احتمال ضعيف يصير معك كورونا..
واحتمال أضعف تموت من خلالها..
لكـــن للأسف..
في طرق ثانية كفيلة تكون سبب في موتك..!!
حوادث السير والجلطات والموت المفاجىء والأمراض المزمنة وغيرها من الأسباب إلها حضور في ملف الموت أقوى بمراحل من الكورونا..
مشكلة الناس مع الموت إنه مفاجىء!
من دون سابق إنذار رح ينتهي عمرك وتصير في عداد الموتى ورح ندخل عبروفايلك نكتب: الله يرحمه !
والمشكلة الأكبر إنها رح تنتهي حياتك وإنت ما أدركت شو معناها؟ ولا المغزى من وجودك فيها؟
رح تنتهي وإنت بتظن إنك رح تكون زي أحد أبطال الروايات والأفلام، وإنه قصة حياتك رح تمر بمراحل متعددة، بوجود ذروة وحبكة ورح تتغلب عليها وتحقق الإنجاز اللي كنت بتحلم فيه...
وآآآآآخر إشي بيجي الموت بشكل بطيء ورح يسمحلك قبلها تحكي كلماتك ووصاياك للناس اللي جنبك قبل ما تلفظ أنفاسك الأخيرة !
بس يؤسفني أحكيلك الموضوع مش زي ما بتتخيل..
في الحياة الواقعية رح يموت البطل "إنت" في موضع عشوائي من الرواية قبل ما يفهم شو اللي بصير بحياته، وممكن حتى قبل ما يستوعب أصلاً إنه هو بطل الرواية !
---------------
القرآن وفي أكثر من موضع أقسم بالوقت: العصر، الليل، النهار، الفجر، الضحى!
إشارة لأهمية الوقت وإنه اليوم اللي بمضي محسوب من عمرك وحياتك..
والأيام المنقضية من عمرك ما كنت منتبه إنه فيها احداث عظيمة لقصتك..
وبطلب منك ما تنتظر الأيام تمر حتى تجد معنى لحياتك أو هدف من وجودك أو انجاز يحقق ذاتك..
فَهَلْ يَنتَظِرُونَ إِلَّا مِثْلَ أَيَّامِ الَّذِينَ خَلَوْا مِن قَبْلِهِمْ ۚ قُلْ فَانتَظِرُوا إِنِّي مَعَكُم مِّنَ الْمُنتَظِرِينَ
إنت المفروض تستغل اللحظة اللي بين إيديك في صناعة وصياغة معنى لحياتك..
إنت لحالك إصنع الحبكة والذروة ولاقي الحل..
إعمل كل خير بتصادفه بوجهك..
أترك أثر يدوم بعد موتك..
اختار الإيمان والتدين والإلتزام من هاي اللحظة..
تحايل عالدنيا اللي بتحاول تجرك إلها، واخدعها قبل ما تخدعك..
ضيف فصل بعنوان "الآخرة" لــ قصتك..
وخليها غايتك ومرادك..
.
.
وحتى لو خطفك الموت بشكل عشوائي مفاجىء..
فأهم إشي تكون "لا إله إلا الله "
آخر سطر في روايتك !
#ARK
واحتمال أضعف تموت من خلالها..
لكـــن للأسف..
في طرق ثانية كفيلة تكون سبب في موتك..!!
حوادث السير والجلطات والموت المفاجىء والأمراض المزمنة وغيرها من الأسباب إلها حضور في ملف الموت أقوى بمراحل من الكورونا..
مشكلة الناس مع الموت إنه مفاجىء!
من دون سابق إنذار رح ينتهي عمرك وتصير في عداد الموتى ورح ندخل عبروفايلك نكتب: الله يرحمه !
والمشكلة الأكبر إنها رح تنتهي حياتك وإنت ما أدركت شو معناها؟ ولا المغزى من وجودك فيها؟
رح تنتهي وإنت بتظن إنك رح تكون زي أحد أبطال الروايات والأفلام، وإنه قصة حياتك رح تمر بمراحل متعددة، بوجود ذروة وحبكة ورح تتغلب عليها وتحقق الإنجاز اللي كنت بتحلم فيه...
وآآآآآخر إشي بيجي الموت بشكل بطيء ورح يسمحلك قبلها تحكي كلماتك ووصاياك للناس اللي جنبك قبل ما تلفظ أنفاسك الأخيرة !
بس يؤسفني أحكيلك الموضوع مش زي ما بتتخيل..
في الحياة الواقعية رح يموت البطل "إنت" في موضع عشوائي من الرواية قبل ما يفهم شو اللي بصير بحياته، وممكن حتى قبل ما يستوعب أصلاً إنه هو بطل الرواية !
---------------
القرآن وفي أكثر من موضع أقسم بالوقت: العصر، الليل، النهار، الفجر، الضحى!
إشارة لأهمية الوقت وإنه اليوم اللي بمضي محسوب من عمرك وحياتك..
والأيام المنقضية من عمرك ما كنت منتبه إنه فيها احداث عظيمة لقصتك..
وبطلب منك ما تنتظر الأيام تمر حتى تجد معنى لحياتك أو هدف من وجودك أو انجاز يحقق ذاتك..
فَهَلْ يَنتَظِرُونَ إِلَّا مِثْلَ أَيَّامِ الَّذِينَ خَلَوْا مِن قَبْلِهِمْ ۚ قُلْ فَانتَظِرُوا إِنِّي مَعَكُم مِّنَ الْمُنتَظِرِينَ
إنت المفروض تستغل اللحظة اللي بين إيديك في صناعة وصياغة معنى لحياتك..
إنت لحالك إصنع الحبكة والذروة ولاقي الحل..
إعمل كل خير بتصادفه بوجهك..
أترك أثر يدوم بعد موتك..
اختار الإيمان والتدين والإلتزام من هاي اللحظة..
تحايل عالدنيا اللي بتحاول تجرك إلها، واخدعها قبل ما تخدعك..
ضيف فصل بعنوان "الآخرة" لــ قصتك..
وخليها غايتك ومرادك..
.
.
وحتى لو خطفك الموت بشكل عشوائي مفاجىء..
فأهم إشي تكون "لا إله إلا الله "
آخر سطر في روايتك !
#ARK
❤1
شفت الإنسان ما أضعفه؟
فايروس لا يُرى بالعين المجردة قدر يكركب كوكب كامل!
هالإنسان الضعيف والمفتقر والمحتاج والمضطر دائمًا..
نفسه للأسف اللي بتكبر وبجحد وبظلم وبحكي أنـــا!
القرآن بلفت انتباهنا لحقيقة ضعفنا:
وَخُلِقَ الإِنْسَانُ ضَعِيفًا
وأيضا لحقيقة افتقارنا:
يَا أَيُّهَا النَّاسُ أَنتُمُ الْفُقَرَاءُ إِلَى اللَّهِ ۖ وَاللَّهُ هُوَ الْغَنِيُّ الْحَمِيدُ
.
.
.
في أزمنة الوباء والبلاء الناس بشكل فطري بتتوجه لربنا..
وبتقر بضعفها وعجزها وفقرها وهوانها..
الناس بتلاقي حالها مضطرة تحكي: يا ربـــ
وبتكون يا رب طالعة من شغاف قلبها..
حتى في المثل الغربي المشهور:
"There are no atheists in foxholes" = لا يوجد ملاحدة في الخنادق
والقرآن استعرض إلنا أكثر من نموذج لناس دعت ربنا وقت الحاجة والاضطرار، لكنها سرعان ما تخلت عنه لما زال اضطرارها !
هُوَ الَّذِي يُسَيِّرُكُمْ فِي الْبَرِّ وَالْبَحْرِ ۖ حَتَّىٰ إِذَا كُنتُمْ فِي الْفُلْكِ وَجَرَيْنَ بِهِم بِرِيحٍ طَيِّبَةٍ وَفَرِحُوا بِهَا جَاءَتْهَا رِيحٌ عَاصِفٌ وَجَاءَهُمُ الْمَوْجُ مِن كُلِّ مَكَانٍ وَظَنُّوا أَنَّهُمْ أُحِيطَ بِهِمْ ۙ دَعَوُا اللَّهَ مُخْلِصِينَ لَهُ الدِّينَ لَئِنْ أَنجَيْتَنَا مِنْ هَٰذِهِ لَنَكُونَنَّ مِنَ الشَّاكِرِينَ (22) فَلَمَّا أَنجَاهُمْ إِذَا هُمْ يَبْغُونَ فِي الْأَرْضِ بِغَيْرِ الْحَقِّ ۗ يَا أَيُّهَا النَّاسُ إِنَّمَا بَغْيُكُمْ عَلَىٰ أَنفُسِكُم ۖ مَّتَاعَ الْحَيَاةِ الدُّنْيَا ۖ ثُمَّ إِلَيْنَا مَرْجِعُكُمْ فَنُنَبِّئُكُم بِمَا كُنتُمْ تَعْمَلُونَ
.
