مما قيل:
لا أحب لك الجلوس تحت شجرة الأحزان مقيدةً إلى همومك تنزفين الألم في صمت وتنسين الحياة الرحبة الفسيحة التي بين يديك!
وهذا طريق لا يستطيع الإنسان فيه السير وحده، ولكنه يمضي متوكئًا على فقره لربه وذلته بين يديه؛ لتغشاه نسمات السكينة وتورق في روحه الحياة من جديد..
وربنا تعالى هو الحي الذي به حياة كل شيء، والقيوم القائم على كل شيء يدبره ويكلؤه..
وهو المقيت الذي يعطي كل مخلوق قُوته. فلو أقات قلبكِ قوت السكينة والسعادة، وأقامه من رماد همه حيًا وافر البهجة، فإن هذا هو النعيم العاجل!
والذي قبض روح هذا يحيي روح ذاك، ولعل ما التفتنا إليه بأعين ملأى بالدمع لو حصَّلناه وظفرنا به لبكينا منه وضاقت نفوسنا به.
.
.
.
.
ونظرا لإنه وصلت أسئلة كثيرة متعلقة بهذا الموضوع..
بنصحكم بحلقة بعنوان (تأخر الزواج) لمصطفى حسني على اليوتيوب
لا أحب لك الجلوس تحت شجرة الأحزان مقيدةً إلى همومك تنزفين الألم في صمت وتنسين الحياة الرحبة الفسيحة التي بين يديك!
وهذا طريق لا يستطيع الإنسان فيه السير وحده، ولكنه يمضي متوكئًا على فقره لربه وذلته بين يديه؛ لتغشاه نسمات السكينة وتورق في روحه الحياة من جديد..
وربنا تعالى هو الحي الذي به حياة كل شيء، والقيوم القائم على كل شيء يدبره ويكلؤه..
وهو المقيت الذي يعطي كل مخلوق قُوته. فلو أقات قلبكِ قوت السكينة والسعادة، وأقامه من رماد همه حيًا وافر البهجة، فإن هذا هو النعيم العاجل!
والذي قبض روح هذا يحيي روح ذاك، ولعل ما التفتنا إليه بأعين ملأى بالدمع لو حصَّلناه وظفرنا به لبكينا منه وضاقت نفوسنا به.
.
.
.
.
ونظرا لإنه وصلت أسئلة كثيرة متعلقة بهذا الموضوع..
بنصحكم بحلقة بعنوان (تأخر الزواج) لمصطفى حسني على اليوتيوب
❤2
- أنا مسؤول في فريق تطوعي..أنا بنت ملتزمة جدّا والناس بتستشيرني بأغلاطها..أنا بدرّس في دور قرآن..أنا قائد في الجامعة...أنا الناس كلها بتظن فيي ظن خير...
أنا وانا ....
بــــــــــــس شهوتنا بتغلبنا!
لدرجة إنه أحيانا ما بنشعر بتأنيب الضمير أصلا..
------------
- هارجارد: قائد اجتماعي يشتهر بمحاربته لحقوق الشواذ وضبط وهو يمارس أفعالهم المشينة !
- سبيتزر: الحاكم والمدعي العام في مدينة نيويورك والذي حارب الفساد بلا رحمة، واتضح أنه عميل منتظم في شبكة للتجارة غير شرعية.
- إداواردز: مرشح رئاسي ديمقراطي خاسر بنى حملته على قوة قيمة العائلة، بينما كان يخون زوجته والتي كانت تصارع السرطان !
.......... الخ .
-----------
هاي الأسئلة والقصص بتقودنا لنقطة مهمة جدا وهي:
إنه مش دائما بنستسلم للشهوات لإنه فقدنا السيطرة عليها وما امتلكنا قوة إرادة، لا لا،
في كثير من الاحيان إحنا بنعطي لحالنا الإذن إنه نغلط ونوقع في الشهوات..
وهذا يطلق عليه " بالرخصة الأخلاقية " يعني لما تعمل إشي منيح بتصير أكثر ثقة بنوازعك، وبالتالي بتسمح لنفسك تعمل اشي غلط !
كثير من أعمال الخير اللي بنعملها بتعمينا عن قرارات شريرة في حق أنفسنا راح نتخذها !
فمثلا: الأشخاص اللي بتذكروا مناسبة من المناسبات تبرعوا فيها بكرم، هم أقل بنسبة 60% من الأشخاص اللي ما تذكروا ماضيهم في عمل الخير!
الأشخاص اللي بكون عندهم مجرد نية بالتبرع، بتزيد عندهم الرغبة في مكافاة أنفسهم لما يتسوقوا !
ومش القصد هون لا سمح الله الاساءة للأشخاص اللي وقعوا في هذا الفخ، لكن القصد إنه يتم تنبيههم إنه في فرق بين إنه الشهوة تغلبك بعد محاولاتك وحرصك إنك تتغلب عليها، وبين إنك إنت تتوجه إلها كمكآفاة لنفسك عشان خير قدمته!
وإنه الخير لازم يقودك لخير ثاني، مش يقودك لتبرر لنفسك الغلط.
-----------
وسبحان الله ما أجمل دعاء سيدنا موسى عليه السلام بعد ما قدم خير للبنتين في مدين وسقى إلهم.
لما استراح دعا بدعاء مذهل ومدهش:
ربِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ
.
.
يا رب مع هالخير اللي منحنتني إياه إلا إني مفتقر إلك..
ومفتقر لأعمال خير ثانية تيسّرها إلي !
#القرآن_الجميل
#ARK
#كتاب_شهوة
أنا وانا ....
بــــــــــــس شهوتنا بتغلبنا!
لدرجة إنه أحيانا ما بنشعر بتأنيب الضمير أصلا..
------------
- هارجارد: قائد اجتماعي يشتهر بمحاربته لحقوق الشواذ وضبط وهو يمارس أفعالهم المشينة !
- سبيتزر: الحاكم والمدعي العام في مدينة نيويورك والذي حارب الفساد بلا رحمة، واتضح أنه عميل منتظم في شبكة للتجارة غير شرعية.
- إداواردز: مرشح رئاسي ديمقراطي خاسر بنى حملته على قوة قيمة العائلة، بينما كان يخون زوجته والتي كانت تصارع السرطان !
.......... الخ .
-----------
هاي الأسئلة والقصص بتقودنا لنقطة مهمة جدا وهي:
إنه مش دائما بنستسلم للشهوات لإنه فقدنا السيطرة عليها وما امتلكنا قوة إرادة، لا لا،
في كثير من الاحيان إحنا بنعطي لحالنا الإذن إنه نغلط ونوقع في الشهوات..
وهذا يطلق عليه " بالرخصة الأخلاقية " يعني لما تعمل إشي منيح بتصير أكثر ثقة بنوازعك، وبالتالي بتسمح لنفسك تعمل اشي غلط !
كثير من أعمال الخير اللي بنعملها بتعمينا عن قرارات شريرة في حق أنفسنا راح نتخذها !
فمثلا: الأشخاص اللي بتذكروا مناسبة من المناسبات تبرعوا فيها بكرم، هم أقل بنسبة 60% من الأشخاص اللي ما تذكروا ماضيهم في عمل الخير!
الأشخاص اللي بكون عندهم مجرد نية بالتبرع، بتزيد عندهم الرغبة في مكافاة أنفسهم لما يتسوقوا !
ومش القصد هون لا سمح الله الاساءة للأشخاص اللي وقعوا في هذا الفخ، لكن القصد إنه يتم تنبيههم إنه في فرق بين إنه الشهوة تغلبك بعد محاولاتك وحرصك إنك تتغلب عليها، وبين إنك إنت تتوجه إلها كمكآفاة لنفسك عشان خير قدمته!
وإنه الخير لازم يقودك لخير ثاني، مش يقودك لتبرر لنفسك الغلط.
-----------
وسبحان الله ما أجمل دعاء سيدنا موسى عليه السلام بعد ما قدم خير للبنتين في مدين وسقى إلهم.
لما استراح دعا بدعاء مذهل ومدهش:
ربِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ
.
.
