.
.
إحنا الآن بنعيش في زمن زي ما صارت "ستوري" الإنستجرام تاعت البنت الأمريكية وهي بتشرب من ستاربكس، نفس "ستوري" البنت العربية..
صارت حتى معايير الجمال مشتركة بينهم وبين كل العالم..
(الجسم المثالي، نسبة الدهون ما بتزيد عن كذا، البشرة صافية، الحواجب مرفوعة، الأنف صغير، الشفايف منفوخة، ويفضل وجود غمازة .. وحتى طريقة التصوير لازم تكون بشكل ووضعية معينة..الخ)
المشكلة بالرغم من كل هالمستحضرات والفلاتر إلا إنه الأبحاث بتشير لأضرار نفسية هائلة بتعرضوا إلها البنات في معركــــة الجمال..!
الابحاث بتحكي عن تدني صورة الذات Self Image.. لدرجة صرت تلاقي البنت بمجرد ما قعدت مع طرف آخر بتصير تعتذر عشانها مليانة شوي أو عشان انفها مش صغير أو عشان وجهها مش صافي أو إنها قصيرة\ طويلة كثير..!
فضلا عن الأضرار النفسية المتعلقة بالاكل والمظهر والحمية القاسية اللي بتضطر بعض البنات تمشي فيها، وهذا بسبب امراض مثل "فقدان الشهية العصبي" أو " الشره العصبي للأكل".
غير إنه هالمعركة ساهمت في تدني مستوى الاهتمامات والطموحات عند البنات..
هي بس مشغولة كيف تصير احلى!
مش مهم دراسة وشغل وثقافة وعلم بقدر ما مهم أكون أحلى..
هالمعايير واللي بنشوف مظاهرها على وسائل التواصل الإجتماعي ساهمت في كثير حالات اكتئاب وضياع وتوتر وحتى انتحار..!
.
.
------------
هالمعايير الغربية للجمال انطلقت ببساطة من منظومة مادية، بتشوف كل هالعالم من نظرة مادية وآخر اهتمامها روح الإنسان وجوهره..
ما في بنت ما بتحب تكون حلوة..
ودينّا ما ركّز عالروح واغفل الجسد..
الدين وازن بين فطرة التزين وفطرة الستر..
هالموازنة اللي انتجت زينة ظاهرة ممكن نكشفها، وزينة باطنة لازم نسترها..
هالموازنة الهدف منها تحرر البنت من معركة الجمال الموهومة!
تحررها من اكتئابها وضياعها وشتاتها ومن عالم المقارنات اللي فرضته عحالها..
هالموازنة حريصة تلفت انتباه الناس لروحها مش لجسمها وشكلها..
حريصة تحررها من نظرات الجشع والشهوة والطمع في عيون الناس إلها..
حريصة تبيّن إلها إنه في احلام وطموحات أسمى تقاتلي عشانها..
وإنه الله ما بنظر لأشكال الناس وصورها وجمالها..
لكنّه بنظر
لقلوبها..!
.
.
.
#ARK
من سنوات تواصلت بنت ملحدة مع آرك وجرى بينا نقاش طويل..
وبعد ما قادنا النقاش لإثبات وجود الله وصحة الإسلام..
وفي اللحظة اللي كان من المفترض تتشهد فيها وترجع للإسلام...
قالت: لأ...ما بدي!
هالموقف أثر فيي جدًا، وحزنت من كل قلبي عليها..
خصوصًا إنه رفضها كان مجرد تكبّر وجحود، وهي اعترفت إنه الدين صح بس هي ما بدها لأسباب ما بنفع أذكرها حفاظا على خصوصية صاحبة القصة..
أيام معدودة تواصل مجموعة من البنات والشباب واللي كان منهم تارك الإسلام أو على شفا حفرة يتركه..
وكلهم بلا استثناء انتهى النقاش بــــ
( لا إله إلا الله..محمد رسول الله)!
.
.
.
في آية عجيبة في سورة المائدة:
يَا أَيُّهَا الَّذِينَ آمَنُوا مَن (يَرْتَدَّ مِنكُمْ) عَن دِينِهِ فَسَوْفَ يَأْتِي اللَّهُ (بِقَوْمٍ يُحِبُّهُمْ وَيُحِبُّونَهُ) أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ وَلَا يَخَافُونَ لَوْمَةَ لَائِمٍ ۚ ذَٰلِكَ فَضْلُ اللَّهِ يُؤْتِيهِ مَن يَشَاءُ ۚ وَاللَّهُ وَاسِعٌ عَلِيمٌ.