.
.
المؤمن الحقيقي بدوم فقره واضطراره!
يعني في حال الصحة والمرض، الغنى والفقر، النجاح والفشل، الأمن والخوف...
في كل أحواله وظروفه بخاطب ربنا خطاب المضطر والمفتقر والضعيف والمحتاج..
هو بكامل إرادته بختار فقره لربنا..
وما بنتظر الأيام تضطره لهذا الافتقار..
هذا الفقر والاضطرار لرب السموات والأرض..
في حقيقته غنى في قلب المؤمن ما بتوسعها السموات والأرض!
.
.
اللهم أغننا بالافتقار إليك، ولا تفقرنا بالاستغناء عنك <3
#القرآن_الجميل
#ARK
فايروس لا يُرى بالعين المجردة قدر يكركب كوكب كامل!
هالإنسان الضعيف والمفتقر والمحتاج والمضطر دائمًا..
نفسه للأسف اللي بتكبر وبجحد وبظلم وبحكي أنـــا!
القرآن بلفت انتباهنا لحقيقة ضعفنا:
وَخُلِقَ الإِنْسَانُ ضَعِيفًا
وأيضا لحقيقة افتقارنا:
يَا أَيُّهَا النَّاسُ أَنتُمُ الْفُقَرَاءُ إِلَى اللَّهِ ۖ وَاللَّهُ هُوَ الْغَنِيُّ الْحَمِيدُ
.
.
.
في أزمنة الوباء والبلاء الناس بشكل فطري بتتوجه لربنا..
وبتقر بضعفها وعجزها وفقرها وهوانها..
الناس بتلاقي حالها مضطرة تحكي: يا ربـــ
وبتكون يا رب طالعة من شغاف قلبها..
حتى في المثل الغربي المشهور:
"There are no atheists in foxholes" = لا يوجد ملاحدة في الخنادق
والقرآن استعرض إلنا أكثر من نموذج لناس دعت ربنا وقت الحاجة والاضطرار، لكنها سرعان ما تخلت عنه لما زال اضطرارها !
هُوَ الَّذِي يُسَيِّرُكُمْ فِي الْبَرِّ وَالْبَحْرِ ۖ حَتَّىٰ إِذَا كُنتُمْ فِي الْفُلْكِ وَجَرَيْنَ بِهِم بِرِيحٍ طَيِّبَةٍ وَفَرِحُوا بِهَا جَاءَتْهَا رِيحٌ عَاصِفٌ وَجَاءَهُمُ الْمَوْجُ مِن كُلِّ مَكَانٍ وَظَنُّوا أَنَّهُمْ أُحِيطَ بِهِمْ ۙ دَعَوُا اللَّهَ مُخْلِصِينَ لَهُ الدِّينَ لَئِنْ أَنجَيْتَنَا مِنْ هَٰذِهِ لَنَكُونَنَّ مِنَ الشَّاكِرِينَ (22) فَلَمَّا أَنجَاهُمْ إِذَا هُمْ يَبْغُونَ فِي الْأَرْضِ بِغَيْرِ الْحَقِّ ۗ يَا أَيُّهَا النَّاسُ إِنَّمَا بَغْيُكُمْ عَلَىٰ أَنفُسِكُم ۖ مَّتَاعَ الْحَيَاةِ الدُّنْيَا ۖ ثُمَّ إِلَيْنَا مَرْجِعُكُمْ فَنُنَبِّئُكُم بِمَا كُنتُمْ تَعْمَلُونَ
.
.
.
المؤمن الحقيقي بدوم فقره واضطراره!
يعني في حال الصحة والمرض، الغنى والفقر، النجاح والفشل، الأمن والخوف...
في كل أحواله وظروفه بخاطب ربنا خطاب المضطر والمفتقر والضعيف والمحتاج..
هو بكامل إرادته بختار فقره لربنا..
وما بنتظر الأيام تضطره لهذا الافتقار..
هذا الفقر والاضطرار لرب السموات والأرض..
في حقيقته غنى في قلب المؤمن ما بتوسعها السموات والأرض!
.
.
اللهم أغننا بالافتقار إليك، ولا تفقرنا بالاستغناء عنك <3
#القرآن_الجميل
#ARK
ممكن الآن لحالنا رح ندرك إنه أصحاب المحتوى التافه ما رح ينفعونا بإشي!
وإنه فيما مضى أعطيناهم أكبر من حجمهم..
الآن ما في مغني ولا لاعب ولا ستاند اب كوميدي رح يلفت انتباهنا!
الآن عيونّا بتتجه لأصحاب العلم والاختصاص..
للأطباء اللي ببحثوا عن علاج ينقذنا..
أو الأطباء اللي تركوا بيوتهم وأهلهم ورابطوا في المستشفيات يساعدوا الناس بكل قوتهم..
للمسؤولين اللي قرروا يتحملوا مسؤوليتهم بأمانة..
وللعلماء والمشايخ اللي بتذكرنا بربنا وبتطلب منا نصبر ونحتسب ونتعاون ونتكافل فيما بينّا..
للناس اللي حولينا وهي بتتفانى تقدم مساعدتها..
للتجار اللي تبرعوا بأموالهم حتى يساعدوا الناس تسترد عافيتها..
للامهات وحرصهم وخوفهم علينا..
------------
عيونّا بس عليهم..
وعالخير الساكن في قلوبهم..
فيا رب احفظهم واحميهم <3
.
.
فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ ۚ <3
#القرآن_الجميل
#ARK
وإنه فيما مضى أعطيناهم أكبر من حجمهم..
الآن ما في مغني ولا لاعب ولا ستاند اب كوميدي رح يلفت انتباهنا!
الآن عيونّا بتتجه لأصحاب العلم والاختصاص..
للأطباء اللي ببحثوا عن علاج ينقذنا..
أو الأطباء اللي تركوا بيوتهم وأهلهم ورابطوا في المستشفيات يساعدوا الناس بكل قوتهم..
للمسؤولين اللي قرروا يتحملوا مسؤوليتهم بأمانة..
وللعلماء والمشايخ اللي بتذكرنا بربنا وبتطلب منا نصبر ونحتسب ونتعاون ونتكافل فيما بينّا..
للناس اللي حولينا وهي بتتفانى تقدم مساعدتها..
للتجار اللي تبرعوا بأموالهم حتى يساعدوا الناس تسترد عافيتها..
للامهات وحرصهم وخوفهم علينا..
------------
عيونّا بس عليهم..
وعالخير الساكن في قلوبهم..
فيا رب احفظهم واحميهم <3
.
.
فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ ۚ <3
#القرآن_الجميل
#ARK
❤2
لمحتُه قبل الفجر بشوي حامل مصحفه بإيده اليمين!
إيده اللي ما بترتعش إلا إذا تركت المصحف!
وكإنها قلب ما بطمئن إلا بذكر الله..
حامل مصحفه وماشي للمسجد بستنى موعد محفور بروحه!
كنت دائمًا أشوفه في المسجد متربع وحاني ظهره بقرأ قرآن..
كانت قعدته بتشبه المسجد..
ظهره القبة، وإيده اليمين الهزيلة مئذنة!
دائمًا بطبع قبلة على مصحفه وبشمه وبضمه، وبقول: يا الله..!
وبحط مصحفه عالرف اللي كان يظل فاتح إيديه بشوق لدفء القرآن.
كان يولي شطر المسجد الحرام وجهه اللي أضناه التعب..
لما كان يسعل حتى يطرد صوت السريرة، ويستدعي من قلبه صوت الجهار..!
الله أكبر..الله أكبر!
حيّ على الصلاة
حيّ على الصلاة..
------------
إيده ارتعشت لما مسك المايك..
صوته شاب!
ندى الفجر ما قدر يروي حروفه اليابسة!
الله أكبر.. كانت مُتعبِة بتئن من عطش ووهن..
و"صلّوا في رحالكم"...حكاها بدموعه..!
#ARK
إيده اللي ما بترتعش إلا إذا تركت المصحف!
وكإنها قلب ما بطمئن إلا بذكر الله..
حامل مصحفه وماشي للمسجد بستنى موعد محفور بروحه!
كنت دائمًا أشوفه في المسجد متربع وحاني ظهره بقرأ قرآن..
كانت قعدته بتشبه المسجد..
ظهره القبة، وإيده اليمين الهزيلة مئذنة!
دائمًا بطبع قبلة على مصحفه وبشمه وبضمه، وبقول: يا الله..!
وبحط مصحفه عالرف اللي كان يظل فاتح إيديه بشوق لدفء القرآن.
كان يولي شطر المسجد الحرام وجهه اللي أضناه التعب..
لما كان يسعل حتى يطرد صوت السريرة، ويستدعي من قلبه صوت الجهار..!
الله أكبر..الله أكبر!
حيّ على الصلاة
حيّ على الصلاة..
------------
إيده ارتعشت لما مسك المايك..