يا رب مع هالخير اللي منحنتني إياه إلا إني مفتقر إلك..
ومفتقر لأعمال خير ثانية تيسّرها إلي !
#القرآن_الجميل
#ARK
#كتاب_شهوة
❤2👍1
مرة إمي وأبوي اختلفوا بشغلة في البيت..
وأنا كنت بفزّع بينهم وعامل فيها الإبن المرضي والعاقل.. ^^
المهم وفي خضم النقاش وتعالي الأصوات اللي عبّت الحارة.. إلا إمي بتحكيلي:
يعني أبوك هو هو...مفكرني متأملة يتغيّر بعد هالعمر؟؟
شو مستني منه وهو بعد أكم يوم من زواجنا صلّى فيي صلاة العشا وقرأ:
يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوهُمْ
امي وقتها صفنت بنص الصلاة إنه بسم الله ماله؟ ههه
.
.
المهم رحت على أبوي وقلتله: قال يابا هالقصة صح؟
يعني سبحان الله من بين 6236 آية في القرآن ما لقيت إلا هالآية؟
طيب وين (وجعل بينكم مودة ورحمة) وين (لتسكنوا إليها) ؟؟
طبعًا وقتها أبوي صفن فيي صفنة غريبة فهمت منها:
حلّ عني إنت وإمك!
وفجأة خطرلي إنه الآية كمان بتحكي (وأولادكم!)
ييييي يعني هو كمان شايفني عدو زي إمي!!
وبلحظة مرّ شريط عمري وقدرت أستوعب ليه أبوي بجحرني من فترة لفترة، وليه بحملني مسؤولية كل خبر عاجل عالجزيرة! وليه دائمًا مُصرّ إني أحد أسباب تخلف النصر!
---------------
رجعت للتفاسير حتى أفهم شو معنى هالآية؟
وكيف أوفّق بينها وبين آيات المودة والرحمة والسكينة..
المهم..
طلع معنى الآية إنه أحيانا أقرب الناس للشخص ممكن يكونوا أعداء إله.
حتى الأزواج والأولاد..
لإنه أحيانا الأهل ممكن يثنوا الشخص عن أعمال خير كان ممكن يعملها..
زي إنه يتصدق أو يجاهد ويهاجر في سبيل الله..
والآية بتحكي (من) مش (كل) أزواجكم وأولادكم!
---------------
رجعت لأبوي وقلتله يابا ترى الآية معناها هيك هيك..
وإنت شكلك فاهم خطأ..
وحاولت قدر الإمكان انتقي عباراتي بشكل أبين فيه حدا فهمان وواعي ومثقف ومش أحد أسباب تخلف النصر زي ما هو شايفني.. ")
وقلتله يابا ترى إحنا مش مانعينك من الصدقة ولا مانعينك من الجهاد في سبيل الله!
عادي والله تصدق وجاهد براحتك ^^
كمان يا سيدي لو سلمنا إنه إحنا أعداء إلك شوف تكملة الآية شو بتحكي:
يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوهُمْ ۚ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ
شفت كيف؟
إحنا مش أعداء والله..
صح يمّة إحنا مش إعداء؟
آه آه مش أعداء!
صفن فينا وقال:
طيب خلص اسكتوا وجعتوا راسي!
------------
.
.
مش قلتلك أبوك هو هو بحياته ما رح يتغير!
:)
#القرآن_الجميل
#ARK
وأنا كنت بفزّع بينهم وعامل فيها الإبن المرضي والعاقل.. ^^
المهم وفي خضم النقاش وتعالي الأصوات اللي عبّت الحارة.. إلا إمي بتحكيلي:
يعني أبوك هو هو...مفكرني متأملة يتغيّر بعد هالعمر؟؟
شو مستني منه وهو بعد أكم يوم من زواجنا صلّى فيي صلاة العشا وقرأ:
يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوهُمْ
امي وقتها صفنت بنص الصلاة إنه بسم الله ماله؟ ههه
.
.
المهم رحت على أبوي وقلتله: قال يابا هالقصة صح؟
يعني سبحان الله من بين 6236 آية في القرآن ما لقيت إلا هالآية؟
طيب وين (وجعل بينكم مودة ورحمة) وين (لتسكنوا إليها) ؟؟
طبعًا وقتها أبوي صفن فيي صفنة غريبة فهمت منها:
حلّ عني إنت وإمك!
وفجأة خطرلي إنه الآية كمان بتحكي (وأولادكم!)
ييييي يعني هو كمان شايفني عدو زي إمي!!
وبلحظة مرّ شريط عمري وقدرت أستوعب ليه أبوي بجحرني من فترة لفترة، وليه بحملني مسؤولية كل خبر عاجل عالجزيرة! وليه دائمًا مُصرّ إني أحد أسباب تخلف النصر!
---------------
رجعت للتفاسير حتى أفهم شو معنى هالآية؟
وكيف أوفّق بينها وبين آيات المودة والرحمة والسكينة..
المهم..
طلع معنى الآية إنه أحيانا أقرب الناس للشخص ممكن يكونوا أعداء إله.
حتى الأزواج والأولاد..
لإنه أحيانا الأهل ممكن يثنوا الشخص عن أعمال خير كان ممكن يعملها..
زي إنه يتصدق أو يجاهد ويهاجر في سبيل الله..
والآية بتحكي (من) مش (كل) أزواجكم وأولادكم!
---------------
رجعت لأبوي وقلتله يابا ترى الآية معناها هيك هيك..
وإنت شكلك فاهم خطأ..
وحاولت قدر الإمكان انتقي عباراتي بشكل أبين فيه حدا فهمان وواعي ومثقف ومش أحد أسباب تخلف النصر زي ما هو شايفني.. ")
وقلتله يابا ترى إحنا مش مانعينك من الصدقة ولا مانعينك من الجهاد في سبيل الله!
عادي والله تصدق وجاهد براحتك ^^
كمان يا سيدي لو سلمنا إنه إحنا أعداء إلك شوف تكملة الآية شو بتحكي:
يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوهُمْ ۚ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ
شفت كيف؟
إحنا مش أعداء والله..
صح يمّة إحنا مش إعداء؟
آه آه مش أعداء!
صفن فينا وقال:
طيب خلص اسكتوا وجعتوا راسي!
------------
.
.
مش قلتلك أبوك هو هو بحياته ما رح يتغير!
:)
#القرآن_الجميل
#ARK
❤1
احكيلي مالك؟
بشو حاس؟
------
لو طلبت منك الآن توصفلي مشاعرك فغالبًا رح توصفلي مشاعرك اللحظية اللي بتمّر فيها وبتعيشها..
وكل واحد رح يعبّر حسب الظرف والحالة اللي بعيشها مؤخرًا..
بس لو طلبت منك توصفلي مشاعرك بشكل عام؟
يعني من غير انفعالات اللحظة الراهنة..
هون رح يصير الموضوع أصعب بكثير..
يعني هي عبارة عن مجموعة من الأفكار والذكريات والمشاعر والحوارات بينك وبين نفسك، وبتتفاوت بين عمقها وسذاجتها..
وقي كل مرة مشاعر مختلفة والموضوع أشبه بأمواج متلاطمة في داخلك..
"سعادة..حب..أمل..يأس..إحباط..اكتئاب..حزن..دموع..خوف..إلخ"
.
.
تخيّل مقدار الراحة النفسية لما تتوجه كل هالمشاعر على اختلافها نحو غاية واحدة!
وما يحرّك دفتها إلا سبب واحد..؟
لما ما يوقف ورا حزنك وفرحك، وحبك وكرهك، ترددك وثقتك، تفاؤلك وقلقك، ملَلَك وحماسك، إلا سبب واحد وهو:
(الله) !
.
.
في المقابل كم رح يزيد مقدار تعاستك وتشتتك وضياعك وتمزقك فيما لو كانت دوافع مشاعرك مختلفة والغايات متعددة!
القرآن دائماً بذكرنا بالراحة النفسية المترتبة على عبادة إله واحد..
وزي ما بنحرص ما نشرك مع ربنا في عبادته أحد..