برتد منكم (واحد)...بيجي بداله (قـــوم) !
العجيب إنه في هالآية الله ما يخوّف اللي برتدوا عن دينهم بالنار أو العذاب..
بخوفهم بالحــــــب!
بإنه رح يستبدلهم بقوم (يحبهم ويحبونه)!
الله ما حكى في الآية إنه رح يستبدلهم بقوم مؤمنين، صالحين، أتقياء..
هذا أمر مفروغ منه..
في مسافة عظيمة بعد هذا كلـــه..
وهي مســـافة
(المُحبيــن)!
.
.
------------
<3 !
#القرآن_الجميل
#ARK
وبعد ما قادنا النقاش لإثبات وجود الله وصحة الإسلام..
وفي اللحظة اللي كان من المفترض تتشهد فيها وترجع للإسلام...
قالت: لأ...ما بدي!
هالموقف أثر فيي جدًا، وحزنت من كل قلبي عليها..
خصوصًا إنه رفضها كان مجرد تكبّر وجحود، وهي اعترفت إنه الدين صح بس هي ما بدها لأسباب ما بنفع أذكرها حفاظا على خصوصية صاحبة القصة..
أيام معدودة تواصل مجموعة من البنات والشباب واللي كان منهم تارك الإسلام أو على شفا حفرة يتركه..
وكلهم بلا استثناء انتهى النقاش بــــ
( لا إله إلا الله..محمد رسول الله)!
.
.
.
في آية عجيبة في سورة المائدة:
يَا أَيُّهَا الَّذِينَ آمَنُوا مَن (يَرْتَدَّ مِنكُمْ) عَن دِينِهِ فَسَوْفَ يَأْتِي اللَّهُ (بِقَوْمٍ يُحِبُّهُمْ وَيُحِبُّونَهُ) أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ وَلَا يَخَافُونَ لَوْمَةَ لَائِمٍ ۚ ذَٰلِكَ فَضْلُ اللَّهِ يُؤْتِيهِ مَن يَشَاءُ ۚ وَاللَّهُ وَاسِعٌ عَلِيمٌ.
برتد منكم (واحد)...بيجي بداله (قـــوم) !
العجيب إنه في هالآية الله ما يخوّف اللي برتدوا عن دينهم بالنار أو العذاب..
بخوفهم بالحــــــب!
بإنه رح يستبدلهم بقوم (يحبهم ويحبونه)!
الله ما حكى في الآية إنه رح يستبدلهم بقوم مؤمنين، صالحين، أتقياء..
هذا أمر مفروغ منه..
في مسافة عظيمة بعد هذا كلـــه..
وهي مســـافة
(المُحبيــن)!
.
.
------------
<3 !
#القرآن_الجميل
#ARK
- عادي أحكيلك إشي وما تحكي عني مجنونة!
- آه..
- نفسي أجرب حياة البشر!
- هههه مجنونة..شو عاجبك بحياة البشر؟!
- نفسي أخوض صراعهم في بحثهم عن الخير والحق، في بحثهم عن معنى لحياتهم، في صراعهم مع شهواتهم ورغباتهم..نفس اجرب هالتناقض ما بين مشاعر فرحهم وحزنهم، شو نفسي أبكي وأضحك زيهم..
نفسي أحب واكره واتألم وأفرح واجهل وأتعلم، أنظلم وأسامح، اظلم واستسمح، أغلط وأتوب...نفسي أعيش كل هالمشاعر زيهم..
نفسي أصحى زيهم الصبح وأشرب قهوة!
- غريبة!
يعني ما شفتي كيف هالبشر نفسهم بتمنوا لو الله ما خلقهم؟
كم مرّة شفنا ناس بتتوجع وبتتألم وبتفكّر تنتحر..؟
كم مليون مرة سمعنا عن ناس نفسها ترجع عدم..؟
كم ناس سيطر عقلوبها الظلم والجشع والطمع والحسد والغل والكبر!!
مجرد التفكير إنه نكون بشر فكرة مرعبـــــة..