صوته شاب!
ندى الفجر ما قدر يروي حروفه اليابسة!
الله أكبر.. كانت مُتعبِة بتئن من عطش ووهن..
و"صلّوا في رحالكم"...حكاها بدموعه..!
#ARK
في مصطلح انجليزي: Panic buying = هلع الشراء.
وهي حالة هستيريا جماعية بتحصل للمواطنين لما يشعروا بخوف من المستقبل، وبالتالي بشتروا بكميات كبيرة وبشكل غير طبيعي أكثر من حاجتهم.
وهذا يؤدي لنفاد البضاعة في المحلات أو ارتفاع سعرها جدًا..
هذا الهلع ترى مش بس عنّا..
ما في مكان في العالم بخلو من هذا الهلع وقت الازمات.
حتى بأرقى الدول الأوروبية رح تلاقيهم بطّاوشوا على فاين أو باكيت كورن فليكس ^^
وسلوك الناس في الأزمات بختلف عن سلوكها أيام الرخاء..
ومجرد ما الناس شعرت (بالخوف) من الجوع أو المستقبل بتغيّر سلوكها!
وبتتصرف بشكل همجي غريب ما بعكس أي إنسانية!!
في كتاب "جغرافيا الجوع" بحكيلنا جوزيه دوكاسترو:
إذا تسلط على الإنسان الخوف من الجوع صار سلوكه من العنف والهمجية مثل سلوك الحيوان تماما!
شعور الخوف سيء!!
وكما قيل: "الناس من خوف الفقر في فقر ومن خوف الذل في ذل "
.
.
بأوقات الأزمات بتظهر معادن الناس الحقيقة..
بتظهر حقيقة إيمانهم !!
إشي سهل نتصدق ونتطوع أيام الرخاء..
لكن مجرد ما داهمنا الخوف يا ترى هل رح نستمر في عطائنا وتضحياتنا؟!
.
.
.
القرآن والأحاديث الشريفة ما بملوا من تذكيرنا بضرورة التكافل والتعاون في الأزمات، لإنه من خلاها بتتجلى إنسانيتنا والخير الموجود فينا..
- وَيُؤْثِرُونَ عَلَىٰ أَنفُسِهِمْ وَلَوْ كَانَ بِهِمْ خَصَاصَةٌ ۚ وَمَن يُوقَ شُحَّ نَفْسِهِ فَأُولَٰئِكَ هُمُ الْمُفْلِحُونَ
- فَلَا اقْتَحَمَ الْعَقَبَةَ (11) وَمَا أَدْرَاكَ مَا الْعَقَبَةُ (12) فَكُّ رَقَبَةٍ (13) أَوْ إِطْعَامٌ فِي يَوْمٍ ذِي مَسْغَبَةٍ
#القرآن_الجميل
#ARK
وهي حالة هستيريا جماعية بتحصل للمواطنين لما يشعروا بخوف من المستقبل، وبالتالي بشتروا بكميات كبيرة وبشكل غير طبيعي أكثر من حاجتهم.
وهذا يؤدي لنفاد البضاعة في المحلات أو ارتفاع سعرها جدًا..
هذا الهلع ترى مش بس عنّا..
ما في مكان في العالم بخلو من هذا الهلع وقت الازمات.
حتى بأرقى الدول الأوروبية رح تلاقيهم بطّاوشوا على فاين أو باكيت كورن فليكس ^^
وسلوك الناس في الأزمات بختلف عن سلوكها أيام الرخاء..
ومجرد ما الناس شعرت (بالخوف) من الجوع أو المستقبل بتغيّر سلوكها!
وبتتصرف بشكل همجي غريب ما بعكس أي إنسانية!!
في كتاب "جغرافيا الجوع" بحكيلنا جوزيه دوكاسترو:
إذا تسلط على الإنسان الخوف من الجوع صار سلوكه من العنف والهمجية مثل سلوك الحيوان تماما!
شعور الخوف سيء!!
وكما قيل: "الناس من خوف الفقر في فقر ومن خوف الذل في ذل "
.
.
بأوقات الأزمات بتظهر معادن الناس الحقيقة..
بتظهر حقيقة إيمانهم !!
إشي سهل نتصدق ونتطوع أيام الرخاء..
لكن مجرد ما داهمنا الخوف يا ترى هل رح نستمر في عطائنا وتضحياتنا؟!
.
.
.
القرآن والأحاديث الشريفة ما بملوا من تذكيرنا بضرورة التكافل والتعاون في الأزمات، لإنه من خلاها بتتجلى إنسانيتنا والخير الموجود فينا..
- وَيُؤْثِرُونَ عَلَىٰ أَنفُسِهِمْ وَلَوْ كَانَ بِهِمْ خَصَاصَةٌ ۚ وَمَن يُوقَ شُحَّ نَفْسِهِ فَأُولَٰئِكَ هُمُ الْمُفْلِحُونَ
- فَلَا اقْتَحَمَ الْعَقَبَةَ (11) وَمَا أَدْرَاكَ مَا الْعَقَبَةُ (12) فَكُّ رَقَبَةٍ (13) أَوْ إِطْعَامٌ فِي يَوْمٍ ذِي مَسْغَبَةٍ
#القرآن_الجميل
#ARK
لا سمح الله!
فيما لو زادت أعداد مرضى كورونا رح يصير عنّا نقص شديد في المعدّات والإمدادات والعمالة وأسِرّة المستشفيات اللي تستوعب أعداد المرضى!
وللأسف ممكن تضطر الكوادر الطبية تضحي بعلاج ناس مقابل علاج آخرين!
مثل ما بصير الآن في إيطاليا، تتم التضحية بكبار السن مقابل نجاة صغار السن..
لكن في الحقيقة بظل السؤال: مين اللي بقدر يحدد مين أولى بالمساعدة؟ وكيف رح يقدر يبرر خياراته للجمهور وليه اختار فلان عن فلان؟
معيار السن مش شرط يكون مقياس..
لإنه ممكن شخص عمره 60 باحث وعالم، وشب عمره 20 ضرره أكثر من نفعه في المجتمع؟
فعلى أي أساس نضحي بالستيني الخيّر مقابل العشريني الظاهره سيء؟!
وفيما لو اخترت الرجل الستيني فعلى أي أساس حكمت إنه العشريني ما بستحق الحياة وإنه في مين أولى منه؟
.
.
هالمعضلة الآن محل نقاش وأبحاث في الغرب..
كونهم الآن في مرحلة الخطر..
وممكن تكون مشكلتهم أعقد لإنه بدخل فيها التمييز العنصري وتمييز البيض عن السود في بعض المدن..
والبعض قدّم نموذج مكون من درجات..
والأولوية للمريض صاحب الدرجات الأعلى..
وهالنموذج ما بعتمد فقط عالعمر، بعتمد أيضا عالتخصص ومجال العمل وفرصة العلاج والوقت المقدر للتماثل للشفاء والخ!
.
.
.
مهما كانت الطريقة مثالية واستطعت من خلالها تطلع بأقل الخسائر وتنجوا بأكبر عدد ممكن من المرضى، فللأسف رح يكون في خسائر!!
ورح تضطر تسحب جهاز التنفس من مريض بتوسّل إلك ما تنهي حياته، مقابل تنقذ مريض آخر إله فرصة أكبر في الحياة!
هالشعور مؤلم!!
والله مؤلم جدًا..
لكن بإيدنا نتفاداه..
فيما لو قررنا نلتزم بالتعليمات ونقعد في الدار!
#ARK
فيما لو زادت أعداد مرضى كورونا رح يصير عنّا نقص شديد في المعدّات والإمدادات والعمالة وأسِرّة المستشفيات اللي تستوعب أعداد المرضى!
وللأسف ممكن تضطر الكوادر الطبية تضحي بعلاج ناس مقابل علاج آخرين!
مثل ما بصير الآن في إيطاليا، تتم التضحية بكبار السن مقابل نجاة صغار السن..
لكن في الحقيقة بظل السؤال: مين اللي بقدر يحدد مين أولى بالمساعدة؟ وكيف رح يقدر يبرر خياراته للجمهور وليه اختار فلان عن فلان؟
معيار السن مش شرط يكون مقياس..
لإنه ممكن شخص عمره 60 باحث وعالم، وشب عمره 20 ضرره أكثر من نفعه في المجتمع؟
فعلى أي أساس نضحي بالستيني الخيّر مقابل العشريني الظاهره سيء؟!
وفيما لو اخترت الرجل الستيني فعلى أي أساس حكمت إنه العشريني ما بستحق الحياة وإنه في مين أولى منه؟
.
.
هالمعضلة الآن محل نقاش وأبحاث في الغرب..
كونهم الآن في مرحلة الخطر..
وممكن تكون مشكلتهم أعقد لإنه بدخل فيها التمييز العنصري وتمييز البيض عن السود في بعض المدن..
والبعض قدّم نموذج مكون من درجات..