لازم كمان نحرص ما نشرك في دوافعنا وغاياتنا ومشاعرنا أحد..!
أَأَرْبَابٌ مُتَفَرِّقُونَ خَيْرٌ أَمِ اللَّهُ الْوَاحِدُ الْقَهَّارُ ؟!
.
.
.
بل الله الواحد القهار!
#القرآن_الجميل
#ARK
.
بشو حاس؟
------
لو طلبت منك الآن توصفلي مشاعرك فغالبًا رح توصفلي مشاعرك اللحظية اللي بتمّر فيها وبتعيشها..
وكل واحد رح يعبّر حسب الظرف والحالة اللي بعيشها مؤخرًا..
بس لو طلبت منك توصفلي مشاعرك بشكل عام؟
يعني من غير انفعالات اللحظة الراهنة..
هون رح يصير الموضوع أصعب بكثير..
يعني هي عبارة عن مجموعة من الأفكار والذكريات والمشاعر والحوارات بينك وبين نفسك، وبتتفاوت بين عمقها وسذاجتها..
وقي كل مرة مشاعر مختلفة والموضوع أشبه بأمواج متلاطمة في داخلك..
"سعادة..حب..أمل..يأس..إحباط..اكتئاب..حزن..دموع..خوف..إلخ"
.
.
تخيّل مقدار الراحة النفسية لما تتوجه كل هالمشاعر على اختلافها نحو غاية واحدة!
وما يحرّك دفتها إلا سبب واحد..؟
لما ما يوقف ورا حزنك وفرحك، وحبك وكرهك، ترددك وثقتك، تفاؤلك وقلقك، ملَلَك وحماسك، إلا سبب واحد وهو:
(الله) !
.
.
في المقابل كم رح يزيد مقدار تعاستك وتشتتك وضياعك وتمزقك فيما لو كانت دوافع مشاعرك مختلفة والغايات متعددة!
القرآن دائماً بذكرنا بالراحة النفسية المترتبة على عبادة إله واحد..
وزي ما بنحرص ما نشرك مع ربنا في عبادته أحد..
لازم كمان نحرص ما نشرك في دوافعنا وغاياتنا ومشاعرنا أحد..!
أَأَرْبَابٌ مُتَفَرِّقُونَ خَيْرٌ أَمِ اللَّهُ الْوَاحِدُ الْقَهَّارُ ؟!
.
.
.
بل الله الواحد القهار!
#القرآن_الجميل
#ARK
.
❤2
"جلنار" بنت جامعية عادية زيها زي غيرها..
بتعيش حياة سعيدة ومستقرة نوعًا ما..
ومعظم الناس بقدروها وبحترموها وبكونوا سعيدين بصحبتها..
فجأة!
جلنار وقعت بغلط كبييير..
وهذا الغلط للأسف قلب حياتها تمامًا من حياة الإستقرار والسعادة إلى حياة الشقاء والتعاسة..
وخسرت احترام وتقدير الناس إلها لدرجة إنها فكرت بالإنتحار..
ودايماً بتسأل ربنا الموت لإنها شايفه فيه راحتها وخلاصها!
***
((ملاحظة))
خطأ جلنار كبييير ومستهجن إنه حد زيها يوقع فيه..
وهي بحالها ندمانة وبتتمنى لو ما صار..
لكنه خطأ مش نابع من شرّ كامن فيها.. "لإنها حد مش سيء أو شرير"
يعني خطأ كان نتيجة "إساءة تقدير" أو "زلة في تقدير العواطف والإنفعالات" ..
بنقدر نسميه "كبوة" أو "زلة"..
***
((معلومة))
قصة جلنار نموذج مصغّر جداً من فن كبير اسمه: "فن التراجيديا"!
فكرة هذا الفن إنه بينقل إلنا قصص ومسرحيات بتتناول حياة ناس عادية -زينا زيها- وقعت بخطأ وكانت نتيجته إنقلاب حياتها رأساً على عقب..
وهذا الفن بشترط شروط في صياغة القصة أو المسرحية وبينّها أرسطو وهي باختصار:
- شخصية "البطل"..
وشرط يكون عادي وبمستوى أخلاقي قريب من الجمهور أو القراء، يعني إنسان سهل نلاقي نفسنا فيه بدون أي مشقة.
- ارتكاب خطأ لكن شرط إنه يكون مش نابع من شر كامن فيه وزي ما ذكرت هو أشبه بزلة وإساءة تقدير.
- الحياة للبطل بعد هذا الخطأ عبارة عن شقاء وتعاسة وحسرة وندامة.
***
((معلومة 2))
الهدف من هذا الفن إنه يمد جسور ما بين المذنب وما بين الناس اللي بتدّعي إنها مبرأة من هذا الذنب..
وبنفس الوقت بعلّمنا إنه الناس اللي وقعت بخطأ يفترض نعطف عليها ونصغي إلها وما نتسرع في إطلاق الأحكام عليها..
وبعلمنا التواضع بشأن قدراتنا على تجنب الأخطاء والذنوب والكوارث اللي ممكن تصيبنا، وإنه الموضوع مش بشطارتنا وإنه لو كنا محلهم كان ممكن نوقع بنفس هذا الخطأ..لإنهم في النهاية ناس زينا زيهم وفي كثير شغلات مشتركة بيننا وبينهم..
وهذا خلّى الناس تغادر المسرح أو تغلق القصة وهي معرضة تماماً عن التحدث بنبرة تعالي وسخرية وشماتة بالناس اللي وقعت بأغلاط..
وكانت تستبدلها بتعاطف وشفقة وسؤال: كيف ممكن نساعدهم؟
***
((الخلاصة))
ما في داعي نعرف عن فن التراجيديا حتى نغيّر نظرتنا اتجاه الناس المذنبين اللي ما أحوجهم لدعواتنا وكلامنا حتى ينتشلهم من الحالة اللي صاروا فيها..
القرآن قدّم العزاء للمذنبين في سياقات كثيرة..
وسنة النبي صلى الله عليه وسلم بتعلّمنا كيف نتعامل مع المخطئين والمذنبين..
وكيف لازم بدل ما نشمَت أو نشهّر أو نسخر منهم؛ نسأل ربنا العون والتوبة إلهم..
والثبات والسلامة إلنا..!
.
.
- {إِنَّ اللَّهَ لَا يَغْفِرُ أَن يُشْرَكَ بِهِ وَيَغْفِرُ مَا دُونَ ذَٰلِكَ لِمَن يَشَاءُ ۚ وَمَن يُشْرِكْ بِاللَّهِ فَقَدِ افْتَرَىٰ إِثْمًا عَظِيمًا}
- {وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا}
- {وَلَوْ أَنَّهُمْ إِذ ظَّلَمُوا أَنفُسَهُمْ جَاءُوكَ فَاسْتَغْفَرُوا اللَّهَ وَاسْتَغْفَرَ لَهُمُ الرَّسُولُ لَوَجَدُوا اللَّهَ تَوَّابًا رَّحِيمًا}
- ﴿ فَمَنْ تَابَ مِنْ بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ إِنَّ اللَّهَ غَفُورٌ رَحِيمٌ ﴾
- ﴿ وَإِذَا جَاءَكَ الَّذِينَ يُؤْمِنُونَ بِآيَاتِنَا فَقُلْ سَلَامٌ عَلَيْكُمْ كَتَبَ رَبُّكُمْ عَلَى نَفْسِهِ الرَّحْمَةَ أَنَّهُ مَنْ عَمِلَ مِنْكُمْ سُوءًا بِجَهَالَةٍ ثُمَّ تَابَ مِنْ بَعْدِهِ وَأَصْلَحَ فَأَنَّهُ غَفُورٌ رَحِيمٌ ﴾
- ارحموا تُرحموا، واغفروا يغفر الله لكم !
#القرآن_الجميل
#ARK
بتعيش حياة سعيدة ومستقرة نوعًا ما..
ومعظم الناس بقدروها وبحترموها وبكونوا سعيدين بصحبتها..
فجأة!
جلنار وقعت بغلط كبييير..
