بهذا الفيديو بعد تشغيل البرنامج .
اول خطوة نفتح قائمة ال Tools نروح ع خيار Board نختار نوع شريحة الاردوينو الي راح نستخدمها كل الانواع راح تكون موجودة ....
ثاني خطوة ع نفس القائمة نروح ع خيار port و نختار المنفذ الخاص بالقطعة الموجودة ، غالبا راح تلكون مكتوب بصف رقمه بين قوسين (arduino )

هذا الكود خاص بالدائرة راح انزللكم فديو خاص بربط وبعدها نشرح كل ايعاز منهم

هاي خريطة نزلتها بسيطه جداً جداً وراح اطبق فيدو وانزللكم

شرح الجزء الثاني من المحاضره الاولى(تعريف اجزاء وقطع الاردوينو)

@yaqeen40

pinMode(8,OUTPUT)
هذا الامر من خلاله نعرف المنفذ و هنا عرفنا على انه منفذ اخراج
لان احنا بالاصل وصلنا بدل القطب الموجب للled لذلك احنا ربطنا حتة من ننطي امر logic 1راح ينطي ٥ فولت و يشتغل

الامر بالاصل عبارة عن
pinMode( نوع المنفذ ، رقم المنفذ )

delay (1000)
هذا الامر يعطي ايعاز بالتأخر لمدة 1000 ميلي ثانية اي (ثانية كاملة) قبل تنفيذ الامر الي بعده
نكدر نغيره حسب الوقت الي نريده احنه بين الاطفاء والتشغيل

هذا الكود اذا طبقتوا نصاً راح يضل الled يشتغل ثانية و بعدها ينطفي ثانية و يرجع يعيد نفس الكود و يضل هيج الى ما لا نهاية
نكدر نغير القيمة بالي يعجبك

هذا التطبيق ع اول مشروع نزلت صوره للخريطة ونزلت الكود
وهذا التطبيق


اذا واجهتكم مشكله راسلوني
@yaqeen40

هسه حالياً بالنسبة للاي اشتروا الغراض حاولو تطبقون هذا الكود بعدها اريد افكاركم .
اريد منكم تفكرون وتكتبون اكواد تنطي طرق مختلفة للتشغيل و حاولوا تستخدمون اكثر من led واحد يعني٢ او ٣

*اذا تضلون بس تكتبون الاكواد الي جاي اكتبها الكم مراح تستفادون شي لان جاي تنقلون منا للاردوينو بس لذلك الي يريد يفتهم لازم بعد ما يطبق الاكواد الي انطيها اله يحاول يفكر بفكرة و يطبقها و حتة اذا بس فكرة و مكدر يطبقها يجيني نحل الفكرة و نكتب الكود الصحيح الها .

اغلبنا يعرف شنو شغلها بس راح اسوي شرح بسيطة للتذكير .
هي مقاومة متغيرة بيها ٣ منافذ المنافذ ال٢ الي ع الاطراف نوصلهم الى فرق جهد معين و ناخذ اشارة من المنفذ الي بالوسط ..
شلون تشتغل ؟
مثلاً ربطنا ب طرف من اطرافها فولتية 5+ و على الطرف الثاني ربطنا 5- هنا صار عدنا فرق الجهد بين الطرفين 10
من نبدي نغير قيمة المقاومة من خلال عتلة التدوير الاشارة الخارجة من المنفذ الي بالسوط تتغير مثلا اذا خليناها اقل ما يمكن راح ينطي اكبر فولتية ممكنة يعني ينطي 5+ بينما اذا خليناها ع اكبر ما يمكن راح تنطي اقل قرآة . بينما اذا صارت بالوسط راح تنطي فولتية 0 .

هاي خريطة الربط

برأيكم شنو شغل هاي الدائرة و هذا الكود مالتها ؟
اسمع ارائكم

طبعاً راح اشرحها اكيد بس اريد اشوف تكدرون تفكرون بيها او لا 🤔 راح افتح مناقشه لمدة 10دقايق

هنا المناقشه

يلا زملائي اريد الكل تناقش حتى نشوف منو ديستفاد ومنو فقط يشاهد بدون تنفيذ

اول شي ربطنا المقاومة المتغيرة المنافذ الي ع الاطراف للGnd و 5V .
و بعها اخذنا من منفذ الاخراج وصلنا الى اول منفذ من منافذ الاشارة التماثلية analog .

و ربطنا الled بشكل عادي مثل الدائرة السابقة الة منفذ ٩