والأولوية للمريض صاحب الدرجات الأعلى..
وهالنموذج ما بعتمد فقط عالعمر، بعتمد أيضا عالتخصص ومجال العمل وفرصة العلاج والوقت المقدر للتماثل للشفاء والخ!
.
.
.
مهما كانت الطريقة مثالية واستطعت من خلالها تطلع بأقل الخسائر وتنجوا بأكبر عدد ممكن من المرضى، فللأسف رح يكون في خسائر!!
ورح تضطر تسحب جهاز التنفس من مريض بتوسّل إلك ما تنهي حياته، مقابل تنقذ مريض آخر إله فرصة أكبر في الحياة!
هالشعور مؤلم!!
والله مؤلم جدًا..
لكن بإيدنا نتفاداه..
فيما لو قررنا نلتزم بالتعليمات ونقعد في الدار!
#ARK
تفاقم الأمر واستفحل!
دبّت في ممرات المدينة حياة جديد..يسير فيه النعش وراء النعش..يكتظ بالمشيعين!
وأحيانًا تتابع النعوش كالطابور.
في كل بيت نواح!
وبين ساعة وساعة يُعلن عن ميّت جديد.
لا يفرق هذا الموت الكاسح بين غني وفقير، قوي وضعيف، امرأة ورجل، عجوز وطفل.
إنه يطارد الخلق بهراوة الفناء!
************
************
تفاقم الأمر واستفحل!
طاردوا الموت بهراوة البقاء!
فالموت حق والمقاومة حق..
فرّوا من قدر الله إلى قدر الله..
لزموا بيوتهم..
ودعوا الله مخلصين له الدين لئن أنجيتنا لنكونن من الشاكرين..
.
.
يا للطف الله!
أنجاهم..
وكانوا من الشاكرين <3 !
#ARK
دبّت في ممرات المدينة حياة جديد..يسير فيه النعش وراء النعش..يكتظ بالمشيعين!
وأحيانًا تتابع النعوش كالطابور.
في كل بيت نواح!
وبين ساعة وساعة يُعلن عن ميّت جديد.
لا يفرق هذا الموت الكاسح بين غني وفقير، قوي وضعيف، امرأة ورجل، عجوز وطفل.
إنه يطارد الخلق بهراوة الفناء!
************
************
تفاقم الأمر واستفحل!
طاردوا الموت بهراوة البقاء!
فالموت حق والمقاومة حق..
فرّوا من قدر الله إلى قدر الله..
لزموا بيوتهم..
ودعوا الله مخلصين له الدين لئن أنجيتنا لنكونن من الشاكرين..
.
.
يا للطف الله!
أنجاهم..
وكانوا من الشاكرين <3 !
#ARK
فتر حماسه..
انطفأ إلهامه..
جلّله الخجل!
عاتب نفسه..
عنّف ذاته..
كره ضعفه..
حزن عحاله..
ومات قلبه!!!
.
.
ممكن هالشعور توّلد في داخله لما شعر نفسه ضعيف ومقصّر حتى زمن البلاء!
قرأ بوست إنه الإنسان لو ما رجع لربنا بهذا الوقت فمتى ممكن يرجع؟
وإنه المعصية في زمن الجائحة بتعكس موت قلب مرتكبها!!!
.
.
بس ليه أرضى لبوست يحط حدود بيني وبين ربنا؟
وعلى أي أساس حكموا بموت قلبي؟
أنا صح قصّرت وضعفت، بس لسه بحب الله!!
لسه بطلب منه يهديني ويساعدني وياخذ بإيدي..
لسه بعد كل غلط بندم وبقول يا رب اجعلها آخر مرة..
لساتني بصحى من النوم وبنوي أعمل خير أزاحم فيه كل غلط صدر مني..
.
.
ما رح أسمح لبوست يهزّني ويحبطني..
ولا لأي شخص يحط حواجز بيني وبين ربي..
وقرر يرد عليهم كلهم: بسجــــــدة!
سجدة صادقة..
مع دمعتين نزلوا من قلبه..
فضفض فيها لربنا ضعفه وحبه وصدقه..
كانت هالسجدة كفيلة باسترداد حماسه..
وحياة قلبه!
--------------
بينّا وبين السما مسافات ما بتنّعد !
وبينّا وبين الله سجـــــدة ^^ <3
وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ
#القرآن_الجميل
#ARK
انطفأ إلهامه..
جلّله الخجل!
عاتب نفسه..
عنّف ذاته..
كره ضعفه..
حزن عحاله..
ومات قلبه!!!
.
.
ممكن هالشعور توّلد في داخله لما شعر نفسه ضعيف ومقصّر حتى زمن البلاء!
قرأ بوست إنه الإنسان لو ما رجع لربنا بهذا الوقت فمتى ممكن يرجع؟
وإنه المعصية في زمن الجائحة بتعكس موت قلب مرتكبها!!!
.
.
بس ليه أرضى لبوست يحط حدود بيني وبين ربنا؟
وعلى أي أساس حكموا بموت قلبي؟
أنا صح قصّرت وضعفت، بس لسه بحب الله!!
لسه بطلب منه يهديني ويساعدني وياخذ بإيدي..
لسه بعد كل غلط بندم وبقول يا رب اجعلها آخر مرة..
لساتني بصحى من النوم وبنوي أعمل خير أزاحم فيه كل غلط صدر مني..
.
.
ما رح أسمح لبوست يهزّني ويحبطني..
ولا لأي شخص يحط حواجز بيني وبين ربي..
وقرر يرد عليهم كلهم: بسجــــــدة!
سجدة صادقة..
مع دمعتين نزلوا من قلبه..
فضفض فيها لربنا ضعفه وحبه وصدقه..
كانت هالسجدة كفيلة باسترداد حماسه..
وحياة قلبه!
--------------
بينّا وبين السما مسافات ما بتنّعد !
وبينّا وبين الله سجـــــدة ^^ <3
وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ
#القرآن_الجميل
#ARK
البنت اللي كانت بتصرّخ أثناء ولادتها..
ما قدرت الطبيبة تهدّيها غير لما حكتلها: اذكري الله..اذكري الله..
والممرضة بعد سنوات من شغلها بتحكي:
ما كنت قادرة أعمل إشي للناس اللي بموتوا وبحتضروا قدامي غير أقلهم:
احكوا لا إله إلا الله..
حتى لما تشوف طوشة في الشارع، بقوم واحد من الناس وبقلهم:
يخوان..وحدوا الله!
في الحقيقة هالكلمة كفيلة بإخماد مشاعرهم المضطربة وقتها..
لما تعصب وما تعرف شو تحكي..بشكل عفوي جدًا بتقول:
لا إله إلا الله بــــــس..!
وغالبًا لما يدهشك شيء:
ياااااا الله !
لما يصير معك إشي حلو.. أو حتى إشي سيء..
ما برتاح قلبك إلا لما يتنفس بكلمة: الحمدلله..
في لحظات تعبك وقلقك وضياعك وهوانك..
مش بتحكي: يا رب ؟!
لو سألتك شو بتحب تكون آخر كلمة بحياتك؟؟
رح تجاوبني من غير تردد: لا إله إلا الله..
---------------
(الله)
في كل أزمة!
في كل فرحة ودهشة..
في اللحظة اللي بهددك فيها العالم باجتياحك..
أو فايروس بهدد حياتك وحياة أحبابك..
(الله) في كل أحوالك وظروفك..
حتى بلحظة لما الموت ينزع روحك..
.
.
.
(الله) الجواب النهائي لكل أفكارك وأسئلتك!
ذَلِكَ بِأَنَّ اللَّهَ هُوَ الْحَقُّ وَأَنَّ مَا يَدْعُونَ مِنْ دُونِهِ الْبَاطِلُ وَأَنَّ اللَّهَ هُوَ الْعَلِيُّ الْكَبِيرُ
#القرآن_الجميل
#ARK
ما قدرت الطبيبة تهدّيها غير لما حكتلها: اذكري الله..اذكري الله..
والممرضة بعد سنوات من شغلها بتحكي:
ما كنت قادرة أعمل إشي للناس اللي بموتوا وبحتضروا قدامي غير أقلهم:
احكوا لا إله إلا الله..
حتى لما تشوف طوشة في الشارع، بقوم واحد من الناس وبقلهم:
يخوان..وحدوا الله!
في الحقيقة هالكلمة كفيلة بإخماد مشاعرهم المضطربة وقتها..
لما تعصب وما تعرف شو تحكي..بشكل عفوي جدًا بتقول:
لا إله إلا الله بــــــس..!
وغالبًا لما يدهشك شيء:
ياااااا الله !
لما يصير معك إشي حلو.. أو حتى إشي سيء..
ما برتاح قلبك إلا لما يتنفس بكلمة: الحمدلله..
في لحظات تعبك وقلقك وضياعك وهوانك..
مش بتحكي: يا رب ؟!