وهذا الغلط للأسف قلب حياتها تمامًا من حياة الإستقرار والسعادة إلى حياة الشقاء والتعاسة..
وخسرت احترام وتقدير الناس إلها لدرجة إنها فكرت بالإنتحار..
ودايماً بتسأل ربنا الموت لإنها شايفه فيه راحتها وخلاصها!
***
((ملاحظة))
خطأ جلنار كبييير ومستهجن إنه حد زيها يوقع فيه..
وهي بحالها ندمانة وبتتمنى لو ما صار..
لكنه خطأ مش نابع من شرّ كامن فيها.. "لإنها حد مش سيء أو شرير"
يعني خطأ كان نتيجة "إساءة تقدير" أو "زلة في تقدير العواطف والإنفعالات" ..
بنقدر نسميه "كبوة" أو "زلة"..
***
((معلومة))
قصة جلنار نموذج مصغّر جداً من فن كبير اسمه: "فن التراجيديا"!
فكرة هذا الفن إنه بينقل إلنا قصص ومسرحيات بتتناول حياة ناس عادية -زينا زيها- وقعت بخطأ وكانت نتيجته إنقلاب حياتها رأساً على عقب..
وهذا الفن بشترط شروط في صياغة القصة أو المسرحية وبينّها أرسطو وهي باختصار:
- شخصية "البطل"..
وشرط يكون عادي وبمستوى أخلاقي قريب من الجمهور أو القراء، يعني إنسان سهل نلاقي نفسنا فيه بدون أي مشقة.
- ارتكاب خطأ لكن شرط إنه يكون مش نابع من شر كامن فيه وزي ما ذكرت هو أشبه بزلة وإساءة تقدير.
- الحياة للبطل بعد هذا الخطأ عبارة عن شقاء وتعاسة وحسرة وندامة.
***
((معلومة 2))
الهدف من هذا الفن إنه يمد جسور ما بين المذنب وما بين الناس اللي بتدّعي إنها مبرأة من هذا الذنب..
وبنفس الوقت بعلّمنا إنه الناس اللي وقعت بخطأ يفترض نعطف عليها ونصغي إلها وما نتسرع في إطلاق الأحكام عليها..
وبعلمنا التواضع بشأن قدراتنا على تجنب الأخطاء والذنوب والكوارث اللي ممكن تصيبنا، وإنه الموضوع مش بشطارتنا وإنه لو كنا محلهم كان ممكن نوقع بنفس هذا الخطأ..لإنهم في النهاية ناس زينا زيهم وفي كثير شغلات مشتركة بيننا وبينهم..
وهذا خلّى الناس تغادر المسرح أو تغلق القصة وهي معرضة تماماً عن التحدث بنبرة تعالي وسخرية وشماتة بالناس اللي وقعت بأغلاط..
وكانت تستبدلها بتعاطف وشفقة وسؤال: كيف ممكن نساعدهم؟
***
((الخلاصة))
ما في داعي نعرف عن فن التراجيديا حتى نغيّر نظرتنا اتجاه الناس المذنبين اللي ما أحوجهم لدعواتنا وكلامنا حتى ينتشلهم من الحالة اللي صاروا فيها..
القرآن قدّم العزاء للمذنبين في سياقات كثيرة..
وسنة النبي صلى الله عليه وسلم بتعلّمنا كيف نتعامل مع المخطئين والمذنبين..
وكيف لازم بدل ما نشمَت أو نشهّر أو نسخر منهم؛ نسأل ربنا العون والتوبة إلهم..
والثبات والسلامة إلنا..!
.
.
- {إِنَّ اللَّهَ لَا يَغْفِرُ أَن يُشْرَكَ بِهِ وَيَغْفِرُ مَا دُونَ ذَٰلِكَ لِمَن يَشَاءُ ۚ وَمَن يُشْرِكْ بِاللَّهِ فَقَدِ افْتَرَىٰ إِثْمًا عَظِيمًا}
- {وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا}
- {وَلَوْ أَنَّهُمْ إِذ ظَّلَمُوا أَنفُسَهُمْ جَاءُوكَ فَاسْتَغْفَرُوا اللَّهَ وَاسْتَغْفَرَ لَهُمُ الرَّسُولُ لَوَجَدُوا اللَّهَ تَوَّابًا رَّحِيمًا}
- ﴿ فَمَنْ تَابَ مِنْ بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ إِنَّ اللَّهَ غَفُورٌ رَحِيمٌ ﴾
- ﴿ وَإِذَا جَاءَكَ الَّذِينَ يُؤْمِنُونَ بِآيَاتِنَا فَقُلْ سَلَامٌ عَلَيْكُمْ كَتَبَ رَبُّكُمْ عَلَى نَفْسِهِ الرَّحْمَةَ أَنَّهُ مَنْ عَمِلَ مِنْكُمْ سُوءًا بِجَهَالَةٍ ثُمَّ تَابَ مِنْ بَعْدِهِ وَأَصْلَحَ فَأَنَّهُ غَفُورٌ رَحِيمٌ ﴾
- ارحموا تُرحموا، واغفروا يغفر الله لكم !
#القرآن_الجميل
#ARK
خلينا نفترض إنه رئاسة الجامعة قررت تستبدل (برج الساعة) في الجامعة الأردنية بتمثال منحوت على صورتك وملامحك.
وتكريمًا لجهودك العظيمة والجبارة ما في كلية إلا ومعلّق فيها صورة إلك..
ومدرج الحسن غيروا اسمه لإسمك، وكمان مدرج سمير الرفاعي لعيونك..
ولإنك حد مش قليل أضافوا مادة اجبارية عكل طالب بتتناول سيرتك العطرة..
وهوية الطلاب بتزمّر عالأبواب كلمة من كلامتك بصوتك الشذي والعذب..
وفي سجاد أحمر إلك خصيصا في اللحظة اللي بتقرر فيها تدخل الجامعة..
وفي أمن جامعي بحيط فيك حتى يحميك من المعجبين والمعجبات اللي يحرام في منهم ممكن يغمى عليه بطلتك البهية ووجهك المشرق!
والأغاني اللي بتصدح بالتمجيد إلك وذكر مناقبك بتشتغل بلحظة دخولك..
وأحيانا في كل أوقات الدوام..
.
.
طيّب..وبعدين؟
مبسوط؟
اوك ماشي الكل عرفك وإنت حدا مشهور والكل بعشقك وبموت فيك وبتمنى يصير زيك..
وبعدين؟
*
في الحقيقة (وبعدين) ولا إشي!
الناس مهما حبت شخص وقدّرته بظل إلها حياتها الخاصة وهمومها وأوجاها والآمها اللي بتشغلها عن هذا الشخص..
وأكيد ما رح تتقلب في فراشها وهي بتفكر فيه لإنه اللي فيها مكفيها..
والسؤال:
لو كل الكرة الأرضية اجمعت على حبك واتفقت عليك..
شو ممكن يفيدوك؟
بقدروا يضيفوا لعمرك دقيقة؟ أو يردوا عليك صحتك بعد ما تفقدها؟
بقدروا يدخلوك الجنة؟ أو يحرموا وجهك عن النار؟
الجواب للأسف: لأ.
*
أغلبنا بحب يكون محط أنظار الناس واهتمامها..
وكلنا مفطورين على حب التقدير وكلمة شكرًا من الناس إلنا..
لكن الغلط لما يصير المحرك لأفعالنا وتصرفاتنا وأقوالنا الناس ونظرتهم إلنا..
ومهما يا صديقي بلغت من الشهرة صدّقني الناس رح تنسى..
ولما تموت قلة قليلة رح تتذكرك..
وممكن يتذكروك بعد سنة ويعملوا إلك حفل تأبين وبعدها رح يمضي كل واحد فيهم لحياته..
.
.
شفت كيف فش إشي مستاهل؟
شفت كيف محاولاتك وحرصك عالشهرة مجرد فكرة بائسة رح تعيّشك برعب وقلق وتوتر وضياع حتى لحظة موتك!
***
قالوا قديمًا:
لمصانعة وجه واحد (يعني وجه الله)
تكفك كل الوجوه!
.