بكفي هالفكرة كفيلة تعيّشك بصراع ممكن يخليك تنسي الله..!
في أبشع من هيك؟؟
- مستحيل لو كنت بشر أنسى الله!
- هههه والناس اللي بنشوفهم نسيوه!!
- بحس حالي غير عنهم..يعني آه لو انخلقت ممكن أضعف وأغلط بحكم إني بشر وبعيش صراع تقدّر عليّ ككائن بمتلك حرية إرادة...بس إلا (الله) مستحيل أنساه !
- ما بعرف كيف عندك الجرأة تفكري بهيك إشي مجرد تفكير..
- صدّقني ما بحس الصورة هالقد مأساوية وسوداوية عوصفك..
يعني حتى البشر اللي كنا نشوفهم بتمنّوا يموتوا ويخلصوا من هالحياة كنّا نشوفهم ثاني يوم متشبثين بالحياة بأدق تفاصيلها..
وما تنكر إنه كمان الحياة فيها تفاصيل حلوة ومدهشة..
زي إنهم بحكوا مع الله، بحسوا بشعور القرب منه، بعيشوا مشاعر الحب والصدق والإيثار والخير والعطاء..
ووو بشربوا قهوة!
- يييي هالقد ميتة على القهوة!
أصلا بسمعهم دائما بحكوا عنها مرّة..
- بس مع ذلك بشربوها!
- قصدك تحكيلي زي حياتهم؟؟
- آه بالضبط..بالرغم من مرارتها إلا إنهم بستسيغوها وبحبوها..
مش بس القهوة، يعني كتير أشياء بحياتهم في ظاهرها مرّ وشر وألم وجهد وتعب..مع ذلك وبكل إرادتهم بعيشوها..
أصلا معنى حياتهم بتمثّل بالآلم والمصاعب اللي بمروا فيها..
يعني كيف رح يشعروا بقيمة النعم لو ما انحرموها..؟
كيف رح يشعروا بقيمة الصحة بدون ما يمرضوا ويفقدوها..؟
كل إشي بحياتهم بتجلّى معناه بعد المعاناة!
- يعني حابة تصيري بشر؟!
- آه...
- بس أكيد بتعرفي إنه ربنا رح يقدّر عليك أشياء، يعني ما رح تختاري شكلك ولا لونك ولا لغتك ولا اهلك ولا وطنك ولا إشي!!
- عادي..
مش الله ما بحمّل حد فوق طاقته؟ ورح يكون اختباره ضمن طاقته ووسعه..؟
يعني هو ما رح يقدّر عليّ أشياء او يبتليني ببلاء إلا وانا بمتلك طاقة وقوة أصارعه وأتحداه وأقهره..صح؟
- أكيد صح.. الله عادل ورحيم ^^
ممممم بس خايف تنسي الله!
- يا رب..لأ..
ما رح أنساه..وعد!
---------------------------------
نفخ الله من روحه في الخلايا والدم فحسيت بحركة..
وأنا متكورة عحالي والمكان كله ظلام وبخوّف..
في ملايين من الخلايا بتصنع المخ، وملايين الخلايا بتصنع العظام، وملايين الخلايا بتصنع شبكة الأعصاب، وبلايين الخلايا اللي بتصنع بقية الجسد. والغريب أنه كل خلية كانت تعرف طريقها علما إنه الدنيا كثير عتمة..!
وفجأة..
شلال من نور هطل عليّ..
دثار دافي أحاط بروحي..
وميض من ضوء سافر بعروقي..
ملك من السما تسلل لقلبي..
ونسمة نور بعد ظلام طويل حضنتني..
لحظة ما ربنا قدّر يوجدني!!
.
.
------------
وقررت ماما تسمّيني
قـــــدر! <3
#ARK
- آه..
- نفسي أجرب حياة البشر!
- هههه مجنونة..شو عاجبك بحياة البشر؟!
- نفسي أخوض صراعهم في بحثهم عن الخير والحق، في بحثهم عن معنى لحياتهم، في صراعهم مع شهواتهم ورغباتهم..نفس اجرب هالتناقض ما بين مشاعر فرحهم وحزنهم، شو نفسي أبكي وأضحك زيهم..
نفسي أحب واكره واتألم وأفرح واجهل وأتعلم، أنظلم وأسامح، اظلم واستسمح، أغلط وأتوب...نفسي أعيش كل هالمشاعر زيهم..