لو سألتك شو بتحب تكون آخر كلمة بحياتك؟؟
رح تجاوبني من غير تردد: لا إله إلا الله..
---------------
(الله)
في كل أزمة!
في كل فرحة ودهشة..
في اللحظة اللي بهددك فيها العالم باجتياحك..
أو فايروس بهدد حياتك وحياة أحبابك..
(الله) في كل أحوالك وظروفك..
حتى بلحظة لما الموت ينزع روحك..
.
.
.
(الله) الجواب النهائي لكل أفكارك وأسئلتك!
ذَلِكَ بِأَنَّ اللَّهَ هُوَ الْحَقُّ وَأَنَّ مَا يَدْعُونَ مِنْ دُونِهِ الْبَاطِلُ وَأَنَّ اللَّهَ هُوَ الْعَلِيُّ الْكَبِيرُ
#القرآن_الجميل
#ARK
❤1
لقد مات الإله!
الإنسان الآن هو الإله..
هو صانع قدره ومصيره..
وكل أدوات العلم والحضارة بيديه..
لا سلطان إلا الطبيعة، ولا منهاج غير العلم..
ولّى زمن الصلاة والدعاء لقوة فوق الطبيعة..
الإنسان وصي على نفسه..
يجب أن يعود لنفسه، وأن لا يغترب عنها بالخضوع لما وراء الكون..
لا شيء ورا هذا الكون..
مات الإله..
لقد قتلناه!
----------------
صاحب عبارة (موت الإله) كان ملحد بطبيعة الحال^^
وبالتالي هو ما بعترف أصلاً بوجود إله حتى يعترف بموته..
كان بقصد: فكرتنا عن الإله ماتت!
وفي الحقيقة هالعبارة تكاد تكون مطبّقة في معظم الدول الغربية.
فسياسات الدول ونظرتها للحياة والكون منبثقة من منطلق أرضي بحت، وبتستبعد وجود قوة عظيمة وراء هذا الكون.
للأسف هالعبارة سببت للبشرية كوراث ومصائب لا تحصى..
ومثل ما بقول دوستويفسكي في الجريمة والعقاب على لسان أحد أبطاله:
«إذا لم يكن الله موجودًا فكل شيء مباح حتى الجريمة»!
فلسفة (موت الإله) سببت إلنا:
حروب، وفقر ومجاعات ودمار، وانتحار، وجرائم واغتصابات، وأزمات للإنسان في العصر الحديث، وأزمة ثمن التقدم، وتلوث بيئي، وهيمنة للنماذج المادية والكمية والآلية، وأزمة المعنى، وضمور الحس الخلقي، وهيمنة القيم النفعية، وغياب المركز، وتفشي النسبية المعرفية والأخلاقية، وسيادة العلاقات التعاقدية بدل التراحمية، وسيطرة الدول على الأفراد، وتآكل الأسرة، وبداية اختفاء ظاهرة الإنسان، وظهور فلسفات معادية للإنسان، والعدمية الفلسفية، والإحساس بالعبث، وتراجع الفردية والخصوصية، والتنميط، وسيطرة الإعلام على البشر، والتسلع (يعني تحويل الإنسان لسلعة) والتشيؤ (يعني تحويله لشيء).
وهذا كله يؤدي في الحقيقة
لموت الإنــســـان !
----------------
فايروس لا يُرى بالعين المجردة استطاع أن يظهر لهذا الإنسان "الإله" حقيقته وضعفه!
القرآن يخبرنا متعجبا:
قُتِلَ الْإِنسَانُ مَا أَكْفَرَهُ!!!
مِنْ أَيِّ شَيْءٍ خَلَقَهُ؟؟؟
مِن نُّطْفَةٍ خَلَقَهُ فَقَدَّرَهُ
ثُمَّ السَّبِيلَ يَسَّرَهُ
ثُمَّ أَمَاتَهُ فَأَقْبَرَهُ !!
.
.
.
لقد مات الإله!
يرد "جياني فتيمو" و "ديفيد كبوتو" بتعبير جميل جدًا على مقولة موت الإله بقولهم:
نحن الآن نعيش في زمن [موت "موت الإله"]
The death of the death of God !
#القرآن_الجميل
#Ark
الإنسان الآن هو الإله..
هو صانع قدره ومصيره..
وكل أدوات العلم والحضارة بيديه..
لا سلطان إلا الطبيعة، ولا منهاج غير العلم..
ولّى زمن الصلاة والدعاء لقوة فوق الطبيعة..
الإنسان وصي على نفسه..
يجب أن يعود لنفسه، وأن لا يغترب عنها بالخضوع لما وراء الكون..
لا شيء ورا هذا الكون..
مات الإله..
لقد قتلناه!
----------------
صاحب عبارة (موت الإله) كان ملحد بطبيعة الحال^^
وبالتالي هو ما بعترف أصلاً بوجود إله حتى يعترف بموته..
كان بقصد: فكرتنا عن الإله ماتت!
وفي الحقيقة هالعبارة تكاد تكون مطبّقة في معظم الدول الغربية.
فسياسات الدول ونظرتها للحياة والكون منبثقة من منطلق أرضي بحت، وبتستبعد وجود قوة عظيمة وراء هذا الكون.
للأسف هالعبارة سببت للبشرية كوراث ومصائب لا تحصى..
ومثل ما بقول دوستويفسكي في الجريمة والعقاب على لسان أحد أبطاله:
«إذا لم يكن الله موجودًا فكل شيء مباح حتى الجريمة»!
فلسفة (موت الإله) سببت إلنا:
حروب، وفقر ومجاعات ودمار، وانتحار، وجرائم واغتصابات، وأزمات للإنسان في العصر الحديث، وأزمة ثمن التقدم، وتلوث بيئي، وهيمنة للنماذج المادية والكمية والآلية، وأزمة المعنى، وضمور الحس الخلقي، وهيمنة القيم النفعية، وغياب المركز، وتفشي النسبية المعرفية والأخلاقية، وسيادة العلاقات التعاقدية بدل التراحمية، وسيطرة الدول على الأفراد، وتآكل الأسرة، وبداية اختفاء ظاهرة الإنسان، وظهور فلسفات معادية للإنسان، والعدمية الفلسفية، والإحساس بالعبث، وتراجع الفردية والخصوصية، والتنميط، وسيطرة الإعلام على البشر، والتسلع (يعني تحويل الإنسان لسلعة) والتشيؤ (يعني تحويله لشيء).
وهذا كله يؤدي في الحقيقة
لموت الإنــســـان !
----------------
فايروس لا يُرى بالعين المجردة استطاع أن يظهر لهذا الإنسان "الإله" حقيقته وضعفه!
القرآن يخبرنا متعجبا:
قُتِلَ الْإِنسَانُ مَا أَكْفَرَهُ!!!
مِنْ أَيِّ شَيْءٍ خَلَقَهُ؟؟؟
مِن نُّطْفَةٍ خَلَقَهُ فَقَدَّرَهُ
ثُمَّ السَّبِيلَ يَسَّرَهُ
ثُمَّ أَمَاتَهُ فَأَقْبَرَهُ !!
.
.
.
لقد مات الإله!
يرد "جياني فتيمو" و "ديفيد كبوتو" بتعبير جميل جدًا على مقولة موت الإله بقولهم:
نحن الآن نعيش في زمن [موت "موت الإله"]
The death of the death of God !
#القرآن_الجميل
#Ark
لو سمحتوا
هسا أنا عندي سؤال أو مشكلة..
أنا شب بقرأ كثير وعندي اطلاع مرتب على كثير مجالات، وأحيانا بحضر أفلام وبحاول قدر الإمكان أستفيد منها، وعادي بشتغل زيي زي هالناس وبضطر بحكم شغلي أتعامل مع ناس بختلف معهم فكريَا..
يعني كثير صادفت بحياتي ناس صور بروفايلاتهم مع كتب، وبنزلوا بوستات عميقة، لكن مع أول نقاش كنت أكتشف إنهم فارغين تمامًا..
حتى كنت احيانا أشرح إلهم أو أصحح إلهم أفكار بدّعوا إنهم بآمنوا فيها..
مرة شب بحكيله كيف تبنيت هالفكرة بدون ما تقرأ ولا تعرف إشي؟؟!
جاوبني: المهم إنها إشي ضد الدين ^^
.
.
آسف استرسلت بالكلام..
هسا أنا سؤالي أو مشكلتي إني قد ما قرأت وحضرت أفلام وقد ما تعاملت مع ناس بختلف معهم..
إلا إني لسه بحب الدين!!
وبشوفه إشي صح..
لساتني بروح عالمسجد بكل شغف..
وبحمل المصاحف عن الختياريه حتى أنال دعواتهم..
وما بعرف أنام إلا عصوت المنشاوي..
وقد ما قرأت روايات بتظل قصص الصحابة المفضلة عندي..
ويا الله شو بشتاق لسيدنا مصعب بن عمير.. وشو بكيت لما مات سعد بن معاذ..!