.
#ARK
وتكريمًا لجهودك العظيمة والجبارة ما في كلية إلا ومعلّق فيها صورة إلك..
ومدرج الحسن غيروا اسمه لإسمك، وكمان مدرج سمير الرفاعي لعيونك..
ولإنك حد مش قليل أضافوا مادة اجبارية عكل طالب بتتناول سيرتك العطرة..
وهوية الطلاب بتزمّر عالأبواب كلمة من كلامتك بصوتك الشذي والعذب..
وفي سجاد أحمر إلك خصيصا في اللحظة اللي بتقرر فيها تدخل الجامعة..
وفي أمن جامعي بحيط فيك حتى يحميك من المعجبين والمعجبات اللي يحرام في منهم ممكن يغمى عليه بطلتك البهية ووجهك المشرق!
والأغاني اللي بتصدح بالتمجيد إلك وذكر مناقبك بتشتغل بلحظة دخولك..
وأحيانا في كل أوقات الدوام..
.
.
طيّب..وبعدين؟
مبسوط؟
اوك ماشي الكل عرفك وإنت حدا مشهور والكل بعشقك وبموت فيك وبتمنى يصير زيك..
وبعدين؟
*
في الحقيقة (وبعدين) ولا إشي!
الناس مهما حبت شخص وقدّرته بظل إلها حياتها الخاصة وهمومها وأوجاها والآمها اللي بتشغلها عن هذا الشخص..
وأكيد ما رح تتقلب في فراشها وهي بتفكر فيه لإنه اللي فيها مكفيها..
والسؤال:
لو كل الكرة الأرضية اجمعت على حبك واتفقت عليك..
شو ممكن يفيدوك؟
بقدروا يضيفوا لعمرك دقيقة؟ أو يردوا عليك صحتك بعد ما تفقدها؟
بقدروا يدخلوك الجنة؟ أو يحرموا وجهك عن النار؟
الجواب للأسف: لأ.
*
أغلبنا بحب يكون محط أنظار الناس واهتمامها..
وكلنا مفطورين على حب التقدير وكلمة شكرًا من الناس إلنا..
لكن الغلط لما يصير المحرك لأفعالنا وتصرفاتنا وأقوالنا الناس ونظرتهم إلنا..
ومهما يا صديقي بلغت من الشهرة صدّقني الناس رح تنسى..
ولما تموت قلة قليلة رح تتذكرك..
وممكن يتذكروك بعد سنة ويعملوا إلك حفل تأبين وبعدها رح يمضي كل واحد فيهم لحياته..
.
.
شفت كيف فش إشي مستاهل؟
شفت كيف محاولاتك وحرصك عالشهرة مجرد فكرة بائسة رح تعيّشك برعب وقلق وتوتر وضياع حتى لحظة موتك!
***
قالوا قديمًا:
لمصانعة وجه واحد (يعني وجه الله)
تكفك كل الوجوه!
.
.
#ARK
كثير من المشاكل اللي بنمر فيها بتتعقد وبتزداد سوء بسبب عدم مقدرتنا على إنهائها بطريقة سليمة، وهذا بدفعنا لمشاعر القلق والغضب والكره والحقد وبزداد حالنا سوء مع الوقت.
القرآن وبلفتة مدهشة بدفعنا نعالج هالمشكلات اللي بنمر فيها بـــ (الجَمَال)!
وبطلب منّا نتعامل مع هالمشكالات وننهيها بشكل (جميل) عشان نحط حد لكل المشاعر السلبية والمؤذية اللي ممكن نتعرض إلها لاحقًا.
وهذا بخلينا نواصل حياتنا بنفس جديد وبتحرر تام من كل أذى تعرضنا إله سابقًا.
- فَاصْفَحِ الصَّفْحَ الْجَمِيلَ
- وَأُسَرِّحْكُنَّ سَرَاحًا جَمِيلًا
- وَاهْجُرْهُمْ هَجْرًا جَمِيلًا
- فَصَبْرٌ جَمِيلٌ
.
.
.
القرآن يأمرنا:
بالنهايات الجميلة <3 !
#القرآن_الجميل
#ARK
القرآن وبلفتة مدهشة بدفعنا نعالج هالمشكلات اللي بنمر فيها بـــ (الجَمَال)!
وبطلب منّا نتعامل مع هالمشكالات وننهيها بشكل (جميل) عشان نحط حد لكل المشاعر السلبية والمؤذية اللي ممكن نتعرض إلها لاحقًا.
وهذا بخلينا نواصل حياتنا بنفس جديد وبتحرر تام من كل أذى تعرضنا إله سابقًا.
- فَاصْفَحِ الصَّفْحَ الْجَمِيلَ
- وَأُسَرِّحْكُنَّ سَرَاحًا جَمِيلًا
- وَاهْجُرْهُمْ هَجْرًا جَمِيلًا
- فَصَبْرٌ جَمِيلٌ
.
.
.
القرآن يأمرنا:
بالنهايات الجميلة <3 !
#القرآن_الجميل
#ARK
❤1
- بتتذكر لما استيأست وبكيت من كل قلبك..؟
وكنت تتمنى يكون هداك اليوم آخر يوم بحياتك..!
لما صرت تحكيلي معقول رح ييجي يوم أرجع أبتسم فيه عادي؟
لما رمقتني بنظرات تكذيب لما كنت أواسي فيك وأذكرك بلطف ربنا ورحمته..
هيها انتهت هديك الأيام يا صاحبي !
أوعدني ما تنسى..
-تتذكر لما مرة كنا بنحكي عن ستر ربنا؟
وإنه كيف ربنا ستر علينا كثير وكثير..
وكيف لو انكشف ستره عنا كانت رح تستحيل حياتنا لخجل وعار وعذاب!
أوعدني ما تنسى..
- تتذكر لما كنت معصب عشان ما استجابلك ربنا هديك الدعوة..
وقتها لما صرت تتأسف وتستغفر عشانك حكيت بشكل عفوي:معقول الله ما بسمعنا؟!
تتذكر بعدها بفترة لما أجيت عليّ تحكيلي: ربنا بسمعنا وبختار الخير إلنا كمان..الحمدلله ما استجابلي !
اوعدني ما تنسى..
- تتذكر لما الناس كانت بتركض علينا بعد الحادث..
كلهم فكرونا ميتين لما شافوا السيارة..
وكلهم انصدموا لما شافونا عايشين..
وقتها ربنا منحنا فرصة نحكيله فيها عن كثير شغلات: آسف..
اوعدني ما تنسى..
-------------
أوعدني تكون عادل ومنصف وشاكر وحافظ لجميل صنع ربنا فيك..
أوعدني ما تكون صاحب ذاكرة متحيزة ناقمة ما بِعلَق فيها إلا كل ألم وحزن، في الوقت اللي بتطرد فيه كل إشي لطيف..!
أوعدني ما تنسى رحمة ربنا المختبئة بكل وجع ومصيبة.
أوعدني تسمع منيح لصوت العبرة المصاحب لأصوات عبراتنا..
ولصوت البشرى بعد دموعنا وآهاتنا..
.
.
وَإِذَا أَذَقْنَا النَّاسَ رَحْمَةً فَرِحُوا بِهَا وَإِنْ تُصِبْهُمْ سَيِّئَةٌ بِمَا قَدَّمَتْ أَيْدِيهِمْ إِذَا هُمْ يَقْنَطُونَ
أوعدني ما تقنط..
وأوعدني ما تنسى!
#القرآن_الجميل
#ARK
وكنت تتمنى يكون هداك اليوم آخر يوم بحياتك..!
لما صرت تحكيلي معقول رح ييجي يوم أرجع أبتسم فيه عادي؟
لما رمقتني بنظرات تكذيب لما كنت أواسي فيك وأذكرك بلطف ربنا ورحمته..
هيها انتهت هديك الأيام يا صاحبي !
أوعدني ما تنسى..
-تتذكر لما مرة كنا بنحكي عن ستر ربنا؟
وإنه كيف ربنا ستر علينا كثير وكثير..
وكيف لو انكشف ستره عنا كانت رح تستحيل حياتنا لخجل وعار وعذاب!
