الي ديواجة مشكلة بالتنزيل او منزل البرنامج خلي يتواصل خاص ونشوف شنو المشكلة
@yaqeen40

زين راح انزللكم رابط هنا تحميل مباشر وحملو
بس لازم تفتح تليكرام باللابتوب وتدخل ع الرابط

راح ننتظر الى ان تنزلون برنامج Arduino ide يلة نكمل لان ما نكدر نشرح اذا البرنامج ما موجود

بعدما تكملون تنصيب arduino IDE راح يفتح البرنامج عدكم بهذا الشكل

قسمت الواجهه الى 3 اجزاء

الجزء 1
نكدر نستدعي بي المكاتب الي نحتاجها بالاضافة الى تعريف المتغييرات الي عدنا .
و هم نكدر نسوي بي classes او function حسب الحاجة .

الجزء 2 void setup
هنا نكدر نعرف المنافذ يعني نعرفها راح تكون ادخال او اخراج
و برمجة الحالات الابتدائية ( يعني البرمجة الي تصير هنا ما تتنفذ بس باول لحظات التشغيل الجهاز ) .

الجزء 3 void loop
هو الجزء الي نكتب كود الاوامر و هذا الكود راح يضل يتكرر الى مالانهاية .
هنا نكتب الشروط و التكرار و الاوامر الي نريدها يعني هنا راح نكتب روح الكود .

شلون تعرف القطب الموجب و القطب السالب لل led لازم تعرفوها لان باجر راح نبدي وية اول مشروع عملي

هنا يوضح طريقة التوصيل بين منافذ الBreadboard بحيث الي بالوسط التوصيل افقي كل ٥ منافذ موصولة افقياً بينما الي ع الاطراف التوصيل عمودي للعمود ككل.

صورة لخريطة الربط العملي للدائرة الled

راح نبلش وية اول دائرة عملية و هي من الدوائر البسيطة جداً جداً جداً .
بحيث ناخذ توصيلة من اي منفذ Gnd الى الطرف السالب للled و نأخذ توصيلة من اي منفذ من المنافذ الرقمية الى الطرف الموجب للled .
اني ختاريت المنفذ رقم 8

هذا الجزء الاول من الشرح عن اجزاء الاردوينو
ضروري اي شخص يريد يتعلم يشوف الفيديو...

بهذا الفيديو بعد تشغيل البرنامج .
اول خطوة نفتح قائمة ال Tools نروح ع خيار Board نختار نوع شريحة الاردوينو الي راح نستخدمها كل الانواع راح تكون موجودة ....
ثاني خطوة ع نفس القائمة نروح ع خيار port و نختار المنفذ الخاص بالقطعة الموجودة ، غالبا راح تلكون مكتوب بصف رقمه بين قوسين (arduino )