نفسي أصحى زيهم الصبح وأشرب قهوة!
- غريبة!
يعني ما شفتي كيف هالبشر نفسهم بتمنوا لو الله ما خلقهم؟
كم مرّة شفنا ناس بتتوجع وبتتألم وبتفكّر تنتحر..؟
كم مليون مرة سمعنا عن ناس نفسها ترجع عدم..؟
كم ناس سيطر عقلوبها الظلم والجشع والطمع والحسد والغل والكبر!!
مجرد التفكير إنه نكون بشر فكرة مرعبـــــة..
بكفي هالفكرة كفيلة تعيّشك بصراع ممكن يخليك تنسي الله..!
في أبشع من هيك؟؟
- مستحيل لو كنت بشر أنسى الله!
- هههه والناس اللي بنشوفهم نسيوه!!
- بحس حالي غير عنهم..يعني آه لو انخلقت ممكن أضعف وأغلط بحكم إني بشر وبعيش صراع تقدّر عليّ ككائن بمتلك حرية إرادة...بس إلا (الله) مستحيل أنساه !
- ما بعرف كيف عندك الجرأة تفكري بهيك إشي مجرد تفكير..
- صدّقني ما بحس الصورة هالقد مأساوية وسوداوية عوصفك..
يعني حتى البشر اللي كنا نشوفهم بتمنّوا يموتوا ويخلصوا من هالحياة كنّا نشوفهم ثاني يوم متشبثين بالحياة بأدق تفاصيلها..
وما تنكر إنه كمان الحياة فيها تفاصيل حلوة ومدهشة..
زي إنهم بحكوا مع الله، بحسوا بشعور القرب منه، بعيشوا مشاعر الحب والصدق والإيثار والخير والعطاء..
ووو بشربوا قهوة!
- يييي هالقد ميتة على القهوة!
أصلا بسمعهم دائما بحكوا عنها مرّة..
- بس مع ذلك بشربوها!
- قصدك تحكيلي زي حياتهم؟؟
- آه بالضبط..بالرغم من مرارتها إلا إنهم بستسيغوها وبحبوها..
مش بس القهوة، يعني كتير أشياء بحياتهم في ظاهرها مرّ وشر وألم وجهد وتعب..مع ذلك وبكل إرادتهم بعيشوها..
أصلا معنى حياتهم بتمثّل بالآلم والمصاعب اللي بمروا فيها..
يعني كيف رح يشعروا بقيمة النعم لو ما انحرموها..؟
كيف رح يشعروا بقيمة الصحة بدون ما يمرضوا ويفقدوها..؟
كل إشي بحياتهم بتجلّى معناه بعد المعاناة!
- يعني حابة تصيري بشر؟!
- آه...
- بس أكيد بتعرفي إنه ربنا رح يقدّر عليك أشياء، يعني ما رح تختاري شكلك ولا لونك ولا لغتك ولا اهلك ولا وطنك ولا إشي!!
- عادي..
مش الله ما بحمّل حد فوق طاقته؟ ورح يكون اختباره ضمن طاقته ووسعه..؟
يعني هو ما رح يقدّر عليّ أشياء او يبتليني ببلاء إلا وانا بمتلك طاقة وقوة أصارعه وأتحداه وأقهره..صح؟
- أكيد صح.. الله عادل ورحيم ^^
ممممم بس خايف تنسي الله!
- يا رب..لأ..
ما رح أنساه..وعد!
---------------------------------
نفخ الله من روحه في الخلايا والدم فحسيت بحركة..
وأنا متكورة عحالي والمكان كله ظلام وبخوّف..
في ملايين من الخلايا بتصنع المخ، وملايين الخلايا بتصنع العظام، وملايين الخلايا بتصنع شبكة الأعصاب، وبلايين الخلايا اللي بتصنع بقية الجسد. والغريب أنه كل خلية كانت تعرف طريقها علما إنه الدنيا كثير عتمة..!
وفجأة..
شلال من نور هطل عليّ..
دثار دافي أحاط بروحي..
وميض من ضوء سافر بعروقي..
ملك من السما تسلل لقلبي..
ونسمة نور بعد ظلام طويل حضنتني..