وقد ما قرأت كتب بظل القرآن كتابي المفضل..
وآية وحدة كفيلة تصنع يومي وحتى حياتي..
ومشكلتي إنه ما عندي مشكلة مع البخاري ومسلم!
ولا عندي هالشبهات عن الدين..
ومقتنع بأحكام الدين بشكل لا يوصف..
بالعكس قلبي بحب يسمع ويستسلم لــ: قال الله وقال الرسول..
تخيلوا لما أعمل غلط..بعترف إنه أنا غلطان ومقصر وضعيف..
وما ببرر غلطي بالإنقلاب عالدين.!!
مشكلتي إني بحس حالي صعب أنهزم قدام الناس اللي بختلف معهم..
ولا فارقة عندي يتقبلوني، ومش مستعد أميّع الدين وأفصله على مقاسهم..
.
.
جد احكولي كيف أعمل فيها الحر والمتمرد واللي بفكر خارج الصندوق واللي قرر يِعمِل عقله وينقلب على الموروث البائد والمتخلف والرجعي!!
يعني لو صرت هيك ممكن أصير بنظركم شخص فهمان وواعي ومثقف؟
حصير هيك بنظركم..صح؟!
----------------
مرة حملت كرسي لحج في المسجد وجبتله مصحف..
وقتها دعالي: روح الله يثبتك!
وقلبي لحظتها قال آمين..
وَلَوْلاَ أَن ثَبَّتْنَاكَ لَقَدْ كِدتَّ تَرْكَنُ إِلَيْهِمْ شَيْئًا قَلِيلاً * إِذاً لَّأَذَقْنَاكَ ضِعْفَ الْحَيَاةِ وَضِعْفَ الْمَمَاتِ ثُمَّ لاَ تَجِدُ لَكَ عَلَيْنَا نَصِيرًا
#القرآن_الجميل
#ARK
هسا أنا عندي سؤال أو مشكلة..
أنا شب بقرأ كثير وعندي اطلاع مرتب على كثير مجالات، وأحيانا بحضر أفلام وبحاول قدر الإمكان أستفيد منها، وعادي بشتغل زيي زي هالناس وبضطر بحكم شغلي أتعامل مع ناس بختلف معهم فكريَا..
يعني كثير صادفت بحياتي ناس صور بروفايلاتهم مع كتب، وبنزلوا بوستات عميقة، لكن مع أول نقاش كنت أكتشف إنهم فارغين تمامًا..
حتى كنت احيانا أشرح إلهم أو أصحح إلهم أفكار بدّعوا إنهم بآمنوا فيها..
مرة شب بحكيله كيف تبنيت هالفكرة بدون ما تقرأ ولا تعرف إشي؟؟!
جاوبني: المهم إنها إشي ضد الدين ^^
.
.
آسف استرسلت بالكلام..
هسا أنا سؤالي أو مشكلتي إني قد ما قرأت وحضرت أفلام وقد ما تعاملت مع ناس بختلف معهم..
إلا إني لسه بحب الدين!!
وبشوفه إشي صح..
لساتني بروح عالمسجد بكل شغف..
وبحمل المصاحف عن الختياريه حتى أنال دعواتهم..
وما بعرف أنام إلا عصوت المنشاوي..
وقد ما قرأت روايات بتظل قصص الصحابة المفضلة عندي..
ويا الله شو بشتاق لسيدنا مصعب بن عمير.. وشو بكيت لما مات سعد بن معاذ..!
وقد ما قرأت كتب بظل القرآن كتابي المفضل..
وآية وحدة كفيلة تصنع يومي وحتى حياتي..
ومشكلتي إنه ما عندي مشكلة مع البخاري ومسلم!
ولا عندي هالشبهات عن الدين..
ومقتنع بأحكام الدين بشكل لا يوصف..
بالعكس قلبي بحب يسمع ويستسلم لــ: قال الله وقال الرسول..
تخيلوا لما أعمل غلط..بعترف إنه أنا غلطان ومقصر وضعيف..
وما ببرر غلطي بالإنقلاب عالدين.!!
مشكلتي إني بحس حالي صعب أنهزم قدام الناس اللي بختلف معهم..
ولا فارقة عندي يتقبلوني، ومش مستعد أميّع الدين وأفصله على مقاسهم..
.
.
جد احكولي كيف أعمل فيها الحر والمتمرد واللي بفكر خارج الصندوق واللي قرر يِعمِل عقله وينقلب على الموروث البائد والمتخلف والرجعي!!
يعني لو صرت هيك ممكن أصير بنظركم شخص فهمان وواعي ومثقف؟
حصير هيك بنظركم..صح؟!
----------------
مرة حملت كرسي لحج في المسجد وجبتله مصحف..
وقتها دعالي: روح الله يثبتك!
وقلبي لحظتها قال آمين..
وَلَوْلاَ أَن ثَبَّتْنَاكَ لَقَدْ كِدتَّ تَرْكَنُ إِلَيْهِمْ شَيْئًا قَلِيلاً * إِذاً لَّأَذَقْنَاكَ ضِعْفَ الْحَيَاةِ وَضِعْفَ الْمَمَاتِ ثُمَّ لاَ تَجِدُ لَكَ عَلَيْنَا نَصِيرًا
#القرآن_الجميل
#ARK
❤6
«اللهم قد أصبح الصبح، وطفق الناس يغدون ويبتغون من فضلك، ولكل منهم حاجة، وحاجتي عندك أن تغفر لي».
- عامر التميمي [توفي في زمن معاوية]
- عامر التميمي [توفي في زمن معاوية]
❤4
لما ربنا بعد كل غلط ييسرلي أستغفره بشكل عفوي..
أو لما يصحيني فجأة قبل الفجر والاقي نفسي ساجد بين إيديه ببكي..
لو ما بدو يغفرلي معقول يحرك لساني لأستغفره؟
أو يصحيني قبل الفجر حتى أقله آسف وأطلب عفوه؟!
.
.
بكل مرة بغلط فيها بفقد الأمل من نفسي، خصوصا إنه بكل مرة بحكي آخر مرة وبرد برجع لنفس الغلط!
بتيجي رحمة ربنا بتدّاركني وبتنتشلني من لحظات اليأس لحسن الظن فيه وبنفسي..
ما قدرت أعد المرات اللي ربنا أعطاني فيها فرص..
تخيلوا إنه ما بين كل صلاة وصلاة كفارة لما بينهم..
وكمان ما بين الجمعة والجمعة
ومن رمضان لرمضان..
وبكل مرة بقرر فيها أوقف بين إيديه بسامحني..
شو بحب أصرّ عليه يغفرلي..
شو بحب شعور لما أقله مش إنت يا رب بتحكيلنا مين عنده ذنب أغفرله؟!
هي أنا عندي ذنوب كثيرة..
رح تغفرلي؟
حاشاك وإنت الكريم تردني وما تغفرلي..
وبكل مرة ومع أول دمعة بقذف في قلبي شعور إنه غفرلي!
.
.
-----------------------
تعلق شيخ من أعراب طيء بأستار الكعبة ودعا:
"اللهم إن استغفاري مع إصراري لؤم، وإن تركي الاستغفار مع علمي بسعة عفوك لعجز،
فكم تتحبَّب إليّ بالنعم مع غناك عني، وأتبغّض إليك بالمعاصي مع فقري إليك،
يا من إذا وعد وفى، وإذا توعّد تجاوز وعفى،
أدخل عظيم جُرمي في عظيم عفوك يا أرحم الراحمين.
<3
* هالمرة دوركم تختاروا آية من #القرآن_الجميل
#ARK
أو لما يصحيني فجأة قبل الفجر والاقي نفسي ساجد بين إيديه ببكي..
لو ما بدو يغفرلي معقول يحرك لساني لأستغفره؟
أو يصحيني قبل الفجر حتى أقله آسف وأطلب عفوه؟!
.
.
بكل مرة بغلط فيها بفقد الأمل من نفسي، خصوصا إنه بكل مرة بحكي آخر مرة وبرد برجع لنفس الغلط!
بتيجي رحمة ربنا بتدّاركني وبتنتشلني من لحظات اليأس لحسن الظن فيه وبنفسي..
ما قدرت أعد المرات اللي ربنا أعطاني فيها فرص..
تخيلوا إنه ما بين كل صلاة وصلاة كفارة لما بينهم..
وكمان ما بين الجمعة والجمعة
ومن رمضان لرمضان..
وبكل مرة بقرر فيها أوقف بين إيديه بسامحني..
شو بحب أصرّ عليه يغفرلي..
شو بحب شعور لما أقله مش إنت يا رب بتحكيلنا مين عنده ذنب أغفرله؟!
هي أنا عندي ذنوب كثيرة..
رح تغفرلي؟
حاشاك وإنت الكريم تردني وما تغفرلي..
وبكل مرة ومع أول دمعة بقذف في قلبي شعور إنه غفرلي!
.
.