أوعدني ما تنسى..
- تتذكر لما كنت معصب عشان ما استجابلك ربنا هديك الدعوة..
وقتها لما صرت تتأسف وتستغفر عشانك حكيت بشكل عفوي:معقول الله ما بسمعنا؟!
تتذكر بعدها بفترة لما أجيت عليّ تحكيلي: ربنا بسمعنا وبختار الخير إلنا كمان..الحمدلله ما استجابلي !
اوعدني ما تنسى..
- تتذكر لما الناس كانت بتركض علينا بعد الحادث..
كلهم فكرونا ميتين لما شافوا السيارة..
وكلهم انصدموا لما شافونا عايشين..
وقتها ربنا منحنا فرصة نحكيله فيها عن كثير شغلات: آسف..
اوعدني ما تنسى..
-------------
أوعدني تكون عادل ومنصف وشاكر وحافظ لجميل صنع ربنا فيك..
أوعدني ما تكون صاحب ذاكرة متحيزة ناقمة ما بِعلَق فيها إلا كل ألم وحزن، في الوقت اللي بتطرد فيه كل إشي لطيف..!
أوعدني ما تنسى رحمة ربنا المختبئة بكل وجع ومصيبة.
أوعدني تسمع منيح لصوت العبرة المصاحب لأصوات عبراتنا..
ولصوت البشرى بعد دموعنا وآهاتنا..
.
.
وَإِذَا أَذَقْنَا النَّاسَ رَحْمَةً فَرِحُوا بِهَا وَإِنْ تُصِبْهُمْ سَيِّئَةٌ بِمَا قَدَّمَتْ أَيْدِيهِمْ إِذَا هُمْ يَقْنَطُونَ
أوعدني ما تقنط..
وأوعدني ما تنسى!
#القرآن_الجميل
#ARK
#كتاب_شبهة
تساؤلات الشباب عن الله والدين والشر
تأليف: #ARK #حسن_باشا
وأخيرًا أصبح متوفرًا بصيغة PDF
قراءة ممتعة :D
https://drive.google.com/file/d/12hc0OpsEWWjDR077Noih9yjVmfKuh5TG/view
تساؤلات الشباب عن الله والدين والشر
تأليف: #ARK #حسن_باشا
وأخيرًا أصبح متوفرًا بصيغة PDF
قراءة ممتعة :D
https://drive.google.com/file/d/12hc0OpsEWWjDR077Noih9yjVmfKuh5TG/view
👍1
بدي أطلب منك تتأمل هالصورة..
وبعدها تغمّض عيونك للحظات وتحاول تستحضرها في ذاكرتك..
يا ترى أبصرت ملائكة بيضاء بتتراقص حول الجنان المعتمة؟
ولا أبصرت شياطين سود بتسكن مساحات الجحيم البيضاء؟
-----------
في هالخدعة البصرية بحاول الفنان (موريتس كورنيليس إيشر) يظهر إلنا إنه الحد الفاصل ما بين الخير والشر قابل للاختراق وضبابي.
وبنفس الوقت إنه التحول من الخير للشر مش بالصعوبة اللي كنا بنتخيّلها والعكس.
----------
هالصورة بتساعدنا في فهم بعض القصص اللي مرينا فيها أو سمعنا عنها، عن ناس كانوا مناح وخيّرين وأخلاقيين لكنهم لاحقًا وقعوا في أفعال شريرة وغير أخلاقية.
ممكن المجال ما بتسع لذكر أسباب تحولهم ووقعوهم، لكن بدي إياك تكون وواعي لفكرة إنه تحولك من الخير والشر مش صعب أو مستحيل مثل ما كنت بتعتقد.
وإنه من الجميل إنك تصبو إلى معالي الأمور وتتطمح إلها، لكن بنفس الوقت ما تنسى إنه في منحدر زلق تحت أقدامك..!
.
.
وبالتالي:
من الضروري تكون واعي للحد الضبابي غير الواضح ما بين الخير والشر.
وضروري ما تنسى إنه كل إنسان بمتلك هالجانبين في حياته.
وأرجوك تتخلى عن (أسطورة العصمة) وادّعاء الخير والصلاح، لإنه الإتكاء على هالأسطورة رح يسهّل من سقوطك في الشر لإنك ما كنت حذر بالشكل الكافي.
وبدي إياك تتوقف عن التصوّر إنك لو مريت بالموقف الفلاني رح تتصرف على نحو أخلاقي، لإنه مش بالضرورة تشبه تصوراتك الشيء اللي رح تصير عليه فيما لو مريت فعلًا بالموقف الفلاني.
عشان هيك لازم تخاف وتحذر وتسأل ربنا الثبات والسلامة!
.
.
----------
القرآن دائمًا بذكرنا بحقيقة هالصراع ما بين الخير والشر في نفوسنا..
وبوضح إلنا رصيد الخير والشر الموجودين في كل حد فينا..
والعاقل اللي بتعاهد نفسه وقلبه بكل لحظة..
وبسعى بكل صدق يكشف هالحد الضبابي ما بين الخير والشر في نفسه..
وَنَفْسٍ وَمَا سَوَّاهَا (7) فَأَلْهَمَهَا فُجُورَهَا وَتَقْوَاهَا (8) قَدْ أَفْلَحَ مَن زَكَّاهَا (9) وَقَدْ خَابَ مَن دَسَّاهَا (10)
.
.
.
فتّحت عيونك؟
بتمنى تكون أبصرت الملائكة البيضاء وهي بتتراقص حول الجنان المعتمة..
وبنفس اللحظة أبصرت الشياطين السود اللي بتسكن مساحات الجحيم البيضاء..!
#القرآن_الجميل
#ARK
وبعدها تغمّض عيونك للحظات وتحاول تستحضرها في ذاكرتك..
يا ترى أبصرت ملائكة بيضاء بتتراقص حول الجنان المعتمة؟
ولا أبصرت شياطين سود بتسكن مساحات الجحيم البيضاء؟
-----------
في هالخدعة البصرية بحاول الفنان (موريتس كورنيليس إيشر) يظهر إلنا إنه الحد الفاصل ما بين الخير والشر قابل للاختراق وضبابي.
وبنفس الوقت إنه التحول من الخير للشر مش بالصعوبة اللي كنا بنتخيّلها والعكس.
----------
هالصورة بتساعدنا في فهم بعض القصص اللي مرينا فيها أو سمعنا عنها، عن ناس كانوا مناح وخيّرين وأخلاقيين لكنهم لاحقًا وقعوا في أفعال شريرة وغير أخلاقية.
ممكن المجال ما بتسع لذكر أسباب تحولهم ووقعوهم، لكن بدي إياك تكون وواعي لفكرة إنه تحولك من الخير والشر مش صعب أو مستحيل مثل ما كنت بتعتقد.
وإنه من الجميل إنك تصبو إلى معالي الأمور وتتطمح إلها، لكن بنفس الوقت ما تنسى إنه في منحدر زلق تحت أقدامك..!
.
.
وبالتالي:
من الضروري تكون واعي للحد الضبابي غير الواضح ما بين الخير والشر.
وضروري ما تنسى إنه كل إنسان بمتلك هالجانبين في حياته.
وأرجوك تتخلى عن (أسطورة العصمة) وادّعاء الخير والصلاح، لإنه الإتكاء على هالأسطورة رح يسهّل من سقوطك في الشر لإنك ما كنت حذر بالشكل الكافي.
وبدي إياك تتوقف عن التصوّر إنك لو مريت بالموقف الفلاني رح تتصرف على نحو أخلاقي، لإنه مش بالضرورة تشبه تصوراتك الشيء اللي رح تصير عليه فيما لو مريت فعلًا بالموقف الفلاني.
عشان هيك لازم تخاف وتحذر وتسأل ربنا الثبات والسلامة!
.
.
----------
القرآن دائمًا بذكرنا بحقيقة هالصراع ما بين الخير والشر في نفوسنا..
وبوضح إلنا رصيد الخير والشر الموجودين في كل حد فينا..