لحظة ما ربنا قدّر يوجدني!!
.
.
------------
وقررت ماما تسمّيني
قـــــدر! <3
#ARK
❤1
كيف ممكن لبنت فهمانة وعاقلة وواعية تتعلق بشب سطحي وتافه؟
وهي بتعرف إنه هالشب إله علاقات متعددة وما رح ينظر إلها بشكل مختلف عن بقية البنات اللي بعرفهم؟!
ونفس السؤال للشب..؟
كم مرة صادفنا بنت منيحة كانت ضحية لشب مريض قدر يضحك عليها ويدمر حياتها؟
ولما سألناها طيب كيف هيك؟ كيف سمحتي إله يجرّ رجلك للغلط؟ وين عقلك لحظتها؟
وهي تجاوبنا: ما بعرف!
.
.
ليه الشرير عادة بظهر أذكى من الإنسان الخيّر..؟
والملحد أذكى من المؤمن..؟
والسيء أشطر من المحترم ؟
والخائن أكثر عبقرية من الوفي؟
ليه بتجذبنا الشخصيات المريضة والمعقدة أكثر من الشخصيات الطيبة؟
وليه بنبتسم بإعجاب لما نصادف فيلم أو رواية فيها شخصية شريرة؟
.
.
إحدى التفسيرات باعتقادي ما يسمى في علم النفس الإجتماعي:
(الاحتفاز العقلي لمواجهة التنافر المعرفي)
والتنافر المعرفي: حالة نفسية أولية بتنشأ من مخالفة السلوك للمعرفة الداخلية.
نفس فكرة الطبيب المدخن.
يعني الطبيب بمتلك معرفة إنه الدخان مضر بالصحة وهذا بتعارض من سلوكه كونه مدخن..صح؟
هسا للنفس آليات مختلفة في مواجهة التنافر المعرفي منها مثلا: التحفيز العقلي..
إنه يستخدم عقله بشكل لوهلة ممكن نشوفه منطقي لكنه في حقيقته فاسد ومش منطقي.
زي مثلا يقلك: هي السكّري بموّت ليه الناس لما تشوفك بتاكل شوكلاته ما بتحكي إشي معك؟
أو الحرامي لما يقلك: كل الناس بتسرق؟
او الشب لما يقلك البنات همه اللي ببعتولي!
فلانة هي اعطتني مجال أنا ما جبرتها على إشي؟!
.
.
هالتحفيز العقلي وإن كان مبني على مغالطات منطقية لكنه في كثير من الاحيان بظهر بشكل فريد وعبقري.
لما الملحد يبرر إلحاده، والفاسد فساده، والخائن خيانته، والجَشِع جَشعه، والشب علاقاته..
كلهم رح يبرروا بشكل متحايل وذكي وعبقري واحيانا مدهش و واو !!
وهذا رح يدفع كثير ناس تقتنع بكلامهم او تبرر أفعالهم او تحاول تقترب منهم..
وحتى لو صرّحنا بمعارضتنا إلهم، في بعض الناس رح ينظر إلهم باعجاب كونهم ظفروا بمتع وملذات بترفضها مبادئهم وضمائرهم..
--------------
.
.
الخلاصة:
ما تسمحوا لناس بتضحك عحالها إنها تضحك عليكم ")
#ARK
وهي بتعرف إنه هالشب إله علاقات متعددة وما رح ينظر إلها بشكل مختلف عن بقية البنات اللي بعرفهم؟!
ونفس السؤال للشب..؟
كم مرة صادفنا بنت منيحة كانت ضحية لشب مريض قدر يضحك عليها ويدمر حياتها؟
ولما سألناها طيب كيف هيك؟ كيف سمحتي إله يجرّ رجلك للغلط؟ وين عقلك لحظتها؟
وهي تجاوبنا: ما بعرف!
.
.
ليه الشرير عادة بظهر أذكى من الإنسان الخيّر..؟
والملحد أذكى من المؤمن..؟
والسيء أشطر من المحترم ؟
والخائن أكثر عبقرية من الوفي؟
ليه بتجذبنا الشخصيات المريضة والمعقدة أكثر من الشخصيات الطيبة؟
وليه بنبتسم بإعجاب لما نصادف فيلم أو رواية فيها شخصية شريرة؟
.
.