-----------------------
تعلق شيخ من أعراب طيء بأستار الكعبة ودعا:
"اللهم إن استغفاري مع إصراري لؤم، وإن تركي الاستغفار مع علمي بسعة عفوك لعجز،
فكم تتحبَّب إليّ بالنعم مع غناك عني، وأتبغّض إليك بالمعاصي مع فقري إليك،
يا من إذا وعد وفى، وإذا توعّد تجاوز وعفى،
أدخل عظيم جُرمي في عظيم عفوك يا أرحم الراحمين.
<3
* هالمرة دوركم تختاروا آية من #القرآن_الجميل
#ARK
❤1
ممكن أغلبكم شاف فيديوهات (للجنازة الراقصة)^^
مجموعة من الأفارقة حاملين نعش وبرقصوا..
هالفرقة في غانا وهدفهم يخففوا عن أهل الميت حزنهم..
يعني خلص بكفي دراما ودموع وكآبة ونكد وعياط..خلينا نرقص ^^
والسؤال المهم: إذا هيك بعملوا في الجنائز، شو بعملوا في الأعراس؟ : ))
وعفكرة ^^
طقوس الموت والجنائز والحياة بعد الموت على مرّ التاريخ غريبة وعجيبة..
يعني عند قدماء الإغريق كانوا يحطوا قطعة معدنية بفم الميت، لإنهم كانوا يعتقدوا إنه "شارون" رح يطلب من الميت أجر على عمله.
"شارون" كانت وظيفته ينقل الموتى من نهر "ستيكس" لمملكة "هاديس" اللي فيها بمكثوا الموتى بانتظار الحكم على مصيرهم الأبدي!
والقدماء المصريين كانوا ينتزعوا أحشاء الميت ويتركوا قلبه، لانه القلب باعتقادهم هو الشيء الوحيد اللي رح يتم وزنه من قبل الآلهة بعد البعث.
والفايكنج كانوا يقتلوا خدّام السيد اللي مات حتى يخدموه بعد موته!
وعند بلاد الغال كانوا يدفنوا الموتى محمّلين برسائل لأحبابهم اللي ماتوا قبلهم..
وعند الهندوس والبوذيين وكثير من وثنيي إفريقيا بعتقدوا إنه الروح ما بتروح لعالم آخر، لكنها بتحل في جسم وليد جديد..
وحسب أعمالك الصالحة أو الطالحة يتم اختيار الحاضن الجديد لروحك..
يعني ممكن تكون في جسد رئيس قبيلة لو كنت منيح..
ولو كنت عاطل فممكن تكون في جسد صرصور شرير بخوّف البنات..
وممكن بأي لحظة واحد يدعس عليك ويفعصك بالغلط أو مش بالغلط ^^
.
.
.
وفي نموذج ما بقل سخرية عن النماذج السابقة!
نموذج بنظر للإنسان كمادة فقط، وسخ كيميائي، نفايات نجمية، لا شيء!
وما دام الإنسان حياته عبثية وبلا معنى، فموته أيضًا ما رح يقل عبثية!
هالنموذج بطلب منّك تغمض عيونك عسيرة الموت..
ما تفكر بأي حياة أخرى بعده..
نفس فكرة لما تغمض عيونك وإنت بالملاهي حتى ما تخاف..!
.
.
إحنا كمسلمين قدّم إلنا القرآن تصور واضح عن الموت والحياة بعده..
بننظر للموت نظرة إجلال ورهبة وخوف ورجاء..
بننظر للموت كمحطة بتنقلنا لعالم آخر أبدي..
عالم رح نشهد فيه رحمة ربنا..
عالم رح يقتص ربنا بعدله من كل حد ظلمنا..
رح يجمعنا بأحبابنا وأهلنا..
رح يغفر إلنا ذنوبنا وأخطائنا..
وما حد غيره رح يعوضنا وينصفنا <3
.
.
اللَّهُ لَا إِلَٰهَ إِلَّا هُوَ ۚ لَيَجْمَعَنَّكُمْ إِلَىٰ يَوْمِ الْقِيَامَةِ لَا رَيْبَ فِيهِ ۗ
وَمَنْ أَصْدَقُ مِنَ اللَّهِ حَدِيثًا ؟!
#القرآن_الجميل
#ARK
مجموعة من الأفارقة حاملين نعش وبرقصوا..
هالفرقة في غانا وهدفهم يخففوا عن أهل الميت حزنهم..
يعني خلص بكفي دراما ودموع وكآبة ونكد وعياط..خلينا نرقص ^^
والسؤال المهم: إذا هيك بعملوا في الجنائز، شو بعملوا في الأعراس؟ : ))
وعفكرة ^^
طقوس الموت والجنائز والحياة بعد الموت على مرّ التاريخ غريبة وعجيبة..
يعني عند قدماء الإغريق كانوا يحطوا قطعة معدنية بفم الميت، لإنهم كانوا يعتقدوا إنه "شارون" رح يطلب من الميت أجر على عمله.
"شارون" كانت وظيفته ينقل الموتى من نهر "ستيكس" لمملكة "هاديس" اللي فيها بمكثوا الموتى بانتظار الحكم على مصيرهم الأبدي!
والقدماء المصريين كانوا ينتزعوا أحشاء الميت ويتركوا قلبه، لانه القلب باعتقادهم هو الشيء الوحيد اللي رح يتم وزنه من قبل الآلهة بعد البعث.
والفايكنج كانوا يقتلوا خدّام السيد اللي مات حتى يخدموه بعد موته!
وعند بلاد الغال كانوا يدفنوا الموتى محمّلين برسائل لأحبابهم اللي ماتوا قبلهم..
وعند الهندوس والبوذيين وكثير من وثنيي إفريقيا بعتقدوا إنه الروح ما بتروح لعالم آخر، لكنها بتحل في جسم وليد جديد..
وحسب أعمالك الصالحة أو الطالحة يتم اختيار الحاضن الجديد لروحك..
يعني ممكن تكون في جسد رئيس قبيلة لو كنت منيح..
ولو كنت عاطل فممكن تكون في جسد صرصور شرير بخوّف البنات..
وممكن بأي لحظة واحد يدعس عليك ويفعصك بالغلط أو مش بالغلط ^^
.
.
.
وفي نموذج ما بقل سخرية عن النماذج السابقة!
نموذج بنظر للإنسان كمادة فقط، وسخ كيميائي، نفايات نجمية، لا شيء!
وما دام الإنسان حياته عبثية وبلا معنى، فموته أيضًا ما رح يقل عبثية!
هالنموذج بطلب منّك تغمض عيونك عسيرة الموت..
ما تفكر بأي حياة أخرى بعده..
نفس فكرة لما تغمض عيونك وإنت بالملاهي حتى ما تخاف..!
.
.
إحنا كمسلمين قدّم إلنا القرآن تصور واضح عن الموت والحياة بعده..
بننظر للموت نظرة إجلال ورهبة وخوف ورجاء..
بننظر للموت كمحطة بتنقلنا لعالم آخر أبدي..
عالم رح نشهد فيه رحمة ربنا..
عالم رح يقتص ربنا بعدله من كل حد ظلمنا..
رح يجمعنا بأحبابنا وأهلنا..
رح يغفر إلنا ذنوبنا وأخطائنا..
وما حد غيره رح يعوضنا وينصفنا <3
.
.
اللَّهُ لَا إِلَٰهَ إِلَّا هُوَ ۚ لَيَجْمَعَنَّكُمْ إِلَىٰ يَوْمِ الْقِيَامَةِ لَا رَيْبَ فِيهِ ۗ
وَمَنْ أَصْدَقُ مِنَ اللَّهِ حَدِيثًا ؟!
#القرآن_الجميل
#ARK
هالميثاق عهد بينك وبين الله!
توقيع هالميثاق بكون من خلال كتابتك في التعليقات: #ميثاق.
أو من خلال بوست على صفحتك بحتوي صورة الميثاق.
ويُفضل من خلال التعليقات تشهِد مجموعة من معارفك على توقيعك لهذا الميثاق.
ومش غلط تطلب منهم كمان يوقعوا..
حتى دائمًا تذكّروا بعضكم البعض فيه..
وحتى ما تنسوا بيوم إنه كان في عهد بينكم وبين الله..
- ثمن هالميثاق إنك تتصدق بدنيار واحد متى ما قدرت.
.
.
بتمنى قلبك يكون حاضر لحظة توقيعه.
وبتمنى في اللحظة اللي بتضعف فيها وبتنقض أحد بنوده إنك من لحظتها تتوب وترجع لربنا وتجدد العهد بينك وبينه..
وأرجوك..ما تيأس بيوم من رحمة الله!
.
.
توقيعك لهذا الميثاق يعني إنك بتظهر لربنا حرصك وصدقك وأملك برحمته..
يعني إنك رغم ضعفك وتقصيرك إلا إنك لسه بتحبه..
وإنه صح الحياة صعبة وفيها فتن كثيرة..