والعاقل اللي بتعاهد نفسه وقلبه بكل لحظة..
وبسعى بكل صدق يكشف هالحد الضبابي ما بين الخير والشر في نفسه..
وَنَفْسٍ وَمَا سَوَّاهَا (7) فَأَلْهَمَهَا فُجُورَهَا وَتَقْوَاهَا (8) قَدْ أَفْلَحَ مَن زَكَّاهَا (9) وَقَدْ خَابَ مَن دَسَّاهَا (10)
.
.
.
فتّحت عيونك؟
بتمنى تكون أبصرت الملائكة البيضاء وهي بتتراقص حول الجنان المعتمة..
وبنفس اللحظة أبصرت الشياطين السود اللي بتسكن مساحات الجحيم البيضاء..!
#القرآن_الجميل
#ARK
في البيت تربّيت على إنه "أختي" كل إشي!
يعني ما أحلاني وأنا مفكر مجرد تفكير إني ما أرد عليها..
حتى لو كانت طلباتها غير منطقية، زي مثلاً إنه بدها شاورما بآخر الليل!
واحتمال أتبهدل فيما لو كانت البطاطا باردة!
وأبوي ما بملّ أبدا من تذكيرنا أنا وإخواني إنه ما خلّف غير أختي..
وإنه يا ريت كانت كل خلفته بنات ولا جابنا.. (شكرًا ^^)
أبوي كان شعاره الحديث النبوي:
من ولدت له أنثى فلم يئدها، ولم يهنها، ولم يؤثر ولده عليها أدخله الله بها الجنة.
وبالمناسبة..
لا يعني هذا الإهتمام المبالغ فيه بأختي إنها ضعيفة ومسكينة..
بالعكس هي أنجح حد فينا..
ودايمًا بنفتخر بعلمها ودينها وعطائها..
ولا إنّي بحرص وبخاف عليها لإني مثلًا مش واثق فيها، أو لإني بشوفها ضعيفة وحاب أمارس وصايتي عليها..
أنا ببساطة بهتم وبخاف وبحرص عليها لإنها (أختي) وبحبها!
وبحب دايمًا تعرف إنه إلها أخ مستعد يضحي بحياته عشانها..
.
.
-------------
كشخص هيك تربّى على احترام وتقدير أخته..
واجهت صعوبة في استيعاب وتصوّر آية قرآنية!!
يتَوَارَىٰ مِنَ الْقَوْمِ مِنْ سُوءِ مَا بُشِّرَ بِهِ ۚ أَيُمْسِكُهُ عَلَىٰ هُونٍ أَمْ يَدُسُّهُ فِي التُّرَابِ أَلَا سَاءَ مَا يَحْكُمُونَ.
هالآية وبشكل حركي عجيب بتوصف شخص أجته بنت..
بتوصفه وهو بتوارى من قومه حتى ما يشوفوه وينتبهوا عليه من العار اللي رح يلحقه!
وهو لحظتها بكون أمام خيارين:
1- "أَيُمْسِكُهُ عَلَىٰ هُونٍ ": يخليها عنده بس بمذلة وهوان.
2- " يَدُسُّهُ فِي التُّرَابِ ": يدفنـــــها!
(تنهيدة)!
.
.
.
لا تُهان المرأة إلا في بيت فيه جاهلية !
#القرآن_الجميل
#ARK
يعني ما أحلاني وأنا مفكر مجرد تفكير إني ما أرد عليها..
حتى لو كانت طلباتها غير منطقية، زي مثلاً إنه بدها شاورما بآخر الليل!
واحتمال أتبهدل فيما لو كانت البطاطا باردة!
وأبوي ما بملّ أبدا من تذكيرنا أنا وإخواني إنه ما خلّف غير أختي..
وإنه يا ريت كانت كل خلفته بنات ولا جابنا.. (شكرًا ^^)
أبوي كان شعاره الحديث النبوي:
من ولدت له أنثى فلم يئدها، ولم يهنها، ولم يؤثر ولده عليها أدخله الله بها الجنة.
وبالمناسبة..
لا يعني هذا الإهتمام المبالغ فيه بأختي إنها ضعيفة ومسكينة..
بالعكس هي أنجح حد فينا..
ودايمًا بنفتخر بعلمها ودينها وعطائها..
ولا إنّي بحرص وبخاف عليها لإني مثلًا مش واثق فيها، أو لإني بشوفها ضعيفة وحاب أمارس وصايتي عليها..
أنا ببساطة بهتم وبخاف وبحرص عليها لإنها (أختي) وبحبها!
وبحب دايمًا تعرف إنه إلها أخ مستعد يضحي بحياته عشانها..
.
.
-------------
كشخص هيك تربّى على احترام وتقدير أخته..
واجهت صعوبة في استيعاب وتصوّر آية قرآنية!!
يتَوَارَىٰ مِنَ الْقَوْمِ مِنْ سُوءِ مَا بُشِّرَ بِهِ ۚ أَيُمْسِكُهُ عَلَىٰ هُونٍ أَمْ يَدُسُّهُ فِي التُّرَابِ أَلَا سَاءَ مَا يَحْكُمُونَ.
هالآية وبشكل حركي عجيب بتوصف شخص أجته بنت..
بتوصفه وهو بتوارى من قومه حتى ما يشوفوه وينتبهوا عليه من العار اللي رح يلحقه!
وهو لحظتها بكون أمام خيارين:
1- "أَيُمْسِكُهُ عَلَىٰ هُونٍ ": يخليها عنده بس بمذلة وهوان.
2- " يَدُسُّهُ فِي التُّرَابِ ": يدفنـــــها!
(تنهيدة)!
.
.
.
لا تُهان المرأة إلا في بيت فيه جاهلية !
#القرآن_الجميل
#ARK
❤3
ظلمنا الحُب !
وأفقدناه قيمته وحقيقته وجوهره..
ممكن لما صرنا نربط أي علاقة عابرة فيه..
لما صرنا نستسهل نحكي إنه وقعنا بقصة حب..
وكلمة "بحبك" صارت في حياتنا زي السلام عليكم..
.
.
لما يختلط الحب بالمادة وبغبار دنس الشهوات !
لما يشوبه الزيف والكذب والخداع والوهم..
لما البصر يكون رائد لقلبك..
وغرائزك ورعوناتك هي المحرك لأشواقك..
ببطل اسمه "حب"..!
.
.
بينما لما يكون الحب دافعه القلب..
بسموّه وطهارته ونقائه ووقاره
لما تلقى الروح روحها..
في مهاد السكينة والحياء والعفة..
لما نراعي حدود ربنا..
ونحصّن حالنا بالدعاء والاستعانة بالله إنه يجنبنا كل سوء وكسر وظلم !
لما قلبك يحب بدون ما يتنازل عن أخلاقه ودينه !
.
.
ولما تكون حريص تحافظ عمشاعرك..
وتجاهد وتقاتل حتى تنتشلها من جُب الرذيلة إلى سماء الفضيلة !
بصير اسمه "حب" !
#ARK
وأفقدناه قيمته وحقيقته وجوهره..
ممكن لما صرنا نربط أي علاقة عابرة فيه..
لما صرنا نستسهل نحكي إنه وقعنا بقصة حب..
وكلمة "بحبك" صارت في حياتنا زي السلام عليكم..
.
.
لما يختلط الحب بالمادة وبغبار دنس الشهوات !
لما يشوبه الزيف والكذب والخداع والوهم..
لما البصر يكون رائد لقلبك..
وغرائزك ورعوناتك هي المحرك لأشواقك..
ببطل اسمه "حب"..!
.
.
بينما لما يكون الحب دافعه القلب..
بسموّه وطهارته ونقائه ووقاره
لما تلقى الروح روحها..
في مهاد السكينة والحياء والعفة..
لما نراعي حدود ربنا..
ونحصّن حالنا بالدعاء والاستعانة بالله إنه يجنبنا كل سوء وكسر وظلم !
لما قلبك يحب بدون ما يتنازل عن أخلاقه ودينه !
.
.
ولما تكون حريص تحافظ عمشاعرك..