إحدى التفسيرات باعتقادي ما يسمى في علم النفس الإجتماعي:
(الاحتفاز العقلي لمواجهة التنافر المعرفي)
والتنافر المعرفي: حالة نفسية أولية بتنشأ من مخالفة السلوك للمعرفة الداخلية.
نفس فكرة الطبيب المدخن.
يعني الطبيب بمتلك معرفة إنه الدخان مضر بالصحة وهذا بتعارض من سلوكه كونه مدخن..صح؟
هسا للنفس آليات مختلفة في مواجهة التنافر المعرفي منها مثلا: التحفيز العقلي..
إنه يستخدم عقله بشكل لوهلة ممكن نشوفه منطقي لكنه في حقيقته فاسد ومش منطقي.
زي مثلا يقلك: هي السكّري بموّت ليه الناس لما تشوفك بتاكل شوكلاته ما بتحكي إشي معك؟
أو الحرامي لما يقلك: كل الناس بتسرق؟
او الشب لما يقلك البنات همه اللي ببعتولي!
فلانة هي اعطتني مجال أنا ما جبرتها على إشي؟!
.
.
هالتحفيز العقلي وإن كان مبني على مغالطات منطقية لكنه في كثير من الاحيان بظهر بشكل فريد وعبقري.
لما الملحد يبرر إلحاده، والفاسد فساده، والخائن خيانته، والجَشِع جَشعه، والشب علاقاته..
كلهم رح يبرروا بشكل متحايل وذكي وعبقري واحيانا مدهش و واو !!
وهذا رح يدفع كثير ناس تقتنع بكلامهم او تبرر أفعالهم او تحاول تقترب منهم..
وحتى لو صرّحنا بمعارضتنا إلهم، في بعض الناس رح ينظر إلهم باعجاب كونهم ظفروا بمتع وملذات بترفضها مبادئهم وضمائرهم..
--------------
.
.
الخلاصة:
ما تسمحوا لناس بتضحك عحالها إنها تضحك عليكم ")
#ARK
❤1
مرة كنت في بلد أجنبي ودخل وقت الصلاة وما في مكان أصلي فيه..
فأخذت زاوية بطرف الشارع وقلت "الله أكبر"
ما لحقت احكي "الله أكبر" إلا بنت وقفت جنبي وصارت تتفرج عليّ..
صراحة وقتها انعجقت عالمزبوط ")
خلصت الصلاة وتفرجت لأشوف مين هالبنت إلا هي بنت روسية "")
- عادي سؤال؟
- تفضلي..
- إنت كنت بتصلي صح؟
- آه..
- يعني بتحكي مع الله؟
- آه..
- يعني جد بتحس بشعور إنك بتحكي معاه؟
- آه..
بكل دهشة قالت: شو نفسي أحس هيك!
وضلت رايحة..
.
.
بعد هالموقف صفنت بسؤالها وجوابي..
وقلت يا ترى انا لما أصلي فعلا بكون مستشعر إني بحكي مع الله؟
ومن وقتها صارت نظرتي للصلاة إني بحكي مع الله!
صرت أحاول أستشعر إني فعلا بذكره وبدعيه وبحكي معاه..
حتى إني صرت حريص أربط كل صلاة بأحداث يومي..
يعني الصلاة اللي بصليها بعد ذنب أذنبته بتكون فيها دعوات إنه ربنا يسامحني..
الصلاة اللي بكون قبلها زعلان او مزعوج بدعيه يساعدني ويخفف عني..
الصلاة قبل السفر إنه يارب يسر طريقي..
الصلاة اللي بصليها في بيت أختي بدعي فيها لاختي وزوجها وولادها..
مرة حدا ساعدني ببنشر السيارة فكانت صلاة العصر بتحمل دعوات إله في سجداتها..
كل صلاة مربوطة إما بحدث سابق أو لاحق إلها..
وبحرص فيها أذكر ربنا وأعظمه وأحكيله إني بحبه رغم كل أغلاطي وضعفي وتقصيري..
.
.
القرآن دائما بذكرنا إنه الهدف من الصلاة "الذكــــر"
إنك تُذكر ربنا وتتذكره بكل تفاصيل يومك وحياتك..
إِنَّنِي أَنَا اللَّهُ لَا إِلَٰهَ إِلَّا أَنَا فَاعْبُدْنِي وَأَقِمِ الصَّلَاةَ لِــذِكْرِي.