لكنك محسن الظن فيه إنه ما يقبض روحك إلا وإنت على دينه.. <3
#ميثاق
#ARK
توقيع هالميثاق بكون من خلال كتابتك في التعليقات: #ميثاق.
أو من خلال بوست على صفحتك بحتوي صورة الميثاق.
ويُفضل من خلال التعليقات تشهِد مجموعة من معارفك على توقيعك لهذا الميثاق.
ومش غلط تطلب منهم كمان يوقعوا..
حتى دائمًا تذكّروا بعضكم البعض فيه..
وحتى ما تنسوا بيوم إنه كان في عهد بينكم وبين الله..
- ثمن هالميثاق إنك تتصدق بدنيار واحد متى ما قدرت.
.
.
بتمنى قلبك يكون حاضر لحظة توقيعه.
وبتمنى في اللحظة اللي بتضعف فيها وبتنقض أحد بنوده إنك من لحظتها تتوب وترجع لربنا وتجدد العهد بينك وبينه..
وأرجوك..ما تيأس بيوم من رحمة الله!
.
.
توقيعك لهذا الميثاق يعني إنك بتظهر لربنا حرصك وصدقك وأملك برحمته..
يعني إنك رغم ضعفك وتقصيرك إلا إنك لسه بتحبه..
وإنه صح الحياة صعبة وفيها فتن كثيرة..
لكنك محسن الظن فيه إنه ما يقبض روحك إلا وإنت على دينه.. <3
#ميثاق
#ARK
امبارح كان غدانا دوالي ^^
أو ورق عنب، يلنجي، بيرق، أو دولمة بالتركي..
اختلفت الأسماء والطعم واحد بجنن : ))
وإحنا عالغدا بحكي لأهلي: عمره خطر ببالكم ليش الدوالي بتكون معروشة؟
يعني ليه ينعمل إلها معرّش، ليه ما يتركوها عالأرض تمد لحالها؟؟
حتى في القرآن:
وَهُوَ الَّذِي أَنشَأَ جَنَّاتٍ مَّعْرُوشَاتٍ وَغَيْرَ مَعْرُوشَاتٍ وَالنَّخْلَ وَالزَّرْعَ مُخْتَلِفًا أُكُلُهُ..
ولا حد عبرني طبعا ^^
فأنا جاوبت حالي من حالي..
قلتلهم ببساطة لإنه ورق العنب لو كان عالأرض رح يتمدد بلا اتجاه، ورح يستهلك أوراقه الحلزون واليرقات، وبالتالي فش دوالي.. ^^
.
.
هالموقف العائلي البسيط على مائدة الطعام واللي كنت فيه بحكي مع حالي، خلاني أفكر بإشي عزيزي القارىء..
هل تعلم إنه الإنسان بطبيعته كائن متسلق و (متشعبط) ومتمدد زيّه زي الدوالي ^^
ولو انترك هيك حر بدون تقليم وتحديد رح يمتد ويخرّب ويصير مؤذي..
ولو انترك عالأرض رح يتآكل تماما ويفنى!
هون بيجي دور الوحي ^^
بقيدك وبحددك بإطار التشريعات حتى يحفظك ويحفظ غيرك..
وبرفعـــــك عن الأرض حتى ما تتآكل روحك!
القرآن بوضّح هالفكرة تمامًا وبضرب إلنا مثال بشخص ربنا رفعه بالوحي!
لكنه للأسف أبى إلا إنه يلازم الأرض..
وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ (175) وَلَوْ شِئْنَا لَرَفَعْنَاهُ بِهَا وَلَٰكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ..
.
.
.
حتى القرآن لما يحكيلنا عن الهدى والضلال مثلا:
قُلْ مَن يَرْزُقُكُم مِّنَ السَّمَاوَاتِ وَالْأَرْضِ ۖ قُلِ اللَّهُ ۖ
وَإِنَّا أَوْ إِيَّاكُمْ (لَعَلَىٰ هُدًى) أَوْ (فِي ضَلَالٍ) مُّبِينٍ.
في الكلام عن الهــــدى استخدم "علـى" الدالة على الاستعلاء والإرتفاع..
في الكلام عن الضلال استخدم "فـــي" الدالة على الإنخفاض والإنغمار..
.
.
.
وشكرا ^^ : ))
#القرآن_الجميل
#ARK
أو ورق عنب، يلنجي، بيرق، أو دولمة بالتركي..
اختلفت الأسماء والطعم واحد بجنن : ))
وإحنا عالغدا بحكي لأهلي: عمره خطر ببالكم ليش الدوالي بتكون معروشة؟
يعني ليه ينعمل إلها معرّش، ليه ما يتركوها عالأرض تمد لحالها؟؟
حتى في القرآن:
وَهُوَ الَّذِي أَنشَأَ جَنَّاتٍ مَّعْرُوشَاتٍ وَغَيْرَ مَعْرُوشَاتٍ وَالنَّخْلَ وَالزَّرْعَ مُخْتَلِفًا أُكُلُهُ..
ولا حد عبرني طبعا ^^
فأنا جاوبت حالي من حالي..
قلتلهم ببساطة لإنه ورق العنب لو كان عالأرض رح يتمدد بلا اتجاه، ورح يستهلك أوراقه الحلزون واليرقات، وبالتالي فش دوالي.. ^^
.
.
هالموقف العائلي البسيط على مائدة الطعام واللي كنت فيه بحكي مع حالي، خلاني أفكر بإشي عزيزي القارىء..
هل تعلم إنه الإنسان بطبيعته كائن متسلق و (متشعبط) ومتمدد زيّه زي الدوالي ^^
ولو انترك هيك حر بدون تقليم وتحديد رح يمتد ويخرّب ويصير مؤذي..
ولو انترك عالأرض رح يتآكل تماما ويفنى!
هون بيجي دور الوحي ^^
بقيدك وبحددك بإطار التشريعات حتى يحفظك ويحفظ غيرك..
وبرفعـــــك عن الأرض حتى ما تتآكل روحك!
القرآن بوضّح هالفكرة تمامًا وبضرب إلنا مثال بشخص ربنا رفعه بالوحي!
لكنه للأسف أبى إلا إنه يلازم الأرض..
وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ (175) وَلَوْ شِئْنَا لَرَفَعْنَاهُ بِهَا وَلَٰكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ..
.
.
.
حتى القرآن لما يحكيلنا عن الهدى والضلال مثلا:
قُلْ مَن يَرْزُقُكُم مِّنَ السَّمَاوَاتِ وَالْأَرْضِ ۖ قُلِ اللَّهُ ۖ
وَإِنَّا أَوْ إِيَّاكُمْ (لَعَلَىٰ هُدًى) أَوْ (فِي ضَلَالٍ) مُّبِينٍ.
في الكلام عن الهــــدى استخدم "علـى" الدالة على الاستعلاء والإرتفاع..
في الكلام عن الضلال استخدم "فـــي" الدالة على الإنخفاض والإنغمار..
.
.
.
وشكرا ^^ : ))
#القرآن_الجميل
#ARK
❤1
آرك | ARK = "الفلك" .. فلك سيدنا نوح عليه السلام ..
وَاصْنَعْ الْفُلْك بِأَعْيُنِنَا وَوَحْينَا
اركب معنا = Embark With Us
وَهِيَ تَجْرِي بِهِمْ فِي مَوْجٍ كَالْجِبَالِ وَنَادَىٰ نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَب مَّعَنَا
------------------
إصدارات ARK (حسن باشا)
#كتاب_شهوة
كيف نخوض معارك الشهوات بطريقة أكثر وعيًا
https://cutt.us/chIzA
#كتاب_شبهة
تساؤلات الشباب عن الله والدين والشر
https://cutt.us/d4Waq
والكتب متوفرة لدى مركز الفرسان "العبدلي"
--------------------
*قناة التيلجرام:
https://t.me/ArkEmbarkwithus
---------------------
*فيديو هذا النــــور:
https://cutt.us/jbChX
#ARK
#EmbarkWithUS
#القرآن_الجميل
وَاصْنَعْ الْفُلْك بِأَعْيُنِنَا وَوَحْينَا
اركب معنا = Embark With Us
وَهِيَ تَجْرِي بِهِمْ فِي مَوْجٍ كَالْجِبَالِ وَنَادَىٰ نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَب مَّعَنَا
------------------
إصدارات ARK (حسن باشا)
#كتاب_شهوة
كيف نخوض معارك الشهوات بطريقة أكثر وعيًا
https://cutt.us/chIzA
#كتاب_شبهة
تساؤلات الشباب عن الله والدين والشر
https://cutt.us/d4Waq
والكتب متوفرة لدى مركز الفرسان "العبدلي"
--------------------
*قناة التيلجرام:
https://t.me/ArkEmbarkwithus
---------------------
*فيديو هذا النــــور:
https://cutt.us/jbChX
#ARK
#EmbarkWithUS
#القرآن_الجميل
❤1