وتجاهد وتقاتل حتى تنتشلها من جُب الرذيلة إلى سماء الفضيلة !
بصير اسمه "حب" !
#ARK
كان بحكيلي:
صادفت عيلة فقيرة وأشفقت عليها جدًا، وحاولت أجمع إلها تبرعات حتى أساعدها..
جمعت مبلغ بسيط وما قدرت أبدًا أجمع أكثر منه..
وأنا عارف هالعيلة كم وضعها صعب وقديش هي بحاجة..
وأنا راتبي على قدي ويلا يلا مكفيني..
وبيوم من الأيام قلت يا رب لو رزقتي غير أتصدق عليهم وأساعدهم..
مع علمي إنه احتمال تصحلي رزقة احتمال ضعيف جدًا لإنه ما إلي أي مصدر رزق غير راتب شغلي، وما عندي أي شغلة ثانية أو مصلحة بحيث تيجيني منها رزقة..
بس مع ذلك: يا رب
.
.
أيام معدودة تواصل معي أحد أقاربي وسألني لو بعرف أراضي للبيع أو بعرف مكتب عقاري منيح حتى يشتري منه..
وانا دليته على مكتب بعرفه لصحابي فتواصل معهم وما بعرف شو صار بينهم بعدها..
بعد فترة رنوا عليّ المكتب وحكولي تعال استلم عمولتك!
رحت عالمكتب وكانت المفاجأة إنه العمولة مبلغ ضخم جدًا!
يعني لو اشتغلت سنة كاملة ما رح أقدر أحصله..
وما كنت متوقع أبدا إنه قرابتي رح يشتري بهذا المبلغ الضخم أراضي..
لما صارت المصاري بين إيدي وعمري ما امتلكت مبلغ زي هيك دفعة وحدة، ما بعرف شو صارلي حتى نسيت أو تناسيت العيلة الفقيرة اللي قلت يا رب لو رزقتني غير أعطيها!!
وخطرت ببالي كثير أشياء حاب أعملها بهذا المبلغ..
وبررت لنفسي إني لسه شب وبأول حياتي وعليّ كثير التزامات وهالمبلغ جد راح يساعدني..
وحتى ضميري ما يأنبني قررت أتبرع للعيلة الفقيرة مبلغ بسيط جدًا مقارنة بالمبلغ اللي كان بين إيدي..
ما كنت راضي عن حالي وتصرفي، بس هذا اللي صار معي..
.
.
حتى أجت اللحظة اللي فتحت فيها المصحف وطلعت بوجهي هالآية!!!
وَمِنْهُم مَّنْ عَاهَدَ اللَّهَ لَئِنْ آتَانَا مِن فَضْلِهِ لَنَصَّدَّقَنَّ وَلَنَكُونَنَّ مِنَ الصَّالِحِينَ (75) فَلَمَّا آتَاهُم مِّن فَضْلِهِ بَخِلُوا بِهِ وَتَوَلَّوا وَّهُم مُّعْرِضُونَ (76) فَأَعْقَبَهُمْ نِفَاقًا فِي قُلُوبِهِمْ إِلَىٰ يَوْمِ يَلْقَوْنَهُ بِمَا أَخْلَفُوا اللَّهَ مَا وَعَدُوهُ وَبِمَا كَانُوا يَكْذِبُونَ (77)
قشعر بدني من الآية!
قسمًا بالله كانت أول مرة بحياتي بشوفها..
الآية بتوصفني حرفيّا!
بتحكي عني أنا اللي قلت يا رب لو رزقتي غير أتصدق..
بتحكي عني لما بخلت وأخلفت وعدي وعهدي مع الله..
وممكن رح تحكي عني لما النفاق رح يستمكن من قلبي لما آثرت الدنيا على آخرتي!
لا لا يا رب..
انا آسف..
سكرت المصحف ورحت تصدقت بكل المبلغ اللي كان معي..
كنت بركض ركض حتى أثبت لربنا صدقي وإني ما كذبت عليه..
وما ارتحت إلا لما العيلة استلمت المبلغ بدموعها ودعواتها..
.
.
آسف يا رب..
وشكرًا لإنك أنقذت قلبي!
#القرآن_الجميل
#ARK
صادفت عيلة فقيرة وأشفقت عليها جدًا، وحاولت أجمع إلها تبرعات حتى أساعدها..
جمعت مبلغ بسيط وما قدرت أبدًا أجمع أكثر منه..
وأنا عارف هالعيلة كم وضعها صعب وقديش هي بحاجة..
وأنا راتبي على قدي ويلا يلا مكفيني..
وبيوم من الأيام قلت يا رب لو رزقتي غير أتصدق عليهم وأساعدهم..
مع علمي إنه احتمال تصحلي رزقة احتمال ضعيف جدًا لإنه ما إلي أي مصدر رزق غير راتب شغلي، وما عندي أي شغلة ثانية أو مصلحة بحيث تيجيني منها رزقة..
بس مع ذلك: يا رب
.
.
أيام معدودة تواصل معي أحد أقاربي وسألني لو بعرف أراضي للبيع أو بعرف مكتب عقاري منيح حتى يشتري منه..
وانا دليته على مكتب بعرفه لصحابي فتواصل معهم وما بعرف شو صار بينهم بعدها..
بعد فترة رنوا عليّ المكتب وحكولي تعال استلم عمولتك!
رحت عالمكتب وكانت المفاجأة إنه العمولة مبلغ ضخم جدًا!
يعني لو اشتغلت سنة كاملة ما رح أقدر أحصله..
وما كنت متوقع أبدا إنه قرابتي رح يشتري بهذا المبلغ الضخم أراضي..
لما صارت المصاري بين إيدي وعمري ما امتلكت مبلغ زي هيك دفعة وحدة، ما بعرف شو صارلي حتى نسيت أو تناسيت العيلة الفقيرة اللي قلت يا رب لو رزقتني غير أعطيها!!
وخطرت ببالي كثير أشياء حاب أعملها بهذا المبلغ..
وبررت لنفسي إني لسه شب وبأول حياتي وعليّ كثير التزامات وهالمبلغ جد راح يساعدني..
وحتى ضميري ما يأنبني قررت أتبرع للعيلة الفقيرة مبلغ بسيط جدًا مقارنة بالمبلغ اللي كان بين إيدي..
ما كنت راضي عن حالي وتصرفي، بس هذا اللي صار معي..
.
.
حتى أجت اللحظة اللي فتحت فيها المصحف وطلعت بوجهي هالآية!!!
وَمِنْهُم مَّنْ عَاهَدَ اللَّهَ لَئِنْ آتَانَا مِن فَضْلِهِ لَنَصَّدَّقَنَّ وَلَنَكُونَنَّ مِنَ الصَّالِحِينَ (75) فَلَمَّا آتَاهُم مِّن فَضْلِهِ بَخِلُوا بِهِ وَتَوَلَّوا وَّهُم مُّعْرِضُونَ (76) فَأَعْقَبَهُمْ نِفَاقًا فِي قُلُوبِهِمْ إِلَىٰ يَوْمِ يَلْقَوْنَهُ بِمَا أَخْلَفُوا اللَّهَ مَا وَعَدُوهُ وَبِمَا كَانُوا يَكْذِبُونَ (77)
قشعر بدني من الآية!
قسمًا بالله كانت أول مرة بحياتي بشوفها..
الآية بتوصفني حرفيّا!
بتحكي عني أنا اللي قلت يا رب لو رزقتي غير أتصدق..
بتحكي عني لما بخلت وأخلفت وعدي وعهدي مع الله..
وممكن رح تحكي عني لما النفاق رح يستمكن من قلبي لما آثرت الدنيا على آخرتي!
لا لا يا رب..
انا آسف..
سكرت المصحف ورحت تصدقت بكل المبلغ اللي كان معي..
كنت بركض ركض حتى أثبت لربنا صدقي وإني ما كذبت عليه..
وما ارتحت إلا لما العيلة استلمت المبلغ بدموعها ودعواتها..
.
.
آسف يا رب..
وشكرًا لإنك أنقذت قلبي!
#القرآن_الجميل
#ARK
❤2👍1