حتى الآية اللي بتحكيلنا إنه الهدف من الصلاة النهي عن الفحشاء والمنكر:
وَأَقِمِ الصَّلَاةَ ۖ إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ
تكملتها:
وَلَذِكْــــرُ اللَّهِ أَكْبَـــــرُ ۗ وَاللَّهُ يَعْلَمُ مَا تَصْنَعُونَ.
.
.
---------------
لو استشعرت فعلا إنه صلاتك ذكر وحكي مع ربنا رح تتغير حياتك..
ورح تمر عليك اوقات تستنى فيها الصلاة حتى تفضفض لربنا شو بقلبك..
حتى تغسل روحك وتخفف من حمل ظهرك..
رح تيجي لحظة تستعجل خطواتك لمكان صلاتك..
في موضوع شاغل بالك بدك تحكيه لـــ ( الله ) !
#القرآن_الجميل
#ARK
فأخذت زاوية بطرف الشارع وقلت "الله أكبر"
ما لحقت احكي "الله أكبر" إلا بنت وقفت جنبي وصارت تتفرج عليّ..
صراحة وقتها انعجقت عالمزبوط ")
خلصت الصلاة وتفرجت لأشوف مين هالبنت إلا هي بنت روسية "")
- عادي سؤال؟
- تفضلي..
- إنت كنت بتصلي صح؟
- آه..
- يعني بتحكي مع الله؟
- آه..
- يعني جد بتحس بشعور إنك بتحكي معاه؟
- آه..
بكل دهشة قالت: شو نفسي أحس هيك!
وضلت رايحة..
.
.
بعد هالموقف صفنت بسؤالها وجوابي..
وقلت يا ترى انا لما أصلي فعلا بكون مستشعر إني بحكي مع الله؟
ومن وقتها صارت نظرتي للصلاة إني بحكي مع الله!
صرت أحاول أستشعر إني فعلا بذكره وبدعيه وبحكي معاه..
حتى إني صرت حريص أربط كل صلاة بأحداث يومي..
يعني الصلاة اللي بصليها بعد ذنب أذنبته بتكون فيها دعوات إنه ربنا يسامحني..
الصلاة اللي بكون قبلها زعلان او مزعوج بدعيه يساعدني ويخفف عني..
الصلاة قبل السفر إنه يارب يسر طريقي..
الصلاة اللي بصليها في بيت أختي بدعي فيها لاختي وزوجها وولادها..
مرة حدا ساعدني ببنشر السيارة فكانت صلاة العصر بتحمل دعوات إله في سجداتها..
كل صلاة مربوطة إما بحدث سابق أو لاحق إلها..
وبحرص فيها أذكر ربنا وأعظمه وأحكيله إني بحبه رغم كل أغلاطي وضعفي وتقصيري..
.
.
القرآن دائما بذكرنا إنه الهدف من الصلاة "الذكــــر"
إنك تُذكر ربنا وتتذكره بكل تفاصيل يومك وحياتك..
إِنَّنِي أَنَا اللَّهُ لَا إِلَٰهَ إِلَّا أَنَا فَاعْبُدْنِي وَأَقِمِ الصَّلَاةَ لِــذِكْرِي.
حتى الآية اللي بتحكيلنا إنه الهدف من الصلاة النهي عن الفحشاء والمنكر:
وَأَقِمِ الصَّلَاةَ ۖ إِنَّ الصَّلَاةَ تَنْهَىٰ عَنِ الْفَحْشَاءِ وَالْمُنكَرِ
تكملتها:
وَلَذِكْــــرُ اللَّهِ أَكْبَـــــرُ ۗ وَاللَّهُ يَعْلَمُ مَا تَصْنَعُونَ.
.
.
---------------
لو استشعرت فعلا إنه صلاتك ذكر وحكي مع ربنا رح تتغير حياتك..
ورح تمر عليك اوقات تستنى فيها الصلاة حتى تفضفض لربنا شو بقلبك..
حتى تغسل روحك وتخفف من حمل ظهرك..
رح تيجي لحظة تستعجل خطواتك لمكان صلاتك..
في موضوع شاغل بالك بدك تحكيه لـــ ( الله ) !
#القرآن_الجميل
#ARK
❤1